ۋاڭسان كوشەسىندە ەتەنە باۋىرلاستاردىڭ جاڭا داستانى جازىلدى

9 - ايدىڭ 9 - كۇنى لۋ جيانبو (سولدا) مەن مۇحتار ابدۇرۇسول ”ۇلتتار ىنتىماعىنىڭ بەرەكەلى شاڭىراعى“ اسحاناسىندا تيجارات جۇرگىزۋ جوسپارىن اقىلداسۋدا.

　　9 - ايدىڭ 9 - كۇنى ساعات 20دان 38 مينۋت وتكەندە مۇحتار ابدۇرۇسول مەن تۋىسى لۋ جيانبو ۋاڭسان كوشەسىندەگى ”ۇلتتار ىنتىماعىنىڭ بەرەكەلى شاڭىراعى“ اسحاناسىنا كەلدى. ”ءبىراز ۋاقىتتان بەرى كەزدەسۋگە مۇرسا بولمادى، ۇيىمدەگىلەردى باستاپ تاماقتانۋعا كەلدىم، وعان قوسا الداعى تيجارات جۇرگىزۋ جوسپارىن اقىلداسامىز“، - دەدى مۇحتار.

　　اقسۋ قالاسى حۇڭچياۋ ءمالى باسقارماسى حۇڭچياۋ الەۋمەتتىك اۋماعىنداعى ۋاڭسان كوشەسى الىس - جۋىققا اتى ايگىلى ”جۇرەكتەستەر كوشەسى“. بۇل 100 جىلدىق بايىرعى كوشەدەن ۇلتتار ىنتىماعىنىڭ ءبىر تاماشا حيكاياسى تارالىپ كەلەدى. چيڭ پاتشالىعىنىڭ سوڭعى كەزىندە تيانجيندىق ساۋداگەر ۋاڭ فۋساي اقسۋدان ءبىر ۇيعۇر ۇل بالانى باعىپ الىپ، اتىن ۋاڭ سان دەپ قويادى. ۋاڭ سان اسىراپ العان اكەسىنەن ساۋدا ىستەۋدى جانە جۇڭگوشا شيپاگەرلىكتى ۇيرەنىپ، ەرجەتكەننەن كەيىن اقسۋدان ءبىر بازار سالىپ، اتىن ۋاڭسان كوشەسى دەپ اتايدى.

　　بۇل كۇندەرى ۋاڭسان رۋحى اقسۋ قالاسىندا ساۋلەلەنىپ كەلەدى، ءۇرتىس ورىستەتىلگەن ”ۇلتتار ىنتىماعىنىڭ بەرەكەلى شاڭىراعى“ قيمىلى كوپتەگەن ”جاڭا ۋاڭ سانداردى“ تۋدىردى، مۇحتار مەن لۋ جيانبو وسىلاردىڭ ىشىندەگى ءبىر جۇبى ەدى.

　　”ول ۋاڭسان كوشەسىنەن ءبىر جۇڭگوشا شيپاگەرلىك ەمحاناسىن اشقان بولاتىن، ۇنەمى مەنىڭ دۇكەنىمە كەلىپ ۇگىت كىتاپشالارىن باستىرىپ الىپ ءجۇردى، بارىپ - كەلىپ ءجۇرىپ دوستاسىپ كەتتىك“، - دەيدى لۋ جيانبو. 2017 - جىلى 8 - ايدا مۇحتار مەن لۋ جيانبو جۇپ قۇراپ، تۋىستاسۋ قيمىلىندا تۋىس بولىپ، كوپ بولىپ قارجى قۇراۋ فورماسىمەن ءبىر ”ۇلتتار ىنتىماعىنىڭ بەرەكەلى شاڭىراعى“ اسحاناسىن اشۋدى اقىلداسادى.

　　2018 - جىلى 1 - ايدا 7 ۇلتتان شىققان 88 جارناگەردىڭ جارنا قوسۋىمەن ”ۇلتتار ىنتىماعىنىڭ بەرەكەلى شاڭىراعى“ اسحاناسى تيجارات باستايدى. ”باستابىندا ءبىز توڭىرەگىمىزدەگى تۋىس - تۋعان، دوس - جاراندارىمىزعا اسحانانىڭ سەلبەسىپ تيجارات جۇرگىزۋ فورماسىن ۇگىتتەپ، اسحانانىڭ تاپقان پايداسىنىڭ ％5ىن قيىنشىلىعى بار بۇقاراعا كومەككە بەرۋدى جوسپارلاپ، ءوز ءىسىمىز ارقىلى ”ۋاڭسان رۋحىنا“ مۇراگەرلىك ەتۋدى ويلاستىردىق. مۇحتار: ” قاريدارلار ءبىزدىڭ ’ۇلتتار ىنتىماعىنىڭ بەرەكەلى شاڭىراعى‘ اسحانامىزعا كەلىپ تاماقتانعاندا الدىمەن 2 - قاباتتاعى ۇلتتار ىنتىماعى كورمە زالىنا بارىپ، ۇلتتار ىنتىماعى حيكايالارىمەن تانىسىپ، ونان سوڭ 1 - قاباتقا ءتۇسىپ تاماقتانادى“، - دەيدى ماقتانىشپەن.

　　2019 - جىلى اسحانا 50 مىڭ يۋاننان استام اقشا شىعارىپ قيىنشىلىعى بار بۇقاراعا كومەكتەسەدى. كەيىن كەلە تاعى دا قارجى قوسۋشىلارمەن اقىلداسىپ” ۇلتتار ىنتىماعىنىڭ بەرەكەلى شاڭىراعى“ اسحاناسىن تيانجيننەن اشۋدى ۇيعارادى.

　　”ۇلتتار ىنتىماعىنىڭ بەرەكەلى شاڭىراعى“ اسحاناسىنىڭ قارجى قوسۋشىلارىنىڭ اراسىندا ماحىمەت توحتى اتتى ءبىر قارجى قوسۋشى ۋاڭ ساننىڭ نەمەرەسى بولاتىن، ونىڭ ەندى ءبىر اتى ۋاڭ ۋيحان ەدى، ونىڭ اكەسى ۋاڭ شىيىڭ ونان شاڭىراقتىڭ ءداستۇرىن ماڭگى ەسىندە ساقتاپ، ءوزىنىڭ ءتول كەشىرمەلەرى جانە شىنايى اسەرلەرى ارقىلى ۇلتتار ىنتىماعى حيكايالارىن جاقسى ايتىپ، وڭ ەنەرگيا تاراتۋدى ءۇمىت ەتكەن بولاتىن.

　　”مەنىڭ ىشكى وڭىردەگى شينجياڭ تولىق ورتا مەكتەبىندە وقيتىن قىزىم ۇنەمى ساباقتاستارىنا ۋاڭ فۋساي مەن ۋاڭ ساننىڭ اڭگىمەسىن ايتىپ بەرەدى. تۋىسىم جاۋ چيڭ ەكەۋىمىز مەنىڭ كەنجە ۇلىمنىڭ اتىن ۋاڭ حانچيڭ دەپ قويدىق، ۇلتتار ىنتىماعى گۇلىنىڭ قۇلپىرا بەرۋىن ءۇمىت ەتەمىن“، - دەيدى ماحىمەت.

　　بايىرعى بەينە شىت جاڭا تۇسكە ەندى! وتكەن كۇندەردەگى شاعىن بازار بۇل كۇندەرى مادەنيەت، سالت - سانا، ەرەكشە تاعامدار ءبىر تۇلعالانعان ەرەكشە مادەنيەت ساياحات ماركاسىنا اينالدى، بۇل 100 جىلدىق بايىرعى كوشەدەگى ءار ۇلت ساۋداگەرلەرى اراسىندا قويۋ سۇيىسپەنشىلىك ورناپ، ەكونوميكالىق دامۋدى جەتەكتەۋمەن بىرگە، اقسۋ قالاسى وبرازىنىڭ تاماشا تانىسقىسىنا دا اينالدى.

　　حۇڭچياۋ ءمالى باسقارماسى پارتيا قىزمەتى كوميتەتىنىڭ شۋجيى چاي لين ماقتانىشپەن بىلاي دەدى:”قازىرگە دەيىن ۋاڭسان كوشەسى 7 رەت جۇپ قۇراپ، تۋىس بولۋ قيمىلىن ورىستەتتى، مۇنداعى 197 ساۋداگەردىڭ ءبارىنىڭ تۋىسى بار، ولار مادەنيەتتە ءوزارا ۇيرەنىپ، ساۋدا - تيجاراتتا ءوزارا كومەكتەسىپ، تۇرمىستا ءوزارا سەلبەسىپ، شەبەرلىكتە ءوزارا باۋلىپ، تاتۋ دا بەرەكەلى ۇلكەن شاڭىراق قالىپتاستىرىپ، جۇرت تىلەگىن اناعۇرلىم جاقسى ۇيىستىرىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتۋدا جەبەۋ رولىن اتقارىپ كەلەدى“.

　　بيىلعى ىندەت كەزىندە ۋاڭسان كوشەسىندەگى ساۋداگەر جاۋ بين الەۋمەتتىك اۋماققا قۇنى 13 مىڭ يۋاندىق كەزەكشىلىك قاراۋىل كۇركەسىن كومەككە بەردى، دەر كەزىندە اقسۋ قالاسىنىڭ ىندەتتەن ساقتانۋدىڭ ءبىرىنشى شەبىنە 60 مىڭ يۋاندىق ماسكى جانە تۇرمىستىق زاتتىق ماتەريالدارىن تارتۋ ەتتى؛ ابىلىمەت مامەت شينجياڭداعى تۋىس - تۋعان، دوس - جاراندارىنا قارا تارتىپ كەلگەن مۋ رۇڭگۋاڭدى قىزمەت ورنىمەن جانە جاتار ورىنمەن قامدادى...

　　ۋاڭسان كوشەسىندە، اقسۋ قالاسىندا ۇلتتار ىنتىماعىنىڭ بەرەكەلى شاڭىراعى حيكايالارى ايتىپ تاۋىسقىسىز. ”ءبىز ۋاڭ سان سياقتى ءار ۇلت دوستارمەن جۇرەكتەس، سىرلاس بولىپ، ءبىر وتباسى ادامدارىنداي بولىپ، جاڭا ءداۋىردىڭ ’ۋاڭ سانى‘ بولامىز“ دەگەن مۇحتاردىڭ ءسوزى ءاربىر ساۋداگەردىڭ جۇرەك ۇنىنە ۋاكىلدىك ەتتى.

　　”ەتەنە باۋىرلاس بولساق بايلىعىڭ سارقىلمايدى“. ۋاڭسان كوشەسى سىندى وسى ”ماركانىڭ“ جەتەكتەۋىندە، ءبىر - بىرلەگەن ۇلتتار ىنتىماعى ىستەرىنە مۇراگەرلىك ەتۋ مەن دامىتۋدىڭ اۋىر مىندەتىن ارقالاعان جاڭا داۋىردەگى ”ۋاڭ ساندار“ وزدەرىنىڭ ءىس جۇزىندىك ارەكەتى ارقىلى قوعام جاراسىمدىلىعىن جەبەپ، جەرگىلىكتى ورىننىڭ ەكونوميكاسىنىڭ، قوعامىنىڭ جوعارى ساپالى دامۋىنا دەم بەرۋدە“، - دەدى چاي لين.