كوكەيگە توقىپ، كوڭىلگە ۇيالاتىپ، ەكپىندەي ىلگەرىلەۋگە شابىتتاندىردى

بىرنەشە كۇننەن بەرى اۆتونوميالى رايوننىڭ ۇگىت - لەكسيا ۇيىرمەلەرى ايماق، وبلىس، قالالارعا، مەڭگەرمە - مەكەمەلەرگە، جوعارى مەكتەپتەرگە بارىپ ۇگىت - لەكسيا قيمىلىن ورىستەتتى، سونداي - اق نەگىزگى ساتىداعى كادرلارمەن، بۇقارامەن ىقپالداستىق جاساپ اڭگىمەلەستى. جالپى بەتتىك، ەگجەي - تەگجەيلى ۇگىت - لەكسيا، ءىس جۇزىندىكپەن تىعىز جاناسقان تۇسىندىرمە تىڭداۋشىلاردى بارىنشا جەلپىندىردى. كوپشىلىك مىنالاردى ءبىلدىردى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ءتۇبىرلى بويسۇنۋ ولشەمى ەتىپ، سەنىمدى بەكەمدەپ، تاسقىنداعان ىنتامەن قاجىماي - تالماي كۇرەس جاساپ، شينجياڭنىڭ اناعۇرلىم تاماشا كەلەشەگىن بىرگە جاراتامىز.

10 - ايدىڭ 17 - كۇنى تۇستەن بۇرىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن قۇلجا قالاسىندا ىلە قازاق اۆتونوميالى وبلىسىنداعى ءار ۇلت كادرلارىنا ۇگىت - لەكسيا جاسادى. ۇگىت - لەكسيا جاندى دا جالىندى بولىپ، ءتۇيىن كورنەكتىلەندىرىلدى، وندا نازاريالىق بيىك دەڭگەي بولۋمەن بىرگە، امالياتتىق جەتەكشىلىك سيپات تا بولدى.

ىلە وبلىستىق كوممۋنيستىك جاستار وداعى كوميتەتىنىڭ ورىنباسار شۋجيى لو يۋەفىڭ مىنالاردى ءبىلدىردى: ءار دارەجەلى وداق ۇيىمدارىن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنۋگە، تۇسىنۋگە مۇقيات ۇيىمداستىرىپ، شينجياڭ قىزمەتىنىڭ باس نىساناسىن مىقتاپ يگەرىپ، وداق ۇيىمىنىڭ جەتەكشىلىك قۋاتىن، ۇيىمداستىرۋ قۋاتىن، قىزمەت وتەۋ قۋاتىن تىنباي جوعارىلاتىپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن جاستىق كوكتەم اقىل - پاراساتىن، جاستىق ورال كۇش - قۋاتىن ارنايمىز.

10 - ايدىڭ 16 - كۇنى تۇستەن بۇرىن حوتان ايماقتىق پارتكومنىڭ زالىندا اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم ۇگىت ءبولىمىنىڭ ورىنباسار باستىعى ۋاڭ ۋلۇڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ كەلەلى ءمانىن جەتە ءتۇسىنۋ سياقتى جاقتاردى توڭىرەكتەي وتىرىپ ۇگىت - لەكسيا جاسادى. تۇستەن كەيىن ول لوپ اۋدانى قالا رايونى ءمالىسى مينلى الەۋمەتتىك اۋماعىنا بارىپ، نەگىزگى ساتىداعى كادر، بۇقارامەن ءوزارا اڭگىمەلەستى.

مينلى الەۋمەتتىك اۋماعىنىڭ ءبىرىنشى شۋجيى سامەت سىراجى بىلاي دەدى: ”اڭگىمەلەسۋ، پىكىر اۋىستىرۋ ارقىلى مەن ءماجىلىستىڭ رۋحىن اناعۇرلىم تەرەڭدەي ءتۇسىندىم. مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن مۇقيات دايەكتىلەندىرىپ، بار ىنتا - پەيىلىممەن، كۇش - قۋاتىممەن بۇقارا ءۇشىن ناقتى ىستەر تىندىرىپ، جاقسى ىستەر ىستەپ، قيىن ماسەلەلەردى شەشەمىن“.

10 - ايدىڭ 17 - كۇنى تۇستەن بۇرىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) ورىنباسار باستىعى (ورىنباسار شۋەيۋان باستىعى) ءابي سالام ءپىشان اۋدانىنا بارىپ ۇگىت - لەكسيا جاسادى. تۇستەن كەيىن ول ءپىشان اۋدانىنىڭ ورگان، قىستاق (الەۋمەتتىك اۋماق) كادرلارىنىڭ ۋاكىلدەرىمەن جانە كاسىپورىنداردىڭ ۋاكىلدەرىمەن ءوزارا اڭگىمەلەسىپ، اڭگىمە بارىسىندا كوپشىلىك كوڭىل ءبولىپ وتىرعان وقۋ - اعارتۋ، حالىق تۇرمىسى سياقتى جاقتارداعى سۇراۋلارىنا جاۋاپ بەردى.

”ۇگىت - لەكسيانى تىڭداپ، مەن بارىنشا جەلپىندىم“. ءپىشان اۋداندىق كەدەيلەردى سۇيەمەلدەۋ كەڭسەسىنىڭ مەڭگەرۋشىسى جوۋ حۇڭيۇي مىنالاردى ءبىلدىردى: پارتيا ورتالىق كوميتەتىنىڭ شەشىمدەرى، ورنالاستىرۋلارى بويىنشا، كەدەيلىكتەن ارىلتۋدان قامال الۋ قىزمەتىن تاباندىلىقپەن ويداعىداي يگەرىپ، تولىق جەڭىسكە جەتپەيىنشە شەپتەن استە شەگىنبەيمىن.

10 - ايدىڭ 17 - كۇنى تۇستەن بۇرىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق سۋ يگىلىگى مەڭگەرمەسى پارتيا باسشىلىق گرۋپپاسىنىڭ شۋجيى ءيىلحام وسمان قارامايلى قالاسى مايتاۋ رايونىنا بارىپ ۇگىت - لەكسيا جاسادى. ءيىلحام 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى ورتاعا قويعان ءبىر قىدىرۋ ماڭىزدى كوزقاراستاردى، كەلەلى تۇجىرىمداردى جانە كەلەلى شارالاردى تىعىز ارقاۋ ەتىپ، جان - جاقتىلى تۇسىندىرمە جاسادى ءارى مايتاۋ مۇناي حيميا سەرىكتەستىگىنە بارىپ، قىزمەتكەرلەردىڭ ۋاكىلدەرىمەن اڭگىمەلەستى.

مايتاۋ مۇناي حيميا سەرىكتەستىگى مۇناي ايىرۋ زاۆودى سۋتەكتەندىرۋ بىرلەسكەن سەحى پارتيا باس ياچەيكاسىنىڭ شۋجيى چىن جىجيە بىلاي دەدى: ”جاڭا داۋىردەگى پارتيانىڭ شينجياڭدى جونگە سالۋ جالپى جوباسى تيانشان الابىندا تاريحي وزگەرىستەردىڭ جارىققا شىعۋىن جەبەدى، ءبىز بارلىعىمىز يگىلىككە كەنەلۋشىلەرمىز. مۇنان كەيىن ءتىپتى دە قۇلشىنىپ، كورىكتى شينجياڭ قۇرۋعا ءوز ۇلەسىمىزدى قوسامىز“.

10 - ايدىڭ 17 - كۇنى تۇستەن بۇرىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق حالىق قۇرىلتايى تۇراقتى كوميتەتى قازىنا - ەكونوميكا كوميتەتىنىڭ ورىنباسار مەڭگەرۋشىسى گاۋ جيانلۇڭ جۇندۇڭ ەكونوميكالىق - تەحنيكالىق اشۋ رايونىندا ۇگىت - لەكسيا بايانداماسىن جاسادى. تۇستەن كەيىن ول جۇندۇڭ اشۋ رايونى حۋاديان ۋسايۋان بەي - ي ەلەكتر زاۆودىندا كاسىپورىن قىزمەتكەرلەرىمەن اڭگىمەلەسىپ، پىكىر اۋىستىردى.

جۇندۇڭ ەكونوميكالىق - تەحنيكالىق اشۋ رايونى ەكونوميكانى دامىتۋ مەكەمەسى پارتيا ياچەيكاسىنىڭ شۋجيى سادىق سامەت: ”ءبىز ءوز قىزمەتىمىزدى تياناق ەتىپ، ۇدەرە العا تارتىپ، ۇيرەنۋ جەتىستىكتەرىن ءىس تىندىرىپ، ناتيجە شىعارۋدىڭ، قىزمەتتى ىلگەرىلەتۋدىڭ مىعىم قوزعاۋشى كۇشىنە شىن مانىندە اينالدىرامىز“، - دەدى.

10 - ايدىڭ 17 - كۇنى تۇستەن بۇرىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) ورىنباسار باستىعى (ورىنباسار شۋەيۋان باستىعى) دۋان لياڭ تارباعاتاي ايماعىندا ۇگىت - لەكسيا بايانداماسىن جاسادى. تۇستەن كەيىن، شاۋەشەك قالاسى حىپيڭ ءمالىسى گۋاڭچاڭ الەۋمەتتىك رايونىندا دۋان لياڭ نەگىزگى ساتى كادر - بۇقاراسىمەن بەتپە - بەت پىكىر اۋىستىردى، ورتا دۋماندى بولدى.

گۋاڭچاڭ الەۋمەتتىك اۋماعىنداعى پارتيا مۇشەسى نۇرلان زارقۇم مىنانى ءبىلدىردى: ”مەن نەگىزگى ساتىداعى جاقسى ۇگىت - لەكسياشى بولىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن الەۋمەتتىك اۋماعىمىزداعى بارلىق وتباسىلارىنا جەتكىزەمىن“.

10 - ايدىڭ 17 - كۇنى اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، شينجياڭ جازۋشىلار قوعامىنىڭ ورىنباسار ءتوراعاسى ەركەش قۇرمانبەك بۋىرشىن اۋدانىندا پارتيالى كادرلارعا ىشكەرىلەي ۇگىت - لەكسيا جاسادى. كوپشىلىك مىنالاردى ءبىلدىردى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ءتۇسىنىپ، جان - جاقتى دايەكتىلەندىرىپ، وزەكتى مازمۇنى مەن رۋحاني ءمانىن شىنايى يگەرىپ، ۇيرەنۋ بارىسىن تانىمدى جوعارىلاتۋ، قىزمەتتى جاقسارتۋ بارىسىنا اينالدىرامىز.

10 - ايدىڭ 17 - كۇنى اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، شينجياڭ قوعامدىق عىلىمدار اكادەمياسى پارتكومىنىڭ شۋجيى ديڭ شوۋچيڭ ياركەن اۋدانىنا بارىپ، بەينە ەكران ءماجىلىسى فورماسىندا پارتيالى كادرلارعا جۇيەلى ءتۇسىندىرىپ، ۇگىت - لەكسيا جاسادى. كوپشىلىك مىنالاردى ءبىلدىردى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ءىس جۇزىندىك قىزمەتتە شىنايى تياناقتاندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازامىز.

(ءتىلشى جاڭ يانفاڭ، قاتىناسقان تىلشىلەر شيا چيڭ، گى يوۋجۇن، حوتان تىلشىلەر پۋنكتىنەن شى يىڭيىڭ، قارامايلى تىلشىلەر پۋنكتىنەن گاۋ يۇيفي، تارباعاتاي تىلشىلەر پۋنكتىنەن ۋىن بو، زىڭ جاۋمەي، ەرىكتى تىلشىلەر لي شين - ان، تۇردى يمىن، زۋارگۇل قادىر، ليۋ شينشين، سۇڭ شۋچي، حو ران)