رايونىمىزدىڭ اۋىل شارۋاشىلىعىنا پايدالانىلاتىن جەرلەرىنىڭ توپىراق ورتاسى جالپى تۇلعالىق جاقتان جاقسى

日期:2020年10月19日
来源:新疆日报
【字体:

10 - ايدىڭ 15 - كۇنى وتكىزىلگەن ”توپىراقتىڭ لاستانۋىنان زاڭ بويىنشا ساقتانىپ جانە ونى جونگە سالىپ، تازا توپىراقتى قورعاۋ شايقاسىن ويداعىداي جۇرگىزۋگە كۇش ۇستەۋ“ اقپار جاريالاۋ ماجىلىسىنەن ۇعىسۋىمىزشا، رايونىمىزدىڭ اۋىل شارۋاشىلىعىنا پايدالانىلاتىن جەرلەرىنىڭ توپىراق ورتاسى جالپى تۇلعالىق جاقتان جاقسى بولىپ، مەملەكەتتىڭ تەكسەرىپ - وتكىزىپ الۋىنان ءساتتى وتكەن؛ ءتۇيىندى كاسىپ سالالارىنىڭ ءتۇيىندى اۋىر مەتالداردى ىعىستىرۋ مولشەرىن مەملەكەت تالاپ ەتكەن 2020 - جىلى 2013 - جىلداعىدان %2.5 تومەندەتۋ نىساناسى الدىن الا ورىندالعان.

2018 - جىلى 8 - ايدا مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 5 - ءماجىلىسى «جۇڭحۋا حالىق رەسپۋبليكاسىنىڭ توپىراقتىڭ لاستانۋىنان ساقتانۋ جانە ونى جونگە سالۋ زاڭىن» قاراپ ماقۇلدادى. 2020 - جىلى اۆتونوميالى رايوندىق حالىق قۇرىلتايى تۇراقتى كوميتەتى تيانشان قورشاعان ورتانى قورعاۋ ساپارى بويىنشا زاڭ اتقارۋدى تەكسەرۋدىڭ نەگىزگى تاقىرىبىن ”توپىراقتىڭ لاستانۋىنان زاڭ بويىنشا ساقتانىپ جانە ونى جونگە سالىپ، تازا توپىراقتى قورعاۋ شايقاسىن ويداعىداي جۇرگىزۋگە كۇش ۇستەۋ“ دەپ تۇراقتاندىردى ءارى بيىلعى باقىلاۋ قىزمەتىنىڭ ءتۇيىنى رەتىندە تۇراقتى كوميتەتتىڭ 2020 - جىلعى قىزمەت تۇيىنىنەەنگىزدى.

اۆتونوميالى رايوندىق حالىق قۇرىلتايى تۇراقتى كوميتەتى وقۋ - اعارتۋ، عىلىم، مادەنيەت، دەنساۋلىق ساقتاۋ قىزمەت كوميتەتىنىڭ 1 - دارەجەلى شارلاۋشىسى ايشام يۇنۇس بىلاي دەپ تانىستىردى: زاڭنىڭ اتقارىلۋىن تەكسەرۋدى ورىستەتۋ ارقىلى رايونىمىزدىڭ توپىراقتىڭ لاستانۋىنان ساقتانۋ جانە ونى جونگە سالۋ زاڭىن دايەكتىلەندىرۋىنىڭ، اتقارۋىنىڭ جالپى تۇلعالىق جاعدايى جاقسى ەكەنى بايقالدى. زاڭ اتقارىلعان ءبىر جىلدان استام ۋاقىتتان بەرى ءار دارەجەلى ۇكىمەتتەردىڭ جانە قاتىستى تاراۋلاردىڭ، كاسىپورىنداردىڭ جانە جالپى قاۋىمنىڭ توپىراقتىڭ لاستانۋىنان ساقتانۋعا جانە ونى جونگە سالۋعا نازار اۋدارۋى، ءمان بەرۋى نەداۋىر جوعارىلاعان. 2017 - جىلدان بەرى اۆتونوميالى رايوندىق ەكولوگيالىق ورتا تاراۋلارى ءار جىلى «اۆتونوميالى رايوننىڭ توپىراق ورتاسىن ءتۇيىندى تۇردە باقىلاۋ - باسقارۋ كاسىپورىندارى ءتىزىمىن» باسىپ تاراتتى ءارى جالپىلىق توراپ بەكەتىندە قوعامعا اشىق جاريالادى. 2019 - جىلى تۇتاس جىلداعى توپىراق ورتاسىنىڭ لاستانۋى باقىلاپ - تەكسەرىلۋگە ءتيىستى ءتۇيىندى باقىلاپ - باسقارىلاتىن ورىن 96 ورىن - رەت بولىپ، ءىس جۇزىندە 89ى باقىلاپ - تەكسەرىلىپ، باقىلاۋ - تەكسەرىلۋ سالىستىرماسى %92.7كە جەتكەن.

وڭىرلەر، تاراۋلار توپىراق ورتاسىنىڭ ساپاسىن جاقسارتۋدى وزەك ەتىپ، اۋىل شارۋاشىلىق ونىمدەرىنىڭ ساپاسى مەن قونىستانۋ ورتاسىنىڭ حاۋىپسىزدىگىن قامتاماسىز ەتۋدى شىعار ءتۇيىن ەتىپ، زاڭ بويىنشا مىندەت اتقارىپ، جوعارى دەڭگەيدە جوبالاۋ، توپىراقتىڭ لاستانۋ احۋالىنا ەگجەي - تەگجەيلى تەكسەرۋ ورىستەتۋ، قورشاعان ورتانى باقىلاۋ - تەكسەرۋ، ساقتانۋ، جونگە سالۋ، قالپىنا كەلتىرۋ جانە حاۋىپ - قاتەردى باسقارۋ - تىزگىندەۋ، سونداي - اق ساقتانۋ، جونگە سالۋ قۋاتى قۇرىلىسىن كۇشەيتۋ سياقتىلاردى اتقارۋ ارقىلى بۇكىل رايوننىڭ توپىراق ورتاسى ساپاسىنىڭ جالپى تۇلعالىق جاقتان ورنىقتى بولۋىنا شىنايى كەپىلدىك ەتىپ، توپىراقتىڭ لاستانۋىنا ساياتىن ءارقانداي تۇتقيىل قورشاعان ورتا وقيعاسى تۋىلمادى.

ءار دارەجەلى ۇكىمەت توپىراقتىڭ لاستانۋىنان ساقتانۋدى جانە ونى قورعاۋدى كۇشەيتىپ، جالپى تۇلعالىق احۋالى جاقسى بولدى. ماسەلەن، قوقىر - قوقسىقتاردى ءبىر جايلى ەتۋ جاعىندا بۇكىل رايوندا 87 ورىندا قالا - قالاشىق تۇرمىستىق قوقىر - قوقسىقتارىن كومۋ الاڭى سالىندى، مۇنىڭ ىشىندە 79ى 2 - دارەجەلىدەن جوعارى زالالسىزداندىرىپ ءبىر جايلى ەتۋ ولشەمىنە جەتىپ، بارلىق قالالاردى، اۋدان قالاشىقتارىن تۇرمىستىق قوقىر - قوقسىقتاردى ءبىر جايلى ەتۋ قابىلەتىمەن جاپپاي قامتۋدى جۇزەگە اسىردى. كورلا قالاسى، حوتان قالاسى، بۇراتالا قالاسى، ياركەن اۋدانى سياقتى 4 جەردەگى تۇرمىستىق قوقىر - قوقسىقتاردى ورتەپ توك شىعارۋ، ءبىر جايلى ەتۋ الاڭى سالىنىپ بولىپ، پايدالانۋعا بەرىلدى، ءۇرىمجى قالاسى، قارامايلى قالاسى جانە فۋكاڭ قالاسى سياقتى 3 جەردەگى اسحانا قوقىر - قوقسىقتارىن ءبىر جايلى ەتۋ الاڭى سالىنىپ بولىپ پايدالانۋعا بەرىلدى. مۇنان سىرت، ءۇرىمجى قالاسى تاعى قۇرىلىس قوقىر - قوقسىقتارىن بايلىققا اينالدىرىپ قايتالاي پايدالانۋ قۇرىلعىلارىن ورناتتى.