”بۇرىن مەن تەك نان جابۋشى عانا ەدىم، قازىر ’شينجياڭ ناۋبايىمىن‘، جۇرتتىڭ ءبارى دەڭگەيىڭ، قۇنىڭ جوعارىلادى دەيدى“. تاياۋدا اۆتونوميالى رايون العاشقى توپتاعى 200 ”شينجياڭ ناۋبايىن“ باعالاپ تۇراقتاندىردى. بۇلاردىڭ قاتارىنان ورىن العان كەريا اۋدانى كوكيار اۋىلى شيانفىڭ قىستاعىنىڭ تۇرعىنى مامەت قاۋۇل جوعارى دارەجەلى جۇمىسشى بولىپ باعالانىپ، ءوزىن ەرەكشە ماقتانىش سەزىندى.
مامەتتىڭ نان جاپقانىنا 12 جىل بولدى، شەبەرلىگى دە ءوستى ءارى نان جابۋ سەلبەستىك كووپەراتيۆىنە كىردى. بۇگىنگى كۇندە ايىنا 5000 − 6000 يۋان كىرىس تابادى. ”قولىڭدا ونەر بولسا، كوڭىلىڭ جاي تابادى. قۇلشىنىپ شەبەرلىكتى ارتتىرساق، باقىتتى تۇرمىسقا دەگەن سەنىمىمىز ءتىپتى دە كۇشەيەدى“، - دەدى مامەت.
مامەت سياقتى كوپتەگەن شينجياڭدىقتار قول ارتار ونەرى مەن شەبەرلىكتەرىن ءوسىرۋ ارقىلى وتباسىلارىن باستاپ باقىتتى تۇرمىسقا قادام تاستادى. فاكتىلەر ەڭبەكشىلەردىڭ ساپاسىن تاباندىلىقپەن ۇزدىكسىز جوعارىلاتۋدىڭ جۇمىستانۋ ساپاسىن ءوسىرۋدىڭ، بۇقارانىڭ كىرىسىن ارتتىرۋدىڭ ماڭىزدى تۇتقاسى ەكەنىن دالەلدەدى.
شي جينپيڭ جولداستى ۇيتقى ەتكەن پارتيا ورتالىق كوميتەتى شەبەر دارىندىلار قوسىنى قۇرىلىسى قىزمەتىنە بارىنشا ءمان بەردى. باس شۋجي شي جينپيڭ بىلاي دەپ باسا دارىپتەدى: ەڭبەكشىلەردىڭ ساپاسى ءبىر مەملەكەتتىڭ، ءبىر ۇلتتىڭ دامۋىندا توتەنشە ماڭىزدى. شەبەر دارىندىلاردى باۋلىپ جەتىلدىرۋ، ىستەتۋ، باعالاۋ، شابىتتاندىرۋ ءتۇزىمىن اقاۋسىزداندىرىپ، تەحنيكالىق تاربيەلەۋدى زور كۇشپەن دامىتىپ، كاسىپتىك شەبەرلىككە باۋلۋدى كەڭ كولەمدە ورىستەتىپ، زور توپتاعى جوعارى ساپالى ەڭبەكشىلەر مەن تەحنيكالىق، شەبەرلىك دارىندىلارىن جەدەل باۋلۋ كەرك.
جۇمىستانۋدى جەبەۋ جانە ورنىقتىرۋ، قۇرىلىمدىق جۇمىستانۋدىڭ قايشىلىعىن شەشۋ ءۇشىن، سوڭعى جىلدارى رايونىمىز جۇمىستانۋداعى ءتۇيىندى قاۋىم، كاسىپورىندارداعى جۇمىسشى - قىزمەتكەرلەر جانە ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى ەڭبەككۇشتەر سياقتى قالا، اۋىلدارداعى ءتۇرلى ەڭبەكشىلەردى بەتكە الىپ، شەبەرلىككە باۋلۋدى كەڭ كولەمدە ورىستەتىپ، تەحنيكالىق تاربيەلەۋدى زور كۇشپەن دامىتىپ، ءتىپتى دە كوپ ەڭبەكشىلەردىڭ شەبەرلىك ارقىلى جۇمىستانۋ، شەبەرلىك ارقىلى كىرىستى ارتتىرۋ، شەبەرلىك ارقىلى دارىندى بولۋ جولىنا تۇسۋىنە مۇمكىندىك جاسادى.
شەبەرلىك ۇيرەنىپ، قالتالارى بارعان سايىن قامپايدى
”قازىر تەتىگىن مەڭگەرگەن تەحنيكام كوبەيدى، اقشانى دا مولىنان تاباتىن بولدىم“، - دەدى اقتاۋ اۋدانى فۋشيڭ كىلەمشىلىگى شەكتى سەرىكتەستىگىنىڭ قىزمەتكەرى ميھىرگۇل ابدىكەرىم.
ميھىرگۇلدىڭ ءۇيى اقتاۋ اۋدانى جامالتەرەك اۋىلى توتاي قىستاعىندا تۇرادى. العاش جۇمىسقا شىققاندا سەرىكتەستىك ونى نازاريالىق جانە امالياتتىق جاقتان باۋلىدى، العاشقى ايدا ول 800 يۋان شاكىرت قوسىمشا قاراجاتىن الدى.
ميھىرگۇل شوگەلدىلىكپەن ۇيرەنىپ، ءبىر جىلدا 3 نەگىزگى تەحنيكانى يگەرىپ الدى، ايلىق ەڭبەكاقىسى دا 3500 يۋانعا ءوستى. ول كۇيەۋى الىمجان راشيتتى دە سەرىكتەستىككە جۇمىسقا شىعىپ ماشينا جوندەۋ تەحنيكاسىن ۇيرەنۋگە باستادى. قازىر ەرلى - زايىپتى ەكەۋى ايىنا 7000 − 8000 يۋان كىرىس تابادى. كىرىستەرى كوبەيگەن سوڭ ولار جەڭىل اۆتوموبيل ساتىپ الىپ، ءار كۇنى جۇمىسقا بىرگە باراتىن بولدى. ”شەبەرلىك ارقىلى جۇمىستانۋدىڭ ارقاسىندا دوڭگەلەك داۋلەتكە جەتتىك“، - دەدى ميھىرگۇل قۋانا.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى كاسىپتىك قابىلەت قۇرىلىسى باسقارماسىنىڭ باستىعى لياڭ پيڭ بىلاي دەپ تانىستىردى: رايونىمىز كاسىپتىك شەبەرلىككە باۋلۋ سەرپىنىن كۇشەيتىپ، عۇمىرلىق كاسىپتىك شەبەرلىككە باۋلۋ ءتۇزىمىن جولعا قويىپ، وڭتۇستىك شينجياڭداعى 4 ايماق - وبلىستاعى اۋىر كەدەي وڭىرلەردە جۇمىستاندىرۋ ارقىلى كەدەيلەردى سۇيەمەلدەۋدى ىلگەرىلەتۋ جوسپارىنان جاڭا بۋىن شارۋا جۇمىسكەرلەردىڭ شەبەرلىگىن جوعارىلاتۋ جوسپارىنا؛ كاسىپورىنداردىڭ جاڭا تيپتەگى شاكىرت ءتۇزىمىن جاپپاي جولعا قويۋدان قالا، اۋىلداعى ءتۇرلى ەڭبەكشىلەردى قامتىعان كاسىپتىك شەبەرلىكتى ءوسىرۋ ارەكەتىنە دەيىن كاسىپتىك شەبەرلىككە باۋلۋدىڭ قامتۋ اياسى بىرتىندەپ كەڭەيىپ، يگىلىككە كەنەلۋشىلەر بارعان سايىن كوبەيە ءتۇستى.
كەدەي ەڭبەككۇشتەردىڭ جۇمىستانۋ قابىلەتىن جوعارىلاتۋ ءۇشىن، رايونىمىز وڭتۇستىك شينجياڭداعى اۋىر كەدەي وڭىرلەردى ءتۇيىن ەتىپ، كەدەي ەڭبەككۇشتەردى ساتىلار، تۇرلەر بويىنشا كاسىپتىك جاقتان باۋلىپ، كەدەي وتباسىلارىنىڭ اربىرەۋىندە كەم دەگەندە ءبىر ەڭبەكشىنىڭ ءبىر جۇمىستانۋ شەبەرلىگىن يگەرۋىنە شىنايى كەپىلدىك ەتتى. 2018 - جىلدان بيىل 6 - ايدىڭ 30 - كۇنىنە دەيىن بۇكىل رايوندا 612 مىڭ 400 ادام (رەت) كەدەي ەڭبەككۇش تاربيەلەندى، مۇنىڭ ىشىندە وڭتۇستىك شينجياڭداعى 4 ايماق - وبلىستان 515 مىڭ 500 ادام (رەت) بار.
بالىق بەرسەڭ، ءۇش ۋاق تاماق بولادى؛ بالىق اۋلاۋدى ۇيرەتسەڭ، ومىرلىك ازىق بولادى. قازىر تەحنيكاعا سۇيەنىپ جان باعاتىن كەدەي ەڭبەككۇشتەر بارعان سايىن كوبەيۋدە، ولار وزىندىك دامۋ قابىلەتىن ارتتىرىپ، كەدەيلىكتەن جوعارى ساپامەن ارىلۋعا سەنىمدەرى ارتا ءتۇستى. ءماريام يمار اقسۋ قالاسىنداعى ءبىر توقىماشىلىق كاسىپورنىندا ساراپشى قىزمەتكەرى بولىپ ىستەيدى، وندىرىلگەن جىپتەردىڭ ساپا وتكەلىن ارنايى تەكسەرەدى. ول: ”مەنىڭ قازىر بىرنەشە ايدا تاباتىن كىرىسىم ءۇيىمىزدىڭ جەر ەگىپ ءبىر جىلدا تاباتىن كىرىسىنە بارابار كەلەدى، ءۇيدى اشەكەيلەپ، ءساندى جاڭا كيىمدەر ساتىپ الىپ، تۇرمىسىمىز بارعان سايىن جاقسارا ءتۇستى“، - دەدى.
ونەردىڭ ارقاسىندا ارمانعا ونان ارى جاقىنداي ءتۇستى
”سيلىق ساحناسىندا تۇرعاندا شەبەرلىكتىڭ ماعان بەرگەن ابىروي - داڭقىن تەرەڭ سەزىندىم ءارى باقىتتى تۇرمىستىڭ كۇرەسپەن كەلەتىنىن دە تەرەڭ سەزىندىم“. بىلتىر مەملەكەتتىك تۇڭعىش كەزەكتى ”3 رايون، 3 وبلىستىڭ“ كاسىپتىك شەبەرلىك جارىسىندا سيلىق العان كەزىن ەسكە العاندا، قاشقار تەحنيكتەر شۋەيۋانى ماشينا - ەلەكتر ينجەنەريا فاكۋلتەتىنىڭ وقۋشىسى ماۋلەنجان ساۋۇت ەرەكشە اسەرلەندى.
وسى زامانعى كاسىپتىك وقۋ - اعارتۋدى جەدەل دامىتۋ − پارتيا ورتالىق كوميتەتىنىڭ، مەملەكەتتىك كەڭەستىڭ جاساعان كەلەلى ستراتەگيالىق ورنالاستىرۋى، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋدەگى ماڭىزدى شارا. پارتيا 18 - قۇرىلتايىنان بەرى، رايونىمىز باۋلۋ ۇلگىسىن ۇزدىكسىز ساپالىلاندىرىپ، وسى زامانعى كاسىپتىك وقۋ - اعارتۋ دارىندىلارىن باۋلۋ جۇيەسىن بەلسەنە قۇرىپ، ءاربىر ادامنىڭ ناتيجە شىعارۋ ورايىنا يە بولۋىنا قۇلشىندى.
ماۋلەنجان ءپايزاۋات اۋدانىنان، جوعارى مەكتەپكە ءوتۋ ەمتيحانى ءساتسىز بولعاننان كەيىن، ول شەبەرلىك ارقىلى دارىندى بولۋ جولىن تاڭداپ، دانەكەرلەۋ شەبەرلىگىنە قاجىرلىلىقپەن جاتتىعىپ، مەكتەپتە بەينەسى ەرەكشە جاقسى بولدى. ”ءبىز وقىعاندا مەملەكەتتىڭ ’ءۇشتى كەشىرىم ەتۋ، بىرگە جاردەماقى بەرۋ‘ ساياساتىنان يگىلىكتەندىك، وتباسىمنىڭ كوپتەگەن اۋىرتپالىعى جەڭىلدەدى“، - دەدى ماۋلەنجان.
2019 - جىلى 11 - ايدا ماۋلەنجان بۇكىل مەملەكەتتىك تۇڭعىش كەزەكتى ”3 رايون، 3 وبلىس“ كاسىپتىك شەبەرلىك جارىسىندا دانەكەرلەۋ ءتۇرى وقۋشىلار گرۋپپاسىنىڭ مىس مەدالىن جەڭىپ الىپ، دانەكەرشى اعا جۇمىسشى شەبەرلىك دارەجە كۋالىگىنە يە بولدى.
”مۇعالىمنان سۇراعامىن، مەنىڭ ماماندىعىم بويىنشا جۇمىستانۋدان قام جەۋدىڭ قاجەتى جوق، ءبىر ايدا كەم دەگەندە 4000 − 5000 يۋان تابۋعا بولادى ەكەن“، - دەدى ماۋلەنجان، ورتالىق تەلەۆيزياسىنىڭ حۇجاتتى فيلمى «ءىرى ەل شەبەرلەرىن» كورۋدى قاتتى ۇناتاتىن ونىڭ ءوز ءومىر جولىنداعى تاڭداۋىنا دەگەن سەنىمى بارعان سايىن كۇشەيدى.
وسى زامانعى كاسىپتىك وقۋ - اعارتۋ رەفورماسىنىڭ، دامۋىنىڭ ارقاسىندا ماۋلەنجان سياقتى ءتىپتى دە كوپ تەحنيكالىق شەبەر دارىندىلار جەتىلىپ شىقتى. 2019 - جىلعا دەيىن رايونىمىزدا ورتا دارەجەلى كاسىپتىك وقۋ - اعارتۋ مەكتەبىنەن 158ى، مەكتەپتەگى وقۋشى 255 مىڭ 400 ادام بولدى؛ تەحنيكۋم مەكتەپتەرىنەن 98ى، مەكتەپتەگى وقۋشى 82 مىڭ 527 ادام بولدى.
”بۇكىل رايونداعى تەحنيكالىق مەكتەپتەردەگى وقۋشىلاردىڭ سانى ’12 - بەسجىلدىق‘ كەزىندەگىدەن ءبىر قاباتتالدى“. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى تەحنيكالىق تاربيە جەتەكشىلىك ەتۋ ورتالىعىنىڭ مەڭگەرۋشىسى جي يۇيلين بىلاي دەدى: جۋىرداعى جىلداردان بەرى، اۆتونوميالى رايوننىڭ تەحنيكالىق تاربيە كورسەتكەن ساياساتتىق قولداۋىنىڭ، سونداي - اق ۇسىنىلىم تەبىنىنىڭ ارتۋىنا ىلەسە، رايونىمىزدىڭ تەحنيكالىق تاربيەسى تەز دامىپ، تەحنيكالىق جوعارى مەكتەپتەردە 100دەن اسا ماماندىق اشىلىپ، اۋىل شارۋاشىلىعى، ونەركاسىپ، ساياحات قىزمەت وتەۋ كاسىبى سياقتى سالالاردى قامتىدى.
ءبىر ادامدى كاسىپكە تاربيەلەۋ − ءبىر ادامدى كاسپتەندىرگەندىك، ءبىر وتباسىن كەدەيلىكتەن ارىلتقاندىق. جۋىرداعى جىلداردان بەرى، رايونىمىز كاسىپتىك وقۋ - اعارتۋدىڭ قامتاماسىزدىق رولىن تولىق ساۋلەلەندىرىپ، ”بارلىق ادام وقي الاتىن، بارلىعى شەبەرلىك يگەرەتىن، ءار وتباسىندا ءۇمىت بولاتىن“ وقۋ - اعارتۋ ارقىلى كەدەيلىكتەن ارىلتۋدان قامال الۋ جاعدايىن كۇش سالا قالىپتاستىرىپ، كەدەي وتباستارىنىڭ ”كەدەيلىك تامىرىن ۇزۋىنە“ دەم بەردى. ”ءبىز كەدەي وتباستارىنىڭ وقۋشىلارى ءۇشىن جاسىل ارنا اشتىق. ارحيۆ تۇرعىزىلىپ، كارتچكالاندىرىلعان ءار كەدەي وتباسىنىڭ وقۋشىلارىنىڭ قالاۋى بارلارى تۇگەلدەي تەحنيكالىق وقۋ - اعارتۋدان تەگىن يگىلىكتەندى“، - دەدى جي يۇيلين.
ادامدى قۋانتاتىنى، رايونىمىزداعى تەحنيكالىق مەكتەپتەردەن وقۋ تاۋىسقان وقۋشىلاردىڭ جۇمىستانۋى ءبىرشاما جوعارى ورەنى ساقتاپ كەلدى. 2019 - جىلى رايونىمىزداعى تەحنيكالىق مەكتەپتەردەن وقۋ تاۋىسقان وقۋشىلاردىڭ جۇمىستانۋ مولشەرى ％97تەن استامعا جەتىپ، كەيبىر ماماندىقتار بويىنشا وقۋ تاۋىسقان وقۋشىلارعا دەگەن سۇرانىس قامداۋدان اسىپ، وقۋ تاۋىسقان كەزدە كاسىپورىندار ”تالاسىپ قابىلداۋ“ قۇبىلىسى جارىققا شىقتى.
قازىر ”ەڭبەك داڭقتى، شەبەرلىك قىمباتتى، جاڭالىق اشۋ ۇلى“ دەيتىن قوعامدىق سالت قالىپتاسۋدا. اناعۇرلىم كوپ جاستار كاسىپتىك شەبەرلىك ۇيرەنۋدى تاڭداپ، بارلىق ادام شەبەرلىككە يە بولىپ، بارلىق ادام ونەر يگەرىپ، ءار كاسىپتەن دارىندىلار مولىنان شىعىپ، جۇلدىزداي جارقىرادى. شينجياڭ قۇراستىرۋ اعا تەحنيكتەر مەكتەبىنىڭ وقىتۋشىسى ۋاڭ جىن ماقتانىشپەن: ”مەنىڭ وقۋشىم ما شيڭيۇي 17 جاسىندا - اق اعا تەحنيك تولىمدىلىعىن الدى، بۇل بۇكىل رايوندا ساۋساقپەن سانارلىقتاي عانا؛ ما شىجۇن بىلتىر وقۋ تاۋىسقاننان كەيىن شانشي ماشينا تەحنيكالىق مەكتەبىنىڭ وقىتۋشىسى بولدى، جۋىردا ’شانشي ماشينا شەبەرى‘ اتاعىنا يە بولدى“، - دەدى.
شەبەرلىك ورەسى جوعارىلاپ، تۇرمىس بارعان سايىن جاقساردى
”اعا جۇمىسشى بولىپ باعالانعاننان كەيىن، قازىر مەنىڭ كىرىسىم 7000 يۋاننان استامعا شىعىپ، بۇرىنعىدان 2000 يۋانعا جۋىق كوبەيدى“، - دەدى 8 - ايدىڭ 17 - كۇنى گۋاڭحۇي ەنەرگيا جارنا شەكتى سەرىكتەستىگىنىڭ قىزمەتكەرى كاڭ شياۋچياڭ.
2018 - جىلى رايونىمىز تيانشان شەبەرلەرى جوسپارىن اتقارۋ ناقتى ەرەجەسىن شىعارىپ، اۆتونوميالى رايونداعى ءتۇيىندى، تىرەكتى كاسىپ سالالارىنا شۇعىل قاجەتتى، تاپشى جوعارى شەبەرلىكتەگى دارىندىلاردان جىلىنا 10 مىڭ ادام جەتىلدىردى؛ «تەحنيك جۇمىسشىلاردىڭ مامىلەسىن جوعارىلاتۋ جونىندەگى اتقارۋ پىكىرىن» شىعاردى، ونىڭ وزەكتى مازمۇنى ”تەحنيك جۇمىسشىلاردىڭ شەبەرلىگىنە سۇيەنىپ مامىلەسىن جوعارىلاتۋىنا قولداۋ كورسەتۋ“ بولدى.
2019 - جىلى 7 - ايدا رايونىمىز كاسىپورىن شەبەر دارىندىلارىن دەربەس باعالاۋدان سىناق ءتۇيىنىن ورىستەتتى، قىزمەتكەرلەردىڭ شەبەرلىك ورەسى جونىندە كاسىپورىننىڭ ”ايتقانى ەسەپ بولدى“، دەربەس باعالاۋ ورىستەتكەن كاسىپورىنداردا باعالاۋ ناتيجەسى، ءسوز جوق، ەڭبەكاقى مامىلەسىمەن قاتىستى بولاتىن بولدى.
گۋاڭحۇي ەنەرگيا جارنا شەكتى سەرىكتەستىگى شەبەر دارىندىلاردى دەربەس باعالاۋ ورىستەتكەن كاسىپورىنداردىڭ ءبىرى، 29 شەبەرلىك ءتۇرى بويىنشا شەبەرلىك دارەجەسىن دەربەس تۇراقتاندىرۋ تولىمدىلىعىنا يە. وسى جىلى بۇل سەرىكتەستىك مەملەكەتتىك جوعارى دارەجەلى شەبەر دارىندىلاردى باۋلۋ بازاسى بولىپ بەكىتىلدى.
”ءوزىم ونەر يگەردىم، كىرىسىم كورنەكتى جوعارىلادى. دەمالىس كەزىندە ۇيىمدەگىلەرمەن بىرگە ساياحاتتاپ شىعاتىن بولدىق، تۇرمىسىمىز بارعان سايىن جاقساردى“، - شەبەرلىگىنە سۇيەنىپ مامىلەسىن جوعارىلاتۋعا قولداۋ كورسەتۋ ساياساتىنىڭ تيىمدىلىگىنە كەنەلۋشى رەتىندە، كاڭ شياۋچياڭ ءوزىنىڭ ۇزدىكسىز قۇلشىنىپ، ەرتەرەك تەحنيك، اعا تەحنيك بولىپ باعالانۋعا كۇش سالاتىندىعىن ايتتى.
”ءبىز كاسىپورىنداردىڭ جۇمىسشى - قىزمەتكەرلەرىنە باۋلۋ ورىستەتۋىنە قولداۋ كورسەتەمىز ءارى بەلگىلى مولشەردە جاردەماقى بەرەمىز“، - دەدى لياڭ پيڭ، رايونىمىز كاسىپورىنداردىڭ جۇمىسشى - قىزمەتكەرلەرى جۇمىسقا شىعۋدان بۇرىنعى باۋلۋعا، حاۋىپسىزدىك شەبەرلىككە باۋلۋعا، جۇمىس ورنى شەبەرلىگىن جوعارىلاتۋ باۋلۋىنا، جۇمىس اۋىستىرۋ، كاسىپ اۋىستىرۋ باۋلۋىنا قاتىناسقاندا، تۇرلىشە شەبەرلىك دارەجەسى بويىنشا ءار ادامعا ەڭ تومەن بولعاندا 1800 يۋاننان، ەڭ جوعارى بولعاندا 6000 يۋاننان باۋلۋ جاردەماقىسىن بەرەدى.
”مەن 1997 - جىلى قىزمەتكە قاتىناسقامىن، باستاۋىش دارەجەلى جۇمىسشى، ورتا دارەجەلى جۇمىسشىدان اعا تەحنيك، اعا ينجەنەر بولىپ باعالانعانعا دەيىن ءار ايلىق ەڭبەكاقىم 1000 − 2000 يۋاننان جوعارىلاپ، قازىر 10 مىڭ يۋانعا تايادى. پارتيا مەن ۇكىمەت شەبەر دارىندىلارعا بارعان سايىن ءمان بەرەتىن بولدى، ءبىزدىڭ قوعامدىق ورنىمىز جوعارىلادى، ابىرويىمىز دا ارتا ءتۇستى“، - دەدى مەملەكەتتىك كەڭەستىڭ ۇكىمەتتىك ەرەكشە سياقىسىنان يگىلىكتەنەتىن ەرەكشە ترانسفورماتور ونەركاسىپ شينجياڭ كەرنەۋ وزگەرتكىش زاۆودىنىڭ اعا تەحنيگى، مەملەكەتتىك شەبەرلەر ءۇيىنىڭ باستاماشىسى ۋاڭ چاڭپيڭ.
2018 - جىلدان 2019 - جىلعا دەيىن بۇكىل رايوندا جيىنى 21 جوعارى دارەجەلى شەبەر دارىندىلاردى باۋلۋ بازاسى، 35 شەبەرلەر قىزمەت ءۇيى قۇرىلىپ، 56 مىڭ 700 جوعارى دارەجەلى شەبەر دارىندى جاڭادان مولايدى. 6 - ايدىڭ 30 - كۇنىنە دەيىن بۇكىل رايوندا جيىنى 25 كاسىپورىن شەبەر دارىندىلاردى دەربەس باعالاۋ ورىستەتىپ، 30 مىڭنان استام شەبەرلىك دارەجە كۋالىگىن تاراتتى.
ءاربىر ادام ءبىر شەبەرلىككە سۇيەنىپ، جاپپاي دوڭگەلەك داۋلەتتى تۇرمىسقا بەت العان جولدا رايونىمىزداعى ءار ۇلت بۇقاراسىنڭ قادامى، ءسوز جوق، ءتىپتى دە ارشىندى بولا تۇسەدى.
