زاڭ شياۋلي:
ەرلىكپەن قارسى اتتانۋ بارىسىندا بىرگە تولىستى
”ىندەت كەزىندە قىزمەت ورنىمىزدان تاپجىلماي، شىڭدالىپ، جەتىلۋمەن قاتار، جاڭا داۋىردەگى جاستاردىڭ مۇراتتى، قابىلەتتى بولۋ، جاۋاپكەرشىلىك ارقالاۋى كەرەكتىگىن، جاستىق كوكتەمنىڭ ەسىل ساتتەرىن بوسقا جىبەرمەۋىمىز كەرەكتىگىن تۇسىندىك“، - دەدى 9 - ايدىڭ 12 - كۇنى زاڭ شياۋلي جىگىتى ۋاڭ لەيمەن بىرگە 2 رەت قول ۇستاسا ەرلىكپەن قارسى اتتانعانىن ەسىنە العاندا ەرەكشە ءماندى سەزىندى.
24 جاستاعى زاڭ شياۋلي ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) جۇڭيا وڭتۇستىك جولى الەۋمەتتىك اۋماعىنىڭ قىزمەتكەرى، اۋەلگى جوسپاردا ول ۋاڭ لەيمەن 8 - ايدا ۇيلەنۋگە تىزىمدەلمەكشى بولعان. 7 - ايدىڭ 16 - كۇنى الەۋمەتتىك اۋماقتىڭ ۇقتىرۋىن تاپسىرىپ العاننان كەيىن، ەكەۋى قول ۇستاسا ىندەتكە بىرگە قارسى اتتانۋعا بەل بايلايدى، ۇيلەنۋ ءىسى دە وسى سەبەپتى كەيىنگە قالدىرىلدى.
ىندەت كەزىندە زاڭ شياۋلي شاڭحاي جولى باتىس 2 - كوشەسىن باسقارۋ كوميتەتى تۇرعىندار اۋلاسىن كوتەرمەگە العان كادر رەتىندە 40 تۇرعىنعا قىزمەت وتەۋگە جاۋاپتى بولادى. ءار كۇنى ساعات 10نان باستاپ ەرتەسى تاڭ سارىگە دەيىن قاربالاستاپ، قاراستى اۋماقتاعى تۇرعىنداردىڭ دەنە تەمپەراتۋراسىن ولشەپ، كوكونىس جەتكىزىپ، ءدارى - دارمەك اپارىپ بەرەدى...
ۋاڭ لەي شينجياڭ اۋەجايى توبىنىڭ قىزمەتكەرى، ونىڭ قىزمەتى كۇن - ءتۇن دەمەي زات تاسىمالداۋشى كەزەكشى ۇشاقتى قابىلداۋ بولعاندىقتان، قاربالاستىقتان مۇرنىنا سۋ جەتپەيتىن. ول ەكەۋى ۋاقىت شىعارىپ اسەرلەرى جونىندە اڭگىمەلەسىپ، ءوز قىزمەت ورىندارىندا تاباندىلىقپەن ىستەپ ناتيجە شىعارۋعا ءبىر - ءبىرىن شابىتتاندىرىپ تۇرادى.
”مەن كونە شاعىن اۋماققا قىزمەت وتەيمىن، وندا تۇراتىنداردىڭ كوبى قارتتار. ىندەت كەزىندەگى قىزمەتىم ولارعا دالمە - ءدال قىزمەت وتەۋ بولدى، سوزىلمالى ناۋقاسى بارلارعا ءدارى - دارمەك ساتىپ الۋ، ءدارى - دارمەك جەتكىزۋ، قيىنشىلىعى بار وتباسىلارىنىڭ قيىنشىلىعىن شەشۋىنە كومەكتەسۋ سياقتىلار“. زاڭ شياۋلي جاس بولعان سوڭ كوبىرەك ەڭبەك ەتىپ، كوبىرەك ۇلەس قوسۋ كەرەكتىگىن ايتتى.
ءار كۇنى تاڭەرتەڭ تۇرعىنداردىڭ دەنە تەمپەراتۋراسىن ولشەپ بولعان سوڭ، زاڭ شياۋلي دەرەۋ كوكونىس دۇكەنىنە بارىپ، كوكونىس جەتكىزۋ قىزمەتىمەن قاربالاستىققا تۇسەدى، ول كۇنىنە ورتاشا ەسەپپەن 30 نەشە بولىك كوكونىس ۇلەستىرەدى، ونان سوڭ، قول اربامەن عيمارات ەسىگىنىڭ الدىنا جەتكىزىپ، تاعى باسپالداقپەن شىعىپ، ءار وتباسىنا كوكونىس جەتكىزىپ بەرەدى. ول تۇرعان شاعىن اۋماق تۇگەلدەي كوپ قاباتتى تۇرعىندار عيماراتى، ءبىر عيماراتتا 6 قابات بار، ول ۇنەمى 10 كيلوگرامداي زاتتى كوتەرىپ باسپالداقپەن جەتكىزەتىندىكتەن، ءار جولى كوكونىس جەتكىزىپ بولعاندا ونە بويى تەرگە مالشىنىپ كەتەتىن.
زاڭ شياۋلي ادامدار اراسىنداعى سۇيىسپەنشىلىكتىڭ شاپ - شاعىن الەۋمەتتىك اۋماقتا تەرەڭ بەينەلەنەتىندىگىن اقتارىلا ايتتى، ول الەۋمەتتىك اۋماق قىزمەتكەرى رەتىندە ءوزىنىڭ جاۋاپكەرشىلىگى بار ەكەندىگىن، ءتىپتى دە ماڭىزدىسى، جاۋاپكەرشىلىك ارقالاۋ كەرەكتىگىن سەزىندى. ول سوزىلمالى ناۋقاسى بار داي اپايعا ءدارى - دارمەك ساتىپ اپارىپ بەرگەن، قول تەلەفون ىستەتۋدى بىلمەيتىن جالعىز ىلىك قارتتىڭ بالالارىمەن بەينەەكراندا سويلەسۋىنە كومەكتەسكەن، جان قالتاسىنان اقشا شىعارىپ، قيىنشىلىعى بار بۇقاراعا تۇرمىستىق بۇيىم ساتىپ اپەرگەن...
تۇرعىندارعا قىزمەت وتەۋ بارىسىندا كوپتەگەن قاراپايىم ىستەر زاڭ شياۋليدى تەبىرەنتكەن. قولى بوساي قالعاندا ولار قىزمەت بارىسىنداعى اششى - تۇششىلاردى بىرگە ءبولىسىپ، باقىت جونىندە اناعۇرلىم تەرەڭ تۇسىنىك قالىپتاستىردى.
”ءسوز جوق، جاقسى ساقتان، استە بەيعامدىق ىستەمە“. بۇل ۋاڭ لەيدىڭ قالىڭدىعىنا ءار كۇنى قاداعالاپ ايتاتىن ءسوزى. ىستىق كۇندە قورعانۋ كيىمىن كيىپ، باسپالداقپەن قاباتقا ورمەلەيتىن زاڭ شياۋليدى ويلاعاندا، ۋاڭ لەي ونى ەرەكشە اياپ كەتەدى.
”ساۋنادا تەگىن بۋلانىپ، ارىقتاپ ءجۇر دەپ ويلاساڭ بولدى“، - دەيدى زاڭ شياۋلي ۋاڭ لەيدىڭ كوڭىلىن جۇباتا قالجىڭداپ. 8 - ايدىڭ 8 - كۇنى جاتاردا زاڭ شياۋلي جىگىتىنە تەرەڭ سۇيىسپەنشىلىككە تولى ”شايقاستاعى عاشىقتىق حاتىن“ جازادى، ەكى رەتكى ىندەت كەزىندەگى ەرلىكپەن قارسى اتتانۋدا ۋاڭ لەي زاڭ شياۋليدىڭ جەتىلە تۇسكەنىن بايقادى.
”بۇل حاتتى قايتا - قايتا وقىپ شىقتىم، ءار رەت وقىعانىمدا العا باسۋىما كۇش - قۋات سيلايدى“. ۋاڭ لەي: ”بولاشاقتاعى تۇرمىسىمىز ءۇشىن، ورتاق مۇراتىمىز ءۇشىن، مەن ونىمەن بىرگە قۇلشىنا العا باسامىن“، - دەدى.
