ءونىمدى قارجى قوسۋدىڭ شەشۋشى رولىن شىنايى ساۋلەلەندىرۋ، فينانستىق قولداۋ تەبىنىن ارتتىرۋ ءۇشىن، 3 - ايدىڭ 25 - كۇنى اۆتونوميالى رايوندىق دامۋ جانە رەفورما كوميتەتى اۆتونوميالى رايوندىق قازىنا مەڭگەرمەسىمەن، اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسىمەن بىرلەسىپ، مەملەكەتتىك وركەندەتۋ بانكەسىنىڭ شينجياڭ بولىمشە بانكەسى سياقتى 6 بانكەمەن قارجى قوسۋدى جەبەپ، ورنىقتى ارتۋدى ساقتايتىن ارناۋلى قارىز اقشا قورىن قۇردى، جيىنى 300 ميلليارد يۋان قارجى قۇرادى.
مۇنىڭ ىشىندە، مەملەكەتتىك وركەندەتۋ بانكەسىنىڭ شينجياڭ بولىمشە بانكەسى 80 ميلليارد يۋان، جۇڭگو اۋىل شارۋاشىلىعىن دامىتۋ بانكەسىنىڭ شينجياڭ بولىمشە بانكەسى 60 ميلليارد يۋان، جۇڭگو يمپورت - ەكسپورت بانكەسىنىڭ شينجياڭ بولىمشە بانكەسى 20 ميلليارد يۋان، جۇڭگو اۋىل شارۋاشىلىعى بانكەسىنىڭ شينجياڭ بولىمشە بانكەسى 50 ميلليارد يۋان، جۇڭگو قۇرىلىس بانكەسىنىڭ شينجياڭ بولىمشە بانكەسى 50 ميلليارد يۋان، جۇڭگو پوچتا امانات بانكەسىنىڭ شينجياڭ بولىمشە بانكەسى 40 ميلليارد يۋان.
6 بانكە قۇرىلىمى ”ساياسات ارقىلى جەتەكتەۋ، بازار اينالىمى، قارىزدى دەربەس تەكسەرۋ، قاتەردى تىزگىندەۋ“ پرينسيبى بويىنشا، ءتۇيىندى تۇردە ىندەتتەن ساقتانۋ - تىزگىندەۋ، كەدەيلىكتەن ارىلتۋدان قامال الۋ، ەكونوميكالىق، قوعامدىق دامۋ، قوعام ورنىقتىلىعى سياقتى سالالارداعى ءتۇيىندى نىسانداردى قولدايدى. ىندەتتەن ساقتانۋ - تىزگىندەۋدە مەملەكەتتىڭ جانە اۆتونوميالى رايوننىڭ ءتۇيىندى تۇردە قامتاماسىز ەتەتىن كاسىپورىندار تىزىمدىگىنە ەنگىزىلگەن نىسانداردى، ورتالىق پەن اۆتونوميالى رايوننىڭ مەجە ەسەبىندەگى قارجى قوسقان نىساندارىن، جەرگىلىكتى ۇكىمەتتىڭ ارناۋلى زايوم نىساندارىن، اۆتونوميالى رايوننىڭ ءتۇيىندى نىساندارىن، سونداي - اق ءارقايسى ايماقتاردىڭ (وبلىس، قالالاردىڭ) ءتۇيىندى نىساندارىن الدىمەن قولدايدى، سالىنۋ ۇستىندەگى قايتا جۇمىس باستاعان نىسانداردى جانە 2020 - جىلدىڭ العاشقى جارتى جىلىندا جاڭادان قۇرىلىس باستاعان نىسانداردى زور كۇشپەن قولدايدى، مەملەكەتتىڭ ەلەۋلى قۇرىلىس نىسانى قامباسىنا ەنگىزىلگەن، قۇرىلىس شارت - جاعدايى پىسىپ - جەتىلگەن نىسانداردى بەلسەنە قولدايدى.
اۆتونوميالى رايوننىڭ ءار دارەجەلى دامۋ - رەفورما، قازىنا، فينانستى باقىلاۋ - باسقارۋ تاراۋلارى 6 بانكە قۇرىلىمىن نىساندارعا قارجى قۇراۋداعى ماڭىزدى سەلبەستىك جاساساتىن بانكە ەتىپ، جان - جاقتى قولداۋ كورسەتەدى. ساياساتتى ءتۇسىندىرۋدى، كاسىپتىك جاقتان جەتەكتەۋدى، ۇگىتتەۋدى، باۋلۋدى كۇشەيتىپ، قاتىستى ساياساتتار مەن ينفورماتسيالاردى دەر كەزىندە جەتكىزەدى.
6 بانكە قۇرىلىمى ءوز بانكەلەرىنىڭ ابزالدىلىعى بويىنشا ناقتى قىزمەت جوباسىن دايىنداپ، ارناۋلى قوسىن ۇيىمداستىرىپ، ىرىقتىلىقپەن تومەنگە ءتۇسىپ قىزمەت وتەپ، ىزدەپ بارىپ دالمە - ءدال ۇشتاسادى. نىساندى جوبالاۋعا كۇنى بۇرىن ارالاسىپ، امانات - قارىز ونىمدەرىنەن يكەمدىلىكپەن پايدالانىپ، ءىس جۇزىندىكپەن بىرلەستىرىپ، ارنايى دايىنداعان فينانستىق قىزمەت وتەۋدى ۇسىنادى. سونىمەن بىرگە، تەكسەرىپ بەكىتۋ ءتارتىبىن ساپالىلاندىرىپ، جاسىل وتكەل اشىپ، شارتقا ۇيلەسەتىن نىساندارعا سەنىم ارتۋ، تەكسەرىپ بەكىتۋ قارقىنىن زاڭ بويىنشا، ەرەجە بويىنشا جەدەلدەتەدى. سەنىم ارتىلعان ءارى قارىز اقشا بەرۋ تالابىنا ۇيلەسەتىن نىسانداردى ەڭ ابزال قارجى قۇراۋ ءوسىمى ارقىلى قولداپ، قۇرىلىس قارقىنىنا نەگىزدەلىپ امانات - قارىز اقشا بەرۋدى جەدەلدەتەدى.
