بىرنەشە كۇننەن بەرى اۆتونوميالى رايوننىڭ ۇگىت - لەكسيا ۇيىرمەلەرى ايماق، وبلىس، قالالارعا، مەڭگەرمە - مەكەمەلەرگە، جوعارى مەكتەپتەرگە بارىپ، ۇگىت - لەكسيا قيمىلىن ورىستەتتى، ءىس جۇزىندىككە جاناسقان، تەرەڭ وي تۇسىنىكتى تىلمەن جاسالعان لەكسيا تىڭداۋشىلارعا ءبىرتالاي ءبىلىم بەرىپ، بارىنشا جەلپىندىردى. كوپشىلىك مىنالاردى ءبىلدىردى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، تەرەڭ ءتۇسىنىپ، جاپپاي دايەكتىلەندىرىپ، ۇيرەنۋ تابىستارىن ءىس تىندىرىپ، ناتيجە شىعارۋدىڭ قۇدىرەتتى قوزعاۋشى كۇشىنە اينالدىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگوارمانىنىڭ شينجياڭ تاراۋىن كۇش سالا ويداعىداي جازامىز.
10 - ايدىڭ 18 - كۇنى تۇستەن بۇرىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن قورعاس قالاسىنا كەلىپ، رايونداعى (قالا) ءار ۇلت كادرلارىنا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى جونىندە ۇگىت - لەكسيا جاسادى. سول كۇنى تۇستەن كەيىن لي يۇڭجۇن تاعى قورعاس قالاسىنداعى كاسىپكەرلەرمەن بەتپە - بەت پىكىرلەستى، اڭگىمەلەستى.
قورعاس قالالىق ساۋدا ىستەرى مەكەمەسىنىڭ باستىعى كۇڭ دىچىڭ مىنانى ءبىلدىردى: بۇدان كەيىنگى قىزمەتتەردە ءماجىلىس رۋحىمەن تىعىز ۇشتاستىرىپ، قورعاستىڭ ورىن ابزالدىلىعىن ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدى قوزعالتقىش ەتىپ، قورعاستىڭ وزىندىك وڭىرلىك اشىق ستراتەگياسىن مەملەكەتتىڭ باتىسقا ەسىك اشۋ سىندى جالپى تۇلعالىق ورنالاستىرۋىنا ەنگىزىپ، سىرتقا ەسىك اشۋ دانەكەرىن بايىتىپ، سىرتقا ەسىك اشۋ دەڭگەيىن جوعارىلاتىپ، اشىق ەكونوميكالىق تۇزىلىستە جاڭالىق اشىپ، سىرتقا ەسىك اشاتىن تۇعىر مەن ىشكى قۇرلىقتىق ەسىك اشۋدىڭ، شەكارا بويىنداعى ەسىك اشۋدىڭ بەلەسىن سومداۋىمىز كەرەك.
10 - ايدىڭ 18 - كۇنى تۇستەن بۇرىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق حالىق قۇرىلتايى تۇراقتى كوميتەتى قازىنا - ەكونوميكا كوميتەتىنىڭ ورىنباسار مەڭگەرۋشىسى گاۋ جيانلۇڭ شونجى اۋدانىندا ۇگىت - لەكسيا بايانداماسىن جاسادى. سانجى حۇيزۋ اۆتونوميالى وبلىسىنىڭ اۋدان، قالالارى، شونجى اۋدانىنىڭ اۋىل - قالاشىقتارى بولىمشە ءماجىلىس الاڭدارىندا بەينە ەكران فورماسى ارقىلى ۇگىت - لەكسيا بايانداماسىن تىڭدادى.
شونجى اۋداندىق پارتكوم پارتيا مەكتەبىنىڭ ورىنباسار باستىعى چيۋ زىبين ۇگىت - لەكسيانى تىڭداعاننان كەيىن تەرەڭ اسەر الدى، ول بىلاي دەدى: ”پارتيا مەكتەبىنىڭ ءبىر وقىتۋشىسى رەتىندە، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن پارتيا مەكتەبىنىڭ ءتۇرلى باۋلۋ كلاستارىنىڭ وقىتۋ مازمۇنىنا ەنگىزىپ، فورماسى الۋان ءتۇرلى ۇگىت تاسىلدەرى ارقىلى ءماجىلىس رۋحىنىڭ شونجى اۋدانىندا تامىر تارتىپ تياناقتانۋىن ىلگەرىلەتەمىن“.
10 - ايدىڭ 18 - كۇنى تۇستەن بۇرىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، شينجياڭ جازۋشىلار قوعامىنىڭ ورىنباسار ءتوراعاسى ەركەش قۇرمانبەك بۋرىلتوعاي اۋدانىندا پارتيالى كادرلارعا ۇگىت - لەكسيا جاسادى. جان - جاقتىلى، تەرەڭ ۇگىت - لەكسيا، انىق تا جاندى ءتۇسىندىرۋ قالىڭ كادر - بۇقارانىڭ كوپ نارسەنى تۇسىنۋىنە مۇمكىندىك جاسادى.
بۋرىلتوعاي اۋداندىق مادەنيەت، ساياحات مەكەمەسىنىڭ باستىعى نايان بىلاي دەدى: ”ۇگىت - لەكسيانى تىڭداعاننان كەيىن، ’شينجياڭدى مادەنيەتپەن نارلەندىرۋ‘ جونىندە تەرەڭ تۇسىنىككە يە بولدىم. مەن اۋدانىمىزدىڭ بۋرىلتوعاي مادەنيەتى، بالىق مادەنيەتى، قىسقى بالىق اۋلاۋ مادەنيەتى سياقتىلاردى ىشكەرىلەي اشىپ، اناعۇرلىم كوپ، اناعۇرلىم جاقسى ادەبيەت - كوركەمونەر نومىرلەرىن دايىنداپ، اۋىل - قىستاقتاردىڭ ءبىرىنشى شەبىنە جەتكىزەمىن، بۇقارانىڭ وتباسىنا دەيىن جەتكىزەمىن“.
10 - ايدىڭ 18 - كۇنى تۇستەن بۇرىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، شينجياڭ قوعامدىق عىلىمدار اكادەمياسى پارتكومىنىڭ شۋجيى ديڭ شوۋچيڭ يوپۇرعا اۋدانىندا ۇگىت - لەكسيا بايانداماسىن جاسادى.
يوپۇرعا اۋداندىق ساياسي كەڭەستىڭ ءتوراعاسى مامۇت ابدۇرەيىمنىڭ ”جۇڭحۋا ۇلتى ورتاق تۇلعا تانىمىن سومداۋدى نەگىزگى جەلى ەتىپ، ۇلتتاردىڭ ۇلى ىنتىماعىن ۇزدىكسىز بەكەمدەۋگە“ العىسى ايرىقشا. ول بىلاي دەدى: يوپۇرعا اۋدانىنداعى ءار دارەجەلى كادرلار فورماسى الۋان ءتۇرلى، باي مازمۇندى ۇلتتار ىنتىماعىنىڭ بەرەكەلى شاڭىراعى جانە ۇلتتار ىنتىماعى بىرلەسكەن دوستىق قيمىلىن ۇزدىكسىز ىشكەرىلەي ورىستەتىپ، ۇلتتاردىڭ كەڭ كولەمدە ارالاسۋىن، جالپى بەتتىك ىشتەسۋىن، تەرەڭدەي توعىسۋىن جەبەپ، اناردىڭ دانىندەي تىعىز ۇيىستىرادى.
10 - ايدىڭ 18 - كۇنى اۆتونوميالى رايوننىڭ ۇگىت - لەكسيا ۇيىرمەسى ءدوربىلجىن اۋداندىق پارتكوم پارتيا مەكتەبىنە كەلىپ، نەگىزگى ساتى پارتيا مۇشەلەرىنە، كادرلارىنا، بۇقاراسىنا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى جونىندە ۇگىت - لەكسيا جاسادى. اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) ورىنباسار باستىعى (ورىنباسار شۋەيۋان باستىعى) دۋان لياڭ نەگىزگى ساتىنىڭ ءىس جۇزىندىگىمەن ۇشتاستىرىپ، مول مىسالدارمەن كوپشىلىككە ۇگىت - لەكسيا جاسادى.
”ۇگىت - لەكسيانى مۇقيات تىڭداعاننان كەيىن، ادامدى ەرەكشە جىگەرلەندىرەتىندىگىن سەزىندىم“. ءدوربىلجىن اۋداندىق پارتكوم پارتيا مەكتەبىنىڭ ورىنباسار باستىعى چۋان حۇيحۇي بىلاي دەدى: جاڭا داۋىردەگى پارتيانىڭ شينجياڭدى جونگە سالۋ جالپى جوباسى جونىندە اناعۇرلىم تەرەڭ تۇسىنىككە يە بولدىم، بۇدان كەيىن قىزمەت امالياتىممەن ۇشتاستىرىپ، ءبىر جاعىنان، مۇقيات ۇيرەنۋ ارقىلى تۇسىنىكتى تەرەڭدەتىپ، ەندى ءبىر جاعىنان، مۇقيات ساباق دايىنداۋ ارقىلى ويداعىداي ازىرلەنىپ، كوكەيگە توقىتىپ، كوڭىلگە ۇيالاتىپ، ۇيرەنۋدىڭ، دايەكتىلەندىرۋدىڭ كوڭىلگە ۇيالاۋىن، ناقتىلانۋىن ىلگەرىلەتەمىن.
(ءتىلشى لياڭ ليحۋا، قاتىناسقان تىلشىلەر شيا چيڭ، گى يوۋجۇن، تارباعاتاي تىلشىلەر پۋنكتىنەن ۋىن بو، ەرىكتى تىلشىلەر ياڭ بونيڭ، حى لي، ليۋ شينشين، جۋاڭ شياۋپو، حو ران، تاۋ جياڭحۋا)
