الدىدا ءجۇرىپ، ونەگە بولدى

日期:2020年09月16日
来源:新疆日报
【字体:

پۇرحات وشۇر:

الدىدا ءجۇرىپ، ونەگە بولدى

  ”كۇز بەن قىس ماۋسىمى تىنىس جولى جۇقپالى اۋرۋلارى ءجيى قوزاتىن مەزگىل، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدى ۇدايىلاندىرۋدى ويداعىداي ىستەۋدە ءبىز تيتتەي دە سەلقوستىق ىستەۋىمىزگە استە بولمايدى“، - دەدى اۆتونوميالى رايوندىق اۋرۋدىڭ الدىن الۋ جانە ونى تىزگىندەۋ ورتالىعى سوزىلمالى، بەي جۇقپالى اۋرۋلاردىڭ الدىن الۋ جانە ونى تىزگىندەۋ ورنىنىڭ باستىعى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ بويىنشا ەپيدەميولوگيالىق تەكسەرۋ گرۋپپاسىنىڭ ورىنباسار باستىعى پۇرحات وشۇر 9 - ايدىڭ 8 - كۇنى تىلشىگە.

  وسى رەتكى جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستار تۋرالى مالىمدەۋلەردى تاپسىرىپ العان سوڭ، پۇرحات ىندەتتەن ساقتانۋ - تىزگىندەۋ بويىنشا ەپيدەميولوگيالىق تەكسەرۋ قىزمەتىنە دەرەۋ كىرىسىپ كەتتى. ەپيدەميولوگيالىق تەكسەرۋ مامانى بولعان ول مەملەكەتتىڭ، اۆتونوميالى رايوننىڭ جانە ءۇرىمجى قالاسىنىڭ تەحنيكالىق قىزمەتكەرلەرىمەن بىرلەسە وتىرىپ ەپيدەميولوگيالىق تەكسەرۋ، ساندى مالىمەتتەردى تالداۋ، ىندەت جاعدايىن باعامداۋ جۇمىستارىن جۇرگىزىپ، اۆتونوميالى رايوننىڭ ىندەتتەن ساقتانۋ - تىزگىندەۋ بويىنشا قولباسشىلىق ەتۋىنە، شەشىم قابىلداۋىنا شەشۋشى دايەكتەر ۇسىندى.

  ”ەپيدەميولوگيالىق تەكسەرۋ ىندەتتى ءبىر جاقتى ەتۋدە ايرىقشا ماڭىزدى رول اتقارادى. ءبىزدىڭ ىستەيتىن جۇمىسىمىز بارلىق ءادىس - امالدى قولدانىپ ماسەلەنىڭ قايدان شىققانىن تاۋىپ شىعۋ“. پۇرحاتتىڭ ايتۋىنشا، ەپيدەميولوگيالىق تەكسەرۋ ىندەتتەن ساقتانۋ - تىزگىندەۋدە ماڭىزدى ءمان الادى، جۇعۋ قاينارىن تابۋ، تىعىز جاناسقانداردى اداقتاپ تەكسەرۋ، تارالۋ جولىن جانە ىقپال فاكتورىن اشىپ كورسەتۋ، جاسىرىن مەزگىلىن ايقىنداۋ سياقتى جۇمىستار جۇرگىزىلەدى، ول ساقتانۋ - تىزگىندەۋ شارالارىنىڭ ناتيجەسىن باعالاۋدىڭ، ساقتانۋ - تىزگىندەۋ ۇسىنىستارىن دايىنداۋ سياقتىلاردىڭ ماڭىزدى دايەگى بولىپ تابىلادى.

  سارس، H1N1 اۋرۋعا دۋشار ەتۋ ىقتيمالدىعى جوعارى قۇس تۇماۋى سياقتى ىندەتتەردى ءبىر جاقتى ەتۋگە ارالاسقان پۇرحاتتىڭ جۇقپالى اۋرۋلاردان ساقتانۋ - تىزگىندەۋ تاجىريبەسى مول. جىل باسىنداعى بۇكىل ەلدەگى جاڭا تيپتى ايدارشا ۆيرۋس وكپە قابىنۋ ىندەتى كەزىندە، ول شينجياڭدا 5 ايماق - وبلىستا جانە ۇرىمجىدە ىندەتتەن ساقتانۋ - تىزگىندەۋگە جەتەكشىلىك ەتۋ قىزمەتىن ورىستەتتى. وسى رەت ىندەت تۋىلعاندا، ول تاعى دا اۆتونوميالى رايوننىڭ ەپيدەميولوگيالىق تەكسەرۋ گرۋپپاسىنىڭ ورىنباسار باستىعى بولدى.

  ىندەت كەزىندە پۇرحات مەملەكەتتىڭ، اۆتونوميالى رايوننىڭ جانە اۋرۋدىڭ الدىن الۋ جانە ونى تىزگىندەۋ جۇيەسىنىڭ ورنالاستىرۋ ماجىلىسىندە كوپ رەت بەينەەكرانمەن ساباق سويلەدى جانە ەپيدەميولوگيالىق تەكسەرۋ جۇمىسىنىڭ تاجىريبەسىمەن ءبولىستى. ول مەملەكەتتىڭ ەپيدەميولوگيالىق تەكسەرۋ ماماندار گرۋپپاسىمەن سايكەسىپ، ەپيدەميولوگيالىق تەكسەرۋ ۇلگىسىن جاساپ، ەپيدەميولوگيالىق تەكسەرۋ بويىنشا مالىمدەۋ، قاراپ بەكىتۋ ءتۇزىمىن ورناتىپ، ەپيدەميولوگيالىق تەكسەرۋ ءتارتىبىن تولىقتاپ، كەمەلدەندىردى.

  پۇرحات ”قاي جەرلەردە بولدىڭ، كىمدەرمەن كەزدەستىڭ، نەلەرمەن جاناستىڭ“ دەگەن سوزدەردى تەلەفوندا سان مارتە قايتالاپ، قىسقا عانا 2 − 3 مينۋتتا نەشە ون ينفورماتسيانى يەلەپ ۇلگىرەدى. ”دياگنوزى تۇراقتاندىرىلعان ناۋقاستاردىڭ اۋرۋ بايقالۋىنىڭ الدىنداعى 2 كۇندەگى قيمىل ءىزى ارقىلى تىعىز جاناسۋشىلاردى ايقىندايمىز، ناۋقاستاردىڭ 14 كۇندەگى قيمىل ءىزىن تەكسەرىپ ىقتيمال جۇعۋ قاينارىن ىزدەستىرەمىز... تالداۋ جاساۋ ارقىلى ايقاسۋ تۇيىندەرىن تاۋىپ شىعىپ، تىعىز جاناسۋشىلاردى اۋاشالاپ، ۆيرۋستىڭ تارالۋ كولەمىن ءونىمدى تىزگىندەۋگە بولادى“، - دەيدى ول.

  ” تەك سول ادامنىڭ ورنىندا تۇرىپ ويلاستىرعاندا عانا، ونىڭ ويىنداعىسىن اشىق ايتۋىنا مۇمكىندىك جاساۋعا بولادى“. پۇرحات ەپيدەميولوگيالىق تەكسەرۋ جۇرگىزگەن كەزدە جىلى سوزدەرمەن تەلەفوننىڭ ارعى باسىنداعى ادامدى دوسىنا بالاپ، ۋيچاتتا، تەلەفوندا قىسىر كەڭەستەر قۇرىپ، ءتىپتى، ساقتانۋ - قورعانۋدى ويداعىداي ىستەۋ شارتىن ورىنداي وتىرىپ ناۋقاسپەن بەتپە - بەت سويلەسىپ، كوپتەگەن جارامدى ينفورماتسيالارعا قول جەتكىزدى.

  تارالۋ تىزبەگىنە تالداۋ جاساپ، جۇعىمدالۋ قاينارىن ىزدەپ، تىعىز جاناسقانداردى جەدەل اداقتاپ تەكسەرىپ، ىندەت جاعدايىن باعامداپ، ساقتانۋ - تىزگىندەۋدەگى ساڭىلاۋلاردى بايقاپ، ىندەتتىڭ تارالۋىنا ىقپال جاسايتىن فاكتورلاردى ايقىندادى... ءار كۇنى قاربالاس تا اۋىر ەپيدەميولوگيالىق تەكسەرۋ قىزمەتى اقىرلاسقان سوڭ، پۇرحات سول كۇنگى مالىمەتتى دايىنداۋ جۇمىسىن جالعاستىردى جانە دەر كەزىندە جوعارىعا مالىمدەپ وتىردى.

  ”مەن پارتيا مۇشەسىمىن، ءسوز جوق، الدىدا ءجۇرىپ، ونەگە بولۋىم كەرەك. مەن ءوزىمنىڭ بارلىق قابىلەتىمدى ارناپ، شينجياڭ حالقىنىڭ ءومىرىنىڭ حاۋىپسىزدىگى مەن دەنساۋلىعىن قورعايمىن“، - دەيدى پۇرحات نىق سەنىممەن.