قاشقار ايماعىنىڭ ءپايزاۋات اۋدانىندا 4. 6 بال جەر سىلكىندى
چىن چۋانگو، شوكىرات زاكىر دەرەۋ ورنالاستىرۋ جاساپ، اپات جاعدايىن تەز انىقتاپ، حاۋىپتى وڭىردەگى بۇقارانى كوشىرىپ، بىتىراتۋ، جارالانعانداردى بار كۇشپەن قۇتقارۋ، ەمدەۋ، اپاتقا ۇشىراعان بۇقارانى ورنالاستىرۋ، ايازدان ساقتانىپ، جىلۋمەن قامداۋ جانە سىلكىنىسكە قارسى اتتانىپ، اپاتتان قۇتقارۋ قىزمەتتەرىن شىنايى ويداعىداي ىستەۋدى تالاپ ەتتى
1 - ايدىڭ 19 - كۇنى ساعات 21دەن 27 مينۋت مولشەرىندە، شينجياڭنىڭ قاشقار ايماعىنىڭ ءپايزاۋات اۋدانىندا 6.4 بال جەر سىلكىندى، سىلكىنىس سەنترى سولتۇستىك ەندىك 39.83 گرادۋس، شىعىس بويلىق 77.21 گرادۋس، سىلكىنىس قاينارىنىڭ تەرەڭدىگى 16 كيلومەتر. سىلكىنىس سەنترى تاۋلى وڭىرگە جاتادى، ءپايزاۋات اۋدان قالاشىعىنان مولشەرمەن 55 كيلومەتر قاشىقتىقتا. ساعات 23تەن 30 مينۋتقا دەيىن، العاشقى ءبىر - بىرلەي تەكسەرۋگە قاراعاندا، وسى رەتكى جەر سىلكىنىسىندە ءبىر ادام اۋىر جارالانعان، 2 ادام جەڭىل جارالانعان، ناقتى اپات جاعدايى مەن شىعىن ىشكەرىلەي تەكسەرىلۋدە.
جەر سىلكىنىسى تۋىلعاننان كەيىن، اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوننىڭ ءتوراعاسى شوكىرات زاكىر تاباندا ورنالاستىرۋ جاساپ، اپات جاعدايىن تەز انىقتاۋدى، دەرەۋ حاۋىپتى وڭىردەگى بۇقارانى كوشىرىپ، بىتىراتۋدى، جارالانعانداردى بار كۇشپەن قۇتقارۋدى، ەمدەۋدى، شۇعىل جاعدايعا توتەپ بەرۋ جوباسىن ىسكە قوسۋدى، سىلكىنىس جاعدايىن باقىلاۋ - ولشەۋدى كۇشەيتۋدى، قالدىق سىلكىنىستىڭ قوسىمشا اپات تۋدىرىنان ساقتانۋدى، اپاتقا ۇشىراعان بۇقارانى ورنالاستىرۋ، سۋىقتان ساقتانىپ، جىلۋمەن قامداۋ جانە سىلكىنىسكە قارسى اتتانىپ، اپاتتان قۇتقارۋ قىزمەتتەرىن شىنايى ويداعىداي ىستەۋدى تالاپ ەتتى. اۆتونوميالى رايوندىق پارتكوم مەن ۇكىمەتتىڭ ورنالاستىرۋى بويىنشا، اۆتونوميالى رايوننىڭ ورىنباسار ءتوراعاسى جاۋ چيڭ شۇعىل جاعدايعا توتەپ بەرۋ، جەر سىلكىنىسى، حالىق ىستەرى، دەنساۋلىق ساقتاۋ سياقتى تاراۋلاردىڭ قىزمەتكەرلەرىن باستاپ، جەر سىلكىنىسى تۋىلعان وڭىرگە دەرەۋ جەتىپ، جەر سىلكىنىسىنە قارسى اتتانۋدى، اپاتتان قۇتقارۋدى سايكەستىردى، جەتەكشىلىك ەتتى. قاشقار ايماعى مەن ءپايزاۋات اۋدانى دەرەۋ شۇعىل جاعدايعا توتەپ بەرۋدىڭ ساقتىق سيگنالىن ىسكە قوسىپ، قاتىستى جاۋاپتى جولداستار قاتىستى تاراۋلار مەن مامانداندىرىلعان كۇشتەردى باستاپ، جەر سىلكىنىسى تۋىلعان ءوڭىردىڭ ءبىرىنشى شەبىنە ىشكەرىلەي ەنىپ، اپات جاعدايىن تەكسەرىپ، ادامداردى كوشىرىپ، سىلكىنىسكە قارسى اتتانۋ، اپاتتان قۇتقارۋ قىزمەتتەرىن بەلسەنە ورىستەتتى.
قازىر جەرگىلىكتى ورىننىڭ قوعامدىق كەلەلى جاعدايى ورنىقتى بولىپ، جەر سىلكىنىسىنە قارسى اتتانۋ، اپاتتان قۇتقارۋ قىزمەتى شۇعىل دا ءتارتىپتى ورىستەتىلۋدە.
