10 - ايدىڭ 17 - كۇنى تۇڭعىش 2021 - جىل ۇلگىسىندەگى GS4 ءمىنىس كولىگى گۋاڭجوۋ اۆتوكولىك توبى چۋانچي شينجياڭ زاۆودىنان رەسمي توبىمەن ءوندىرىلىپ زاۆودتان شىقتى. سول كۇنگە دەيىن گۋاڭجوۋ اۆتوكولىك توبى چۋانچي شينجياڭ زاۆودى جىلىنا جيىنى 3145 ءمىنىس كولىگىن ءوندىرىپ، 358 ميلليون يۋان ءونىم قۇنىن جاراتتى.
”ىندەتتىڭ ىقپالىنان گۋاڭجوۋ اۆتوكولىك توبى چۋانچي شينجياڭ زاۆودى بيىل جالپى 90 كۇن ءوندىرىس توقتاتتى. 9 - ايدىڭ 3 - كۇنى ءوندىرىس قالپىنا كەلتىرىلگەننەن كەيىن، ءبىز ۇستەمەلەي جۇمىس ىستەپ كەشىككەن مىندەت قارقىنىن ۇتىپ، جىل باسىندا تۇراقتاندىرىلعان 5000 اۆتوكولىك ءوندىرۋ - ساتۋ نىساناسىن ورىنداۋعا شىنايى كەپىلدىك ەتتىك“. گۋاڭجوۋ اۆتوكولىك توبى ءمىنىس كولىك شەكتى سەرىكتەستىگى شينجياڭ بولىمشە سەرىكتەستىگىنىڭ باس ديرەكتورى يان گۇيدۇڭ بىلاي دەدى: قازىر سەرىكتەستىك وندىرگەن اۆتوكولىكتەر باتىس سولتۇستىكتەگى 5 ولكە، اۆتونوميالى رايونعا تولاسسىز تاسىلىپ، ءوندىرۋ مەن ساتۋ بىردەي قاۋىرت بولۋداي جاعداي جارىققا شىقتى.
سونىمەن قاتار، شانشي اۆتوموبيل توبى شەكتى سەرىكتەستىگى شينجياڭ اۆتوموبيل شەكتى سەرىكتەستىگى باس قۇراستىرۋ سەحىنىڭ ءوندىرىس جەلىسىندە جۇمىسشىلار جۇكتى ءوزى تۇسىرەتىن ماشينا مەن شاعىل - توپىراق تاسۋ ماشيناسىن جەدەل قۇراستىرۋدا. 1 - ايدان 8 - ايعا دەيىن بۇل سەرىكتەستىك جيىنى 4285 اۋىر تۇرپاتتى جۇك اۆتوموبيلىن ءوندىرىپ، ساتىپ، سايكەس مەزگىلدەگىدەن ％22 ارتىپ، ءبىر ميلليارد 400 ميلليون يۋاننان استام ءونىم قۇنىن جاراتتى. وسى سەرىكتەستىك جۇمىسشى ۇيىمىنىڭ ءتوراعاسى، جالپىلىق باسقارۋ ءبولىمىنىڭ باستىعى جاڭ جيانچياڭ بىلاي دەدى: ”بيىل سەرىكتەستىك جىلىنا 5500 اۆتوموبيل ءوندىرۋ مىندەتىن ءساتتى ورىنداپ، جىلىنا 6000 اۆتوموبيل ءوندىرۋ نىساناسىن ورىنداۋعا قۇلشىنادى“. بۇل سەرىكتەستىك شينجياڭداعى اۆتوموبيل وندىرۋمەن، جاساۋمەن شۇعىلداناتىن تۇڭعىش كاسىپورىن، 2012 - جىلى 4 - ايدا ءوندىرىس باستاعاننان بەرى جيىنى 23 مىڭ 700 اۋىر تۇرپاتتى جۇك اۆتوموبيلىن ءوندىرىپ، ساتىپ، 7 ميلليارد يۋانعا جۋىق ءونىم قۇنىن جاراتتى.
سوڭعى جىلدارى رايونىمىز اۆتوموبيل ونەركاسىبىن زور كۇشپەن دامىتىپ، تيبىن وزگەرتىپ، دارەجەسىن جوعارىلاتۋدى ۇزدىكسىز ىلگەرىلەتىپ، كاسىپ تىزبەگىنىڭ جوعارعى، تومەنگى بۋىندارىنىڭ دامۋىن جەبەپ، ەكونوميكانىڭ جوعارى ساپالى دامۋىنا پارمەندى تىرەك ازىرلەدى. قازىر رايونىمىزداعى گۋاڭجوۋ اۆتوكولىك توبى ءمىنىس كولىك شەكتى سەرىكتەستىگى شينجياڭ بولىمشە سەرىكتەستىگى، شاڭحاي اۆتوكولىك توبى داجۇڭ (شينجياڭ) اۆتوكولىك شەكتى سەرىكتەستىگى، دۇڭفىڭ ساۋدالىق اۆتوكولىك شينجياڭ شەكتى سەرىكتەستىگى قاتارلىلاردى قامتىعان 11 اۆتوكولىك ءوندىرۋ كاسىپورنىنىڭ ونىمدەرى اۋىر تۇرپاتتى جۇك اۆتوموبيلىن، ارناۋلى اۆتوموبيلدى، ءىرى، ورتا تۇرپاتتى جولاۋشىلار اۆتوموبيلىن جانە نەگىزدىك تۇرپاتتى جەڭىل اۆتوكولىكتى قامتيدى. ءبىر توپ ءىرى اۆتوموبيل كاسىپورىندارىنىڭ شينجياڭعا ىرگە تەبۋى رايونىمىزدىڭ بولات - تەمىر، بالون، جىبىتكىش ماي سياقتى اۆتوموبيل كاسىپ تىزبەگىنىڭ سايكەستى كاسىپورىندارىنىڭ تەز قارقىنمەن دامۋىن جەبەدى.
شۋاڭچيان توبى (شينجياڭ) كۇنلۇن بالون شەكتى سەرىكتەستىگى شانشي اۆتوموبيل توبى شينجياڭ اۆتوموبيل شەكتى سەرىكتەستىگىن بالونمەن قامدايتىن ورىن، الدىڭعى جارتى جىلدا 30 مىڭ سايكەستى بالون ءوندىرىپ، 2019 - جىلعى قامداۋ مولشەرىنەن اسىپ ءتۇستى. شينجياڭ فۋكى مۇناي ونىمدەرى جارنا شەكتى سەرىكتەستىگى جىبىتكىش ماتەريال ءوندىرۋ، زەرتتەپ جاساۋ جانە ساتۋمەن شۇعىلداناتىن كاسىپورىن، شانشي اۆتوموبيل توبىمەن، شاڭحاي اۆتوكولىك توبىمەن، دۇڭفىڭ اۆتوموبيل سەرىكتەستىكتەرىمەن سەلبەستىك ورناتىپ، موتور مايى، ءتىستى دوڭگەلەك مايى سياقتى اۆتوموبيلگە قولدانىلاتىن جىبىتكىش ماي ونىمدەرىن ساتادى، ساتۋ سوماسى كاسىپورىننىڭ تۇتاس جىلدىق ساتۋ جالپى سوماسىنىڭ ％10ىن ۇستايدى.
سونىمەن بىرگە، رايونىمىز جاڭا ەنەرگيالىق اۆتوموبيل كاسىپ سالاسىن بەلسەندىلىكپەن ورنالاستىرىپ، تابيعي گاز پايدالاناتىن اۆتوموبيلدەر مەن ەلەكترمەن قوزعالاتىن اۆتوموبيلدەر، سونداي - اق باسقا تازا ەنەرگيالىق اۆتوموبيلدەر ءوندىرىسىن ءتۇيىندى دامىتتى ءارى جاڭا ەنەرگيالىق اۆتوموبيلدەردىڭ قالا الەۋمەتتىك قاتىناسى، كىرە اۆتوكولىگى سياقتى سالالاردا قولدانىلۋىن بەلسەندىلىكپەن جالپىلاستىرىپ، جاڭا ەنەرگيالىق اۆتوموبيل كاسىپ سالاسى جۇيەسىن جانە ساتۋدان كەيىنگى قىزمەت وتەۋ جۇيەسىن تۇلعالاپ، بازاردا باسەكەلىك قۋاتقا يە جاڭا ەنەرگيالىق اۆتوموبيل ءوندىرىسى جانە وزەكتى بولشەكتەر جاساۋ بازاسىن قالىپتاستىردى.
بيىل 4 - ايدا جيىنى 4 ميلليارد 500 ميلليون يۋان قارجى سالىنعان كۇيتۇن قالاسى جاڭا ەنەرگيالىق اۆتوموبيل تۇتاس كاسىپ سالاسى تىزبەگىندىك ءوندىرىس بازاسىنىڭ قۇرىلىسى باستالدى، بۇل بازا سالىنعاننان كەيىن جىلىنا 1000 جاڭا ەنەرگيالىق جولاۋشىلار كولىگىن، 3000 جاڭا ەنەرگيالىق ارناۋلى اۆتوموبيل ءوندىرىپ، 2 ميلليارد 150 ميلليون يۋان ءونىم قۇنىن جاراتىپ، جاڭادان 700 جۇمىس ورنىن مولايتادى. بۇل نىساننىڭ 1 - مەرزىمدىك قۇرىلىسى مەجەمەن 12 - ايدا اياقتايدى.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى جابدىق ونەركاسىبى باسقارماسىنىڭ ورىنباسار باستىعى جاڭ شياۋچۋان تانىستىرىپ بىلاي دەدى: كەلەسى قادامدا رايونىمىز اۆتوموبيل وندىرەتىن كاسىپورىنداردىڭ جاڭا اۆتوموبيل تۇرپاتتارىن ەنگىزۋىنە، ءونىم جۇيەسى مەن كولەمىن كەڭەيتۋىنە قولداۋ كورسەتىپ جانە سايكەسىپ، اۆتوموبيل ونىمدەرىنىڭ ءىرى ينجەنەريا، ءىرى قۇرىلىس نىساندارىمەن ۇشتاسۋىن كۇشەيتۋگە شابىتتاندىرىپ جانە ىلگەرىلەتىپ، جاڭا بازار كەڭىستىگىن اشادى؛ سونىمەن بىرگە، اۆتوموبيل كاسىپ سالاسىنىڭ شوعىرلانىپ، توپتالىپ دامۋىن توڭىرەكتەي وتىرىپ، جەرگىلىكتى ورىننىڭ سايكەستى كاسىپ سالاسى قۇرىلىسىنا سەلبەسۋىن كۇشەيتىپ، رايونىمىزدىڭ اۆتوموبيل ونەركاسىبىنىڭ جوعارى ساپالى دامۋىن ىلگەرىلەتەدى.
