جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق 12 - كەزەكتى كوميتەتى 2 - ءماجىلىسىنىڭ ساياسي قاۋلىسى

(ساياسي كەڭەس شينجياڭ ۇيعۇر اۆتونوميالى رايوندىق 12 - كەزەكتى كوميتەتىنىڭ 2 - ماجىلىسىندە 2019 - جىلى 1 - ايدىڭ 17 - كۇنى ماقۇلداندى)

جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق 12 - كەزەكتى كوميتەتىنىڭ 2 - ءماجىلىسى 2019 - جىلى 1 - ايدىڭ 13 - كۇنىنەن 17 - كۇنىنە دەيىن ۇرىمجىدە وتكىزىلدى.

ءماجىلىس ءتوراعا شوكىرات زاكىردىڭ ۇكىمەت قىزمەتىنەن جاساعان بايانداماسىن تىڭدادى جانە تالقىلادى، اۆتونوميالى رايوندىق جوعارى حالىق سوتى مەكەمەسىنىڭ قىزمەت بايانداماسىن، اۆتونوميالى رايوندىق حالىق پروكۋراتۋراسىنىڭ قىزمەت بايانداماسىن جانە باسقا دا قاتىستى باياندامالاردى تالقىلاپ، اتالعان باياندامالاردى قۇپتايتىنىن ءبىلدىردى، سونداي - اق پىكىرلەر مەن ۇسىنىستاردى ورتاعا قويدى. ءماجىلىس اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلىنىڭ اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتى اتىنان جاساعان قىزمەت بايانداماسىن قاراپ بەكىتتى، اۆتونوميالى رايوندىق ساياسي كەڭەستىڭ ورىنباسار ءتوراعاسى ماعاۋ سەيىتقامزا ۇلىنىڭ اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتى اتىنان جاساعان ۇسىنىس جوبا قىزمەتىنىڭ جاعدايى جونىندەگى بايانداماسىن قاراپ بەكىتتى، بارلىق مۇشەلەر وسكەلەڭ ساياسي جاۋاپكەرشىلىك سەزىممەن جانە تاريحي بورىشتىلىق سەزىممەن، قىزمەت جاۋاپكەرشىلىكتەرىن مۇقيات اتقارىپ، ۇسىنىس جوبا قويۋ، ماجىلىستە لەبىز ءبىلدىرۋ، گرۋپپالار تالقىسىن وتكىزۋ، قوعامدىق جاعدايدى، حالىق رايىن، ينفورماتسيالاردى اڭىس ەتۋ سياقتى فورمالار ارقىلى ۇكىمەت ءىسىن ىشكەرىلەي كەڭەسىپ، بەلسەنە اقىل - كەڭەس بەرىپ، جاڭا داۋىردەگى ساياسي كەڭەس مۇشەلەرىنىڭ جاڭا بەينەسىن، جاڭا ىسكەرلىگىن ايگىلەدى.

ءماجىلىس بىلاي دەپ قارادى: وتكەن ءبىر جىلدا، شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم تۇتاس رايونداعى ءار ۇلت كادرلارى مەن بۇقاراسىن ىنتىماقتاستىرىپ جانە باستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، شىنايى يگەرىپ، ناقتى ىستەپ، قيىنشىلىقتاردان قامال الىپ، شينجياڭدا قوعامدىق جالپى جاعداي جاراسىمدى، ورنىقتى بولعان، ەكونوميكا ورنىقتى، اقاۋسىز دامىعان، حالىق تۇرمىسى ۇزدىكسىز جاقسارعان، سان سالالى ىستەر جاپپاي العا باسقان تاماشا جاعدايدىڭ جارىققا شىعۋىن ىلگەرىلەتتى. اۆتونوميالى رايوندىق پارتكومنىڭ دۇرىس باسشىلىعىندا تۇتاس اۆتونوميالى رايونىمىزداعى ءار دارەجەلى ساياسي كەڭەس ۇيىمدارى ىنتىماق جانە دەموكراتيا سىندى 2 ۇلكەن نەگىزگى تاقىرىپتان جازباي، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ارناۋلى كەڭەس قۇرىلىمى رولىن تولىق ساۋلەلەندىرىپ، ۇكىمەت ىسىنە كەڭەس بەرۋ مەن ورتاق تانىم ۇيىستىرۋ جاعىنا كۇش سالىپ، ىنتىماقتى، دەموكراتيالى، شىنايى ىستەپ، العا باساتىن، قارىشتاپ داميتىن جاڭا جاعدايدى ونان ارى كەڭەيتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋگە، تياناقتاندىرۋعا، جوعارى ساپالى دامۋدى ىلگەرىلەتۋگە ەلەۋلى ۇلەس قوستى.

ءماجىلىس مىنالاردى اتاپ كورسەتتى: 2019 - جىل − جاڭا جۇڭگو قۇرىلعاندىعىنىڭ 70 جىلدىعى، حالىق ساياسي ءماسليحات كەڭەسى قۇرىلعاندىعىنىڭ 70 جىلدىعى، جاپپاي دوڭگەلەڭ داۋلەتتى قوعام ورناتۋدىڭ شەشۋشى جىلى. تۇتاس رايونىمىزداعى ءار دارەجەلى ساياسي كەڭەس ۇيىمدارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا، ءسوز جوق، باستان - اياق تاباندى بولىپ، جەتە ۇيرەنۋگە، جەتە يگەرۋگە، شىنايى تياناقتاندىرۋعا ۇزدىكسىز كۇش سالىپ، ساياسي جاقتاعى، يدەيالىق جاقتاعى، نازاريالىق جاقتاعى، سۇيىسپەنشىلىك جاعىنداعى شىنايى مويىنداۋدى ۇزدىكسىز كۇشەيتىپ، «ءتورت تانىمدى» مىقتاپ ورناتىپ، «ءتورت سەنىمدى» بەكەمدەپ، باس شۋجي شي جينپيڭنىڭ ۇيتقىلق ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، يدەيادا، ساياسيدا، ارەكەتتە باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، بارلىق ارەكەتتە پارتيا ورتالىق كوميتەتىنىڭ بۇيرىعى مەن قولباسشىلىعىنا بويسۇنىپ، پارتيا ورتالىق كوميتەتى دارىپتەگەندەرگە باتىل ءۇن قوسىپ، پارتيا ورتالىق كوميتەتىنىڭ ۇيعارىمدارىن باتىل اتقارىپ، پارتيا ورتالىق كوميتەتى تيىم سالعاندارىنان باتىل تيىلىپ، ءىس جۇزىندىك ارەكەتى ارقىلى پارتيا ورتالىق كوميتەتىنىڭ اسقاق ابرويى مەن بۇلجىماس شەشىم جاسايتىن بەدەلىن قورعاۋ كەرەك. جاڭا داۋىردەگى پارتيا قۇرىلىسى جالپى تالابىن دايەكتىلەندىرىپ، ساياسي كەڭەس جۇيەسىنىڭ پارتيا قۇرىلىسىن جاپپاي كۇشەيتىپ، ساياسي كەڭەس قىزمەتىن باستان - اياق پارتكوم قىزمەتى جالپى جاعدايىنا قويۋ، بارلىق قىزمەتتى باس نىسانانى مىقتاپ ارقاۋ ەتە وتىرىپ جوبالاۋ، ىلگەرىلەتۋ، پارتكوم ورنالاستىرسا، ساياسي كەڭەس تياناقتاندىرۋ، پارتكوم تالاپ ەتسە ساياسي كەڭەس ءۇن قوسۋ، پارتكوم نۇسقاۋ بەرسە ساياسي كەڭەس اتتانىسقا كەلۋ، پارتيانىڭ وزەكتى قىزمەتى قاي جەرگە دەيىن ورىستەتىلسە ساياسي كەڭەس قىزمەتىن سول جەرگە دەيىن جەتكىزۋ، اقىل - پاراسات پەن كۇش - قۋاتتى سول جەرگە شوعىرلاندىرۋ كەرەك.

ءماجىلىس مىنالاردى باسا دارىپتەدى: تۇتاس رايونىمىزداعى ءار دارەجەلى ساياسي كەڭەس ۇيىمدارى پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، قىزمەتتى ورنىقتىلىق بارىسىندا ىلگەرىلەتۋ سىندى جالپى ارناعا تاباندى بولىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، اۆتونوميالى رايوندىق پارتكومنىڭ «1 + 3 + 3 + رەفورما جاساۋ، ەسىك اشۋ» قىزمەت ورنالاستىرۋىن ارقاۋ ەتىپ، ىشكەرىلەي تەكسەرۋ - زەرتتەۋ جۇرگىزىپ، جان - جاقتى كەڭەسىپ، ناقتى باقىلاۋ جۇرگىزۋ كەرەك. قوعام ورنىقتىلىعىن قورعاۋدى قاشاندا بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك ساناپ، بولشەكتەۋشىلىككە قارسى تۇرۋ كۇرەسىنىڭ الدىڭعى شەبى جانە نەگىزگى شايقاس مايدانى تانىمىن اناعۇرلىم كۇشەيتىپ، كۇرەس جۇرگىزۋ رۋحىن نىعايتىپ، ۇدايى باتىل ءۇن قاتىپ، ايقىن پوزيتسيا ءبىلدىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ءبىرىنشى شەبىندە، ۇلتتار ىنتىماعىن قورعاۋ مەن ءدىن جاراسىمدىلىعىن جەبەۋدىڭ ءبىرىنشى شەبىندە، تىلەكتەردى توعىستىرىپ، كۇش - قۋاتتى ۇيىستىرۋدىڭ ءبىرىنشى شەبىندە تاباندىلىقپەن تۇرىپ، ءىس جۇزىندىك ارەكەتىمەن «ءۇش ءتۇرلى كۇشكە»، «ەكىبەتكەيلەرگە» قارسى باتىل كۇرەس جۇرگىزۋ كەرەك. ۋاكىلدىك سيپاتى كۇشتى بولۋ، بايلانىس جاساۋ كولەمى كەڭ بولۋ، قامتىمدىلىعى ۇلكەن بولۋداي ارتىقشىلىعىن ۇزدىكسىز ساۋلەلەندىرىپ، ورنىقتىلىقتى قورعاۋدىڭ نەگىزدىك قىزمەتتەرىن باس تارتۋعا بولمايتىن بورىش رەتىندە ويداعىداي ىستەپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىن، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن ۇزدىكسىز ورىستەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، جۇڭحۋا ۇلتى مەن جۇڭحۋا مادەنيەتى سىندى توركىن مەن رۋحتى وسكەلەڭ شىنايى مويىنداۋدى كۇشەيتىپ، جۇڭحۋا ۇلتى ورتاق تۇلعا تانىمىن مىقتاپ ورناتۋ كەرەك. «بەكەمدەۋ، كۇشەيتۋ، جوعارىلاتۋ، ىركىلىسسىزدەندىرۋ» سەگىز ارىپتىك باعىتتى دايەكتىلەندىرىپ، جاڭا دامۋ ۇستانىمىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى ارقاۋ ەتىپ، ۇلكەن حاۋىپ - قاتەردەن ساقتانۋ جانە ونى شەشۋ، كەدەيلىكتەن دالمە - ءدال ارىلتۋ، لاستانۋدان ساقتانۋ جانە ونى تىزگىندەۋ سىندى ءۇش ۇلكەن قامال الۋ شايقاسىن ويداعىداي جۇرگىزۋدى ارقاۋ ەتىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسى، اۋىل - قىستاقتى گۇلدەندىرۋ ستراتەگياسى، ساياحات كاسىبىن دامىتۋ سىندى ءتۇيىندى ءۇش قىزمەتتى ويداعىداي يگەرىپ، رەفورما جاساۋدى تەرەڭدەتىپ، ەسىك اشۋدى كەڭەيتىپ، ناقتى ەكونوميكانى كۇشەيتىپ، حالىقتىق شارۋاشىلىقتى زور كۇشپەن دامىتىپ، ەكونوميكانىڭ جوعارى ساپالى دامۋىن ىلگەرىلەتىپ، شىنايى ۇسىنىستار بەرىپ، جاقسى شارالار، ناقتى ادىستەر كورسەتۋ كەرەك. حالىقتى وزەك ەتكەن دامۋ يدەياسىنا تاباندى بولىپ، ۇكىمەت ءىسىن حالىق تۇرمىسى سالاسىنداعى ماڭىزدى ماسەلەلەرگە تىعىز ساباقتاستىرا كەڭەسىپ، حالىققا تيىمدىلىك جاسايتىن ءتۇرلى ساياسات - شارالاردىڭ تەرەڭ تامىر تارتىپ، ونىمدىلىككە قول جەتكىزۋىن جەبەپ، حالىق جۇرتشىلىعىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم كوبەيتۋ كەرەك.

ءماجىلىس مىنالاردى تالاپ ەتتى: تۇتاس رايونىمىزداعى ءار دارەجەلى ساياسي كەڭەس ۇيىمدارى مەن ءار ۇلت، ءار سالا ساياسي كەڭەس مۇشەلەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى حالىق ساياسي كەڭەسىنىڭ جاڭا دەڭگەيىن، جاڭا بورىشىن مىقتاپ يگەرىپ، جۇڭگو كوممۋنيستىك پارتياسىنىڭ باسشىلىعىنا بۇلجىماستان تاباندى بولىپ، جۇڭگوشا سوتسياليزمگە تاباندى بولۋدى جانە ونى دامىتۋدى ورتاق يدەيالىق - ساياسي نەگىزدى بەكەمدەۋدىڭ نەگىزگى وزەگى ەتىپ، يدەيالىق - ساياسي جاقتان جەتەكشىلىك ەتۋدى كۇشەيتۋدى، ورتاق تانىمدى كەڭ كولەمدى ۇيىستىرۋدى مىندەت اتقارۋ قىزمەتىنىڭ وزەكتى بۋىنى ەتىپ، قوعام ورنىقتىلىعى مەن باياندى تىنىشتىق باس نىساناسىنا اناعۇرلىم جاقسى قىزمەت ەتۋ كەرەك. ۇكىمەت ءىسىن كەڭەسۋ ساپاسىن تاباندىلىقپەن جوعارىلاتىپ، ۇكىمەت ءىسىن اقىلداسۋ مەحانيزمىن اناعۇرلىم اقاۋسىزداندىرىپ، ۇكىمەت ءىسىن اقىلداسۋدىڭ ساپا جۇيەسىن ورناتىپ، اقىل - كەڭەس بەرۋ، ۇكىمەت ءىسىن كەڭەسۋدىڭ دالدىگى مەن ونىمدىلىگىن جوعارىلاتۋ كەرەك. جاڭا داۋىردەگى كۇرەسكەرلەردىڭ بەينەسى مەن ارىنىن قاشاندا ساقتاپ، مىندەت اتقارۋ قابىلەتىن جاپپاي كۇشەيتىپ، ساياسي كەڭەستى ءتۇسىنىپ، كەڭەسە ءبىلىپ، ۇكىمەت ءىسىن كەڭەسۋگە شەبەر بولىپ، تارتىپكە بويسۇنىپ، قاعيدانى دارىپتەپ، مىنەز - قۇلىققا ءمان بەرىپ، قاتاڭ بولىپ، ساقاداي ساي تۇرىپ، ارەكەتتەنىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە ساياسي كەڭەس قىزمەتى جونىندەگى تالاپتارىن تياناقتاندىرۋ، بۇكىل رايونىمىزداعى ءار ۇلت حالقىنىڭ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جۇزەگە اسىرۋداعى اقىل-پاراساتى مەن كۇش - قۋاتىن ۇيىستىرۋ سىندى ساياسي جاۋاپكەرشىلىكتى شىن مانىندە ارقالاۋ كەرەك.

ءماجىلىس بىلاي دەپ ۇندەدى: تۇتاس اۆتونوميالى رايونىمىزداعى ءار دارەجەلى ساياسي كەڭەس ۇيىمدارى مەن ءار ۇلت، ءار سالا ساياسي كەڭەس مۇشەلەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، اۆتونوميالى رايوندىق پارتكومنىڭ دۇرىس باسشىلىعىندا، ءبىر نيەت، ءبىر تىلەكتە بولىپ، كوپ بولىپ اقىل قوسىپ، جۇمىلا كۇش شىعارىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن اناعۇرلىم ۇلكەن ۇلەس قوسىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن ۇزدىك ناتيجەلەرمەن قارسى الۋ كەرەك!

كەلۋ قاينارى : شينجياڭ گازەتى