ءتۇزىم قۇرىلىسىن كۇشەيتىپ، مىندەت جاۋاپكەرشىلىگىن ءتارتىپتى، جوعارى ونىمدىلىكپەن وتەۋگە شىنايى كەپىلدىك ەتۋ كەرەك

　اۆتونوميالى رايوندىق ساياسي كەڭەس ءتوراعالار ءماجىلىسىن اشتى

　　ءتۇزىم قۇرىلىسىن كۇشەيتىپ، مىندەت جاۋاپكەرشىلىگىن ءتارتىپتى، جوعارى ونىمدىلىكپەن وتەۋگە شىنايى كەپىلدىك ەتۋ كەرەك

　　9 - ايدىڭ 21 - كۇنى تۇستەن كەيىن اۆتونوميالى رايوندىق 12 - كەزەكتى ساياسي كەڭەس 33 - رەتكى ءتوراعالار ءماجىلىسىن اشىپ، اۆتونوميالى رايوندىق ساياسي كەڭەستىڭ قاتىستى قىزمەت تۇزىمدەرىن قارادى.

　　اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى ءارى ءسوز سويلەدى.

　　ءماجىلىس جاڭادان وزگەرىس ەنگىزىلگەن «ساياسي كەڭەس شينجياڭ ۇيعۇر اۆتونوميالى رايوندىق كوميتەتى ءتوراعالار ءماجىلىسى قىزمەتى ەرەجەسىن»، «اۆتونوميالى رايوندىق ساياسي كەڭەستىڭ تەكسەرۋ - زەرتتەۋ قىزمەتى جونىندەگى اتقارۋ ءادىسىن (سىناق رەتىندە اتقارىلادى)» قاراپ ماقۇلدادى، «اۆتونوميالى رايوندىق ساياسي كەڭەستىڭ كەڭەسىپ، ۇكىمەت ىستەرىن اقىلداسۋ ساپاسىن ونان ارى جوعارىلاتۋ جونىندەگى پىكىرىن (سىناق رەتىندە اتقارىلادى)» ماقۇلدادى.

　　نۇرلان ءابىلماجىن بىلاي دەپ اتاپ كورسەتتى: ءتوراعالار ءماجىلىسى قىزمەتى ەرەجەسى − ساياسي كەڭەس ۋستاۆىنا ساي مىندەت جاۋاپكەرشىلىگىن وتەۋدىڭ ”ءتارتىپ جوباسى“، سونداي - اق ءوز قۇرىلىسىن كۇشەيتۋدىڭ، باقىلاۋدى سانالىلىقپەن قابىلداۋدىڭ ”ۋادەناماسى“. ەرەجە تانىمىن جانە ءتۇزىم اتقارۋ تانىمىن كۇشەيتىپ، مىندەت جاۋاپكەرشىلىگىن وتەۋدە اناعۇرلىم جۇيەلى، ءتارتىپتى، اناعۇرلىم ناقتى، جوعارى ءونىمدى بولۋعا شىنايى كەپىلدىك ەتۋ كەرەك. تەكسەرۋ - زەرتتەۋ − ساياسي كەڭەس قىزمەتىن جاقسى ىستەۋدىڭ نەگىزگى ونەرى، تەكسەرۋ - زەرتتەۋدى مىندەت جاۋاپكەرشىلىگىن وتەۋ قابىلەتىن جوعارىلاتۋدىڭ ماڭىزدى تۇتقاسى ەتىپ، فورماشىلدىقتى، تورەشىلدىكتى باتىل تيىپ، ىشكەرىلەي تەكسەرۋ - زەرتتەۋگە كۇش سالىپ، قيىن ماسەلەلەردى شەشىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تامىر تارتىپ تياناقتانۋىنا شىنايى كەپىلدىك ەتۋ كەرەك. ىندەتتەن ساقتانۋ - تىزگىندەۋدى ۇدايىلاندىرۋ العى شارتىنداعى تەكسەرۋ - زەرتتەۋ تاسىلىنە جاڭالىق اشىپ، تەكسەرۋ - زەرتتەۋدىڭ باعىتتامالىلىعى مەن ناقتى ونىمدىلىگىن شىن مانىندە كۇشەيتىپ، جوعارى ساپالى تەكسەرۋ - زەرتتەۋ ارقىلى كەڭەسىپ، ۇكىمەت ىستەرىن اقىلداسۋدىڭ دالمە - دالدىگىن جانە نىسانالىق سيپاتىن جوعارىلاتۋ كەرەك. ساپا باعدارىن ورناتىپ، مەملەكەتتىك ساياسي كەڭەستىڭ ورنالاستىرۋىنا ساي، باۋىرلاس ولكە، قالالاردىڭ ساياسي كەڭەسىنىڭ ادىستەرىنەن ۇيرەنىپ، ۇلگى الىپ، رايونىمىزدىڭ ساياسي كەڭەس قىزمەتىنىڭ ءىس جۇزىندىگىن تياناق ەتىپ، كەڭەسىپ، ۇكىمەت ىستەرىن اقىلداسۋدىڭ ساپاسىن باعالاۋ قىزمەتىن بەلسەندى، ورنىقتى ورىستەتىپ، مىندەت جاۋاپكەرشىلىگىن وتەۋ قىزمەتىن ىلگەرىلەتۋدە ”نە ىستەدى“، ”قانشالىق ىستەدى“ دەگەنگە ءمان بەرۋدەن ”قانداي ناتيجە شىعاردى“ دەگەنگە بۇرىلىس جاساۋ كەرەك.

　　نۇرلان ءابىلماجىن بىلاي دەپ باسا دارىپتەدى: باس شۋجي شي جينپيڭنىڭ ورتالىق ساياسي كەڭەس قىزمەتى ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ءتۇزىم قۇرىلىسى سىندى وسى ءبىر تەتىكتى مىقتاپ يگەرىپ، حالىق ساياسي كەڭەسىنىڭ مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدەگى بورىشىن، مىندەتىن جەتە تانىپ، شينجياڭنىڭ جونگە سالۋ جۇيەسى مەن جونگە سالۋ قابىلەتىن وسىزاماندىرۋدى ىلگەرىلەتۋگە قىزمەت وتەۋدەگى جاۋاپكەرشىلىك سەزىمى مەن بورىشتىلىق سەزىمىن شىن مانىندە كۇشەيتۋ كەرەك. ارناۋلى كەڭەستىك قۇرىلىم رولىن تولىق ساۋلەلەندىرىپ، كەڭەستىك دەموكراتيانى ساياسي كەڭەستىڭ مىندەت جاۋاپكەرشىلىگىن وتەۋ جالپى بارىسىنا ءسىڭىرىپ، كەڭەسۋ قىزمەتى ەرەجەسىن اقاۋسىزداندىرىپ، كەڭەسۋ فورماسىن بايىتىپ، كەڭەسۋ ءتارتىبىن جۇيەگە ءتۇسىرىپ، كەڭەسۋ مەحانيزمىن كەمەلدەندىرۋ كەرەك. دەموكراتيانى ساۋلەلەندىرۋ مەن ىنتىماقتى نىعايتۋدى ءوزارا ساباقتاستىرۋعا، ۇسىنىس قويىپ، كەڭەس بەرۋ مەن ورتاق تانىم ۇيىستىرۋ سىندى قوس باعىتتا كۇش سالۋعا تاباندى بولىپ، ءار جاقتىڭ بەلسەندىلىگىن جۇمىلدىرىپ، ءار ۇلت بۇقاراسىنىڭ رۋحىن سەرپىلتىپ، قوعامداعى ءار سالانىڭ وڭ ەنەرگياسىن توپتاۋ كەرەك. حالىق ساياسي كەڭەس ءتۇزىمىنىڭ اناعۇرلىم تولىسۋىن، اناعۇرلىم تۇلعالانۋىن جەبەۋ توڭىرەگىندە بەلسەنە ىزدەنىس جاساپ، دۇرىس بەتالىسپەن ارناۋلى كەڭەس قۇرىلىمدارىنىڭ ءتۇزىم قۇرىلىسىن ىلگەرىلەتىپ، ءونىمدى ءتۇزىمدى اقاۋسىزداندىرۋ ارقىلى كەڭەستىك دەموكراتيانىڭ باسىمدىعىن تولىق ساۋلەلەندىرۋگە كەپىلدىك ەتىپ، شينجياڭنىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋ دەڭگەيىن جوعارىلاتۋعا ۇلەس قوسۋ كەرەك.

　　اۆتونوميالى رايوندىق ساياسي كەڭەستىڭ ورىنباسار ءتوراعالارى چىڭ جىنشان، ءجۇرات يمىن، ءمۇتالىپ وبۇل، ءيلھام سابىر، ما شيۇڭچىڭ ماجىلىسكە قاتىناستى.