شىلاننىڭ، ءجۇزىمنىڭ، ورىكتىڭ ءونىم مولشەرى بۇكىل مەملەكەت بويىنشا الدىڭعى ورىنعا شىقتى
شينجياڭ حوش ءيىسى اڭقىعان مول جەمىس تارتۋ ەتتى
”قازىر رايونىمىزداعى شىلاننىڭ، ءجۇزىمنىڭ، ورىكتىڭ ەگىلگەن جەر اۋدانى مەن ءونىم مولشەرى تۇگەلدەي مەملەكەت بويىنشا اعالاپ العا شىعىپ، بۇكىل ەل حالقىنا شينجياڭ ەرەكشەلىگىندەگى جەمىس - جيدەك تارتۋ ەتتى، جەمىس ورمان شارۋاشىلىعى قوسىمشا كاسىپ سالاسىنان دامىپ شينجياڭ شارۋالارىنىڭ كەدەيلىكتەن ارىلىپ، بايۋ جولىنا تۇسۋدەگى جەتەكشى كاسىپ سالاسىنىڭ بىرىنە اينالدى“، - دەدى 7 - ايدىڭ 31 - كۇنى اۆتونوميالى رايوندىق ورمان شارۋاشىلىعى جانە جايلىم مەكەمەسى جەمىس ورمان شارۋاشىلىعىن دامىتۋ ورتالىعىنىڭ ورىنباسار مەڭگەرۋشىسى لين شيڭحۇي.
10 نەشە جىلدىق باپتاۋ ارقىلى شينجياڭ جەمىس ورمانى مىڭداعان وتباسىلارىنىڭ اۋلاسىنا بىتىراي جايعاسۋدان باستاۋ الىپ، دامي كەلە جىلدىق ءونىم مولشەرى 8 ميلليون توننالىق (شينجياڭ ءوندىرىس - قۇرىلىس بيڭتۋانىن قامتىمايدى) كولەمدى كاسىپ سالاسىنا اينالدى. ءجۇز مىڭداعان وتباسىلارى جەمىس ورمانىنا سۇيەنىپ، كەدەيلىكتەن ارىلىپ، بايۋ جولىنا ءتۇستى.
”بۇرىن ورىكتى جەۋ ءۇشىن عانا وسىرەتىنبىز، مەنى كەدەيلىكتەن ارىلتاتىنىن ويلاپ تا كورمەگەن ەكەنمىن“، - دەيدى 7 - ايدىڭ 30 - كۇنى يىڭسار اۋدانى لومپا اۋىلى توقاي قىستاعىنىڭ تۇرعىنى رەيىمحان الابايدى ەندى عانا جيىن - تەرىنىن تاۋىسقان ورىك باعىندا تۇرىپ، ”بيىلعى ءونىم مولشەرى بىلتىرعىدان ءبىر ەسەدەن ارتىق كوبەيدى، كىرىسىم 7000 يۋانعا جەتتى“، - دەدى.
ەرتەرەكتە 2007 - جىلى يىڭسار اۋدانىنىڭ سامەت ورىگى جۇڭگو مەملەكەتتىك جاعراپيالىق بەلگى ونىمىنە اينالعان، بۇل كۇندەرى كاسىپ سالالانۋ جۇيەسى ۇزدىكسىز كەمەلدەنىپ، سامەت ورىگىنىڭ نەشە ون مىڭ جەرگىلىكتى شارۋانىڭ قالتاسىن قامپايتۋىنا مۇمكىندىك جاسادى.
”ءبىز كەدەي وتباسىلارىن قالامشامەن جانە تەحنيكامەن تەگىن قامدادىق، سەلبەستىك كووپەراتيۆ فورماسىن قولدانىپ، ءۇزۋ جابدىعىن، مانەرلەۋ جابدىعىن ساتىپ الدىق، كەپتىرۋ ءۇيىن، جاستاي ساقتاۋ قامباسىن سالدىق. وسىلايشا، دامىعان كاسىپ تىزبەگى 150 مىڭنان استام ادامدى قامتىپ، 90 مىڭنان استام كەدەي حالىققا سايىپ، جان باسىندىق كىرىس 300 يۋاننان استام جوعارىلادى“، - دەدى يىڭسار اۋداندىق جاراتىلىستىق بايلىق مەكەمەسىنىڭ باستىعى حى ۋيجياڭ.
قازىر جەمىس ورمانى نەگىزگى ءوندىرىس وڭىرىندە، جەمىس ورمانى كىرىسى جەرگىلىكتى ورىنداعى شارۋالاردىڭ جان باسىندىق كىرىسىنىڭ ％30 اينالاسىن ۇستادى. 5 - ايداعى ورىكتەن باستاپ، 10 - ايدا الما، شىلان سياقتىلاردى الۋ اياقتاعانعا دەيىن، ون نەشە ءتۇرلى جەمىس ”جاس قاۋىن - قاربىز، جەمىس - جيدەكتىڭ بازارعا شىعۋ كالەندارىن“ قالىپتاستىرۋىنا مولشەرمەن جارتى جىلدان استام ۋاقىت كەتەدى، وعان جىنتىكتەي مانەرلەنگەن ونىمدەردى قوسقاندا، شينجياڭ تۇتاس جىلدا بۇكىل ەلدىڭ ءبار جەرىن جەمىس - جيدەكپەن ۇزبەي قامداۋ قابىلەتىنە يە بولدى.
بيىل 6 - ايعا دەيىن قاشقار ايماعى مەن شاندۇڭنىڭ شينجياڭعا كومەكتەسۋ قولباسشىلىق شتابى ”ۇلكەن قامبانى شىعىسقا كوشىرۋ“ نىسانىن بىرگە ىلگەرىلەتىپ، شاندۇڭدا 11 مىڭ شارشى مەترلىك قاشقار ەرەكشە اۋىل شارۋاشىلىعى قوسىمشا ونىمدەرىن قامبادا ساقتاۋ، جاستاي ساقتاۋ، جەتكىزىپ بەرۋ ورتالىعىن سالدى، ول حۋادۇڭ، حۋابەي وڭىرلەرىن قامتىپ، 60تان استام شينجياڭ كاسىپورنىنىڭ ىرگە تەۋىپ، شينجياڭ اۋىل شارۋاشىلىعى قوسىمشا ونىمدەرىنىڭ زاپاس مولشەرىن 3000 توننادان اسىرۋعا باۋرادى.
سونىمەن بىرگە، اۋىل - قىستاق ەلەكتروندى ساۋداسىنىڭ دامۋى دا شينجياڭ جەمىس ورمانى ونىمدەرىنە ءتىپتى دە كەڭ بازار اشىپ بەردى. ”اقسۋدا قازىر 2600 بەلسەندى ەلەكتروندى ساۋداگەر بار، اقسۋ قالاسى الما، شىلان، جاڭعاق سىندى 3 جالاڭ ءونىمنىڭ ينەرنەتتەگى ساتىلۋ مولشەرى جاقتا باستان - اياق جۇڭگوداعى اۋىل - قىستاق ەلەكتروندى ساۋداسى بويىنشا ۇلگى كورسەتەتىن اۋدانداردىڭ الدى بولىپ كەلەدى“، - دەدى اقسۋ ەلەكتروندى ساۋدا كاسىپ سالاسى قوعامىنىڭ باستىعى حاۋ جانجۇن.
وڭتۇستىك شينجياڭداعى تۇڭعىش ساۋدا ىستەرى، قامبادا ساقتاۋ، زات جەتكىزۋ، باۋلۋ، جەتىلدىرۋ سياقتى يقۋاتتار ءبىر تۇلعالانعان اقسۋ قالاسى ەلەكتروندى ساۋدا ىستەرى كاسىپ باقشاسىنداعى جەمىس ورمانى ساۋداگەرى لي بو تىكە تارالىم ارقىلى تيجارات سوماسىن ۇزدىكسىز جوعارىلاتتى. ”مەن ءار كۇنى ورتا ەسەپپەن 3 ساعات ۋاقىت تىكە تاراتامىن، تىكە تاراتۋ ارقىلى جەمىس ورمانى ونىمدەرىنىڭ ساتىلىم سوماسى ％20تەن ％30كە دەيىن ارتتى، ايلىق تيجارات سومام ەڭ جاقسى بولعاندا 100 مىڭ يۋانعا جەتەدى“، - دەدى لي بو.
”كولەم ونىمدىلىك تۋدىرادى، ونىمدىلىك كاسىپ سالاسى جۇيەسىنىڭ كەمەلدەنۋى مەن كاسىپ سالاسى ساپاسىنىڭ جوعارىلاۋىن ونان ارى ىلگەرىلەتەدى“، - دەدى لين شيڭحۇي، - ”شينجياڭ جەمىس ورمانى كاسىبى جوعارى ساپالى دامۋدىڭ جاڭا ساتىسىنا قادام تاستاۋدا“.
