رايونىمىز لاستانۋدىڭ الدىن الۋدان جانە ونى وڭاۋدان قامال الۋ شايقاسىندا ناقتى ونىمدىلىككە قول جەتكىزدى
بىلتىر قالا اۋاسى جاقسى بولعان ورتاشا كۇن سانى سايكەس مەزگىلدەگىدەن كوبەيگەن
4 - ايدىڭ 2 - كۇنى اشىلعان اۆتونوميالى رايوننىڭ لاستانۋدىڭ الدىن الۋدان جانە ونى وڭاۋدان قامال الۋ شايقاسىن باتىل، ويداعىداي جۇرگىزۋ جونىندەگى اقپار جاريالاۋ ماجىلىسىنەن ۇعىسۋىمىزشا، بىلتىر رايونىمىز ەكولوگيالىق ورتا ساپاسىن جاقسارتۋدى وزەك ەتۋگە تاباندى بولىپ، لاستانۋدىڭ الدىن الۋدان جانە ونى وڭاۋدان قامال الۋ شايقاسىن جەبەۋدە بەلسەندى ىلگەرىلەۋشىلىكتەرگە قول جەتكىزگەن. 14 ايماقتىق، وبلىستىق، قالالىق ۇكىمەت (اكىمشىلىك مەكەمەسى) تۇرعان قالالاردىڭ اۋاسىنىڭ جاقسى بولعان ورتاشا كۇن سانى سالىستىرماسى ％71.4كە جەتىپ، سايكەس مەزگىلدەگىدەن 2.4 پايىز كوبەيگەن.
بىلتىر رايونىمىز اشىق اسپاندى قورعاۋ شايقاسىندا باتىل جەڭىسكە جەتتى. ”ءۇرىمجى - سانجى - شىحىزى“، ”كۇيتۇن - مايتاۋ - شيحۋ“ وڭىرلەرىنىڭ اۋاسى جاقسى بولعان ورتاشا كۇن سانى سالىستىرماسى جەكە - جەكە ％74، ％84.9 بولدى. رايونىمىز شارۋاشىلىق قۇرىلىمىن، ەنەرگيا تۇتىنۋ قۇرىلىمىن، تاسىمال قۇرىلىمىن، جەردەن پايدالانۋ قۇرىلىمىن رەتتەۋدى، ساپالىلاندىرۋدى زور كۇشپەن ىلگەرىلەتتى. بولات - تەمىر كاسىبى سالاسىندا توتەنشە تومەن ىعىستىرۋ وزگەرىسىن جاساۋدى، ونەركاسىپتىك پەشتەردىڭ اتموسفەرانى لاستاۋىن جاپپاي جونگە سالۋدى، سالەركا پايدالانىلاتىن جۇك اۆتوموبيلدەرىنىڭ لاستاۋىن وڭاۋدى ورنىقتى قاداممەن ورىستەتتى. اشىق اسپاندى قورعاۋ شايقاسىنىڭ ءتۇيىندى وڭىرلەرىندە جىلۋمەن قامداۋ ماۋسىمىندا 5 رەت باقىلاۋدى، كومەكتەسۋ - سۇيەمەلدەۋدى كۇشەيتۋ قىزمەتى ورىستەتىلدى، جەتەكشىلىك ەتىپ، كومەكتەسىپ سۇيەمەلدەگەن كاسىپورىن 1097گە، رەتتەپ - وڭاعان قورشاعان ورتا ماسەلەسىنە قايتارىلعان جاۋاپ 433كە جەتتى.
تۇنىق سۋدى قورعاۋ شايقاسىن باياندى، ويداعىداي جۇرگىزۋ جاعىندا، رايونىمىز اۋىز سۋ قاينارى ورتاسىن قورعاۋ ارناۋلى قيمىلىن شوعىرلى ورىستەتتى؛ قالا - قالاشىقتارداعى لاس سۋدى ءبىر جاقتى ەتۋدىڭ ”ساپانى جوعارىلاتىپ، ونىمدىلىكتى ارتتىراتىن“ 3 جىلدىق قيمىلىن سايكەسىپ جۇرگىزدى، سالىنىپ بولىپ پايدالانۋعا بەرىلگەن قالا - قالاشىقتاردىڭ تۇرمىستىق لاس سۋلارىن ءبىر جاقتى ەتۋ زاۆودىنان 111ى قۇرىلىپ، بارلىق قالانىڭ، اۋدان قالالاردىڭ لاس سۋدى ءبىر جاقتى ەتۋ قۋاتىن جاپپاي قامتىدى. ونەركاسىپ شوعىرلانعان وڭىرلەردەگى لاس سۋدى شوعىرلى ءبىر جاقتى ەتۋ قۇرىلعىلار قۇرىلىسىن جەدەل ىلگەرىلەتىپ، اۆتونوميالى رايوننىڭ ونەركاسىپ شوعىرلانعان وڭىرىندەگى لاس سۋدى شوعىرلى ءبىر جاقتى ەتۋدەگى 85 قۇرىلعىسىنىڭ 83ى سالىنىپ بولدى.
ەكولوگيالىق ورتانى باقىلاۋ - ولشەۋ جۇيەسى اناعۇرلىم كەمەلدەندى. ”14 - بەسجىلدىقتا“ مەملەكەتتىڭ قورشاعان ورتا اۋاسى جانە جەر بەتى سۋ ورتاسىن باقىلاۋ - ولشەۋ تۇيىندەرىن ساپالى رەتتەپ، بۇكىل رايونىمىزداعى مەملەكەت دارەجەلى 16 جوعارى، جاڭا تەحنيكا رايونىنىڭ، ونەركاسىپ باقشا رايونىنىڭ اۋا ساپاسىن اۆتوماتتى باقىلاۋ - ولشەۋ پۋنكتى قۇرىلىسىن ىلگەرىلەتىپ، وڭىرلەر بويىنشا تىزگىندەلەتىن اۋا ساپاسىن اۆتوماتتى باقىلاۋ - ولشەۋدىڭ 80 پۋنكتىن 3 - جاقتىڭ قورعاۋىنا اماناتتاپ بەرۋدى ورىندادى.
قورشاعان ورتاعا قاتىستى زاڭعا قايشى ارەكەتتەرگە قاتاڭ سوققى بەرۋ جاعىندا، بىلتىر تۇتاس رايونىمىزدا اتقارىلعان ”قوس مۇمكىندىك“ بويىنشا كۇندەلىكتى باقىلاپ - باسقارىلعان لاستانۋ كوزى 8335 رەتكە، بايقالعان ءارى تەكسەرىپ ءبىر جاقتى ەتىلگەن زاڭعا قايشى ماسەلەلەر 922گە، بىتىرگەن قورشاعان ورتاعا قاتىستى اكىمشىلىك جازا دەلوسى 1933كە، ايىپ سوماسى 112 ميلليون يۋانعا جەتتى. قابىلدانعان قورشاعان ورتاعا قاتىستى ارىز - شاعىم، ءونىمدى اشكەرەلەۋ 5452گە جەتىپ، مەرزىمى ءبىتىپ اياقتاۋ مولشەرى ％100 بولدى.
ءارقايسى ايماق، وبلىس، قالا اۆتونوميالى رايونمەن بىرگە ەكولوگيانى قورعاۋ قىزىل سىزىعىن، قورشاعان ورتا ساپاسىنىڭ تومەنگى شەگىن، بايلىقتى پايدالانۋدىڭ جوعارعى شەگىن جانە ەكولوگيالىق ورتاعا كىرۋگە رۇقسات ەتۋ تىزىمدىگىن جاساۋدى سايكەستى ىلگەرىلەتتى ءارى العاشقى ادىمدا ناتيجەگە قول جەتكىزدى. اۆتونوميالى رايون لاس زاتتاردى تىزگىندەۋگە، ىعىستىرۋعا رۇقسات ەتۋ ءتۇزىمى رەفورماسىن جەدەلدەتىپ، 2019 - جىلى اتقارىلۋعا ءتيىستى لاس زاتتاردى ىعىستىرۋعا رۇقسات ەتىلگەن 18 كاسىپ سالاسىنداعى 902 كاسىپورىننىڭ ىعىستىرۋعا رۇقسات كۋالىگىنە ءوتىنىش بەرۋ سالىستىرماسى، تەكسەرىپ تاراتۋ سالىستىرماسى تۇگەلدەي ％100كە جەتتى.
