ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاۋ ۇلكەن سىناۋىندا تولىمدى جاۋاپ تاپسىرۋ كەرەك

日期:2020年02月14日
来源:新疆日报
【字体:

اۆتونوميالى رايون بەينەجازبا ءماجىلىسىن اشىپ، باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، ىندەتتەن ساقتانۋ - تىزگىندەۋ قىزمەتىن كۇشەيتۋدى اقىلداستى، ورنالاستىردى

ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاۋ ۇلكەن سىناۋىندا تولىمدى جاۋاپ تاپسىرۋ كەرەك

چىن چۋانگو ماجىلىسكە قاتىناستى ءارى ءسوز سويلەدى

 2 - ايدىڭ 13 - كۇنى تۇستەن بۇرىن اۆتونوميالى رايون جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جونىندە بەينەجازبا ءماجىلىسىن اشىپ، جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزدى، ۇيرەندى، تۇتاس رايوننىڭ ىندەتتەن ساقتانۋ - تىزگىندەۋ قىزمەتىن كۇشەيتۋدى اقىلداستى، ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ماجىلىسكە قاتىناستى ءارى ءسوز سويلەدى.

ءماجىلىس مىنالاردى اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، باس شۋجي شي جينپيڭ وسكەلەڭ ءمان بەرىپ، ءوزى قولباسشىلىق ەتىپ، ءوزى ورنالاستىرۋ جاساپ، ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن كوپ رەت باسقارىپ اشىپ، ىندەتتەن ساقتانۋ - تىزگىندەۋ قىزمەتىن ارناۋلى اقىلداسىپ، كوپ رەت ماڭىزدى ءسوز سويلەپ، ماڭىزدى نۇسقاۋ بەرىپ، ءبىزدىڭ ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە جەتۋ سەنىمىمىزدى، بەكىمىمىزدى نىعايتتى، اسقاق كۇرەس جىگەرىمىزدى ۇشتادى، العا باسۋ بەتالىسىمىزدى ايقىن كورسەتتى، ءتۇبىرلى بويسۇنۋ ولشەمىن ازىرلەدى. تۇتاس رايونداعى ءار دارەجەلى، ءارقايسى تاراۋلار ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزى مەن ماڭىزدى نۇسقاۋىنىڭ رۋحىمەن شىنايى بىرلىككە كەلتىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ءتۇرلى قىزمەتتەردى بۇلجىتپاي ناقتىلاندىرىپ، ەگجەي - تەگجەيلىلەندىرىپ، تياناقتاندىرىپ، ىندەتتەن ساقتانۋ - تىزگىندەۋدىڭ جانە بيىلعى ەكونوميكالىق، قوعامدىق دامۋ نىساناسىن ورىنداۋدىڭ قوس جەڭىسىنە قول جەتكىزۋگە قۇلشىنۋ كەرەك.

ءبىرىنشى، ءسوزسىز، جەڭىسكە جەتۋ سەنىمىن، بەكىمىن نىعايتۋ كەرەك. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا بۇكىل پارتيا، بۇكىل ارميا، بۇكىل ەلدەگى ءار ۇلت حالقى ەل بىرلىگىنەن بەرىك قامال تۇرعىزىپ، ىنتىماقتاسىپ ەرلىكپەن شايقاس جاسادى، كەزەكتە ىندەت جاعدايىندا بەلسەندى وزگەرىس جارىققا شىقتى، ساقتانۋ - تىزگىندەۋ قىزمەتىندە بەلسەندى ناتيجەگە قول جەتتى. ءبىز ىندەتتەن ساقتانۋ - تىزگىندەۋ قىزمەتىنىڭ ەڭ ماشاقاتتى شەشۋشى كەزەڭگە جەتكەندىگىن تولىق تانىپ، اناعۇرلىم بەكەم سەنىم، اناعۇرلىم قايسار جىگەر، اناعۇرلىم باتىل شارا ارقىلى ىندەتتەن ساقتانۋ - تىزگىندەۋ قىزمەتتەرىن تيتتەي دە بوساڭسىماي جاقسى ىستەۋىمىز كەرەك.

ەكىنشى، عىلمي، دالمە - ءدال ساقتانۋ - تىزگىندەۋگە تاباندى بولۋ كەرەك. ىندەتتەن ساقتانۋ - تىزگىندەۋدىڭ ءتۇيىندى قىزمەتتەرىن تيتتەي دە بوساڭسىماي جاقسى ىستەپ، ءتۇيىندى كورنەكتىلەندىرۋگە، ءبىر تۇتاس جوسپارلاپ تەڭ ءمان بەرۋگە، تۇرگە ءبولىپ جەتەكشىلىك ەتۋگە، وڭىرگە ءبولىپ شارا قولدانۋعا تاباندى بولىپ، عىلمي ساقتانۋ - ەمدەۋگە، دالمە - ءدال شارا قولدانۋعا تاباندى بولىپ، ءىس جۇزىندىكتى تياناق ەتىپ، ساقتانۋ - تىزگىندەۋ قىزمەتىن ىجداعاتتىلىقپەن ويداعىداي ىستەۋ؛ ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ شاراسىن قاتاڭ تياناقتاندىرىپ، ىندەتتى باقىلاۋ - ولشەۋدى كۇشەيتىپ، شارانى كەمەلدەندىرىپ، كۇشەيتىپ، تارالۋ قاينارىن ۇتىمدى تىزگىندەپ، تارالۋ جولىن ءۇزىپ، جۇعىمدالۋ سالىستىرماسىن تومەندەتۋ؛ الەۋمەتتىك اۋماقتاردى، اۋىل - قىستاقتاردى توركوزدەندىرە باسقارۋدى كۇشەيتىپ، ساقتانۋ - تىزگىندەۋ كۇشىنىڭ تومەنگە ءتۇسۋىن ىلگەرىلەتىپ، سىرتتان كىرۋدەن ساقتانۋدىڭ، ىشتە تارالۋدان ساقتانۋدىڭ قۋاتتى قورعانىستىق رولىن ءونىمدى ساۋلەلەندىرۋ؛ ساقتانۋ وتكەلىن الدىعا جىلجىتۋعا تاباندى بولىپ، شينجياڭعا قايتقان ادامداردىڭ سالاماتتىعىن باقىلاۋ - ولشەۋدى كۇشەيتىپ، قاتىناس قۇرالدارىندا، الاڭ - بەكەتتەردە زارارسىزداندىرۋدى، اۋا الماستىرۋدى ويداعىداي ىستەۋ؛ ابزال ەمدەۋ بايلىعى مەن تەحنيكا كۇشىن شوعىرلاندىرىپ، دياگنوز قويۋ - ەمدەۋدىڭ ۇتىمدى جوباسىن قورىتىندىلاپ، جالپىلاستىرىپ، ناۋقاستاردىڭ ساۋىعۋ سالىستىرماسىن جوعارىلاتۋعا قۇلشىنۋ كەرەك.

ءۇشىنشى، زاتتىق ماتەريالدارمەن قامداۋدى بار كۇشپەن قامتاماسىزداندىرۋ كەرەك. ەمدەۋ زاتتىق ماتەريالدارىن ءوندىرۋدى، ساتىپ الۋدى جانە ءبىر تۇتاس جوسپارلاپ ۇلەستىرۋدى كۇشەيتىپ، ىندەتتەن ساقتانۋ - تىزگىندەۋ ءبىرىنشى شەبىنىڭ قاجەتىن الدىمەن قامتاماسىزداندىرۋ؛ تۇرمىستىق قاجەتتى بۇيىمداردى ءوندىرۋدى، قامتاماسىزداندىرۋدى، قامداۋدى كۇشەيتىپ، ”استىق“، ”كوجە قاتىق“ جاۋاپكەرشىلىك ءتۇزىمىن قاتاڭ تياناقتاندىرىپ، تاسىمال ”جاسىل ارناسىن“ اشىپ، بازار قامداۋىنىڭ جەتكىلىكتى بولۋىنا، باعانىڭ تۇراقتى بولۋىنا شىنايى كەپىلدىك ەتۋ؛ كومىر، ەلەكتر، مۇناي، گازدى ۇيىمداستىرىپ ورنالاستىرۋدى كۇشەيتىپ، ەكونوميكانىڭ، قوعامنىڭ دامۋىنا جانە بۇقارانىڭ وندىرىسىنە، تۇرمىسىنا پارمەندى كەپىلدىك ازىرلەۋ كەرەك.

ءتورتىنشى، ەكونوميكانىڭ ورنىقتى اينالىمىن ساقتاۋ كەرەك. ىندەتتەن ساقتانۋ - تىزگىندەۋدى بار كۇشپەن ويداعىداي يگەرۋمەن بىرگە، جاڭا دامۋ ۇستانىمىن بۇلجىماي دايەكتىلەندىرىپ، جۇمىستاندىرۋدى ورنىقتىرۋ، فينانستى ورنىقتىرۋ، سىرتقى ساۋدانى ورنىقتىرۋ، سىرتقى قارجىنى ورنىقتىرۋ، قارجى قوسۋدى ورنىقتىرۋ، مەجەنى ورنىقتىرۋ قىزمەتىن جالپى بەتتىك ويداعىداي ىستەپ، ارتۋدى ورنىقتىرۋدى، رەفورمانى جەبەۋدى، قۇرىلىمدى رەتتەۋدى، حالىق تۇرمىسىنا تيىمدىلىك جاساۋدى، حاۋىپ - قاتەردەن ساقتانۋدى، ورنىقتىلىقتى ساقتاۋدى ءبىر تۇتاس جوسپارلاپ ىلگەرىلەتىپ، ەكونوميكالىق اينالىمدى ىڭعايلاستىرۋدى كۇشەيتىپ، سۇيەمەلدەۋ ساياساتىن تياناقتاندىرىپ، ءونىمدى قارجى قوسۋدى كەڭەيتىپ، جاڭادان كوركەيگەن تۇتىنۋ كومەسكى كۇشىن جارىققا شىعارىپ، حالىق تۇرمىسىن جاقسارتۋدى كۇش سالا قامتاماسىزنداندىرىپ، ىندەت ىقپالىن ۇتىمدى تومەندەتىپ، تۇتاس رايون ەكونوميكاسىنىڭ، قوعامىنىڭ ورنىقتى، اقاۋسىز دامۋىنا شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى شايقاسىنىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ كەرەك.

بەسىنشى، كەلەلى جاعدايدىڭ جاراسىمدى، ورنىقتى بولۋىنا شىنايى كەپىلدىك ەتۋ كەرەك. ءبىر جاعىنان، ىندەتتەن ساقتانۋ - تىزگىندەۋدى يگەرۋگە، ەندى ءبىر جاعىنان، ورنىقتىلىقتى قورعاۋدى يگەرۋگە تاباندى بولىپ، نازاردى باس نىساناعا شوعىرلاندىرىپ، كەشەندى شارانى ويداعىداي جۇرگىزىپ، ءبىر تۇتاس جوسپارلاپ، تەڭ ءمان بەرىپ، جالپىلىق شارا قولدانىپ، قوعامدىق كەلەلى جاعدايدىڭ ءۇرتىس جاراسىمدى، ورنىقتى بولۋىن بار كۇشپەن قورعاپ، ىندەتتەن ساقتانۋ - تىزگىندەۋگە تاماشا ورتا جاراتۋ كەرەك.

التىنشى، قابىلەتتى، دەڭگەيدى ۇزدىكسىز جوعارىلاتۋ كەرەك. ءار دارەجەلى باسشى كادرلار كۇردەلى جاعدايدى مەڭگەرۋ، شۇعىل، قيىن، قاتەرلى، كەلەلى مىندەتتەردى ءبىر جاقتى ەتۋ قابىلەتى مەن دەڭگەيىن قۇلشىنا جوعارىلاتىپ، جاۋاپكەرشىلىكتى باتىلدىقپەن ارقالاپ، عىلمي ساقتانىپ - تىزگىندەپ، ءبىر تۇتاس جوسپارلاپ تەڭ ءمان بەرىپ، تياناقتاندىرۋدى مىقتاپ يگەرىپ، ءىرى شايقاس بارىسىندا اۋەلگى ماقساتتى، بورىشتى امالياتتا ايگىلەپ، ۇلكەن سىناۋدا تولىمدى جاۋاپ تاپسىرىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە جەتۋگە شىنايى كەپىلدىك ەتىپ، تۇتاس جىلدىق ەكونوميكالىق، قوعامدىق دامۋدىڭ نىسانا - مىندەتتەرىن قۇلشىنا جۇزەگە اسىرۋ كەرەك.