”13 - بەسجىلدىقتان“ بەرى، بۇكىل رايون استىق، ماقتا ءوندىرىسىنىڭ تۇتاس بارىسىن ماشينالاندىرۋدى جانە مال شارۋاشىلىعى، جەمىس - ورمان، قۇرىلعىلى اۋىل شارۋاشىلىعى سياقتى ەرەكشە باسىمدىققا يە كاسىپ سالاسىن جاپپاي ماشينالاندىرۋ اياق الىسىن ۇزدىكسىز ىلگەرىلەتىپ، اۋىل شارۋاشىلىعى ءوندىرىسىنىڭ كەشەندى ونىمدىلىگىن ۇزدىكسىز جوعارىلاتتى. 2016 - جىلدان 2019 - جىلعا دەيىن بۇكىل رايوننىڭ اۋىل شارۋاشىلىعى ماشينالارىنىڭ جالپى قۋاتى 20 ميلليون 625 مىڭ 700 كيلوۆاتتان ارتىپ 22 ميلليون 768 مىڭ 800 كيلوۆاتقا جەتىپ، ەگىن، ورمان، مال، بالىق شارۋاشىلىعىنىڭ جالپى ماشينالانۋ دەڭگەيى ％66.04تەن جوعارىلاپ ％68.57كە جەتىپ، ماشينالانۋ بۇكىل رايوننىڭ وسى زامانعى اۋىل شارۋاشىلىعىن دامىتۋدىڭ ماڭىزدى نەگىزىنە جانە تىرەگىنە اينالدى.
ماقتا − رايونىمىز اۋىل شارۋاشىلىعىنداعى ءداستۇرلى باسىمدىققا يە كاسىپ سالاسى رەتىندە، ماشينامەن جيىپ - تەرىلگەن جەر اۋماعى ”13 - بەسجىلدىق“ كەزىندە جىلىنا ورتا ەسەپپەن ءبىر ميلليون مۋلىق جىلدامدىقپەن تەز ارتتى. 2016 - جىلدان 2019 - جىلعا دەيىن، بۇكىل رايوننىڭ ماقتانى ماشينامەن جيىپ - تەرگەن جەر اۋماعى 4 ميلليون 862 مىڭ 300 مۋدان زور مولشەردە ارتىپ 14 ميلليون 150 مىڭ مۋعا جەتتى، ماقتا تەرۋ ماشينالارىنىڭ جالپى سانى 1145تەن 2356عا كوبەيىپ، ماقتانى ماشينامەن تەرۋ دەڭگەيى ％20.71تەن ءوسىپ ％53.91كە جەتتى.
وسى بارىستا، بۇكىل رايون مەملەكەتتىڭ اۋىل شارۋاشىلىعى ماشينالارىن ساتىپ الۋ قوسىمشا قاراجاتى ساياساتىن اتقارۋدى تۇتقا ەتىپ، وزىق ۇيلەسىمدى، جوعارى ساپالى، زەردەلى، زالالسىز، قورشاعان ورتانى قورعايتىن اۋىل شارۋاشىلىعى ماشينالارىن زور كۇشپەن جالپىلاستىردى، اۋىل شارۋاشىلىعى ماشينالارىن ساتىپ الۋ قوسىمشا قاراجاتى قارجىسى سياقتىلارمەن وڭتۇستىك شينجياڭداعى 4 ايماق - وبلىستىڭ قارجى قاجەتىن الدىمەن قاناعاتتاندىرۋعا تاباندى بولىپ، اۋىل شارۋاشىلىعى ماشينالارىن جابدىقتاۋ قۇرىلىسىن ساپالىلاندىرىپ، اۋىل شارۋاشىلىعىن ماشينالاندىرۋدى دامىتۋداعى ولقىلىقتاردى ۇزدىكسىز تولىقتادى.
اۋىل شارۋاشىلىعىن ماشينالاندىرۋ، عىلىم - تەحنيكادا جاڭالىق اشۋ قىزمەتى دە ”13 - بەسجىلدىق“ مەزگىلىندە جاڭا ىلگەرىلەۋشىلىكتەرگە قول جەتكىزدى. تولىق ەمەس ساناققا قاراعاندا، بۇكىل رايوندا 10 مىڭنان استام اۋىل شارۋاشىلىعى ماشينا - جابدىقتارى بەيدۋ جول سىلتەۋ قىزمەت وتەۋىنەن پايدالانعان، وسىمدىك جامىلعىسىن قورعاۋ ۇشقىشسىز ۇشاعىنىڭ قولداعى سانى 5000نان، ۇشقىشسىز ۇشاقتىڭ وسىمدىك جامىلعىسىن قورعاۋ اۋماعى 20 ميلليون مۋدان اسقان.
