جاڭ دۇڭبيڭ تارتىپكە، زاڭعا اۋىر دارەجەدە قايشىلىق جاساعاندىقتان، پارتيادان جانە قىزمەتتەن ايدالدى

日期:2020年01月19日
来源:新疆日报
【字体:

بايىنعولين موڭعۇل اۆتونوميالى وبلىستىق حالىق ۇكىمەتىنىڭ بۇرىنعى ورىنباسار شارلاۋشىسى

جاڭ دۇڭبيڭ تارتىپكە، زاڭعا اۋىر دارەجەدە قايشىلىق جاساعاندىقتان، پارتيادان جانە قىزمەتتەن ايدالدى

تاياۋدا اۆتونوميالى رايوندىق پارتكومنىڭ بەكىتۋىمەن، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى بايىنعولين موڭعۇل اۆتونوميالى وبلىستىق حالىق ۇكىمەتىنىڭ بۇرىنعى ورىنباسار شارلاۋشىسى جاڭ دۇڭبيڭنىڭ تارتىپكە، زاڭعا اۋىر قايشىلىق جاساۋ ماسەلەسىن دەلو تۇرعىزىپ، قاراپ تەكسەردى.

تەكسەرۋگە قاراعاندا، جاڭ دۇڭبيڭ مۇرات - سەنىمنەن ايرىلىپ، ساياسي تانىمنان جۇرداي بولىپ، توپتاسىپ، توپ قۇرعان، ۇيىمنىڭ تەكسەرۋىنە قارسى تۇرعان، دالەل - سىپاتتاردى جاسىرعان، سوقىر سەنىم قيمىلدارىنا قاتىناسقان؛ ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساپ، تارتۋ - تارالعى، اقشا العان؛ اقىلداسۋ ەرەجەسىنە قايشىلىق جاساپ، ەلەۋلى ماسەلەلەرگە جەكە شەشىم جاساعان؛ قىزمەتتەگى ىقپالىنان پايدالانىپ، جەكە ءوزى تولەۋگە ءتيىستى اقىلاردى قاراستىلىعىنداعى ورىندارعا تولەتكەن، بەلگىلەمەگە قايشىلىق جاساپ، قوسىمشا مىندەت وتەپ، ەڭبەكاقى العان؛ تۇرمىستا ءىرىپ - ءشىرىپ، ءمورالدان ازعان؛ قىزمەتتەگى قولايلىلىعىنان پايدالانىپ، الەۋمەتتىك مال - مۇلىكتەردى زاڭسىز يەمدەنگەن، باسقالارعا پايدا جەتكىزگەن ءارى قوماقتى مال - مۇلىك العان، قىزمەت ۇقىعىن بەتالدى پايدالانىپ، مەملەكەتتىڭ مۇددەسىنە اۋىر زيان سالعان.

جاڭ دۇڭبيڭ پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، تۇرمىس تارتىبىنە اۋىر قايشلىق جاساپ، قىزمەت مىندەتى كولەمىندە زاڭعا قايشىلىق جاساۋدى قالىپتاستىرعان ءارى قيانات جاساۋ، پارا الۋ، قىزمەت ۇقىعىن بەتالدى پايدالانۋ قىلمىسىنا شاتىلعان، ونىڭ ۇستىنە پارتيا 18 - قۇرىلتايىنان كەيىن تيىلماعان، قولىن تارتپاعان، سيپاتى ەرەكشە اۋىر، ىقپالى ايرىقشا ناشار، قاتاڭ ءبىر جايلى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى» سياقتى قاتىستى بەلگىلەمەلەر بويىنشا اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەت ماجىلىسىندە اقىلداسىپ ءارى اۆتونوميالى رايوندىق پارتكومعا جولداپ بەكىتتىرىپ، جاڭ دۇڭبيڭگە پارتيادان ايداۋ جازاسىن بەرۋدى؛ اۆتونوميالى رايوندىق باقىلاۋ - تەكسەرۋ كوميتەتى وعان قىزمەتتەن ايداۋ جازاسىن بەرۋدى؛ تارتىپكە، زاڭعا قايشىلىق جاساپ تاپقان كىرىستەرىن ءمۇسادىرالاۋدى؛ ونىڭ قىلمىسقا شاتىلعان ماسەلەلەرىن پروكۋراتۋرا ورگانىنىڭ زاڭ بويىنشا تەكسەرىپ، ايىپتاۋىنا تاپسىرۋدى، بۇعان ساياتىن مال - مۇلىكتى دەلومەن بىرگە وتكىزىپ بەرۋدى ۇيعاردى.