جالپى ءماجىلىستىڭ رۋحىمەن جۇرت تىلەگىن توعىستىرىپ، كۇش - قۋات ۇيىستىردى

جالپى ءماجىلىستىڭ رۋحىمەن جۇرت تىلەگىن توعىستىرىپ، كۇش - قۋات ۇيىستىردى

− اۆتونوميالى رايوننىڭ ۇگىت - لەكسيا ۇيىرمەسى جەر - جەرگە بارىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىنان ۇگىت - لەكسيا جاسادى

　　11 - ايدىڭ 23 - كۇنى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەلەرى حوتان ايماعى، قۇمىل قالاسى، اقسۋ ايماعى سياقتى جەرلەرگە بارىپ ۇگىت - لەكسيا قيمىلدارىن ورىستەتىپ، قالىڭ كادرلار مەن بۇقاراعا پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن تەرەڭ بايىمداپ، نەگىزگى ساتىداعى پارتيالى كادرلارمەن بەتپە - بەت ءوزارا پىكىرلەسىپ، تۇسىنبەگەن تۇستارىنا جاۋاپ بەرىپ، تۇسىنىك جاساپ، جالپى ءماجىلىس رۋحىنىڭ جۇرت كوڭىلىنە ۇيالاۋىن، كۇش - قۋات ۇيىستىرۋىن ىلگەرىلەتتى.

　　11 - ايدىڭ 23 - كۇنى تۇستەن بۇرىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق حالىق ۇكىمەتى زەرتتەۋ كەڭسەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشىسى ما جيانحۋا قۇمىل قالاسىندا ۇگىت - لەكسيا بايانداماسىن جاسادى. باياندامادا ول باس شۋجي شي جينپيڭنىڭ پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە سويلەگەن ماڭىزدى ءسوزىنىڭ رۋحى جانە جالپى ءماجىلىس قاراپ ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىن» تىعىز ارقاۋ ەتە وتىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندە عىلمي دا جۇيەلى، تەرەڭ ويدى تۇسىنىكتى تىلمەن جەتكىزىپ تۇسىنىك بەردى.

　　تۇستەن كەيىن ما جيانحۋا يجوۋ رايونى حۇيچىڭ اۋىلىنا بارىپ ۇگىت - لەكسيا بايانداماسىن جاسادى ءارى اۋىل ورگان كادرلارى، قىستاق پارتيا ياچەيكا شۋجيلەرى، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ باستىقتارى، حالىق اراسىنان شىققان ۇگىت - لەكسياشىلار سياقتىلارمەن ءوزارا پىكىر اۋىستىردى.

　　”وسى رەتكى ۇگىت - لەكسيا ارقىلى مەن پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى تۋرالى ءتىپتى دە تەرەڭ تۇسىنىككە يە بولدىم، مەن پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن اناعۇرلىم تەرەڭ دە جۇيەلى ۇيرەنەمىن، سونىمەن بىرگە ءار ۇلت بۇقاراسىنا ءتىپتى دە ويداعىداي ۇگىت - لەكسيا جاساپ، ءار ۇلت بۇقاراسىنىڭ ۇيرەنۋ تابىستارىن دامۋدىڭ قوزعاۋشى كۇشىنە اينالدىرۋىنا جەتەكشىلىك ەتىپ، ءار ۇلت بۇقاراسىنىڭ كىرىستەرىن ارتتىرىپ، بايۋ جولىنا تۇسۋىنە مۇمكىندىك جاسايمىن“، - دەدى يجوۋ رايونى حۇيچىڭ اۋىلى التۇن قىستاعى پارتيا ياچەيكاسىنىڭ شۋجيى الىم ابيبول.

　　11 - ايدىڭ 23 - كۇنى تۇستەن كەيىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم قازىنالىق باقىلاۋ كوميتەتى كەڭسەسىنىڭ مەڭگەرۋشىسى، اۆتونوميالى رايوندىق قازىنالىق باقىلاۋ مەڭگەرمەسى پارتيا باسشىلىق گرۋپپاسىنىڭ شۋجيى سالامات مامەتيمىن حوتان قالاسىندا ۇگىت - لەكسيا جاسادى. ول پارتيا 19 - كەزەكتى ورتالىق كوميتەتى بەسىنشى جالپى ءماجىلىسىن اشۋدىڭ كەلەلى ءمانى جانە ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋى، ەكىنشى 100 جىلدىق كۇرەس نىساناسىنا شەرۋ تارتقان جاڭا دامۋ ساتىسىنىڭ كەلەلى ءمانى، ءتيىمدى شارت - جاعدايى جانە ماڭىزدى ەرەكشەلىگى سياقتى جاقتاردا، جالپى ءماجىلىس رۋحىن جۇيەلى، جان - جاقتى ءتۇسىندىردى.

　　”ۇگىت - لەكسيا جوعارى ورەدە شولۋ جاساۋمەن بىرگە، جاندى دا جاناسىمدى بولدى، ءبىزدىڭ كەلەسى قادامداعى قىزمەتتى ىلگەرىلەتۋىمىزگە ايقىن بەتالىس كورسەتتى“. حوتان ايماقتىق اۋىل شارۋاشىلىعى، اۋىل - قىستاق مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى نابيجان ابدۇقادىر ۇگىت - لەكسيانى ەستگەننەن كەيىن تەرەڭ اسەر الدى. ول بىلاي دەدى: ”ءبىز جالپى ءماجىلىس رۋحىن اناعۇرلىم تەرەڭدەي ۇيرەنىپ، جەتە ءتۇسىنىپ، جالپى ءماجىلىس رۋحىمەن شىن مانىندە وي - سانانى قارۋلاندىرىپ، قىزمەتكە جەتەكشىلىك ەتىپ، ساياسي جاۋاپكەرشىلىكتى مىقتاپ ارقالاپ، تاباندىلىقتى ساقتاپ، جاپپاي كەدەيلىكتەن ارىلتۋ مەن اۋىل - قىستاقتى كوركەيتۋدى ءونىمدى ۇشتاستىرۋدى ۇزدىكسىز ىلگەرىلەتىپ، كەدەيلىكتەن ارىلتۋدىڭ تابىسىن بەكەمدەپ، سالىستىرمالى كەدەيلىك ماسەلەسىن شەشۋدىڭ باياندى مەحانيزمىن ورناتامىز، اقاۋسىزداندىرامىز“.

　　11 - ايدىڭ 23 - كۇنى تۇستەن كەيىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم اۋىل شارۋاشىلىق جانە اۋىل - قىستاق كەڭسەسىنىڭ مەڭگەرۋشىسى، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى پارتيا باسشىلىق گرۋپپاسىنىڭ شۋجيى جۋ گاڭ اقسۋ قالاسىندا 2035 - جىلعا دەيىنگى بولاشاقتىق نىسانا جانە ”14 - بەسجىلدىق“ مەزگىلىندەگى ەلىمىز دامۋىنىڭ جەتەكشى باعىتىن، نەگىزگى نىساناسىن، ءتۇيىندى مىندەتىن دۇرىس يگەرۋدى ارقاۋ ەتىپ، جاڭا دامۋ ارناسىن قالىپتاستىرۋ ستراتەگيالىق ويىن جانە ماڭىزدى كۇش سالۋ ءتۇيىنىن مىقتاپ يگەرىپ، پارتيانىڭ جالپى بەتتىك باسشىلىعىنا تاباندى بولىپ، ءار جاقتاعى كۇشتەردى جۇمىلدىرىپ، ”14 - بەسجىلدىق“ جوبانى جانە 2035 - جىلعا دەيىنگى بولاشاقتىق نىسانانى جۇزەگە اسىرۋ ءۇشىن ىنتىماقتاسا كۇرەس جاساۋ جاقتارىندا عىلمي دا جۇيەلى، تەرەڭ ويدى تۇسىنىكتى تىلمەن جەتكىزىپ بايانداما جاساپ، تۇسىنىك بەردى.

　　ساحنادا ۇگىت - لەكسيا جاساۋشىلار تەرەڭ ويدى قاراپايىم تۇسىنىكتى تىلمەن جەتكىزدى، ءتۇسىندىرۋ ۇعىنىقتى بولدى، زالدا وتىرعان تىڭداۋشىلار بار نازارلارىن شوعىرلاندىرىپ، مۇقيات ەستەلىك الدى. ورتاق تانىم ۇيىسىپ، يدەيا ارلەندى. كوپشىلىك ءبىر اۋىزدان مىنالاردى ءبىلدىردى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قازىرگى جانە مۇنان كەيىنگى ءبىر مەزگىلدەگى كەلەلى ساياسي مىندەت ەتىپ، كەڭ كولەمدى ۇگىتتەپ، ۇگىت - لەكسيا جاساپ، قويۋ راي قالىپتاستىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋمەن، تياناقتاندىرۋمەن ۇشتاستىرۋعا تاباندى بولىپ، ۇيرەنۋ ناتيجەسىن قىزمەتتى ىلگەرىلەتۋدىڭ قۋاتتى قوزعاۋشى كۇشىنە اينالدىرىپ، جالپى ءماجىلىستىڭ رۋحىمەن جۇرت تىلەگىن توعىستىرىپ، كۇش - قۋاتتى ۇيىستىرامىز“.