رايونىمىزداعى 5 تاراۋ بىرلەسىپ حابارلاندىرۋ تاراتىپ مىنانى تالاپ ەتتى
كاسىپورىنداردىڭ جۇمىستى قايتا باستاۋ كەزىندەگى جۇمىستاندىرۋ قىزمەت وتەۋىن ويداعىداي ىستەۋ كەرەك
2 - ايدىڭ 9 - كۇنى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، وقۋ - اعارتۋ مەڭگەرمەسى، قازىنا مەڭگەرمەسى، قاتىناس - تاسىمال مەڭگەرمەسى، دەنساۋلىق ساقتاۋ، سالاماتتىق كوميتەتى سياقتى 5 تاراۋ بىرلەسىپ حابارلاندىرۋ تاراتىپ، كاسىپورىنداردىڭ جۇمىستى قايتا باستاۋ كەزىندەگى جۇمىستاندىرۋ قىزمەت وتەۋىن ويداعىداي ىستەپ، بۇكىل رايونىمىزدىڭ جۇمىستاندىرۋ جاعدايىنىڭ جالپى تۇلعالىق جاقتان ورنىقتى بولۋىنا شىنايى كەپىلدىك ەتۋدى تالاپ ەتتى.
حابارلاندىرۋدا مىنالار تالاپ ەتىلدى: ىندەتتەن ساقتانۋ - تىزگىندەۋدى قامتاماسىز ەتۋ نەگىزىندە قاتىستى تاراۋلار ارناۋلى ادامداردى جەرگىلىكتى ورىنداعى كاسىپورىنداردىڭ جۇمىستى قايتا باستاۋ ۋاقىتىن دەر كەزىندە ۇشتاستىرۋعا، يگەرۋگە، كاسىپورىنداردىڭ جۇمىسكەر ىستەتۋ قاجەتىن ۇعىسۋعا، كاسىپورىنداردىڭ جەرگىلىكتى ورىننان كومەسكى كۇشتەردى تابۋىنا، ارتىق - كەمىن رەتتەۋىنە، ۇيرەنۋگە ۇيىمداستىرۋىنا، پراكتيكانتتاردى سايكەستىرۋىنە، ت. ب كومەكتەسۋگە ورنالاستىرىپ، كاسىپورىنداردىڭ كەزەڭدىك جۇمىسكەر ىستەتۋ قاجەتىن مۇمكىندىگىنشە قاناعاتتاندىرۋ كەرەك؛ جەرگىلىكتى ورىننىڭ قامتاماسىز ەتۋى قيىنعا سوققاندا، ىندەتتەن ساقتانۋ - تىزگىندەۋ تالابىنا ۇيلەسۋ العى شارتىندا كاسىپورىنداردىڭ باعىتتامالى تۇردە ءوڭىر اتتاپ جۇمىسكەر قابىلداۋىنا سايكەسۋ كەرەك؛ بەلگىلى كولەم قالىپتاستىرعاندارىنا قاراتا، بىرلەسىپ ساقتانۋ، بىرلەسىپ تىزگىندەۋ مەحانيزمى ارقىلى قاتىناس - تاسىمال تاراۋلارىن جەتكىزۋ جوباسىن جاساۋعا سايكەستىرۋ كەرەك، شارت - جاعدايى بارلارى تىكە كوزەۋلى جەرگە شوعىرلى جەتكىزۋگە ۇيىمداستىرسا بولادى؛ شارتقا ۇيلەسەتىن كاسىپورىندار مەن ادام كۇشى بايلىعى قىزمەت وتەۋ قۇرىلىمدارىنا ءبىر رەتتىك جۇمىسقا قابىلداۋ قوسىمشا قاراجاتىن، جۇمىستاندىرۋ، شارۋاشىلىق قۇرۋ قىزمەت وتەۋ كومەك قاراجاتىن بەرسە بولادى.
ىندەتتەن ساقتانۋ - تىزگىندەۋ مەزگىلىندە ىندەت ءتۇيىندى وڭىرلەرىندەگى ەڭبەكشىلەر جانە ادام ىستەتەتىن ورىندار، اسىرەسە، ورتا، شاعىن، ۇساق كاسىپورىندار ەرەكشە جۇمىستاندىرۋ قىزمەت وتەۋىنەن جانە ساياسات تياناقتاندىرۋدان يگىلىكتەنەدى. بىردەي شارت - جاعدايدا رايونىمىز ىندەت ىقپالىنا ۇشىراپ، ۋاقىتشا ءوندىرىس تيجارات قيىنشىلىعىنا ۇشىراعان ورتا، شاعىن كاسىپورىندارعا جانە يكەمدى جۇمىستانعاندارعا قاراتا، شارتقا ۇيلەسەتىندەرىنىڭ جۇمىس ورنىن ورنىقتىرۋ قوسىمشا قاراجاتى، قوعامدىق قامسىزداندىرۋ قوسىمشا قاراجاتى، كاسىپتىك باۋلۋ قوسىمشا قاراجاتى، شارۋاشىلىق قۇرۋ كەپىل قارىز اقشاسى، جۇمىسسىزدىق كومەك قاراجاتى، ءبىر رەتتىك شارۋاشىلىق قۇرۋ قوسىمشا قاراجاتى سياقتى ساياساتتىق سۇيەمەلدەۋ الدىمەن تياناقتاندىرىلادى.
رايونىمىز ءار تۇردەگى ەڭبەكشىلەردىڭ زاڭدى ۇقىق - مۇددەسىن قامتاماسىز ەتەدى. ءار تۇردەگى ادام ىستەتەتىن ورىنداردىڭ ىندەت جاعدايى اۋىر رايونداردان كەلگەن دەگەندى سىلتاۋ ەتىپ، قاتىستى قىزمەتكەرلەردى قابىلداۋدان، ىستەتۋدەن باس تارتۋىنا، ەڭبەك توقتامىن كۇشىنەن قالدىرۋىنا نەمەسە ەڭبەككۇشتەردى سىرتقا شىعارۋ بويىنشا قابىلدانعان جۇمىسكەرلەردى قايتارۋىنا بولمايدى. ىندەت مەزگىلىندە جۇمىسسىز قالعاندار جۇمىسسىزدىق قامسىزداندىرۋ قاراجاتىن الۋدى ءوتىنىش ەتكەندە 90 كۇن ىشىندە ءوتىنىش ەتىپ الۋ ۋاقىت شەكتەمەسىنە ۇشىرامايدى.
الەۋمەتتىك جۇمىستاندىرۋ قىزمەت وتەۋىن ويداعىداي ىستەۋ ءۇشىن، ىندەت مەزگىلىندە رايونىمىزدىڭ جەر - جەرى ينتەرنەتتە ءبىتىرۋدى توقتاتپاۋعا، جۇمىستاندىرۋ قىزمەت وتەۋىن توقتاتپاۋعا تاباندى بولىپ، نازاردى اۋىل - قىستاقتارداعى ارتىق ەڭبەككۇشتەر، جوعارى مەكتەپتەردەن وقۋ تاۋىسقان ستۋدەنتتەر جانە جۇمىستانۋى قيىنعا سوققاندار سياقتى ءتۇيىندى قاۋىمعا شوعىرلاندىرىپ، جەلىدە جاريالاۋ ارنالارىن جانە جۇمىس ءبىتىرۋ ارنالارىن ىسكە قوسىپ، جەلىدە الەۋمەتتىك جۇمىستاندىرۋ قىزمەت وتەۋىمەن ۇدايى قامتاماسىز ەتىپ، كاسىپورىنداردىڭ جۇمىسكەر ىستەتۋ قاجەتىن جانە ءتۇرلى جۇمىستانۋ، شارۋاشىلىق قۇرۋ قوسىمشا قاراجات ساياساتىنىڭ تياناقتانۋىن بار كۇشپەن قامتاماسىز ەتەدى.
حابارلاندىرۋدا مىنالار تالاپ ەتىلدى: جەر - جەر كوپ تاراۋدىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ رولىن تولىق ساۋلەلەندىرىپ، ءونىمدى شارالاردى قولدانىپ، ەڭبەكشىلەردىڭ قاتىستى قورعانۋ، ەڭبەك ىستەۋ، تۇرۋ ورىندارىن زارارسىزداندىرۋ سياقتى قىزمەتتەردى ويداعىداي ىستەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە كۇش بىرىكتىرە قول جەتكىزۋ كەرەك.
