شينجياڭدا (بيڭتۋاندى قامتيدى) جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان جانە دە 3 ناۋقاس ساۋىعىپ شيپاحانادان شىقتى
جالپى ساۋىعىپ شياحانادان شىققان ادام 6عا جەتى
2 - ايدىڭ 13 - كۇنى شينجياڭ ۇيعۇر اۆتونوميالى رايونىندا (شينجياڭ ءوندىرىس - قۇرىلىس بيڭتۋانىن قامتيدى) جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان تاعى 3 ناۋقاس ساۋىعىپ شيپاحانادان شىقتى.
ساۋىعىپ شيپاحانادان شىققان 3 ناۋقاستىڭ بىرەۋى قۇلجا قالاسىنداعى 21 جاستاعى ايەل ناۋقاس، قاتىستى ناۋقاسپەن جاناسۋ كەشىرمەسى بار، جوتەلۋ، قىزۋى ورلەۋ سياقتى اۋرۋ بەلگىلەرى بايقالعاندىقتان، 1 - ايدىڭ 27 - كۇنى ىلە قازاق اۆتونوميالى وبلىسىنىڭ بەلگىلەنگەن شيپاحاناسىنا بارىپ ەمدەلگەن، سول كۇنى دياگنوزى تۇراقتاندىرىلعان. ەندى ءبىر ناۋقاس اقسۋ قالاسىنداعى 51 جاستاعى ايەل ناۋقاس، 1 - ايدىڭ 20 - كۇنى ۋحاننان شينجياڭعا قايتىپ كەلگەن، 1 - ايدىڭ 27 - كۇنى قىزۋى ورلەۋ اۋرۋ بەلگىسى بايقالعاندىقتان، اقسۋ ايماعىنىڭ بەلگىلەنگەن شيپاحاناسىنا بارىپ ەمدەلگەن، 1 - ايدىڭ 30 - كۇنى دياگنوزى تۇراقتاندىرىلعان. تاعى ءبىر ناۋقاس بيڭتۋاننىڭ 7 - شىسىنداعى 42 جاستاعى ايەل ناۋقاس، ۇزاق ۋاقىت ۋحاندا قونىستانعان، 1 - ايدىڭ 20 - كۇنى شينجياڭعا قايتىپ كەلىپ تۋىسشىلاعان، 1 - ايدىڭ 26 - كۇنى قىزۋى ورلەۋ، قۇرعاق جوتەلۋ سياقتى اۋرۋ بەلگىلەرى بايقالىپ، بيڭتۋاننىڭ 7 - شىسىنداعى بەلگىلەنگەن شيپاحاناعا بارىپ ەمدەلگەن، 1 - ايدىڭ 27 - كۇنى دياگنوزى تۇراقتاندىرىلعان.
اۆتونوميالى رايوندىق ەمدەۋ - قۇتقارۋ ماماندار گرۋپپاسىنىڭ عىلمي جەتەكشىلىك ەتۋىنىڭ جانە بەلگىلەنگەن جيناپ ەمدەۋ شيپاحاناسىنىڭ دەن قويا جان - جاقتى ەمدەۋىنىڭ ارقاسىندا قازىر جوعارىداعى ايتىلعان ناۋقاستاردىڭ دەنە تەمپەراتۋراسى قالىپتى بولىپ، ءۇرتىس 2 رەتتەن جوعارى نۋكلەين قىشقىلىن تەكسەرۋ ناتيجەسى بولىمسىز بولدى، اۆتونوميالى رايوندىق الىس ارالىقتان بىرىگىپ دياگنوز قويۋ تۇعىرىنداعى ەمدەۋ - قۇتقارۋ ماماندار گرۋپپاسىنىڭ باعالاۋىنان، مەملەكەتتىك دەنساۋلىق ساقتاۋ، سالاماتتىق كوميتەتىنىڭ «جاڭا تيپتى ايدارشا ۆيرۋس وكپە قابىنۋىن ەمدەۋ جوباسى (سىناق رەتىندە اتقارىلاتىن 5 - رەتكى وزگەرتىلگەن نۇسقاسى)»نداعى اۋاشالاۋدى كۇشىنەن قالدىرۋ جانە شيپاحانادان شىعۋ ولشەمىنە نەگىزىنەن ۇيلەسكەندىكتەن، ساۋىعىپ شيپاحانادان شىقتى.
قازىرگە دەيىن شينجياڭدا (بيڭتۋاندى قامتيدى) جالپى ساۋىعىپ شياحانادان شىققان ادام 6عا جەتتى.
