10 - ايدىڭ 13 - كۇنى تۇستەن بۇرىن اۆتونوميالى رايوندىق حالىق قۇرىلتايى تۇراقتى كوميتەتى 99 - رەتكى مەڭگەرۋشىلەر جيىنىن اشتى. جيىن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 19 - رەتكى ءماجىلىسىن وسى ايدىڭ 26 - كۇنىنەن 28 - كۇنىنە دەيىن ۇرىمجىدە وتكىزۋدى ۇيعاردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن جيىندى باسقاردى.
جيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ 19 - رەتكى ءماجىلىسىنىڭ كەڭەستىك ءتارتىپ جوباسى جانە ورنالاستىرۋى جونىندەگى پىكىردى قارادى. مەڭگەرۋشىلەر جيىنى ۇسىنعان كەڭەستىك تاقىرىپتارعا ساي، اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 19 - رەتكى ءماجىلىسى «اۆتونوميالى رايوننىڭ اۋىلدارداعى، ۇلتتىق اۋىلدارداعى، قالاشىقتارداعى حالىق قۇرىلتايى قىزمەت ەرەجەسىن (وزگەرىس ەنگىزىلگەن جوبا)»، «اۆتونوميالى رايوننىڭ گەولوگيالىق ورتانى قورعاۋ ەرەجەسىن (وزگەرىس ەنگىزىلگەن جوبا)»، «اۆتونوميالى رايوننىڭ ساياحاتتى جەبەۋ ەرەجەسىن (جوبا)»، «اۆتونوميالى رايوننىڭ قىزمەتتىك قىلمىستاردىڭ الدىن الۋ قىزمەت ەرەجەسىن» كۇشىنەن قالدىرۋ جونىندەگى كەڭەستىك جوبانى قارايدى، «ىلە قازاق اۆتونوميالى وبلىسىنىڭ تۇتاس وڭىرلىك ساياحاتتى جەبەۋ ەرەجەسىن»، «قارامايلى قالالىق حالىق قۇرىلتايى تۇراقتى كوميتەتىنىڭ <قارامايلى قالاسىنىڭ جەرگىلىكتى زاڭ ەرەجەلەردى جاساۋ ەرەجەسىنە> وزگەرىس ەنگىزۋ جونىندەگى قاۋلىسىن»، «ءۇرىمجى جوعارى، جاڭا عىلىم - تەحنيكالىق كاسىپتەردى اشۋ رايونى باسقارۋ ەرەجەسىن»، «ءۇرىمجى ەكونوميكالىق، تەحنيكالىق اشۋ رايونى باسقارۋ ەرەجەسىن» تەكسەرەدى، اۆتونوميالى رايوندىق حالىق ۇكىمەتىنىڭ اۆتونوميالى رايوننىڭ 2019 - جىلعى مەملەكەت مەنشىگىندەگى مال - مۇلىكتى باسقارۋ جاعدايى جونىندەگى جالپىلىق باياندامانى، اۆتونوميالى رايوننىڭ 2019 - جىلعى كاسىپورىنداردىڭ مەملەكەت مەنشىگىندەگى مال - مۇلىكتى (فينانس كاسىپورىندارى قامتىلمايدى) باسقارۋ جاعدايى جونىندەگى باياندامانى قارايدى، اۆتونوميالى رايوندىق حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ گرۋپپاسىنىڭ «جۇڭحۋا حالىق رەسپۋبليكاسىنىڭ جۇمىستانۋدى جەبەۋ زاڭىنىڭ»، «اۆتونوميالى رايوننىڭ <جۇمىستانۋدى جەبەۋ زاڭىن> اتقارۋ ءادىسىنىڭ» اتقارىلۋ جاعدايىن تەكسەرۋ جونىندەگى بايانداماسىن، اۆتونوميالى رايوندىق حالىق قۇرىلتايى تۇراقتى كوميتەتى تەكسەرۋ گرۋپپاسىنىڭ اۆتونوميالى رايوننىڭ مەكتەپكە دەيىنگى تاربيە قىزمەتى جاعدايى جونىندەگى بايانداماسىن قاراۋ پىكىرىنىڭ تياناقتاندىرىلۋ جاعدايىن قاداعالاي باقىلاۋ جونىندەگى تەكسەرۋ بايانداماسىن تىڭدايدى جانە قارايدى، سونداي - اق مەكتەپكە دەيىنگى تاربيە قىزمەتى جونىندە ارناۋلى تاقىرىپتا پىكىر الادى؛ اۆتونوميالى رايوندىق حالىق قۇرىلتايى وقۋ - اعارتۋ، عىلىم، مادەنيەت، دەنساۋلىق ىستەرى كوميتەتىنىڭ، اۋىل شارۋاشىلىعى جانە اۋىل - قىستاق كوميتەتىنىڭ، قورشاعان ورتا جانە بايلىقتى قورعاۋ كوميتەتىنىڭ اۆتونوميالى رايوندىق 13 - كەزەكتى حالىق قۇرىلتايى 3 - ءماجىلىسىنىڭ ءتوراعالار القاسى قاراۋعا تاپسىرعان، ۋاكىلدەر ورتاعا قويعان كەڭەستىك جوباسىن قاراۋ ناتيجەسى جونىندەگى باياندامانى تىڭدايدى جانە قارايدى، كادرلاردى مىندەتكە تاعايىنداۋ جانە مىندەتىنەن الۋ كەڭەستىك جوباسىن قارايدى.
جيىن اۆتونوميالى رايوننىڭ مەجە ەسەبىن توراپتاستىرىپ باقىلاۋ قىزمەتى، ۋاكىلدەردىڭ قيمىل قاراجاتىن باسقارۋ، پايدالانۋ ءادىسى سياقتىلاردى دا اقىلداستى.
