9 - ايدىڭ 11 - كۇنى تۇستەن كەيىن اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 97 - رەتكى ۇنەمىلىك ىستەر ءماجىلىسىن باسقارىپ اشىپ، جالپى حالىقتىق دەنە شىنىقتىرۋ جانە سپورتتىق تۇتىنۋىن جەبەۋ، ”الدىمەن جۇمىس كۋالىگىن، ونان سوڭ تيجارات كۋالىگىن بەرۋ“ رەفورماسىنان كەيىنگى ءىس بارىسىنداعى، ىستەن كەيىنگى باقىلاۋ - باسقارۋدى كۇشەيتۋدى، شينجياڭ تاس جول قاتىناس - تاسىمالى جانە ساياحات كاسىبىن توعىسپالى دامىتۋ قىزمەتىن ىلگەرىلەتۋدى اقىلداستى.
ءماجىلىس مىنالاردى اتاپ كورسەتتى: جالپى حالىقتىق دەنە شىنىقتىرۋدى جانە سپورتتىق تۇتىنۋدى جەبەۋ − دەنە تاربيە كاسىپ سالاسىن جوعارى ساپادا دامىتۋدى ىلگەرىلەتۋدىڭ قۋاتتى قوزعالتقىشى، جالپى حالىقتىڭ دەنە شىنىقتىرۋى مەن جالپى حالىقتىڭ سالاماتتىعىن تەرەڭ توعىستىرۋدى ىلگەرىلەتۋدە، ەكونوميكانىڭ دامۋىن كۇش ۇستەپ ىلگەرىلەتۋدە، قوعام ورنىقتىلىعى مەن باياندى تىنىشتىق باس نىساناسىنا ءتىپتى دە ويداعىداي قىزمەت وتەۋدە اسا كەلەلى مانگە يە. ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، الەۋمەتتىك بايلىق قاينارىن دەنە تاربيە جارىسى قيمىلدارىنا اشىق ۇستاۋدى ىلگەرىلەتىپ، جارىس ىستەرىنە قىزمەت وتەۋدى باسقارۋ مەحانيزمىن كەمەلدەندىرۋ؛ بۇرىنعى بار سالىق - اقى ساياساتتارىن تياناقتاندىرىپ، ءبىلىم مەنشىك ۇقىعىن قورعاۋدى كۇشەيتىپ، فينانستىق قولداۋ سەرپىنىن كۇشەيتۋ؛ سپورتتىق تۇتىنۋ ورتاسىن ساپالىلاندىرىپ، سپورتتىق تۇتىنۋ سىناق ءتۇيىنىن ورىستەتىپ، دامۋ قوزعاۋشى كۇشىن ارتتىرۋ؛ دەنە تاربيە كاسىپ سالاسىن جەرمەن قامداۋدى ساپالىلاندىرىپ، جالپى حالىقتىق دەنە شىنىقتىرۋ قۇرىلعىلارى قۇرىلىسى سەرپىنىن ارتتىرىپ، مەكتەپتەردىڭ دەنە تاربيە الاڭى قۇرىلعىلارىن دامىتۋ كومەسكى قۋاتىن اشۋ؛ ۇكىمەت قارجىسىنىڭ جەتەكشىلىك، باستاماشىلىق رولىن ساۋلەلەندىرىپ، سپورت كاسىپ سالاسىن دامىتۋ تۇعىرىن قۇرىپ، سپورتتىق قوعامدىق ۇيىمداردى دامىتۋدى جەبەۋ؛ كاسىپ سالاسى قۇرىلىمىن جاقسارتىپ، سپورتتىق قىزمەت وتەۋ كاسىبىنىڭ سالىستىرماسىن جوعارىلاتىپ، قار - مۇز كاسىپ سالاسىن دامىتۋدى جەدەلدەتۋ؛ ”دەنە تاربيە +“ قيمىلىن اتقارىپ، سپورتتىق مەديتسينا، سپورتتىق ساياحات، سپورتتىق تاربيەنىڭ توعىسپالى دامۋىن ىلگەرىلەتۋ؛ سپورت كاسىپ سالاسى دارىندىلارىن باۋلۋدى جەدەلدەتىپ، قىزمەت وتەۋ ورەسىن جوعارىلاتۋ كەرەك.
ءماجىلىس مىنالاردى اتاپ كورسەتتى: ”الدىمەن جۇمىس كۋالىگىن، ونان سوڭ تيجارات كۋالىگىن بەرۋ“، ءىس بارىسىنداعى، ءىس سوڭىنداعى باقىلاۋ - باسقارۋدى كۇشەيتۋ − ”تومەنگە بەرۋ، باسقارۋ، قىزمەت وتەۋ“ رەفورماسىن دايەكتىلەندىرۋدىڭ، تياناقتاندىرۋدىڭ ماڭىزدى شاراسى، ۇكىمەت فۋنكتسياسىنا بۇرىلىس جاساۋدى ىلگەرىلەتۋدە، بازاردى باقىلاۋ - باسقارۋدا جاڭالىق اشۋدا جانە كۇشەيتۋدە ماڭىزدى مانگە يە. ساۋدا ىستەرى ءتۇزىمى رەفورماسىن تەرەڭدەتىپ، بازار باقىلاۋ - باسقارۋ ۇستانىمىنا بۇرىلىس جاساپ، ءارقايسى تاراۋلاردىڭ رۇقسات بەرۋ، تەكسەرۋ - بەكىتۋ ىستەرىن باقىلاۋ - باسقارۋ جاۋاپكەرشىلىگىن ونان ارى ايقىنداپ، سەنىمدىلىكتى باقىلاۋ - باسقارۋدى، سەلبەسىپ باقىلاۋ - باسقارۋدى، كاسىپ سالاسىن باقىلاۋ - باسقارۋدى، قوعامدىق باقىلاۋ - باسقارۋدى جانە كاسپورىننىڭ تارتىپشەڭدىگىن كۇشەيتىپ، ۇقىعى، جاۋاپكەرشىلىگى ايقىن، جاريا، جوعارى ءونىمدى ءىس بارىسىنداعى، ءىس سوڭىنداعى باقىلاۋ - باسقارۋ مەحانيزمىن ورناتىپ، ۇكىمەت پەن بازاردىڭ قاتىناسىن دۇرىس ءبىر جايلى ەتىپ، ءادىل باسەكەلى بازار ءتارتىبىن قورعاۋ كەرەك.
ءماجىلىس مىنالاردى باسا دارىپتەدى: قاتىناس - تاسىمال − ساياحات كاسىبىن دامىتۋدىڭ نەگىزدىك تىرەگى جانە العى شارتى، ”ساياحات ارقىلى شينجياڭدى گۇلدەندىرۋ“ ستراتەگياسىن اتقارۋدى جەدەلدەتۋدە، ءسوزسىز، قاتىناس - تاسىمال مەن ساياحاتتىڭ توعىسپالى دامۋىن جەبەۋ كەرەك. نەگىزگى جانە تارماق جەلى ۇلاسقان تەز جەتىپ اسىقپاي ساياحاتتايتىن جول تورى جۇيەسىن، ساپاسى تاڭداۋلى ەرەكشە سارا ساياحات جەلىسى جۇيەسىن، سالىستىرمالى كەمەلدى تاس جول بويىنداعى قىزمەت وتەۋ قۇرىلعىلارى جۇيەسىن، حاۋىپسىز، جوعارى ءونىمدى تاس جول ساياحات تاسىمال جۇيەسىن قۇرۋدى جەدەلدەتىپ، ”قاتىناس + ساياحات“ جاڭا كاسىپ كۇيى جۇيەسىن جەدەل قالىپتاستىرۋدى جەبەپ، كورىكتى شينجياڭدى ءتىپتى دە ىركىلىسسىزدەندىرىپ، باقىتتى ساياحاتتىڭ قارقىنىن جەدەلدەتۋ كەرەك.
ءماجىلىس باسقا دا ىستەردى اقىلداستى.
