ءۇشتۇرپاننىڭ جاڭعاق ونىمدەرى كۇسەت ساتىلۋدا
كوكتەم مەرەكەسى تاياپ قالدى، ءۇشتۇرپان اۋدانىنان ىشكى وڭىرلەرگە جونەلتىلەتىن ەرەكشە اۋىل شارۋاشىلىق ونىمدەرىنىڭ ىشىندە جاڭعاق ءبىرىڭعاي جاڭعاق جەمىسى مەن جاڭعاق ءدانى عانا بولماستان، قايتا كوپ ءتۇرلى، كوپ ءدامدى جاڭعاق ونىمدەرى بولدى.
ءۇشتۇرپان اۋدانىنىڭ چۋانيۇي شيڭكۇڭ حالىقارالىق قار شاڭعى الاڭىنىڭ قىزمەت وتەۋ زالىندا كوپتەگەن جۇقا قابىقتى جاڭعاقتىڭ، جاڭعاق ءدانىنىڭ، جاڭعاق ۇگىلمەسىنىڭ، جاڭعاق تالقانىنىڭ، جاڭعاق مايىنىڭ جارنامالارى تۇر. وسى اۋدان قۇرعان اۋىل شارۋاشىلىق قوسىمشا ونىمدەرىن ينتەرنەتتە ساتۋ تۇعىرىنداعى ”’جاڭعاق‘سىزبەن بىرگە“دەن جاڭعاق ءدانى ونىمدەرىنىڭ اۋەلگى ءدامدى، تۇز ءدامدى، بال ءدامدى سياقتى كوپتەگەن تۇرلەرىن كورۋگە بولادى.
جىل ءولاراسىندا ەرەكشە اۋىل شارۋاشىلىق ونىمدەرىنىڭ ساۋداسى كۇسەت بولدى، ءۇشتۇرپان اۋدانى شىعارعان جاڭعاق جەلىلەس ونىمدەرى سىرت جەرلەردەگى تۇتىنۋشىلاردى باۋراپ قالماستان، جەرگىلىكتى ادامداردىڭ دا نازارىن اۋداردى.
1 - ايدىڭ 14 - كۇنى تۇستەن بۇرىن ءتىلشى ءۇشتۇرپان اۋدانىنا ورنالاسقان جاڭعاق مانەرلەۋ كاسىپورنى − اقسۋ جينشاۋ جەمىس شارۋاشىلىعى شەكتى سەرىكتەستىگىنە بارعاندا، جۇمىسشىلاردىڭ جەدەلدەتە ءوندىرىپ، تەحنيكتەردىڭ جاڭا ونىمدەردى زەرتتەۋمەن اينالىسىپ جاتقاندىعىن كوردى.
سۇرىپتاۋ سەحىندا ياسىن تۇرسۇن قاتارلى 20 نەشە جۇمىسشى ۇستىلەرىنە رەتتى، تازا جۇمىس كيىمىن، اياقتارىنا شاقاي قاپتاۋىش كيىپ، ءوندىرىس جەلىسىندەگى جاڭعاق داندەرىن جايمالاپ، ءبىر - بىرلەپ بۇتىندىگى بويىنشا سۇرىپتاۋدا. وسى ماشينا ارقىلى ىرىكتەلىپ، قابىقتالىپ، ارشىلعاننان كەيىنگى جاڭعاق داندەرى قولمەن سۇرىپتالعان سوڭ كەلەسى ءوندىرىس جەلىسىنە جىبەرىلەدى.
”بۇل دايىن ءونىم ەمەس، الايدا مانەرلەۋدەن بۇرىنعىدان ءدامى كوپ جاقسى“. ياسىن ءبىر تال جاڭعاق ءدانىن تىلشىگە تاتىپ كورۋگە بەردى. ياسىن ءۇشتۇرپان اۋدانى چيانجين قالاشىعى ۇستىڭگى حوتان قىستاعىنىڭ تۇرعىنى. جاڭعاق ەككەنىنە 20 نەشە جىل بولعان، بۇرىن جاڭعاقتىڭ مانەرلەۋدەن سوڭ مۇنشا كوپ ونىمگە اينالىپ، وسىنشاما ءدامدى بولارىن ويلاپ كورمەگەن ەدى.
جينشاۋ جەمىس شارۋاشىلىعىنا كەلىپ جۇمىس ىستەگەننەن كەيىن، ياسىن ءۇيىلىپ جاتقان سونشاما قاراپايىم جاڭعاقتاردىڭ ءتۇرلى ماشينالىق ىركىلىسسىز جەلىدەن وتكەن سوڭ نە قالتالانعان، نە قۇمىرالانعان، نە قوراپتالعان ادەمى سالەم - ساۋقىتقا اينالعاندىعىن كوردى.
”كوكتەم مەرەكەسىن وتكىزەمىز، زاتتى كوبىرەك دايىنداۋ كەرەك. تاعى بىرەر كۇن ەڭبەكتەنگەن سوڭ ءبىراق تاراپ، مەرەكەنى وتكىزسەك، قالاي؟“ وسى ساتتە سەحتىڭ باسقارۋشىسى جۋ جىفۋ جۇمىسشىلارمەن امانداسىپ جاتتى. 2017 - جىلى جىجياڭ جينشاۋ عىلىم - تەحنيكا شەكتى سەرىكتەستىگى ءۇشتۇرپان اۋدانىندا جاڭعاق مانەرلەۋ نىسانىن قارجى قوسىپ قۇرعاندا، وسى سەرىكتەستىكتىڭ تەحنيگى جۋ جىفۋ كاسىپ سالاسى ارقىلى شينجياڭعا كومەكتەسۋگە ات سالىسىپ، بىرنەشە قىزمەتتەسىمەن بىرگە جاڭعاق ءونىمىن زەرتتەۋگە كىرىسكەن بولاتىن.
زەيىنىن جاڭعاققا شوعىرلاندىرعان سوڭ، جۋ جىفۋ اۋىلىندا شاي مايىن زەرتتەيتىن تەحنيكتەن جاڭعاق ونىمدەرىن زەرتتەيتىن مامانعا اينالدى. قازىر ءوندىرىلىپ جاتقان بىرنەشە ءدامدى جاڭعاق دانىنەن تىس، جۋىقتا ول تاعى كىلەگەي جاڭعاق ءدانىن تاپقىرلادى ءارى ءۇشتۇرپاننىڭ جاڭعاعى مەن نوقاتتى بىرلەستىرىپ، جاڭعاق ۇگىلمەسى ەتىپ مانەرلەدى.
”ىلەدەگى ءبىر سەرىكتەستىك كىلەگەي سالىپ جىبەرگەن سوڭ، ءبىز كىلەگەي جاڭعاق ءدانىن جاساپ كوردىك، امالىن تاۋىپ ەشقانداي شىرىتپەيتىن ءدارى - دارمەك قوسپاي - اق ساقتالۋ مەرزىمىن ۇزارتۋداي قيىن ماسەلەنى شەشتىك“، - دەدى جۋ جىفۋ، - ”جاڭعاق مايى جۇكتى ايەلدەر مەن نارەستەلەردىڭ تۇتىنۋىنا ۇيلەسەدى، ءبىز تاپقىرلاعان ونىمدەر ىشكى وڭىرلەردە، ءسوزسىز، بازارلى بولادى“.
قۇرىلىس نىسانىنىڭ ىلگەرىلەتىلۋى، ءوندىرىس جەلىسىنىڭ ارتتىرىلۋىمەن، جينشاۋ جەمىس شارۋاشىلىعى بۇدان كەيىن تاعى جاراقسىز ەتىلگەن جاڭعاق قابىعىن كومىر ەتىپ مانەرلەمەك، جاڭعاق مايىنان جاڭعاق فوسفورلى مايىن ايىرىپ العاننان كەيىن، جاڭعاق مايى قالدىعىن پراندىك پەن جاڭعاق تالقانىنا اينالدىرامىز... قيالىمەن كوركەم بولاشاقتى شارلادى، مەيلى چۇيجوۋدان كەلگەن باسقارۋشى، الدە ءۇشتۇرپاننىڭ جەرلىك جۇمىستانۋشىلارى بولسىن، كوڭىلدەرى بولاشاققا دەگەن ۇمىتكە تولى.
