تىلەكتەستىك اعاشىن ەگىپ، ىنتىماق جەمىسىن كوردى
− ورتالىق پەن مەملەكەت ورگاندارىنىڭ، ورتالىققا قاراستى كاسىپورىنداردىڭ 9 - توپتا شينجياڭعا كومەكتەسۋ قىزمەتىنەن ەستەلىك (3)
شينجياڭعا 3 جىل كومەكتەسۋگە كەلىپ، شينجياڭعا ومىرلىك سۇيىسپەنشىلىك ورناتتى. بۇل كاسىپتەستەر ارا سۇيىسپەنشىلىك، ۇستاز بەن شاكىرت سۇيىسپەنشىلىگى، باۋىرلاستار سۇيىسپەنشىلىگى، اسىرەسە، قويۋ ۇلتتار ىنتىماعى سۇيىسپەنشىلىگى ەدى.
باس شۋجي شي جينپيڭ ۇلتتار ىنتىماعى − ءار ۇلت حالقىنىڭ جانى دەپ اتاپ كورسەتتى.
ورتالىق پەن مەملەكەت ورگاندارىنان، ورتالىققا قاراستى كاسىپورىنداردان 9 - توپتا شينجياڭعا كومەككە كەلگەن كادر - دارىندىلار باس شۋجيدىڭ تاپسىرماسىن ەستەرىندە بەرىك ساقتاپ، شينجياڭعا كومەكتەسۋ قىزمەتىندە شينجياڭداعى ءار ۇلت حالقىمەن بەرەكە - بىرلىكتە بولىپ، ۇلتتاردىڭ ارالاسۋىن، ىشتەسۋىن، توعىسۋىن ءىس جۇزىندىك ارەكەتتەرىمەن جەبەپ، شينجياڭعا كومەكتەسۋ نىساندارىن حالىق تىلەگىنە قول جەتكىزۋدىڭ، ۇلتتار ىنتىماعىن كۇشەيتۋدىڭ ماڭىزدى دانەكەرى ەتىپ، شينجياڭعا باعىتتامالى كومەكتەسۋ قىزمەتىن ۇلتتار ىنتىماعىن كۇشەيتۋ ينجەنەرياسى ەتىپ تۇلعالادى، كوركەم شينجياڭدى بىرگە قۇردى، وتان ارمانىن بىرگە ورىندادى.
3 جىل دەن قويا باپتاۋدىڭ ناتيجەسىندە، سول كەزدە ەگىلگەن تىلەكتەستىك اعاشى بۇگىندە سۇيىنەرلىك ىنتىماق جەمىسىن بەردى.
ءوزارا بارىس - كەلىس جاساپ، ىنتىماقتى جەبەدى
3 جىلدان بەرى ورتالىققا قاراستى ورىنداردىڭ شينجياڭعا كومەكتەسۋشى كادر - دارىندىلارى ”ۇلتتار ىنتىماعىنىڭ بەرەكەلى شاڭىراعى“ قيمىلىن ىشكەرىلەي ورىستەتىپ، ۇلتتار ىنتىماعى قىزمەتىنىڭ تىڭعىلىقتى، تۇبەگەيلى، بۇقارا رازى بولارلىقتاي ىستەلۋىن ىلگەرىلەتتى.
”ۇلتتار ىنتىماعىنىڭ بەرەكەلى شاڭىراعى“ قيمىلىندا تۇرعىن ءۇي جانە قالا، اۋىل قۇرىلىسى مينيسترلىگىنەن شينجياڭعا كومەككە كەلگەن كادر، ءۇرىمجى جوعارى، جاڭا تەحنيكالىق كاسىپتەر اشۋ رايونى (جاڭا قالا رايونى) پارتكومىنىڭ تۇراقتى مۇشەسى، رايوننىڭ ورىنباسار باستىعى ۋاڭ تيانشياڭ 60 نەشە جاستاعى ءماريام امەتپەن تۋىس بولدى. مەرەكە - مەيرامداردا ۋاڭ تيانشياڭ قۇنتتىلىقپەن سالەم - ساۋقىت ساتىپ الىپ قارياعا امانداسىپ، شارۋاسى بولسىن - بولماسىن، قاريانىڭ ۇيىنە ۇنەمى بارىپ تۇردى. ءماريام: ”ول ۇنەمى ماعان حالىققا تيىمدىلىك جاساۋ ساياساتتارىن تۇسىندىرەدى، قىزىمنىڭ جۇمىستانۋ ماسەلەسىن شەشۋگە دە كومەكتەستى، پارتيانىڭ بىزگە وسىنداي جاقسى كادردى جىبەرگەنىنە راقىمەت ايتامىن“، - دەدى.
ۋاڭ تيانشياڭ مەن ءماريامنىڭ حيكاياسى سياقتى شينجياڭعا كومەككە كەلگەن كوپتەگەن كادرلار مەن ولاردىڭ تۋىستارى اراسىندا دا حيكايالار بار.
ورتالىق ساياسي - زاڭ كوميتەتىنەن شينجياڭعا كومەككە كەلگەن كادر، اۆتونوميالى رايوندىق پارتكوم ساياسي - زاڭ كوميتەتىنىڭ ورىنباسار شۋجيى بي دىگو اۆتونوميالى رايوندىق پارتكومنىڭ ۇندەۋىنە بەلسەنە ءۇن قوسىپ، 7 ايماق - وبلىستا 6 ۇلتتىڭ 9 وتباسىمەن تۋىس بولدى، 11 بالا ونى جاقىن تارتىپ ”بەيجيڭ اكە“ دەپ اتادى.
ورتالىققا قاراستى ورىنداردان شينجياڭعا كومەككە كەلگەن كادر - دارىندىلار ءار الۋان فورمادا ۇلتتار ىنتىماعى بىرلەسكەن دوستىق قيمىلىن بەلسەنە ورىستەتتى. كوپشىلىك ءبىر - بىرىمەن ارالاسىپ، اڭگىمە ايتىپ، ءان شىرقاپ، باس قوسىپ اڭگىمەلەسۋ ارقىلى ارالاسۋ، ىشتەسۋ، توعىسۋدى كۇشەيتىپ، اناردىڭ دانىندەي تىعىز ۇيىستى.
سۇيىسپەنشىلىك ءوزارا ارالاسۋ بارىسىندا تەرەڭدەپ، يگى، ناقتى ىستەر ىستەۋ بارىسىندا قويۋلاي ءتۇستى.
شينجياڭعا كومەككە كەلگەن كادر، اۆتونوميالى رايوندىق جەرگىلىكتى فينانس باقىلاۋ - باسقارۋ مەكەمەسىنىڭ ورىنباسار باستىعى شاۋ شياڭلي شينجياڭعا كەلگەن سوڭ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە قاتىناسۋعا ىرىقتى تۇردە ءوتىنىش بەردى. ول ”كىچيڭزى مەيىرىمدىلىك وقۋعا كومەك قورىن“ قۇرىپ، بۇقاراعا 300دەن استام يگى، ناقتى ىستەر ىستەپ بەردى، ءوزى جەكەلەي 200 مىڭ يۋان شىعارىپ، قىستاق تۇرعىندارىنىڭ قيىنشىلىعىن شەشۋگە كومەكتەستى.
ۇعىسۋعا قاراعاندا، ورتالىق پەن مەملەكەت ورگاندارىنان، ورتالىققا قاراستى كاسىپورىنداردان 9 - توپتا شينجياڭعا كومەككە كەلگەن كادر - دارىندىلار شينجياڭداعى ءار ۇلت بۇقاراسىنان جيىنى 481 وتباسى، 1634 اداممەن تۋىس بولعان، تەك جەكەلەردىڭ جىلۋ اتاۋ، وقۋعا كومەكتەسۋ، كەدەيلەردى سۇيەمەلدەۋ، قيىنشىلىعى بارلارعا كومەكتەسۋ قارجىسىنىڭ ءوزى 3 ميلليون 700 مىڭ يۋاننان اسقان.
زەيىن - زەردە، كۇش - قۋاتتى شوعىرلاندىرىپ، شىنايى مويىنداۋدى كۇشەيتتى
3 جىلدان بەرى، شينجياڭعا كومەككە كەلگەن كادر - دارىندىلار مادەنيەتتى شىنايى مويىنداۋعا تاباندى بولۋدى ەڭ تەرەڭ قاتپارداعى شىنايى مويىنداۋ ساناپ، شينجياڭنىڭ ۇلتتار ىنتىماعى، العاباسارلىعى ىستەرىنىڭ دامۋىن زەيىن - زەردە، كۇش - قۋاتتى شوعىرلاندىرا وتىرىپ ىلگەرىلەتتى. ”وسى بىرنەشە جىلدا ءبىز مادەنيەت ارقىلى شينجياڭعا كومەكتەسۋدى تياناق ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، رايون ءىشى - سىرتىنا شينجياڭ حيكايالارىن جاقسى اڭگىمەلەۋگە، شينجياڭنىڭ تاماشا وبرازىن سومداۋعا قۇلشىندىق. «كۇن ساۋلەسى استىنداعى ءبي» اتتى مۋزيكالى ءبي جىرىن مەملەكەتتىك 12 - كەزەكتى كوركەمونەر فەستيۆالىنا قاتىناستىردىق، شينجياڭنىڭ تۇڭعىش كەڭ ەكراندى كينو فيلمى − «ءومىر اعىسىن» جاسادىق، «بەيجيڭنەن كەلگەن جاۋاپ حات»، «انار پىستى» اتتى ءان تۋىندىلارى مەملەكەتتىك سيلىققا يە بولدى. سونىمەن بىرگە رەفورما جاساۋ، ەسىك اشۋدىڭ 40 جىلدىعىن، جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ سياقتى ماڭىزدى ۋاقىت كەزەڭدەرىن ارقاۋ ەتىپ، ءبىر قىدىرۋ ماڭىزدى ادەبيەت - كوركەمونەر قيمىلدارىن ۇيىمداستىرىپ اتقاردىق، نەگىزگى تاقىرىپتىق مۋزيكا كەشى «وتاندى جىرلاۋ» سياقتىلار رايون ءىشى - سىرتىنا شينجياڭنىڭ ىنتىماقتى، جاراسىمدى، ورنىقتى دامىعان تاماشا جاعدايىن كورسەتتى“، - دەدى ورتالىق كوميتەت ۇگىت بولىمىنەن شينجياڭعا كومەككە كەلگەن كادر، اۆتونوميالى رايوندىق پارتكوم ۇگىت ءبولىمىنىڭ ورىنباسار باستىعى جاڭ حۇڭ، - ”وسى كونسەرتتەردە بۇقارانىڭ جانىندا تۋىلعان شاعىن اڭگىمەلەر كىرىسۋ ءتۇيىنى ەتىلىپ، شينجياڭدا سوڭعى جىلداردا تۋىلعان زور وزگەرىستەر كوركەمونەر فورماسىمەن بەينەلەندى، ءار ۇلت بۇقاراسىنىڭ قارسى الۋىنا بولەنىپ قانا قويماي، كاسىپ سالاسىندا دا وتە جوعارى القاۋعا يە بولدى“.
شينجياڭ ءۇشىن زەيىن - زەردە، كۇش - قۋاتتى شوعىرلاندىرىپ ۇلەس قوسقان شينجياڭعا كومەككە كەلگەن كادر - دارىندىلار تولىپ جاتىر.
ورتالىق ينتەرنەت ينفورماتسيا كەڭسەسىنەن شينجياڭعا كومەككە كەلگەن كادر، اۆتونوميالى رايوندىق پارتكوم ينتەرنەت ينفورماتسيا كەڭسەسىنىڭ ورىنباسار مەڭگەرۋشىسى دي دوحۋا ”سۇيەم سەنى جۇڭگو. شينجياڭ كورىكتەندى“، ”شينجياڭ جاقسى جەر. تالانتتاردىڭ باتىسقا ساپارى“ سياقتى ينتەرنەت نەگىزگى تاقىرىپتىق تاراتۋ قيمىلىن جوبالاپ اتقاردى، تاراتۋ مولشەرى 9 ميلليارد 480 ميلليون ادام - رەتكە جەتتى؛ ”شينجياڭعا جارشى بولامىن“ اتتى كولەمدى ينتەرنەتتىك الەۋمەتتىك يگىلىك ارەكەتىن وتكىزىپ، شينجياڭنىڭ ءىشى - سىرتىندا 50 نەشە توپتى، 400 مىڭ ادامدى شينجياڭعا جارشى بولۋعا باستاپ، جۇڭگو حيكايالارىن جاقسى اڭگىمەلەۋدىڭ ”شينجياڭ ۇلگىسىنە“ اينالدىردى.
3 جىلدان بەرى ورتالىققا قاراستى ورىنداردان شينجياڭعا كومەككە كەلگەن كادر - دارىندىلار ارتىقشىلىقتارى مەن كاسىپتىك ەرەكشەلىكتەرىن ساۋلەلەندىرىپ، بۇقارا قۋانا قۇپ الاتىن، ساناعا، كوڭىلگە ۇيالايتىن فورما ارقىلى ءبىر قىدىرۋ ۇگىتتەۋ، تانىستىرۋ جانە مادەنيەت اۋىس - كۇيىسى قيمىلىن جوبالاپ ورىستەتىپ، شينجياڭداعى ءار ۇلت بۇقاراسى اراسىندا ”ءۇشتىڭ ءبىر - بىرىنەن ايرىلا الماۋى“ يدەياسىن مىقتاپ ورناتىپ، ”بەستى شىنايى مويىنداۋدى“ ۇزدىكسىز كۇشەيتتى.
ەڭ ۇلكەن سەنترلەس شەڭبەردى سىزدى
3 جىلدان بەرى ورتالىققا قاراستى ورىنداردان شينجياڭعا كومەككە كەلگەن كادر - دارىندىلار كوپىرلىك، دانەكەرلىك رولدى تولىق ساۋلەلەندىرىپ، جىبەرگەن ورىندار مەن شينجياڭداعى ءار ۇلت كادر - بۇقاراسىنىڭ كەڭ كولەمدە ارالاسۋىن، شىنايى سۇيىسپەنشىلىكپەن ىشتەسۋىن، تەرەڭ توعىسۋىن ىلگەرىلەتتى.
”كەدەيلىكتەن ارىلتۋدان قامال الۋ شايقاسىندا جالعىز شايقاس جاساعام جوق“، - دەدى جۇڭگو مۇناي حيميا توبىنان شينجياڭعا كومەككە كەلگەن كادر، اقسۋ ايماقتىق پارتكومنىڭ مۇشەسى گو چيجۇن، - ”ءار جاقتاعى قوعامدىق كۇشتەردى سايكەستىرىپ، كەدەيلىكتەن ارىلتۋدان قامال الۋعا دەم بەرۋ مەنىڭ بۇلتارتپاس جاۋاپكەرشىلىگىم“.
3 جىلدان بەرى گو چيجۇن جۇڭگو مۇناي حيميا توبىنىڭ قاتىستى ورىندارىن كومپيۋتەر، پرينتەر، كوپيالاۋ ماشيناسى جانە تەلەۆيزوردان 600 داناسىن، قۇنى 100 مىڭ يۋاننان اساتىن وقۋشىلار پىسىقتاۋ كىتابى، سومكە، مادەنيەت، دەنە تاربيە جابدىقتارى سياقتى بۇيىمداردى جىلۋعا اتاۋعا سايكەستىردى؛ جۇڭگو مۇناي حيميا توبىنىڭ زەرتتەۋ ورنى 30 مىڭ يۋاننىڭ كىتابىن جىلۋعا اتادى؛ جۇڭگو مۇناي توبى، جۇڭگو مۇناي حيميا توبى ”ۇعىسۋ، تيىمدىلىك جاساۋ، توعىستىرۋ“ قىزمەتىنە كومەككە بەرگەن قارجىسى مەن زاتتىق ماتەريالدارى ءبىر ميلليون يۋان بولدى...
بەيجيڭ قالاسىنان شينجياڭعا كومەككە كەلگەن كادر، ءۇرىمجى قالالىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى ۋاڭ حۇڭ جىبەرگەن ورىن مەن شينجياڭداعى ءار ۇلت كادر - بۇقاراسىنىڭ تەرەڭ توعىسۋىن بەلسەنە ىلگەرىلەتتى. ونىڭ جەبەۋىندە بەيجيڭ قالالىق دەنساۋلىق ساقتاۋ، سالاماتتىق كوميتەتى مەن ءۇرىمجى قالالىق حالىق ۇكىمەتى «بەيجيڭ مەن ءۇرىمجىنىڭ ەمدەۋ - دەنساۋلىق ساقتاۋ سەلبەستىك جۇلگەلىك كەلىسىمىنە» قول قويىپ، بەيجيڭ قالاسىنان 9 ەمدەۋ - دەنساۋلىق ساقتاۋ قۇرىلىمى ءۇرىمجى قالاسىنداعى 8 ەمدەۋ - دەنساۋلىق ساقتاۋ قۇرىلىمىنا باعىتتامالى كومەكتەسىپ سۇيەمەلدەدى.
3 جىلدان بەرى شينجياڭداعى ءار ۇلت كادر - بۇقاراسى مەن ورتالىققا قاراستى ورىندارداعى كادرلار، جۇمىسشى - قىزمەتكەرلەر تەرەڭ سۇيىسپەنشىلىك ورناتىپ، ۇلتتار ىنتىماعىنىڭ سەنترلەس شەڭبەرىن ونان ارى ۇلكەيتىپ سىزدى، جۇڭحۋا ۇلتى ورتاق تۇلعا تانىمىن ونان ارى نىعايتتى. ءار ۇلت كادر - بۇقاراسى ”ءبىزدىڭ تۋىستارىمىز بارلىق جەردە بار، اۋداندا تۋىسىمىز بار، قالادا تۋىسىمىز بار، استانا بەيجيڭدە دە تۋىسىمىز بار، ءبىز ءبىر - ءبىرىمىزدى سۇيەتىن ءبىر ءۇيلى جاندارمىز“، - دەدى شىن جۇرەكتەن.
