اۆتونوميالى رايوندىق جوعارى حالىق سوتى مەكەمەسىنىڭ قىزمەتىنەن بايانداما جونىندەگى قاۋلى

شينجياڭ ۇيعۇر اۆتونوميالى رايوندىق 13 - كەزەكتى حالىق قۇرىلتايىنىڭ 2 - ءماجىلىسى سوت مەكەمەسىنىڭ باستىعى باھارگۇل سامەت جاساعان اۆتونوميالى رايوندىق جوعارى حالىق سوتى مەكەمەسىنىڭ قىزمەتىنەن باياندامانى تىڭدادى جانە قارادى. ءماجىلىس اۆتونوميالى رايوندىق جوعارى حالىق سوتى مەكەمەسىنىڭ وتكەن ءبىر جىلداعى قىزمەتتەرىنە رازىلىق ءبىلدىرىپ، باياندامادا العا قويىلعان 2019 - جىلعى قىزمەت ورنالاستىرۋىنا قوسىلىپ، وسى باياندامانى بەكىتۋدى ۇيعاردى.

ءماجىلىس مىنانى تالاپ ەتتى: اۆتونوميالى رايوندىق جوعارى حالىق سوتى مەكەمەسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، اۆتونوميالى رايوندىق 9 - كەزەكتى پارتكومنىڭ التىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ باسشىلىعىندا نەگىزگى زاڭ مەن زاڭدار جۇكتەگەن قىزمەت مىندەتىن ادالدىقپەن وتەپ، ءادىليا ءتۇزىلىسى رەفورماسىن تەرەڭدەتىپ، تىنىش جۇڭگو، زاڭمەن جونگە سالىناتىن جۇڭگو قۇرىلىسىن ىلگەرىلەتىپ، قوعامنىڭ ادىلدىگىن، تۋراشىلدىعىن باتىل قورعاپ، قوعام ورنىقتىلىعى مەن باياندى تىنىشتىقتى ءادىليا جاقتان پارمەندى قامتاماسىز ەتۋ كەرەك.