اۆتونوميالى رايوندىق 13 - كەزەكتى حالىق ۇكىمەتى 98 - رەتكى ۇنەمىلىك ىستەر ءماجىلىسىن اشتى

日期:2020年09月17日
来源:新疆日报
【字体:

  9 - ايدىڭ 16 - كۇنى تۇستەن كەيىن اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 98 - رەتكى ۇنەمىلىك ىستەر ءماجىلىسىن باسقارىپ اشىپ، «جۇڭحۋا حالىق رەسپۋبليكاسىنىڭ ازاماتتىق زاڭناماسىنىڭ» قاتىستى مازمۇندارىن ارناۋلى ۇيرەندى.

  ماجىلىستە مەملەكەتتىك حالىق قۇرىلتايى تۇراقتى كوميتەتى زاڭ - ءتۇزىم قىزمەت كوميتەتى ەكونوميكالىق زاڭ كەڭسەسىنىڭ ءبىرىنشى دارەجەلى شارلاۋشىسى ياڭ ميڭلۇن بەينە ەكران فورماسى ارقىلى ازاماتتىق زاڭناما جونىندە ارناۋلى تۇسىندىرمە بايانداما جاسادى. ياڭ ميڭلۇن ازاماتتىق زاڭنامانى جاساۋدىڭ كەلەلى ءمانى، جەتەكشى يدەياسى جانە نەگىزگى پرينسيبى جونىندە تۇسىنىك جاساپ، ازاماتتىق زاڭنامانىڭ جالپى ەرەجەسى ءبولىمى جانە ءارقايسى بولىكتەرى بولىمىندەگى يگەرۋگە ءتيىستى وزەكتى ءمان مەن ءتۇيىندى ماسەلەلەردى ەگجەي - تەگجەيلى بايىمدادى.

  ءماجىلىس مىنالاردى اتاپ كورسەتتى: ازاماتتىق زاڭناما − جاڭا جۇڭگوداعى زاڭناما اتىمەن اتالعان العاشقى زاڭ، مەملەكەتتى جاپپاي زاڭمەن جونگە سالۋدى، جۇڭگوشا سوتسياليزم زاڭ جۇيەسىن كەمەلدەندىرۋدى جەبەۋدەگى ماڭىزدى بەلگى سيپاتتى زاڭ شىعارۋ، مەملەكەتتى جونگە سالۋ جۇيەسى مەن جونگە سالۋ قۋاتىن وسىزامانداندىرۋدى ىلگەرىلەتۋدە، جاڭا داۋىردە رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىن جەبەۋدە اسا كەلەلى ءارى تەرەڭ مانگە يە. ۇكىمەت جانە ۇكىمەت جۇيەسىندەگى ءارقايسى تاراۋلار باس شۋجي شي جينپيڭنىڭ مەملەكەتتى جاپپاي زاڭمەن جونگە سالۋ جونىندەگى ماڭىزدى بايىمداۋىن، اسىرەسە، ازاماتتىق زاڭناماعا قاتىستى ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ازاماتتىق زاڭنامادا قامتىلعان زاڭمەن جونگە سالۋ رۋحى مەن وزەكتى ءمانىن ءداپ باسىپ يگەرىپ، ازاماتتىق زاڭناماداعى ءتۇرلى بەلگىلەمەلەر مەن تالاپتاردى ۇكىمەتتىڭ زاڭ بويىنشا اكىمشىلىك جۇرگىزۋ جالپى بارىسىنا ءسىڭىرۋ كەرەك.

  ءماجىلىس مىنالاردى باسا دارىپتەدى: ساياسي دەڭگەيدى جوعارىلاتىپ، ازاماتتىق زاڭنامانى ۇيرەنۋدى، ۇگىتتەۋدى ۇزدىكسىز تەرەڭدەتۋ كەرەك. ازاماتتىق زاڭنامانى اۆتونوميالى رايوننىڭ ”14 - بەسجىلدىق“ مەزگىلىندەگى زاڭ جالپىلاستىرۋ قىزمەت تۇيىنىنە ەنگىزىپ، ازاماتتىق زاڭنامانى اتقارۋدىڭ كەلەلى ءمانىن، نەگىزگى پرينسيبىن جانە باستى مازمۇنىن ويداعىداي ۇگىتتەپ، ازاماتتىق زاڭنامانى بۇقاراعا جەتكىزىپ، بۇقارانىڭ كوكەيىنە ۇيالاتىپ، زاڭمەن باسقارىلاتىن شينجياڭ قۇرۋعا پارمەندى قامتاماسىزدىق ازىرلەۋ كەرەك. ازاماتتىق زاڭنامانى اتقارۋدى وراي ەتىپ، ءتىپتى دە جوعارى دەڭگەيدەگى زاڭمەن باسقارىلاتىن ۇكىمەت قۇرۋ كەرەك. ازاماتتىق زاڭنامانى اكىمشىلىك شەشىم جاساۋدىڭ، اكىمشىلىك باسقارۋدىڭ، اكىمشىلىك باقىلاۋدىڭ ماڭىزدى ولشەمى ەتىپ، ورناتۋ، تۇزەتۋ، كۇشىنەن قالدىرۋ، ءتۇسىندىرۋ قىزمەتىن دەر كەزىندە ويداعىداي ىستەپ، سايكەستى بەلگىلەمە - تۇزىمدەردى جاڭالاپ جانە كەمەلدەندىرىپ، زاڭ بويىنشا اكىمشىلىك جۇرگىزۋ ورەسىن ونان ارى جوعارىلاتىپ، جاۋاپكەرشىلىگى ايقىن، زاڭ بويىنشا اكىمشىلىك جۇرگىزەتىن جوعارى دەڭگەيلى ۇكىمەتتىڭ جونگە سالۋ جۇيەسىن جەدەل قالىپتاستىرۋ كەرەك. ازاماتتىق زاڭنامانىڭ رۋحىن ويداعىداي دايەكتىلەندىرىپ، شارۋاشىلىق - ساۋدا ورتاسىن ىشكەرىلەي ساپالىلاندىرۋ كەرەك. حالىقارانىڭ، ەل ءىشىنىڭ وزىق شارۋاشىلىق - ساۋدا ورتاسى ولشەمىنە سالىستىرا وتىرىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، ماكرولىق ساياساتتاردى اتقارۋدىڭ ونىمدىلىگىن جانە دالدىگىن جوعارىلاتىپ، بازار تۇلعالارىنىڭ ومىرشەڭدىك كۇشىن جانە دامۋ قوزعاۋشى كۇشىن ۇزدىكسىز قاۋلاتۋ كەرەك. ازاماتتىق زاڭنامانىڭ ءونىمدى اتقارىلۋىن ىلگەرىلەتىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋ قۇرىلىسىن جەدەلدەتۋ كەرەك. حالىقتى وزەك ەتكەن دامۋ يدەياسىنا تاباندى بولىپ، ازاماتتىق زاڭنامادان پايدالانىپ حالىقتىڭ ۇقىق - مۇددەسىن قورعاۋ، قايشىلىق، تالاس - تارتىستاردى شەشۋ، قوعام ورنىقتىلىعى مەن باياندى تىنىشتىقتى جەبەۋ قابىلەتى مەن ورەسىن ۇزدىكسىز جوعارىلاتىپ، حالىق بۇقاراسىن ءتۇرلى ارنالار ارقىلى قوعامدىق جونگە سالۋعا ات سالىسۋعا بەلسەنە جەتەكتەۋ جانە وعان قولداۋ كورسەتۋ كەرەك.