اقسۋ ايماعى شارۋاشىلىق - ساۋدا ورتاسىن ۇزدىكسىز جاقسارتتى

  تەكسەرىپ بەكىتۋ تەزدەدى، قىزمەت وتەۋ ساپالىلاندى

日期:2020年10月20日
来源:新疆日报
【字体:

”بيىل ءبىز كۇشار قالاسىنا كەلىپ قارجى قوستىق، تىركەۋگە الدىرۋدان نىسان قۇرىلىسىن باستاۋعا دەيىن نەبارى 2 اي ۋاقىت عانا جۇمسادىق. تۇتاس بارىستا كادرلار ىلەسىپ قىزمەت ەتىپ، كومەكتەسىپ ءىس ءبىتىرىپ، ۋاكىلاتان ءىس ءبىتىرىپ، توتەنشە قولايلى بولدى“. 10 - ايدىڭ 18 - كۇنى شينجياڭ چىڭرۇن جينلان بيوعىلىم - تەحنيكا شەكتى سەرىكتەستىگىنىڭ باس ديرەكتورى چىن يەشا تىلشىگە جەرگىلىكتى ۇكىمەتتىڭ قىزمەت وتەۋىنە العىس ايتامىن دەدى.

اقسۋ ايماعى ”تومەنگە بەرۋ، باسقارۋ، قىزمەت وتەۋ“ رەفورماسىن تۇتقا، قىزمەت وتەۋدى ساپالىلاندىرۋدى كىرىسۋ ءتۇيىنى ەتىپ، ”قىزمەت وتەۋ تيبىندەگى“ ۇكىمەت قۇرىلىسىن تىڭعىلىقتى ىلگەرىلەتىپ، شارۋاشىلىق - ساۋدا ورتاسىن ۇزدىكسىز جاقسارتىپ، تەكسەرىپ بەكىتۋدى تەزدەتىپ، قىزمەت وتەۋدى ساپالىلاندىردى.

اقسۋ ايماقتىق پارتكومنىڭ ورىنباسار باس حاتشىسى، ساياسات زەرتتەۋ كەڭسەسىنىڭ مەڭگەرۋشىسى يان حۋا تانىستىرىپ بىلاي دەدى: كاسىپورىندارعا ساياتىن قىزمەت وتەۋ ورەسىن اناعۇرلىم جوعارىلاتۋ ءۇشىن، جىل باسىندا اقسۋ ايماعى كاسىپورىنداردىڭ ءىس ءبىتىرۋ، شارۋاشىلىق قۇرۋىنا ساياتىن اكىمشىلىك تەكسەرىپ بەكىتۋ جانە الەۋمەتتىك قىزمەت وتەۋ ىستەرىن ءبىر - بىردەن سالالاپ، ايماق دارەجەلەس «كاسىپورىندارعا ساياتىن قىزمەت وتەۋ تۇرلەرى ءتىزىمىن» جاساپ جاريالادى، جيىنى 25 ورىنعا ساياتىن 176 ءىستى تۇگەلدەي ينتەرنەتتە بىتىرۋگە بولاتىن ەتتى. سونىمەن بىرگە، كاسىپورىننىڭ اشۋ، قۇرىلىس، ءوندىرىس، شارۋاشىلىق جۇرگىزۋ سياقتى ۇقساماعان جۇمىس باسقىشتارى بويىنشا، «كاسىپورىن بۇقاراسى <ءبىر ءىس توپتاماسى> قىزمەت وتەۋ ىستەرى ءتىزىمىن» جاريالاپ، بىرىكتىرۋ ارقىلى 38 ءتۇرلى كاسىپورىندارعا ساياتىن قىزمەت وتەۋ ”توپتاماسىن“ جاسادى ءارى سولاردىڭ اراسىنان 15 ءتۇرلى جوعارى جيىلىكتى ”توپتامانى“ تاڭداپ الىپ، اۋداندا (قالادا) جالپىلاستىرىپ، قولدانۋعا بەردى، تەكسەرىپ - بەكىتۋ ءتارتىبىن شىن مانىندە ىقشامدادى، ءتۇرلى ءوتىنىش ەتۋ ماتەريالدارى ورتا ەسەپپەن %52.2 ازايىپ، ءىس ءبىتىرۋ ۋاقىت شەگى ورتا ەسەپپەن %51.8 قىسقاردى.

تەزدەتىلگەنى تەك بۇلار عانا ەمەس. كەزەكتە اقسۋ ايماعىنىڭ كاسىپورىنداردى تىزىمدەۋگە، قۇرۋعا جۇمسايتىن ورتاشا ۋاقىتى بۇرىنعى 7 قىزمەت كۇنىنەن كوپ بولۋدان قازىرگى 8. 1 قىزمەت كۇنىنە قىسقارتىلدى، ينجەنەريالىق قۇرىلىس نىسانىن تەكسەرىپ بەكىتۋدە قارجى قوسىلاتىن ينجەنەريانى جوسپارعا الۋدان باستاپ جۇمىس باستاۋدى تەكسەرىپ - بەكىتۋگە دەيىن بۇرىنعى جۇمسالاتىن جارتى جىلدان استام ۋاقىت 80 قىزمەت كۇنى ىشىندە بىتەتىن بولىپ قىسقاردى...

بيىل جىل باسىندا اقسۋ ايماعى «2020 - جىلعى كاسىپورىنعا پايدالى، حالىققا قولايلى قامال الۋ ارەكەت جوباسىن» جاساپ باسىپ تاراتتى، ”كاسىپورىندارعا ساياتىن قىزمەت وتەۋ ارناۋلى زالى“ قۇرىلىسىن شارۋاشىلىق - ساۋدا ورتاسىن اناعۇرلىم جاقسارتۋدىڭ، كاسىپورىندارعا قىزمەت ەتۋدەگى ”ەڭ سوڭعى ءبىر كيلومەتر جولدى“ تۇتاستىرۋدىڭ ماڭىزدى شاراسى ەتتى. اقسۋ ايماقتىق اكىمشىلىك قىزمەت وتەۋ جانە الەۋمەتتىك بايلىق اۋىس - كۇيىس ورتالىعى پارتيا باسشىلىق گرۋپپاسىنىڭ شۋجيى ليۋ چۇن بىلاي دەدى: كەزەكتە ينتەرنەت جەلىسىنەن تىس ”كاسىپورىندارعا ساياتىن قىزمەت وتەۋ ارناۋلى زالى“ قۇرىلىپ بولدى، ينتەرنەت جەلىسىندەگى ارناۋلى زالى جۋىقتا ىسكە قوسىلادى.

”ءبىز ۇلكەن ساندى مالىمەت سياقتى وسىزاماندانعان ينفورماتسيا تەحنيكاسىنان تولىق پايدالانىپ، ناقتى قىزمەت وتەۋ زالى، توراپتا قىزمەت وتەۋ تۇعىرى، جىلجىمالى حابارلاسۋ تەرمينالى سياقتىلاردى بىرلەستىرە وتىرىپ، ينتەرنەت جەلىسىندەگى، ينتەرنەت جەلىسىنەن تىس فۋنكتسيالاردى ءوزارا تولىقتىرىپ، كاسىپورىنداردىڭ ءىس ءبىتىرۋىن، شارۋاشىلىق قۇرۋىن ءتىپتى دە ساپالى، جوعارى ءونىمدى قىزمەت وتەۋمەن قامدادىق“، - دەدى ليۋ چۇن.