الدىڭعى 8 ايدا رايونىمىزدا 81 ءتۇيىندى جاڭا نىسان قۇرىلىس باستادى
جىلدىق نىسانا - مىندەتتەردى 2 اي بۇرىن ورىندادى
اۆتونوميالى رايوندىق دامۋ جانە رەفورما كوميتەتىنەن ۇعىسۋعا قاراعاندا، بيىل الدىڭعى 8 ايدا رايونىمىزدا جاڭادان سالىنعان، جالعاستى سالىنعان جانە ءبىر توپ زاپاس ماڭىزدى نىساندار تارتىپپەن ىلگەرىلەتىلگەن، مۇنىڭ ىشىندە 81 جاڭا نىسان قۇرىلىس باستاپ، وسى جىلدا 80 نىساندى سالۋ نىساناسى مەن مىندەتى مەرزىمىنەن 2 اي بۇرىن ورىندالعان.
جاڭادان سالىناتىن 81 نىسان تىزناپ وزەنى مومۇق سۋ يگىلىگى تورابى ينجەنەرياسى، اقسۋ - ارال تەمىر جولى، تۇرپان اۋەجايىن وزگەرتىپ، كەڭەيتىپ سالۋ نىسانى، حوتان 750 كيلوۆولتتىق ەلەكتر تورىن كەڭەيتۋ، سيىمدىلىعىن ارتتىرۋ ينجەنەرياسى سياقتىلاردى قامتيدى، قوسىلعان جالپى قارجى 176 ميلليارد 682 ميلليون يۋانعا جەتەدى. جالعاستى سالىنعان نىسانالار ىشىندە اراتاش سۋ يگىلىگى تورابى ينجەنەرياسى، داشىشيا سۋ يگىلىگى تورابى ينجەنەرياسى، گولمۋد - كورلا تەمىر جولى، التاي - كوكتوعاي - جۇندۇڭ تەمىر جولى، ءۇرىمجى اۋەجايىن وزگەرتىپ، كەڭەيتىپ سالۋ ينجەنەرياسى، تۇرپان - بايىنعولين - كۇشار Ⅱقايتىمدى 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى سياقتىلار جەدەل قۇرىلىس جۇرگىزۋدە. بۇراتالا موڭعۇل اۆتونوميالى وبلىسىنىڭ 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى، شينتى ەنەرگيا جارنا شەكتى سەرىكتەستىگىنىڭ ونەركاسىپ ينتەرنەت جەلىسى تەكشەسىن نەگىز ەتكەن ساپتىعى جوعارى كرەمني نەگىزدى جاڭا ماتەريالدار كاسىپورىندارىنىڭ ىشكى توراپ جەلىسىن وزگەرتۋ، شوعىرلى تۇردە قولدانۋ نىسانى سياقتى جالعاستى سالىناتىن 7 نىسان قۇرىلىسى سالىنىپ ىسكە قوسىلىپ، جيىنى 6 ميلليارد 952 ميلليون يۋان قارجى قوسىلدى.
بيىلدان بەرى، اۆتونوميالى رايون قارجى قوسۋدى جەبەۋ، ورنىقتى ارتتىرۋ بويىنشا 6 جاقتا 18 ءتۇرلى شارانى جولعا قويىپ، جەر - جەردىڭ، تاراۋلاردىڭ نىسان قۇرىلىستاردى جوعارى ساپالى، جوعارى دەڭگەيدە، جوعارى ونىمدە ىلگەرىلەتۋىنە دالمە - ءدال جەتەكشىلىك ەتتى. اۆتونوميالى رايوندىق دامۋ جانە رەفورما كوميتەتى قىزمەت مەحانيزمىندە جاڭالىق اشىپ، تۇتاس رايونىمىزدىڭ نىسان قورى قۇرىلىسى جانە قىزمەتتى ىلگەرىلەتۋ بىرلەسىپ قيمىلداۋ مەحانيزمىن، نىسانداردىڭ جۇمىس باستاۋ مالىمەتى، سونداي - اق اپتالىق ورنالاستىرۋ مەحانيزمىن جانە كەلەلى نىسانداردى تەكسەرۋ - بەكىتۋدىڭ العاشقى مەرزىمىندەگى قىزمەت بىرلەسكەن ءماجىلىسى ءتۇزىمىن ورناتىپ، تاراۋلار بىرلەسىپ كۇش سالىپ، تۇتاس رايونىمىزدا جوعارىدان تومەنگە دەيىن نىسان قۇرىلىستارىن بىرگە مىقتى يگەرەتىن كۇشتى بىرىككەن كۇش قالىپتاستىردى.
