رايونىمىز مەملەكەت حاۋىپسىزدىگى ۇگىت - تاربيە قيمىلىن ىشكەرىلەي ىلگەرىلەتەدى

日期:2020年04月05日
来源:新疆日报
【字体:

بيىل 4 - ايدىڭ 15 - كۇنى − ەلىمىزدىڭ 5 - رەتكى جالپى حالىقتىق مەملەكەت حاۋىپسىزدىگى تاربيە كۇنى. 4 - ايدىڭ 3 - كۇنى تۇستەن كەيىن، اۆتونوميالى رايون 2020 - جىلعى جالپى حالىقتىق مەملەكەت حاۋىپسىزدىگى تاربيە كۇنى بايلانىسىمەن ۇگىت - تاربيە قيمىلىن ىلگەرىلەتۋ ءماجىلىسىن اشىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدى، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدى ارقاۋ ەتىپ، ىندەتتەن ساقتانۋ - تىزگىندەۋ جاعدايىنا، مىندەتىنە تىعىز ۇشتاستىرىپ، ۇگىت - تاربيە قيمىلىن تىڭعىلىقتى ءونىمدى ورىستەتىپ، جالپى تۇلعالىق مەملەكەت حاۋىپسىزدىگى كوزقاراسىنىڭ جۇرت جۇرەگىنە تەرەڭ ۇيالاۋىن كۇش سالا ىلگەرىلەتىپ، ءار ۇلت كادرلارى مەن بۇقاراسىن ىنتىماقتاستىرىپ، باستاپ، مەملەكەت حاۋىپسىزدىگى مەن قوعام ورنىقتىلىعىن قورعاۋعا بىرگە ۇلەس قوسۋدى تالاپ ەتتى.

اۆتونوميالى رايوندىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى، مەملەكەت حاۋىپسىزدىگى كەڭسەسىنىڭ مەڭگەرۋشىسى ۋاڭ جۇنجىڭ ماجىلىسكە قاتىناستى.

ءماجىلىس مىنالاردى اتاپ كورسەتتى: شينجياڭ − لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ الدىڭعى شەبى جانە نەگىزگى شايقاس مايدانى، مەملەكەت حاۋىپسىزدىگى ۇگىت - تاربيە قيمىلىن ويداعىداي ورىستەتۋ ءار دارەجەلى پارتيالى باسشى كادرلاردى مەملەكەت حاۋىپسىزدىگى بىلىمدەرىن ۇيرەنۋدى، زەرتتەۋدى كۇشەيتىپ، مەملەكەت حاۋىپسىزدىگىن قورعاۋ قىزمەت قابىلەتىن جوعارىلاتۋعا قۋزاۋ، ءار ۇلت بۇقاراسىنىڭ حاۋىپسىزدىك سەزىمىن اناعۇرلىم كۇشەيتۋ، قوعام ورنىقتىلىعى مەن باياندى تىنىشتىق جونىندەگى سەنىمدەرىن كۇشەيتۋ جونىنەن كەلەلى رەال ماڭىز الادى.

ءماجىلىس مىنالاردى تالاپ ەتتى: ساياسي دەڭگەيدى جوعارىلاتىپ، يدەيا مەن ارەكەتتى باس شۋجي شي جينپيڭنىڭ ماڭىزدى نۇسقاۋىنىڭ رۋحىمەن باتىل بىرلىككە كەلتىرىپ، مەملەكەت حاۋىپسىزدىگى ۇگىت - تاربيە قىزمەتىن مەملەكەت حاۋىپسىزدىگى قىزمەتىن تەرەڭدەتۋدىڭ ماڭىزدى تۇتقاسى ەتىپ، ۇگىت - تاربيە قيمىلىن ويداعىداي ورىستەتۋدى ”ءتورت تانىمدى“ كۇشەيتۋدىڭ، ”ءتورت سەنىمدى“ بەكەمدەۋدىڭ، ”ەكىنى قورعاۋدى“ ورىنداۋدىڭ ناقتى ارەكەتى ەتىپ، سەنىم مەن بەكىمدى نىعايتىپ، زەيىن - زەردەسىن، ىنتا - ىقىلاسىن، كۇش - قۋاتىن ارناي وتىرىپ ۇگىتتەپ، مەملەكەت حاۋىپسىزدىگىنىڭ بۇقارالىق نەگىزىن بەكەمدەپ، مەملەكەت حاۋىپسىزدىگىن قورعاۋدىڭ قۋاتتى بىرىككەن كۇشىن ۇيىستىرۋ كەرەك.

ءماجىلىس مىنالاردى باسا دارىپتەدى: ۇگىت قىزمەتىندە ”جالپى تۇلعالىق مەملەكەت حاۋىپسىزدىگى كوزقاراسىنا تاباندى بولىپ، ءداستۇرلى حاۋىپسىزدىك پەن ءداستۇرلى ەمەس حاۋىپسىزدىكتى ءبىر تۇتاس ەسكەرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە پارمەندى كەپىلدىك ازىرلەۋ“ سىندى وسى نەگىزگى تاقىرىپتى كورنەكتىلەندىرىپ، ۇگىت - تاربيەنى ەرەكشە، دارا، ءتىزىم بويىنشا جۇرگىزىپ، ۇگىت مازمۇنىن جان - جاقتى قامتىپ، جاندى دا جالىندى، جاناسىمدى، تارتىمدى جۇرگىزىپ، مەملەكەت حاۋىپسىزدىگى ۇگىت - تاربيەسىنىڭ ۇدايىلانۋىن، باياندى بولۋىن، جالپىلاسۋىن ىلگەرىلەتۋ كەرەك.

ءماجىلىس «اۆتونوميالى رايوننىڭ مەملەكەت حاۋىپسىزدىگى ۇگىت - تاربيەسىن سايكەستىرۋ مەحانيزمىن» قاراپ ماقۇلدادى.