«شي جينپيڭ ەل باسقارۋ جونىندە» 3 - تومى تيانشان الابىنداعى جەر - جەردىڭ شينحۋا كىتاپ دۇكەندەرىندە ۇزدىكسىز كۇسەت ساتىلىپ، بۇكىل شينجياڭدا ۇيرەنۋ قىزۋ ورلەۋى كوتەرىلدى.
«شي جينپيڭ ەل باسقارۋ جونىندە» 3 - تومى رايونىمىزدىڭ جەر - جەرىندەگى شينحۋا كىتاپ دۇكەندەرىندە سورەگە قويىلعاننان بەرى، ءار ۇلت وقىرمانداردىڭ قىزۋ قارسى الۋىنا بولەندى. قالىڭ پارتيا مۇشەلەرى، كادرلار، بۇقارا ءبىر اۋىزدان ءتۇپ نۇسقانى مۇقيات وقىپ، اۋەلگى ءماتىندى ۇيرەنىپ، قاعيداسىن ءتۇسىنىپ، ۇيرەنۋ جەتىستىكتەرىن قىزمەتتى ىلگەرىلەتۋدەگى وي جەلىسىنە، شارالارعا ونان ارى اينالدىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋگە اقىل - پاراسات جانە كۇش - قۋات قوساتىندىقتارىن ءبىلدىردى.
9 - ايدىڭ 18 - كۇنى تۇستەن كەيىن اۆتونوميالى رايوندىق شينحۋا كىتاپ دۇكەنىنىڭ شينحۋا شيانداي كىتاپ بازارىندا ءتىلشى «شي جينپيڭ ەل باسقارۋ جونىندە» 3 - تومى قويىلعان ارناۋلى كىتاپ سورەنىڭ ماڭايىندا كوپتەگەن وقىرماننىڭ وسى كىتاپتى پاراقتاپ، سۇراستىرىپ، ساتىپ الىپ جاتقانىن كوردى.
اۆتونوميالى رايوندىق شينحۋا كىتاپ دۇكەنى پارتكومىنىڭ شۋجيى فان ۋىنچىڭ بىلاي دەپ تانىستىردى: «شي جينپيڭ ەل باسقارۋ جونىندە» 3 - تومى تاراتىلعاننان كەيىن، اۆتونوميالى رايوندىق شينحۋا كىتاپ دۇكەنى پارتيا، ۇكىمەت ورگاندارىنان، كاسىپورىنداردان، ءىسورىندارىنان كوپتەگەن ساتىپ الۋ تاپسىرىسىن قابىلدادى. شينحۋا كىتاپ دۇكەنى جەدەل قىزمەت جوباسىن جاساپ، «شي جينپيڭ ەل باسقارۋ جونىندە» 3 - تومىن توپتىق ساتىپ الۋ ءبولىمىن قۇردى، ارناۋلى ادام وسى كىتاپتى ساتىپ الاتىن ورىندار مەن جەكەلەردى قابىلداۋعا جاۋاپتى بولىپ، دەر كەزىندە تاراتتى.
”اۆتونوميالى رايوندىق شينحۋا كىتاپ دۇكەنى ىرىقتىلىقپەن قىزمەت وتەۋ، الدىنان شىعىپ قىزمەت وتەۋ، ىزدەپ بارىپ قىزمەت وتەۋ ارقىلى وقىرمانداردىڭ دەر كەزىندە ساتىپ الۋىنا كەپىلدىك ەتتى ءارى الۋان ءتۇرلى فورمالارمەن وقىرماندارعا ۇگىتتەپ، تانىستىرىپ، «شي جينپيڭ ەل باسقارۋ جونىندە» 3 - تومىن تاراتۋ قامتىمىن ۇزدىكسىز كەڭەيتتى“، - دەدى فان ۋىنچىڭ، - قازىر اۆتونوميالى رايونداعى شينحۋا كىتاپ دۇكەنى جۇيەسى بويىنشا 330 مىڭعا تاياۋ كىتاپ ساتىلدى.
”«شي جينپيڭ ەل باسقارۋ جونىندە» 3 - تومىن ۇيرەنۋدىڭ ماعان پايداسى مول بولدى“، - دەدى ىلە قازاق اۆتونوميالى وبلىستىق پارتكوم ۇگىت ءبولىمىنىڭ توعىزتاراۋ اۋدانى اعارسىن قالاشىعى اقتام قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي سادىقجان ساۋىت، - ”ءبىز ۇيرەنگەن نازاريالىق بىلىمدەرىمىزدى ءىس جۇزىندىك قىزمەت بارىسىندا قولدانىپ، ءتۇرلى نىسانا - مىندەتتەردى كۇش سالا ورىنداپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزەمىز“.
اۆتونوميالى رايوندىق پارتكوم ۇگىت ءبولىمى باسۋ - تاراتۋ باسقارماسىنىڭ قاتىستى جاۋاپتىسى بىلاي دەپ تانىستىردى: قازىرگە دەيىن رايونىمىز «شي جينپيڭ ەل باسقارۋ جونىندە» 3 - تومىنان جالپى 760 مىڭ نۇسقاعا تاپسىرىس بەردى، ناقتى ساتىلعانى 400 مىڭنان استى، نەگىزىنەن اۆتونوميالى رايونداعى ءار دارەجەلى شينحۋا كىتاپ دۇكەندەرى، سونداي - اق شينجياڭ پوچتا سەرىكتەستىگى تاراتىپ ساتۋدا.
