ءۇرىمجى قالاسىنىڭ ىندەتتەن ساقتانۋ - تىزگىندەۋ ونىمدىلىگى كورىنە باستادى

日期:2020年08月04日
来源:新疆日报
【字体:

ءۇرىمجى قالاسىنىڭ ىندەتتەن ساقتانۋ - تىزگىندەۋ ونىمدىلىگى كورىنە باستادى

جاڭادان قوسىلعان دياگنوزى تۇراقتاندىرىلعان ناۋقاستار مەن اۋرۋ بەلگىسى جوق جۇعىمدالۋشىلاردىڭ جالپى سانى ءۇرتىس 3 كۇن تومەندەدى

  8 - ايدىڭ 2 - كۇنى اۆتونوميالى رايوندىق ۇكىمەتتىڭ اقپارات كەڭسەسى اشقان ىندەتتەن ساقتانۋ - تىزگىندەۋ قىزمەتى جونىندەگى اقپار جاريالاۋ ماجىلىسىنەن ۇعىسۋىمىزشا، ءۇرىمجى قالاسىندا وسى رەت جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جاڭادان قوسىلعان دياگنوزى تۇراقتاندىرىلعان ناۋقاستار مەن اۋرۋ بەلگىسى جوق جۇعىمدالۋشىلاردىڭ جالپى سانى ءۇرتىس 3 كۇن تومەندەپ، الدىڭعى مەرزىمدىك ىندەتتەن ساقتانۋ - تىزگىندەۋ شارالارىنىڭ ونىمدىلىگى كورىنە باستاعان.

  ساناققا نەگىزدەلگەندە، 8 - ايدىڭ 1 - كۇنى ساعات 0دەن ساعات 24كە دەيىن ءۇرىمجى قالاسى جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان 29 ناۋقاس، اۋرۋ بەلگىسى جوق 9 جۇعىمدالۋشى جاڭادان قوسىلعاندىعىن مالىمدەگەن؛ 8 - ايدىڭ 1 - كۇنى ساعات 24كە دەيىن ءۇرىمجى قالاسىندا دياگنوزى تۇراقتاندىرىلعان ناۋقاس 565كە، اۋرۋ بەلگىسى جوق جۇعىمدالۋشى 110عا جەتكەن. 7 - ايدىڭ 15 - كۇنى ساعات 0دەن 8 - ايدىڭ 1 - كۇنى ساعات 24كە دەيىن ءۇرىمجى قالاسىندا دياگنوزى تۇراقتاندىرىلعان جيىنى 23 ناۋقاس ساۋىعىپ شيپاحانادان شىققان، اۋرۋ بەلگىسى جوق 22 جۇعىمدالۋشى مەديتسينالىق باقىلاۋدان بوساتىلعان، بۇل قۇتقارۋ - ەمدەۋ قىزمەتىندە تاماشا ونىمدىلىككە قول جەتكەندىگىن تۇسىندىرەدى. قازىر مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسى، اۆتونوميالى رايوننىڭ ماماندار گرۋپپاسى جانە قالىڭ شيپاگەر - سەسترالار ”ءتورتتى شوعىرلاندىرۋ“ پرينسيبى بويىنشا مەملەكەتتىك دەنساۋلىق ساقتاۋ، سالاماتتىق كوميتەتىنىڭ 7 - نۇسقاداعى دياگنوز قويۋ - ەمدەۋ جوباسىنا قاتاڭ بويسۇنىپ، جۇڭگوشا - باتىسشا شيپاگەرلىكتى ۇشتاستىرۋعا تاباندى بولىپ، دياگنوزى تۇراقتاندىرىلعان ناۋقاستار مەن اۋرۋ بەلگىسى جوق جۇعىمدالۋشىلارعا بار كۇشپەن جۇيەلى ەمدەۋ جۇرگىزدى.

  ءۇرىمجى قالالىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى سۇي رۇڭ اقپار جاريالاۋ ماجىلىسىندە بىلاي دەدى: ەپيدەميولوگيالىق تەكسەرۋ - سارالاۋىنا جانە جۇقپالى اۋرۋلار زاڭدىلىعىنا نەگىزدەلگەندە، بۇكىل قالانىڭ كوز الداعى ىندەتتەن ساقتانۋ جاعدايى ءالى دە قاتاڭ ءارى كۇردەلى، تيتتەي دە بوساڭسۋعا، سەلقوستىق ىستەۋگە استە بولمايدى، ايتپەگەندە، بار ەڭبەك سەلگە كەتەدى. قالىڭ قالا تۇرعىندارى كورسوقىرلىقپەن ۇمىتكەرلىككە سالىنباۋى، سونداي - اق ۇرەيلەنىپ كەتپەۋى كەرەك، تىزە قوسا كۇش سالىپ، جۇمىلا ساقتانىپ، جۇمىلا تىزگىندەپ، ىندەتتەن ساقتانۋ - تىزگىندەۋدەن قامال الۋ شايقاسىندا ەرتەرەك جەڭىسكە جەتۋ كەرەك.

  ءۇرىمجى قالاسى ىندەتتەن ساقتانۋ - تىزگىندەۋ قىزمەتىن ۇزدىكسىز تىڭعىلىقتى ىستەيدى. ءۇرىمجى قالالىق اۋرۋدىڭ الدىن الۋ - تىزگىندەۋ ورتالىعىنىڭ ورىنباسار مەڭگەرۋشىسى ۋىن گوشيننىڭ تانىستىرۋىنا نەگىزدەلگەندە، ءۇرىمجى قالاسى دياگنوزى تۇراقتاندىرىلعان ناۋقاستار مەن اۋرۋ بەلگىسى جوق جۇعىمدالۋشىلاردى ەڭ الدىمەن تۇراقتى شيپاحاناعا اپارىپ دەر كەزىندە ەمدەۋمەن قاتار، ولار تۇرعان شاعىن رايوندى قاتاڭ تۇردە جابىق باسقارىپ، دياگنوزى تۇراقتانعان ناۋقاستاردىڭ وتباسىلارىنان، عيماراتتان جانە ماڭىنداعى ورتادان ۇلگى الىپ تەكسەرىپ، لاستانۋى مۇمكىن بولعان ورتاداعى بارلىق زاتتاردىڭ بەتىن، بۇيىمداردى، اۋانى قاتاڭ تۇبەگەيلى زارارسىزداندىرىپ، ماڭىنداعى الەۋمەتتىك ورتانى تازالاۋدى، زارارسىزداندىرۋدى كۇشەيتىپ، قىزمەت وتەۋ، قامتاماسىزداندىرۋ قىزمەتىمەن اينالىسقان الەۋمەتتىك اۋماق قىزمەتكەرلەرىنىڭ، ەرىكتىلەردىڭ جەكە قورعانۋدى جاقسى ىستەۋىن ەسكەرتىپ، ىندەتتەن ساقتانۋ - تىزگىندەۋ قىزمەتىن عىلمي، دالمە - ءدال، ءونىمدى جاقسى ىستەيدى ەكەن.