قول ۇستاسىپ، قايراتتانا ىلگەرىلەپ، تاماشا تۇرمىستى بىرگە جاراتايىق
− باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى رايونىمىزدا قىزۋ اڭىس قوزعادى
كۇرەس ۇلى ىسكە جەتەلەيدى، ارمان كۇش ۇيىستىرادى. باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى رايونىمىزداعى ءار ۇلت كادرلارى مەن بۇقارا اراسىندا قىزۋ اڭىس قوزعادى. كوپشىلىك مىنالاردى ءبىلدىردى: اۋەلگى ماقساتتى ۇمىتپاي، بورىشتى ەستە بەرىك ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، قول ۇستاسىپ، قايراتتانا ىلگەرىلەپ، اناعۇرلىم كوركەم بولاشاقتى اشۋ ءۇشىن قايراتتانا كۇرەس جۇرگىزۋىمىز كەرەك.
■ وتان ءۇشىن ماقتانامىز، وتانعا باقىت تىلەيمىز
وسى رەتكى مەملەكەت مەرەكەسىندە، شىڭگىل اۋدانى ارال قالاشىعى قاراڭعىتوعاي قىستاعىنداعى بەس جۇلدىزدى قىزىل تۋ اناعۇرلىم ايشىقتالىپ، شاعىن شارۋا اۋلاسى شادىمان ۇنگە، شاتتىق كۇلكىگە تولىپ، قىستاق تۇرعىندارى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىنىڭ سالتاناتىن توپتىق كوردى، سونداي - اق جەمىس - جيدەكتەرمەن، كوكونىستەرمەن مەملەكەت تۋى سياقتى ورنەكتەر سالىپ وتان اناعا دەگەن تەرەڭ ىقىلاستى تىلەكتەرىن ءبىلدىردى.
”ءبىزدىڭ قىستاق بۇرىن اۋدانعا اتى شىققان كەدەي قىستاق، مەشەۋ قىستاق بولاتىن، ال قازىر قىستاعىمىزدىڭ كەلبەتىندە ۇلكەن وزگەرىس تۋىلىپ، قىستاق تۇرعىندارىنىڭ كىرىسى ەسەلەندى، پارتيانىڭ پارمەندى باسشىلىعى ءبىزدى كەدەيلىكتەن ارىلتتى، مەملەكەتتىڭ جەدەل دامۋى ءبىزدىڭ تۇرمىسىمىزدى بارعان سايىن جاقسارتتى“، - دەگەن قاراڭعىتوعاي قىستاعى پارتيا ياچەيكاسىنىڭ شۋجيى شۇعايىپبەك ۇكايدىڭ ماقتانىش سەزىمى ءسوز - ەمەۋرىنىنەن ايقىن ءبىلىنىپ تۇردى.
”ەشقانداي كۇش جۇڭگو حالقى مەن جۇڭحۋا ۇلتىنىڭ العا باسۋ قادامىنا بوگەت بولا المايدى“. باس شۋجي شي جينپيڭنىڭ ءسوزى مەيكى قارجى قوسۋ توبى شەكتى سەرىكتەستىگى پارتكومىنىڭ شۋجيى چىن جياڭدى ايرىقشا جىگەرلەندىردى. ول بىلاي دەدى: مەيكى توبى كىشكەنەدەن ۇلعايىپ، السىزدەن كۇشەيىپ، شينجياڭنان كەڭ حالىقارالىق ساحناعا قادام تاستادى، سەرىكتەستىكتىڭ دامۋى جۇڭگونىڭ ەكونوميكالىق ومىرشەڭدىگىنىڭ قاۋىرت ارتۋىنىڭ كۋاسى سانالادى. ”باس شۋجي ايتقانداي، ءبىز ءوزىمىزدى تىنباي الەۋەتتەندىرىپ، قۇلشىنا كۇرەس جۇرگىزىپ، كاسىپورىن ارمانىن جۇڭگو ارمانىمەن توعىستىرىپ، وتانىمىزدىڭ اناعۇرلىم كوركەم بولاشاعىنا نۇر ۇستەۋىمىز كەرەك“.
كونە شاعىن اۋماقتا جول توسەلىپ، جاسىل بەلدەۋ جاسالىپ، ءۇرىمجى قالاسى شۇيموگوۋ رايونى چيفاڭ اۋماعىن باسقارۋ كوميتەتى بەيشان الەۋمەتتىك اۋماعىنداعى تۇرعىنداردىڭ تۇرمىس ورتاسى شىت جاڭاردى.
الەۋمەتتىك اۋماقتا ۇزاق جىل قىزمەت ىستەگەن الەۋمەتتىك اۋماق پارتكومنىڭ شۋجيى يۇي فاڭفاڭ الەۋمەتتىك اۋماق تۇرعىندارىمەن بىرگە قۇتتىقتاۋ جينالىسىنىڭ تىكە تاراتىلىمىن كورىپ، شەكسىز اسەرلەندى جانە ماقتانىش سەزىندى: ”باس شۋجي شي جينپيڭ ايتقانداي، ءبىر ءداۋىر ادامدارىنىڭ وزىنە ءتان جاۋاپكەرلىگى بولادى. ءبىزدىڭ جاۋاپكەرلىگىمىز − نەگىزگى ساتىنىڭ نەگىزىن بەكەمدەپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتۋ. وتانىمىزدىڭ اناعۇرلىم تاماشا بولۋىن تىلەيمىز“.
”بەيقۇت ۇيگە كوشىپ، قۇبىر سۋىن ىشتىك، ەمدەۋ، وقۋ - اعارتۋ، زەينەتكەرلىك بارعان سايىن قامتاماسىز ەتىلدى، ءبىز بۇقارانىڭ تۇرمىسى بارعان سايىن جايلى بولا تۇسۋدە“. اقشي اۋدانى ءناسىلدى تۇقىم فەرماسى يۇيشانگۋشي قىستاعىنداعى 84 جاستاعى قارت پارتيا مۇشەسى ءبيبيشي قۇرمان ايرىقشا اسەرلەندى، ”ءبىزدى جاقسى كۇندەرگە جەتكىزگەن پارتيانىڭ باسشىلىعى، ءبىز ۇلى وتانعا العىس ايتامىز، جۇڭگو كوممۋنيستىك پارتياسىنا العىس ايتامىز“.
■ حالىقتىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرامىز
”حالىقتىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرىپ، تىڭ تاريحي ۇلى ىستەردى تولاسسىز جارىققا شىعارامىز“. باس شۋجي شي جينپيڭنىڭ اسقاق سوزدەرى مەن حالىق تۇرمىسىنا دەگەن پەيىلى جۇرتتى ايرىقشا جىگەرلەندىردى. اناعۇرلىم جاقسى وقۋ - اعارتۋ، اناعۇرلىم تۇراقتى قىزمەت، اناعۇرلىم جوعارى دەڭگەيدەگى ەمدەۋ - دەنساۋلىق ساقتاۋ قىزمەت وتەۋى − حالىقتىڭ تاماشا تۇرمىسقا دەگەن تىڭ تىلەگى، سونداي - اق كوممۋنيستىك پارتيا مۇشەلەرىنىڭ ەشقاشان ۇمىتپايتىن، وزگەرمەيتىن اۋەلگى ماقساتى.
جۇمىستاندىرۋ − ەڭ ۇلكەن حالىق تۇرمىسى، بيىل الدىڭعى 8 ايدا اۆتونوميالى رايونىمىز جۇمىستاندىرۋدى ورنىقتىرۋدى جانە اناعۇرلىم جوعارى ساپالى جۇمىستاندىرۋدى جۇزەگە اسىرۋدى كوزدەپ، قالا - قالاشىقتاعى تىڭنان ارتقان جۇمىستاندىرۋدىڭ جىلدىق نىسانا مىندەتىنىڭ 90 پايىزدان استامىن، اۋىل - قىستاقتاعى ارتىق ەڭبەككۇشتى باسقا سالاعا ويىستىرىپ جۇمىستاندىرۋدىڭ جىلدىق نىسانا مىندەتىنىڭ 80 پايىزدان استامىن ورىندادى، شارۋاشىلىق قۇرعانداردىڭ تىڭنان ارتقان سانى، ساياحات كاسىبىنىڭ جەتەگىندە جۇمىستانعانداردىڭ تىڭنان ارتقان سانى جىلدىق نىسانا مىندەتتى ارتىعىمەن ورىندادى.
”باس شۋجي شي جينپيڭنىڭ ماڭىزدى ءسوزى ءبىزدىڭ تىنباي قۇلشىنۋداعى سەنىمىمىز جانە كۇش - قۋاتىمىز“. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىستاندىرۋدى جەبەۋ باسقارماسىنىڭ باستىعى جاڭ رۇڭ مىنانى ءبىلدىردى: ءبىز جۇمىستاندىرۋ ارقىلى حالىققا تيىمدىلىك جەتكىزۋدى ۇزدىكسىز ىلگەرىلەتىپ، كوپ شارانى قاتار قولدانىپ جۇمىستانۋ ارناسىن كەڭەيتىپ، اناعۇرلىم كوپ ادامنىڭ تۇراقتى قىزمەتى بولۋىنا، سەنىمدى تابىسى بولۋىنا، قاجىرلى ەڭبەكپەن اناعۇرلىم تاماشا تۇرمىسقا جەتۋىنە مۇمكىندىك جاسايمىز.
ءجۇز جىلدىق ۇلى جوبا وقۋ - اعارتۋدى نەگىز ەتەدى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭنىڭ وقۋ - اعارتۋ ىستەرىنە ەرەكشە كوڭىل ءبولىپ، قامقورلىق جاساپ، وقۋ - اعارتۋ ارقىلى حالىققا تيىمدىلىك جەتكىزۋدىڭ شۇلەن شۇعىلاسى تيانشاننىڭ تۇستىگى مەن تەرىستىگىنە توگىلدى.
”باس شۋجيدىڭ ماڭىزدى ءسوزى ءبىزدى جاڭا ساپاردا ءۇرتىس كۇرەس جۇرگىزىپ، حالىق رازى بولاتىن وقۋ - اعارتۋدى ويداعىداي جۇرگىزۋگە ىنتالاندىردى“. اۆتونوميالى رايوندىق پارتكوم وقۋ - اعارتۋ قىزمەت كوميتەتىنىڭ ورىنباسار شۋجيى، اۆتونوميالى رايوندىق وقۋ - اعارتۋ مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرمە باستىعى پارحات ءازىم مىنانى ءبىلدىردى: ”ءبىز شينجياڭنىڭ وقۋ - اعارتۋ قىزمەتىن دەن قويا، كۇش سالا ويداعىداي ىستەپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، ءار بالانىڭ ءادىل ءارى ساپالى وقۋ - اعارتۋدان يگىلىكتەنۋىنە مۇمكىندىك جاساپ، ءمورال، اقىل - وي، دەنە، ەستەتيكا، ەڭبەك جاقتا جان - جاقتى دامىعان سوتسياليستىك قۇرىلىسشىلار مەن ءىزباسارلاردى جەتىلدىرەمىز“.
ۇلى ارماندى جۇزەگە اسىرۋ ءۇشىن، ءسوز جوق، قاجىرلىلىقپەن ىستەۋ، ناقتى ىستەردى ىستەۋ كەرەك. باس شۋجي شي جينپيڭنىڭ ماڭىزدى سوزىنەن اۆتونوميالى رايوندىق دەنساۋلىق ساقتاۋ جانە سالاماتتىق كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشى ليۋ جيانگو سالماقتى بورىش سەزىمىن سەزىندى. ول مىنانى ءبىلدىردى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، جالپى حالىقتىڭ دەنساۋلىعىن تەكسەرۋدى ۇزدىكسىز اتقارىپ، تۋبەركۋلەز اۋرۋىنان ساقتانۋ جانە ونى ەمدەۋدى مىقتى يگەرىپ، حالىق بۇقاراسىنىڭ سالاماتتىق دەڭگەيىن جوعارىلاتىپ، ناقتى ارەكەت ارقىلى سالاماتتى جۇڭگو ارەكەتىنە دەم بەرۋ كەرەك.
■ اناعۇرلىم كوركەم ەرتەڭ ءۇشىن قۇلشىنا كۇرەس جۇرگىزەمىز
”باس شۋجيدىڭ ماڭىزدى ءسوزى جاڭا جۇڭگو قۇرىلعان 70 جىلدان بەرگى شۇعىلالى جەتىستىكتەرگە قايىرىلا قارادى، بۇل وزگەرىستەر ءدال ءبىزدىڭ جانىمىزدان تابىلادى.“ نىلقى اۋداندىق پارتكومنىڭ شۋجيى جوۋ ليشين كوڭىل كۇيى تولقىپ بىلاي دەدى: بىلتىر 10 - ايدا نىلقى اۋدانى كەدەيلىك قالپاعىن رەسمي الىپ تاستاپ، 10 مىڭداعان كەدەي بۇقارا كەدەيلىكتەن ارىلىپ، بايىپ دوڭگەلەك داۋلەتكە جەتۋدىڭ جاڭا باستاماسىن باستادى.
جاڭا ساپارعا اتتانعاندا، جوۋ ليشيننىڭ كوكىرەگىن ەرەكشە اسەرلى سەزىم كەرنەدى: ”ءبىز اۋەلگى ماقساتتى ۇمىتپاي، بورىشتى ەستە بەرىك ساقتاپ، تۇنىق سۋ، جاسىل تاۋ − باعالى بايلىق دەيتىن ەكولوگيالىق ۇستانىمعا تاباندى بولىپ، ەكونوميكانىڭ جوعارى ساپالى دامۋىن ىلگەرىلەتىپ، رەفورمانىڭ، دامۋدىڭ جەمىستەرىنەن حالىق بۇقاراسىن اناعۇرلىم كوپ، اناعۇرلىم ءادىل يگىلىكتەندىرەمىز“.
”باس شۋجيدىڭ ءسوزى كوڭىلدى جەلپىندىرىپ، ماعان كوممۋنيستىك پارتيا مۇشەسىنىڭ جاۋاپكەرشىلىگى مەن ۇستىمە الاتىن مىندەتتى اناعۇرلىم سەزىندىردى“. جۇڭگو حۋاديان توبى شەكتى سەرىكتەستىگىنىڭ اتۇش قالاسى سۇنتاع اۋىلى ۋاقۋاق قىستاعىندا تۇراتىن ءبىرىنشى شۋجيى شي كىۋي تولىق سەنىممەن مىنانى ءبىلدىردى: ءبىز كوكىرەك كەرنەگەن وتاندى ءسۇيۋ ىستىق ىنتانى قىزمەت ورنىن تياناق ەتىپ، ايانباي قۇلشىناتىن ناقتى ارەكەتكە اينالدىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتىپ، قىستاق تۇرعىندارىن اناعۇرلىم جاقسى تۇرمىس كەشىرۋگە باستايمىز.
”جۇڭگونىڭ ەرتەڭى، ءسوز جوق، اناعۇرلىم كوركەم بولادى“. باس شۋجي شي جينپيڭنىڭ ماڭىزدى ءسوزىن ەستىگەن حۋبەي ولكەسى شيانتاۋ قالاسىندا جۇمىس ىستەيتىن كۇلتاي تولەپبەرگەن بولاشاقتاعى تاماشا ومىرگە نىق سەنىم بايلادى. ”جاقسى تۇرمىس ەڭبەكپەن كەلەدى، مەن بىلەك تۇرە قۇلشىنا ىستەپ، اناعۇرلىم كوركەم ەرتەڭ ءۇشىن قۇلشىنا كۇرەس جۇرگىزەمىن“.
