ساياسي شارلاۋدى تەرەڭدەتىپ، شارلاۋ مىندەتىن جوعارى ساپامەن ورىندايىق

اۆتونوميالى رايوندىق 9 - كەزەكتى پارتكومنىڭ 10 - رەتكى شارلاۋ جونىندە اتتانىسقا كەلتىرۋ، ورنالاستىرۋ ءماجىلىسى اشىلدى

　ساياسي شارلاۋدى تەرەڭدەتىپ، شارلاۋ مىندەتىن جوعارى ساپامەن ورىندايىق

4 - ايدىڭ 3 - كۇنى اۆتونوميالى رايوندىق 9 - كەزەكتى پارتكومنىڭ 10 - رەتكى شارلاۋ جونىندە اتتانىسقا كەلتىرۋ، ورنالاستىرۋ ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق پارتكومنىڭ شارلاۋ قىزمەتىنە باسشىلىق ەتۋ گرۋپپاسىنىڭ باستىعى ياڭ شين ماجىلىسكە قاتىناستى ءارى ءسوز سويلەدى.

ءماجىلىس مىنالاردى اتاپ كورسەتتى: بۇكىل رايونىمىزداعى ءار دارەجەلى شارلاۋ، شارلاپ - تەكسەرۋ قۇرىلىمدارى مەن شارلاۋ، شارلاپ - تەكسەرۋ كادرلارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن، اسىرەسە، باس شۋجي شي جينپيڭنىڭ شارلاۋ قىزمەتى جونىندەگى ماڭىزدى بايىمداۋلارىن جانە پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋدى، تياناقتاندىرۋدى تىعىز ارقاۋ ەتىپ، ساياسي باقىلاۋدى كۇشەيتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن ناقتاپ تياناقتاندىرۋدى ىلگەرىلەتۋ كەرەك.

ءماجىلىس مىنالاردى باسا دارىپتەدى: اۆتونوميالى رايوندىق پارتكومنىڭ ءارقايسى شارلاۋ گرۋپپالارى ”شەشۋشى ازشىلىقتى“ كورنەكتىلەندىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنەن كوز جازباي، كەدەيلىكتەن ارىلتۋ مىندەتى بار 15 ايماق، اۋداندى، كەدەي اۋىلداردى، كەدەي قىستاقتاردى شارلاۋدىڭ ماڭىزدى ءتۇيىنى ەتۋگە قۋزاۋ كەرەك. ”شەشۋشى ورنالاستىرۋلاردى“ مىقتى يگەرىپ، پارتيا ورتالىق كوميتەتىنىڭ ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ جونىندەگى ءتۇرلى شەشىمدەرىن، ورنالاستىرۋلارىن تىعىز ارقاۋ ەتىپ، جوسپارلاۋ، ورىستەتۋ، ىلگەرىلەتۋ كەرەك. ادام تاڭداۋ - ادام ىستەتۋ، يدەولوگيا، شارلاپ - تەكسەرۋ قىزمەتى بويىنشا 3 ارناۋلى تەكسەرۋدى ءبىر ۋاقىتتا ورىستەتۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ، ساياسي - زاڭ، قازىنالىق باقىلاۋ ورگاندارى جانە ۇيىمداستىرۋ، ارىز - ارمان سياقتى تاراۋلار ”كوپ جاقتى ءبىر تۇلعالاندىرۋدى“، ساباقتاسىپ توعىسۋدى ورىنداپ، شارلاۋ مىندەتىنىڭ جوعارى ولشەمدى، جوعارى ساپالى ورىندالۋىنا شىنايى كەپىلدىك ەتۋ كەرەك.

ۇعىسۋعا قاراعاندا، وسى رەتكى شارلاۋ 2 اي ۋاقىتپەن ىلە قازاق اۆتونوميالى وبلىسى، ءۇرىمجى قالاسى، سانجى حۇيزۋ اۆتونوميالى وبلىسى جانە قۇلجا قالاسى سياقتى 25 وبلىس، قالادا، اۋدان، قالا، رايوندا (اشۋ رايونى) داعدىلى شارلاۋ جۇرگىزەدى ەكەن.