چىن چۋانگو اڭگىمە ءماجىلىستى باسقارىپ اشىپ، قاتىستى جاقتاردان اۆتونوميالى رايوننىڭ ”14 - بەسجىلدىق“ جوباسىن جاساۋ قىزمەتى جونىندە پىكىر - ۇسىنىس الدى
كوپ بولىپ اقىل قوسىپ، كۇش شىعارىپ، جۇرتشىلىقتىڭ اقىل - پاراساتىن شوعىرلاندىرىپ، جوبانى عىلمي، ويداعىداي جاساپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك
لي پىڭشين قاتىناستى
11 - ايدىڭ 18 - كۇنى تۇستەن بۇرىن اۆتونوميالى رايوندىق پارتكومنىڭ شۋجيى چىن چۋانگو اڭگىمە ءماجىلىستى باسقارىپ اشىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، اۆتونوميالى رايوننىڭ ”14 - بەسجىلدىق“ جوباسىن جاساۋ قىزمەتى جونىندە دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى، پارتيادا، توپتا جوق قايراتكەرلەر جانە مامان، وقىمىستىلار، كاسىپكەرلەر ۋاكىلدەرى سياقتى قاتىستى جاقتاردىڭ پىكىرلەرى مەن ۇسىنىستارىن تىڭدادى.
اۆتونوميالى رايوندىق پارتكومنىڭ ورىنباسار شۋجيى لي پىڭشين اڭگىمە ماجىلىسكە قاتىناستى.
اڭگىمە ماجىلىستە اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتىنىڭ مەڭگەرۋشى مۇشەسى دۇڭ شينگۋاڭ، شينجياڭ سانباۋ ساۋدا - ونەركاسىپ توبى شەكتى سەرىكتەستىگىنىڭ القا باستىعى، قوسىمشا باس ديرەكتورى كاڭ حىپيڭ، شينجياڭ چىيۋان تيانحى بۇعالترلىق ءىسورنىنىڭ باس ديرەكتورى جۇرات قۇربان، جۇڭگو عىلىم اكادەمياسى شينجياڭ بولىمشەسىنىڭ باستىعى شياۋ ۋىنجياۋ، شينجياڭ قازىنا - ەكونوميكا داشۋەسىنىڭ ورىنباسار باستىعى گاۋ جىگاڭ، اۆتونوميالى رايوندىق اۋىل شارۋاشىلىعى ماشينالارى مەكەمەسىنىڭ ورىنباسار باستىعى گۇلنار وبۇل، ءۇرىمجى قالالىق ساياسي كەڭەس عىلىم، وقۋ - اعارتۋ، دەنساۋلىق ساقتاۋ، دەنە تاربيە كوميتەتىنىڭ مەڭگەرۋشىسى ءانسار ءسامار، جۇڭگو دەموكراتيالىق وداعى شينجياڭ رايوندىق كوميتەتىنىڭ مەڭگەرۋشى مۇشەسى چىن چي، جۇڭگو گومينداڭ توڭكەرىستىك كوميتەتى شينجياڭ رايوندىق كوميتەتىنىڭ مەڭگەرۋشى مۇشەسى جياڭ پيڭان، جۇڭگو شارۋا - جۇمىسشى دەموكراتيالىق پارتياسى شينجياڭ رايوندىق كوميتەتىنىڭ مەڭگەرۋشى مۇشەسى مىڭ چيڭساي، جۇڭگو دەموكراتيانى ىلگەرىلەتۋ قوعامى شينجياڭ رايوندىق كوميتەتىنىڭ ارناۋلى مىندەتتەگى ورىنباسار مەڭگەرۋشى مۇشەسى سۇن يۇيحۋا، 3 - قىركۇيەك عىلمي قوعامى شينجياڭ رايوندىق كوميتەتىنىڭ مەڭگەرۋشى مۇشەسى جيا ديانزىڭ قاتارلى ۋاكىلدەر جەكە - جەكە لەبىز ءبىلدىرىپ، قىزمەت ءىس جۇزىندىگىمەن بىرلەستىرىپ، ”14 - بەسجىلدىق“ جوبانى جاساۋ سياقتىلار جونىندە پىكىر - ۇسىنىس قويدى.
كوپشىلىكتىڭ لەبىزىن تىڭداعاننان كەيىن چىن چۋانگو بىلاي دەپ اتاپ كورسەتتى: ”14 - بەسجىلدىق“ مەزگىلى − ەلىمىزدىڭ جاڭا، ءتىپتى دە زور دامۋدى جۇزەگە اسىرۋداعى شەشۋشى مەزگىل، سونداي - اق شينجياڭنىڭ قوعام ورنىقتىلىعى جەتىستىكتەرىن بەكەمدەۋدەگى، جوعارى ساپالى دامۋدى ىلگەرىلەتۋدەگى، باياندى تىنىشتىققا قادام تاستاۋىنداعى شەشۋشى مەزگىل. پارتيا ورتالىق كوميتەتى ”14 - بەسجىلدىق“ جوبانى جاساۋعا ايرىقشا ءمان بەردى، باس شۋجي شي جينپيڭ كوپ رەت ماڭىزدى نۇسقاۋ بەردى، پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ”14 - بەسجىلدىق“ مەزگىلىندەگى ەكونوميكالىق، قوعامدىق دامۋ قىزمەتتەرىن جاقسى ىستەۋ جونىندە ستراتەگيالىق ورنالاستىرۋ جاسادى. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، جاڭا دامۋ كەزەڭىندەگى جاڭا ەرەكشەلىكتەردى، جاڭا تالاپتاردى تەرەڭ تانىپ جانە يگەرىپ، جاڭا دامۋ كەزەڭىندەگى جاڭا ورايلارعا، جاڭا سايىستارعا ديالەكتيكالىق ويمەن قاراپ، وراي تانىمى مەن حاۋىپ - قاتەر تانىمىن كۇشەيتىپ، وزگەرىستى ءداپ باسىپ تانۋىمىز، وزگەرىسكە عىلمي توتەپ بەرۋىمىز، وزگەرىسكە ىرىقتىلىقپەن ۇمتىلۋىمىز، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى قۇلشىنا جۇزەگە اسىرۋىمىز كەرەك.
چىن چۋانگو بىلاي دەپ باسا دارىپتەدى: ۇزاق بولاشاقتى كوزدەۋگە، ۇلكەن اۋقىمدى مەڭگەرۋگە تاباندى بولىپ، اشىق كەڭەس الىپ، كوپتىڭ پاراساتىن ساۋلەلەندىرىپ، جالعاستىرۋ مەن جاڭالىق اشۋدىڭ، ۇكىمەت پەن بازاردىڭ، ەسىك اشۋ مەن ءوز كۇشىنە سۇيەنۋدىڭ، دامۋ مەن حاۋىپسىزدىكتىڭ، ستراتەگيا مەن تاكتيكانىڭ قاتىناسىن دۇرىس ءبىر جايلى ەتىپ، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ نىساناسىن، وي جەلىسىن، شارالارىن عىلمي تۇردە ويداعىداي جوسپارلاپ، جاقسى باستاما باستاۋعا، جاقسى قادام تاستاۋعا شىنايى كەپىلدىك ەتۋ كەرەك. ءارقايسى دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ، پارتيادا، توپتا جوق قايراتكەرلەردىڭ جانە مامان - وقىمىستىلاردىڭ، كاسىپكەرلەردىڭ كەڭ كولەمدە بايلانىس جاساۋ، دارىندىلار توپتالۋ، اقىل - پاراسات شوعىرلانۋ سياقتى ارتىقشىلىقتارىن تولىق ساۋلەلەندىرىپ، كوپتەپ اقىل - كەڭەس بەرىپ، ءبىر نيەتپەن سەلبەسىپ ءتۇرلى قىزمەتتەردى جاقسى ىستەۋىن ءۇمىت ەتەمىن. اۆتونوميالى رايوننىڭ قاتىستى تاراۋلارى ءار جاقتىڭ ورتاعا قويعان پىكىرلەرى مەن ۇسىنىستارىن مۇقيات سالالاپ، ىشكەرىلەي زەرتتەپ، بەلسەنە قابىلداپ، كوپ بولىپ اقىل قوسىپ، كۇش سالىپ، جۇرتشىلىقتىڭ اقىل - پاراساتىن شوعىرلاندىرىپ، رايونىمىزدىڭ ”14 - بەسجىلدىق“ جوباسىن بىرگە ويداعىداي جاساپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.
