العاشقى جارتى جىلدا شينجياڭنىڭ ەلەكترىن سىرتقا شىعارۋ مولشەرى سايكەس مەزگىلدەگىدەن 50 پايىزدان استى
تاريحتاعى ۇقساس مەزگىلدەگى ەڭ جوعارى ورەگە جەتتى
مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىمىزشا، العاشقى جارتى جىلدا رايونىمىزدىڭ شينجياڭنىڭ ەلەكترىن سىرتقا شىعارۋ مولشەرى 43 ميلليارد 900 ميلليون كيلوۆات - ساعات بولىپ، سايكەس مەزگىلدەگىدەن ％53.9 ارتقان، مۇندا جاڭا ەنەرگيا ەلەكتر مولشەرى 12 ميلليارد 100 ميلليون كيلوۆات - ساعات بولىپ، سىرتقا شىعارىلعان جالپى ەلەكتر مولشەرىنىڭ ％27.5ىن يەلەگەن. العاشقى جارتى جىلدا سىرتقا شىعارىلعان ەلەكتر مولشەرى تاريحتان بەرگى ۇقساس مەزگىلدەگى ەڭ جوعارى ورەگە جەتكەن.
شينجياڭنىڭ سىرتقا شىعارعان ەلەكتر مولشەرىنىڭ تەز قارقىنمەن ارتۋىنا شينجياڭنىڭ ەلەكترىن سىرتقا شىعارۋ جاڭا ارناسىنىڭ ىسكە قوسىلۋى دا سەبەپ بولعان. 2019 - جىلى 9 - ايدا جۇندۇڭ − ۋاننان 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى ىسكە قوسىلعان. تەك وسى ينجەنەريانىڭ بيىل العاشقى جارتى جىلدا سىرتقا شىعارعان ەلەكتر مولشەرى 17 ميلليارد 100 ميلليون كيلوۆات - ساعات بولعان، بۇل سىرتقا شىعارىلعان ەلەكتر مولشەرىنىڭ ％39ىن يەلەگەن. 2010 - جىلى شينجياڭنىڭ ەلەكترىن سىرتقا شىعارۋدىڭ ءبىرىنشى ارناسى سالىنعاننان بەرى، رايونىمىز 4 ارنا سالىپ بولعان، سىرتقا شىعارۋ كولەمى 32 ەسە ارتقان.
بۇدان سىرت، شينجياڭنىڭ ەلەكترىن سىرتقا شىعارۋ كولەمىنىڭ كەڭەيۋىنە ”ەلەكتر كۇشى ارقىلى شينجياڭعا كومەكتەسۋ + بازارلاندىرۋ“ ساياساتىنىڭ اتقارىلۋى دا سەبەپ بولعان. جۋىق جىلداردا شينجياڭ كوپتەگەن ولكە، رايون، قالامەن ۇكىمەت ارا شينجياڭنىڭ ەلەكترىن سىرتقا شىعارۋعا كومەكتەسۋ كەلىسىمىن جاساسىپ، شينجياڭنىڭ ەلەكتر قۋاتىن بۇكىل ەلدەگى 19 ولكە، رايون، قالاعا جەتكىزىپ، سىرتقا شىعارۋ كولەمىن ۇزدىكسىز كەڭەيتتى. بيىل ەلەكتر كۇشى ارقىلى شينجياڭعا كومەكتەسۋ توقتامىنىڭ كولەمى 22 ميلليارد 900 ميلليون كيلوۆات - ساعات بولىپ، بىلتىرعىدان 3 ميلليارد 300 ميلليون كيلوۆات - ساعات ارتقان.
شينجياڭ ەلەكتر كۇشى ساۋدا - ساتتىق ورتالىعى شەكتى سەرىكتەستىگى ساۋدا - ساتتىق ءبولىمىنىڭ ارناۋلى جاۋاپتىسى جاڭ جۇن مىنالاردى ءبىلدىردى: سىرتقا شىعارىلعان 43 ميلليارد 900 ميلليون كيلوۆات - ساعات ەلەكتر مولشەرى 14 ميلليون توننا ولشەمدى كومىرمەن بارابار، مولشەرمەن 37 ميلليون 800 مىڭ توننا كومىرتەگى قوس توتىعىنىڭ، 120 مىڭ توننا كۇكىرت قوس توتىعىنىڭ، 100 مىڭ توننا ازوتتى قوسىلىستاردىڭ ىعىستىرىلۋىن ازايتادى، بۇل ەلىمىزدىڭ ەنەرگيانى ۇنەمدەپ، ىعىستىرۋ مولشەرىن ازايتۋ جانە تومەن كومىرتەكتى دامۋى جونىنەن بەلگىلى جەبەۋ رولىنا يە.
ەنەرگيا كۇرە تامىرىنىڭ حاۋىپسىز اينالىمىنا شىنايى كەپىلدىك ەتۋ ءۇشىن، شينجياڭ ەلەكتر تورى اينالىم ءتاسىلىن عىلمي ورنالاستىرىپ، ماڭىزدى ورىندارداعى جابدىقتاردى، ەلەكتر جەتكىزۋ جەلىلەرىن شەكتى مەرزىمدە تەكسەرىپ تۇرۋدى جانە قورعاۋدى كۇشەيتتى. مەملەكەت تورى شينجياڭ ەلەكتر كۇشى شەكتى سەرىكتەستىگى ”قاراستى جەر قامتاماسىز ەتۋ + قۇلتەمىر شارلاپ تەكسەرۋ“ ۇلگىسىن دە قولدانىپ، شينجياڭنىڭ ەلەكترىن سىرتقا شىعارۋ ارناسىنىڭ شۇعىل جاعدايعا توتەپ بەرۋدى قامتاماسىز ەتۋ جاتتىعۋىن جاساپ، ارنانىڭ حاۋىپسىز، جوعارى ءونىمدى اينالىمىنا شىنايى كەپىلدىك ەتتى.
