اۆتونوميالى رايوندىق 13 - كەزەكتى حالىق قۇرىلتايىنىڭ 3 - ءماجىلىسى جابىلدى

日期:2020年01月12日
来源:新疆日报
【字体:

اۆتونوميالى رايوندىق 13 - كەزەكتى حالىق قۇرىلتايىنىڭ 3 - ءماجىلىسى جابىلدى

 چىن چۋانگو، شوكىرات زاكىر، نۇرلان ءابىلماجىن، سۇن جينلۇڭ، لي پىڭشين ماجىلىسكە قاتىناستى، شاۋكەت يمىن باسقاردى ءارى ءسوز سويلەدى

  1 - ايدىڭ 10 - كۇنى اۆتونوميالى رايوندىق 13 - كەزەكتى حالىق قۇرىلتايىنىڭ 3 - ءماجىلىسى شينجياڭ حالىق سارايىندا جابىلدى. سۋرەتتە: ءماجىلىس زالى. 

 اۆتونوميالى رايوندىق 13 - كەزەكتى حالىق قۇرىلتايىنىڭ 3 - ءماجىلىسى ءتۇرلى كەڭەس تارتىپتەرىن تولىق ورىنداپ بولعان سوڭ، 1 - ايدىڭ 10 - كۇنى تۇستەن كەيىن ۇرىمجىدە جابىلدى.

ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى چىن چۋانگو، شاۋكەت يمىن، جۋ حايلۇن، ۋاڭ يۇڭميڭ، مۇتالىپ قاسىم، دۇڭ شينگۋاڭ، باداي، گۇلشات ءابدىقادىر، مانەن زەينەل، سو يۋە ءتوراعالار مىنبەسىنىڭ الدىڭعى قاتارىنان ورىن الدى. شاۋكەت يمىن جابىلۋ جينالىسىن باسقاردى.

شوكىرات زاكىر، نۇرلان ءابىلماجىن، سۇن جينلۇڭ، لي پىڭشين، شۇي حايرۇڭ، ەركىن تۇنياز، تيان ۋىن، ياڭ شين، جاڭ چۇنلين جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.

ماجىلىسكە قاتىناسۋعا ءتيىستى ۋاكىل 536، ناقتى قاتىناسقانى 467، بۇل زاڭدا بەلگىلەنگەن ادام سانىنا ۇيلەسەدى.

تۇستەن كەيىن ساعات 4تەن 30 مينۋت وتكەندە جابىلۋ جينالىسى باستالدى. ءماجىلىس ۇكىمەت قىزمەتىنەن بايانداما جونىندەگى قاۋلىنى داۋىسقا سالىپ ماقۇلداپ، ۇكىمەت قىزمەتىنەن باياندامانى بەكىتۋدى ۇيعاردى؛ اۆتونوميالى رايوننىڭ 2019 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە اۆتونوميالى رايوننىڭ 2020 - جىلعى حالىق شارۋاشىلىعى مەن قوعامدىق دامۋ جوسپارى جونىندەگى قاۋلىنى داۋىسقا سالىپ ماقۇلداپ، وسى باياندامانى بەكىتۋدى، اۆتونوميالى رايوننىڭ 2020 - جىلعى حالىق شارۋاشىلىعى جانە قوعامدىق دامۋ جوسپارىن بەكىتۋدى ۇيعاردى؛ اۆتونوميالى رايوننىڭ 2019 - جىلعى مەجە ەسەبىنىڭ اتقارىلۋ جاعدايى جانە اۆتونوميالى رايوننىڭ 2020 - جىلعى مەجە ەسەبى جونىندەگى قاۋلىنى داۋىسقا سالىپ ماقۇلداپ، وسى باياندامانى بەكىتۋدى، 2020 - جىلعى اۆتونوميالى رايون دارەجەلى مەجە ەسەپتى بەكىتۋدى ۇيعاردى.

ءماجىلىس اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسى جونىندەگى قاۋلىنى، اۆتونوميالى رايوندىق جوعارى حالىق سوتى مەكەمەسىنىڭ قىزمەت بايانداماسى جونىندەگى قاۋلىنى، اۆتونوميالى رايوندىق حالىق پروكۋراتۋراسىنىڭ قىزمەت بايانداماسى جونىندەگى قاۋلىنى داۋىسقا سالىپ ماقۇلداپ، وسى 3 باياندامانى بەكىتۋدى ۇيعاردى.

ءماجىلىس ءتۇرلى كەڭەستىك تارتىپتەرىن ورىنداپ بولعاننان سوڭ، شاۋكەت يمىن ءسوز سويلەدى. ول بىلاي دەدى: ءماجىلىس دەموكراتيانى تولىق ساۋلەلەندىرىپ، ىستەردى زاڭ بويىنشا قاتاڭ ىستەپ، ۇكىمەت قىزمەتىنەن باياندامانى جانە باسقا دا باياندامالاردى قاراپ شىعىپ بەكىتتى. ءارقايسى ۋاكىلدەر مىندەتتەرىن ادالدىقپەن وتەپ، حالىقتىڭ ەرىك - جىگەرىن اڭىس ەتىپ، تاماشا بەت - بەينەنى ايگىلەپ، ”ءتورت تانىم“دى كۇشەيتۋ، ”ءتورت سەنىم“دى بەكەمدەۋ، ”ەكىنى قورعاۋ“دى ورىنداۋ ساياسي تۇرعىسىن تولىق بەينەلەدى، پارتيا باسشىلىعىنا تاباندى بولۋدىڭ، حالىقتىڭ قوجايىن بولۋىنىڭ جانە مەملەكەتتى زاڭمەن جونگە سالۋدىڭ جاندى بىرلىگىن تولىق ايگىلەدى، قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋ سەنىمى مەن بەكىمىن تولىق ايگىلەدى.

شاۋكەت يمىن مىنالاردى اتاپ كورسەتتى: 2020 - جىل − بەلەستىك مانگە يە جىل، ءبىز جاپپاي دوڭگەلەك داۋلەتتى قوعام ورناتۋمەن، ءبىرىنشى 100 جىلدىق كۇرەس نىساناسىن ىسكە اسىرۋمەن بىرگە، اۋقىمعا قاراي ىستەپ، سوتسياليستىك وسىزاماندانعان مەملەكەتتى جاپپاي قۇرۋدىڭ تىڭ ساپارىن باستاپ، ەكىنشى 100 جىلدىق كۇرەس نىساناسىنا قاراي شەرۋ تارتۋىمىز كەرەك. بۇكىل رايونىمىزداعى ءار دارەجەلى حالىق قۇرىلتايلارى جانە ونىڭ تۇراقتى كوميتەتتەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋىنا ساي، ورنىقتىلىق، دامۋ قىزمەتتەرىن تىڭعىلىقتى جاقسى ىستەپ، كورىكتى شينجياڭ قۇرىپ، وتان ارمانىن بىرگە ورىنداۋ كەرەك. يدەيادا، ساياسيدا، ارەكەتتە باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى باستى ساياسي مىندەت ساناپ، پارتيانىڭ جاسامپاز نازارياسىن قولدانىپ قايشىلىقتارعا تالداۋ جاساۋعا، قيىن ماسەلەلەردى شەشۋگە، قىزمەتتەردى ىلگەرىلەتۋگە شەبەر بولۋ؛ باس نىسانانى كوكەيدە ساقتاۋدى، باس نىسانانى ارقالاۋدى، باس نىسانانى باتىل تياناقتاندىرۋدى قاي - قاشان دا ورىنداپ، زاڭمەن جونگە سالۋ وي جەلىسىمەن جانە زاڭمەن جونگە سالۋ تاسىلىمەن ماسەلەلەردى ءبىر جاقتى ەتۋگە، قايشىلىقتاردى شەشۋگە، قاجىرلىلىقپەن كۇرەسۋگە، كۇش جالعاپ كۇرەسۋگە، ىنتىماقتاسا كۇرەسۋگە اناعۇرلىم شەبەر بولىپ، ماڭداي تەرىمەن تابىستاردى سۋارىپ، ناقتى ىستەۋ سەنىمىمەن العا باسىپ، شينجياڭنىڭ ورنىقتىلىعىنىڭ، دامۋىنىڭ جاڭا جاعدايىن ۇزدىكسىز اشىپ، جاپپاي دوڭگەلەك داۋلەتتى قوعام ورناتۋدى تابىسپەن اياقتاتۋعا شىنايى كەپىلدىك ەتۋ؛ باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدى، تياناقتاندىرۋدى قىزمەتتىڭ نەگىزگى جەلىسى، قوعام ورنىقتىلىعى مەن باياندى تىنىشتىق باس نىساناسىن كوزدەۋ ءتۇيىنى جانە كۇش سالۋ ءتۇيىنى ەتىپ، حالىق قۇرىلتايى ءتۇزىمىنىڭ ابزالدىلىعىن جونگە سالۋ ونىمدىلىگىنە اينالدىرىپ، جاڭا داۋىردە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جاقسى جازۋ كەرەك.

ءماجىلىس ايبىندى مەملەكەت ءانى ءۇنى ىشىندە جابىلدى.