ورنىقتىلىق شينجياڭداعى ەڭ ۇلكەن ادامدىق ۇقىق
اۆتونوميالى رايوندىق ساياسي كەڭەستىڭ ورىنباسار ءتوراعاسى، اۆتونوميالى رايوندىق ءىسلام ءدىنى قوعامىنىڭ باستىعى ابدۇرىقىپ تۇمۇرنياز
تاياۋدا امەريكا پارلامەنتى قاۋىم پالاتاسى ايتىلمىس شينجياڭعا ساياتىن ”زاڭ جوبا“ ماقۇلداپ، اق پەن قارانى شاتاستىرىپ، دۇرىس پەن بۇرىستى بىلىقتىرىپ، جۇڭگو ۇكىمەتىنىڭ شينجياڭدى جونگە سالۋ ساياساتىن، لاڭكەستىككە قارسى تۇرۋ شاراسىن جانە جۇڭگو شينجياڭىنىڭ ادامدىق ۇقىق جاعدايىن قيسىنسىز جازعىرىپ، ورشەلەنە قارالاپ، جۇڭگونىڭ ىشكى ىسىنە دورەكىلىكپەن كيلىگىپ، سۇرقيا ماقساتىنا جەتۋگە ۇرىندى. مەن بۇعان كۇشتى نارازىلىق بىلدىرەمىن جانە باتىل قارسى تۇرامىن.
مەن شينجياڭدا تۋىپ، شينجياڭدا ەرجەتتىم، باسىمنان وتكەن جانە كورگەن - بىلگەندەرىم ارقىلى شىندىقتىڭ ءمان - جايىن ايتقىم كەلەدى. تاياۋ جىلداردان بەرى، شينجياڭ ۇزدىكسىز گۇلدەنىپ، ورنىقتى بولىپ، ۇلتتار ىنتىماقتى، قوعام جاراسىمدى بولدى، تيانشاننىڭ وڭتۇستىگى مەن سولتۇستىگىندە ادامدى سەرپىلتەتىن وراسان وزگەرىستەر جارىققا شىعۋدا.
قوعام ۇزدىكسىز ورنىقتى بولىپ، حالىق بۇقاراسىنىڭ تىرشىلىك ۇقىعى مەن مال - مۇلىك ۇقىعى ەڭ زور قامتاماسىز ەتىلدى.
وتكەن ءبىر مەزگىلدە، ”ءۇش ءتۇرلى كۇش“تىڭ ىقپالىنا ۇشىراپ، ءار ۇلت بۇقاراسىنىڭ باس اماندىعى مەن مال - مۇلكىنىڭ حاۋىپسىزدىگى زور دارەجەدە حاۋىپكە ۇشىرادى. ءار ۇلت بۇقاراسىنىڭ زورلىقتى كۇش، لاڭكەستىك ارەكەتتەرگە سوققى بەرۋ كۇشتى اۋانى جونىندە، اۆتونوميالى رايون اۋىر زورلىقتى كۇش، لاڭكەستىك قىلمىستى ەلەمەنتتەرىنە زاڭ بويىنشا سوققى بەرۋمەن بىرگە، كاسىپتىك شەبەرلىككە تاربيەلەۋ - باۋلۋ ورتالىعىن زاڭ بويىنشا قۇرىپ، ءدىني ۇشقارى يدەيامەن جۇعىمدالعانداردى، زاڭعا جەڭىل دارەجەدە قايشىلىق جاساۋ قىلمىسى بار ادامداردى ەڭ جوعارى شەكتە قۇتقارىپ، ازاماتتاردىڭ نەگىزگى ادامدىق ۇقىعىنىڭ لاڭكەستىكتىڭ، ۇشقارىلىقتىڭ زيانكەستىگىنە ۇشىراماۋىن ەڭ جوعارى شەكتە قامتاماسىز ەتتى. شينجياڭدا ءۇرتىس 3 جىل زورلىقتى كۇش، لاڭكەستىك دەلولارى (وقيعا) تۋىلمادى، قوعامدىق كەلەلى جاعدايدىڭ جاراسىمدىلىعىنا، ورنىقتىلىعىنا شىنايى كەپىلدىك ەتىلىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيدى. بيىل جىل باسىنان بەرى، مەن 40 نەشە توپتا كەلگەن شەتەلدىك قوناقتاردى قابىلدادىم، ولار تاربيەلەۋ - باۋلۋ ورتالىعىن قۇرۋ سىندى وسى ءادىستى جوعارى باعالاپ، شينجياڭنىڭ ەكونوميكالىق، قوعامدىق دامۋ تابىستارىن القاپ، شينجياڭ كوركەم بولىپ قانا قالماستان، وتە حاۋىپسىز ەكەن دەپ قارادى.
فاكت ورنىقتىلىقتان ايرىلعاندا ادامدىق ۇقىقتى اۋىزعا الۋدىڭ قاينارسىز سۋ، تامىرسىز اعاش سياقتى بولىپ قالاتىندىعىن دالەلدەدى. اۆتونوميالى رايون ۇستىنەن وڭاۋ مەن تۇبىرىنەن وڭاۋدى قاتار جۇرگىزۋگە تاباندى بولىپ، كاسىپتىك شەبەرلىككە تاربيەلەۋ - باۋلۋ ورتالىعىن قۇرۋدى قامتىعان ءبىر قىدىرۋ لاڭكەستىككە قارسى تۇرۋ جانە ۇشقارىلىقتى الاستاۋ شارالارىن زاڭ بويىنشا قولدانىپ، زاڭ بويىنشا زورلىقتى كۇش، لاڭكەستىك ارەكەتتەردىڭ كوپ تۋىلۋ، ءجيى تۋىلۋ اۋقىمىن ءونىمدى تەجەدى.
دىندەر جاراسىمدى، تاتۋ بولىپ، ءدىني سەنىم ەركىندىگى تولىق قامتاماسىز ەتىلدى.
ءبىرىنشى، ءدىني قيمىل ورىندارىنىڭ شارت - جاعدايى بارىنشا جاقسارتىلدى. شينجياڭ بۇكىل ەلدەگى مەشىت سانى ەڭ كوپ ولكە، دىنگە سەنەتىن بۇقارانىڭ قالىپتى ءدىني قاجەتىن تولىق قاناعاتتاندىرا الادى. مەشىتتە ”جەتىنى جەتكىزۋ، ەكى بولۋ“دى، ”توعىزدى سەپتەۋ“دى ۇزدىكسىز ىلگەرىلەتىپ، ءدىني قيمىل ورىندارى مەن ءدىني قيمىل شارت - جاعدايىن بارىنشا جاقسارتتى. ەكىنشى، وتانشىل ءدىني قايراتكەرلەرگە قامقورلىق جاساۋ، باۋلۋ تەبىنىن ارتتىردى. تۇتاس رايونىمىزداعى ءىسلام ءدىنى وقىتۋشى - قىزمەتكەرلەرىن باۋلۋدى جوسپارلاپ، باۋلۋدى ۇدايىلاندىرۋ قىزمەت مەحانيزمىن ورناتتى. سونىمەن قاتار، ءدىني وقىتۋشى - قىزمەتكەرلەردى تۋىسىنداي، دوسىنداي كورۋگە تاباندى بولىپ، ءدىني وقىتۋشى - قىزمەتكەرلەرگە قامقورلىق جاساپ، وقىتۋشى - قىزمەتكەرلەردى قوعامدىق قامسىزداندىرۋ جۇيەسىنە كىرگىزىپ، تۇرمىستىق قوسىمشا قاراجات تاراتتى. ءۇشىنشى، شينجياڭ ءىسلام ءدىنى شۋەيۋانىن جانە ونىڭ بولىمشە شۋەيۋاندارىن ويداعىداي قۇردى. 2016 - جىلدىڭ سوڭىندا اۆتونوميالى رايوندىق پارتكوم مەن ۇكىمەتتىڭ بەكىتۋىنە ساي، مەملەكەتتىك ءدىن ىستەرى مەكەمەسىنە تىزىمگە الدىرىپ، قاشقار، حوتان، قىزىلسۋ، اقسۋ، ىلە، تۇرپان، سانجى، ءۇرىمجى سياقتى جەرلەردە 8 بولىمشە شۋەيۋان قۇردى. 2017 - جىلى 9 - ايدىڭ 11 - كۇنى شينجياڭ ءىسلام ءدىنى شۋەيۋانىنىڭ جاڭا مەكتەپ رايونى رەسمي ىسكە قوسىلدى. دىنگە سەنەتىن بۇقارا دا تۇرلىشە جولدارمەن ءدىني بىلىمگە يە بولدى.
بەلسەندىلىكپەن ۇكىمەت ىسىنە ارالاسىپ، ۇكىمەت ىسىنە كەڭەس بەرىپ، ساياسي ۇقىق تولىق قامتاماسىز ەتىلدى.
ءدىن سالاسىنىڭ ۇكىمەت ىسىنە ارالاسۋ، ۇكىمەت ىسىنە كەڭەس بەرۋ ۇقىعى قامتاماسىز ەتىلدى. ءدىن سالاسىنداعى قايراتكەرلەر ءار دارەجەلى حالىق قۇرىلتايىندا، ساياسي ءماسليحات كەڭەسىندە ۋاكىل، مۇشە مىندەتىن وتەپ، ۇكىمەت ىسىنە ارالاسۋ، ۇكىمەت ىسىنە كەڭەس بەرۋ ۇقىعىن ادا ەتىپ، ۇكىمەتتىڭ قاتىستى قىزمەتى، اسىرەسە، ءدىن جاعىنداعى قىزمەتتەر جونىندە پىكىر - ۇسىنىس نەمەسە كەڭەس جوبا، ۇسىنىس جوبا ورتاعا قويدى.
شينجياڭ باستان - اياق پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، ءدىن ىستەرىن زاڭ بويىنشا باسقارىپ، ءىسلام ءدىنىن جۇڭگوشالاندىرۋ بەتالىسىنان جازباي، ءدىندى سوتسياليستىك قوعامعا ۇيلەسۋگە بەلسەنە جەتەكتەدى. ءبىز، ءسوز جوق، تىعىز ىنتىماقتاسىپ، تۋىمىز ايقىن تۇردە بارلىق زورلىقتى كۇش، لاڭكەستىك ارەكەتتەرىنە باتىل قارسى تۇرۋىمىز، وتاندى بولشەكتەۋدى ماقسات ەتكەن بارلىق ارەكەتتەرگە قارسى تۇرۋىمىز كەرەك. شينجياڭ ءىسلام دىنى قوعامىنىڭ باستىعى بولۋ رەتىندە، مەن شينجياڭنىڭ ءىسلام ءدىنى سالاسىنداعى قايراتكەرلەر جانە قالىڭ ۇيعۇر مۇسىلماندارى اتىنان شينجياڭنىڭ ورنىقتىلىعىن بۇلدىرۋگە، شينجياڭعا كۇيە جاعۋعا، جۇڭگونىڭ دامۋىن تەجەۋگە ۇرىنعان امەريكانىڭ ساياساتپازدارىنا وبيەكتيۆ شىندىقپەن ساناسپاۋدى توقتاتىڭدار، ەندىگارى وسەك - اياڭ تاراتپاڭدار، كۇيە جاقپاڭدار! دەگەندى اشىق ەسكەرتەمىن. مەن شينجياڭداعى ءار ۇلت حالقىنىڭ تىعىز ىنتىماقتاسىپ، بىرگە كۇرەس جۇرگىزسە، شينجياڭنىڭ ەرتەڭىنىڭ ءتىپتى دە كوركەم بولاتىندىعىنا كامىل سەنەمىن.
