الاتاۋ ساعاسىنان شەكارادان كىرىپ - شىققان جۇڭگو - ەۆروپا كەزەكشى پويەزى 10 مىڭ كەزەكتەن استى

日期:2019年10月06日
来源:新疆日报
【字体:

ءۇرىمجى كەدەنىنەن ۇعىسۋىنشا، 9 - ايدىڭ 23 - كۇنىنە دەيىن، الاتاۋ ساعاسى كەدەنى جالپى شەكارادان كىرىپ - شىققان 10 مىڭ 412 جۇڭگو - ەۆروپا كەزەكشى پويەزىن باقىلاپ باسقارعان.

2011 - جىلى تۇڭعىش قاتىناعان ”چۇڭچيڭ - شينجياڭ - ەۆروپا“ جەلىسىندەگى جۇڭگو - ەۆروپا كەزەكشى پويەزى الاتاۋ ساعاسى شەكارا وتكەلىنەن شەكارادان شىققاننان بەرى، جۇڭگو - ەۆروپا كەزەكشى پويەزى قاتىناعانىنا 9 جىلدىڭ ءجۇزى بولدى. قازىر الاتاۋ ساعاسى شەكارا وتكەلىنەن قاتىنايتىن جۇڭگو - ەۆروپا كەزەكشى پويەزىنىڭ 14 نەگىزگى لەنياسى بار بولىپ، گەرمانيا، پولشا، رەسەي سياقتى مەملەكەتتەرگە بارادى.

سوڭعى جىلدارى، شينجياڭ قاتىناۋعا قىزمەت وتەۋدى جانە سايكەستى رەفورمانى جاڭالاپ، جۇڭگو - ەۆروپا كەزەكشى پويەزىنىڭ قاتىناۋ اۋماعىن ۇزبەي كەڭەيتتى، قازىر كولەمدەنۋ، ءبىرقالىپتانۋ بويىنشا قاتىناۋدى ىسكە اسىردى. بۇكىل ەلدە قاتىنايتىن كەزەكشى پويەزدەرمەن سالىستىرعاندا، شينجياڭنان شىعاتىن جۇڭگو - ەۆروپا كەزەكشى پويەزى چۇڭچيڭ، چىڭدۋ، جىڭجوۋ، ي - ۋ سياقتى جەرلەردەن شىعاتىن كەزەكشى پويەزدەرمەن بىردەي 1 - شارشى توپتا تۇرادى، الاتاۋ ساعاسى وتكەلى، قورعاس وتكەلى دە جۇڭگو - ەۆروپا كەزەكشى پويەزىنىڭ باتىسقا قاراي شەكارادان شىعاتىن نەگىزگى ارناسىنا اينالدى.

جۇڭگو - ەۆروپا كەزەكشى پويەزىنىڭ قاتىناۋ لەنياسىنىڭ ۇزبەي كەڭەيۋىنە ىلەسە، كەزەكشى پويەزگە تيەلگەن زاتتاردىڭ ءتۇرى دە مولايدى، باستاپقى ەلەكتروندىق بۇيىمدار، باسپا ماشيناسى، قويىن كومپيۋتەردەن قازىرگى ازىق - تۇلىك، قىزىل اراق، اۆتوكولىك، كيىم - كەشەك ءتۇرلى بۇيىمدار سياقتى 200 تۇردەن استام تاۋارعا كەڭەيىپ، تاسىمال قوسىمشا قۇنى دا كورنەكتى ارتتى.

قۇرلىق جولىمەن يمپورت - ەكسپورت ەتىلەتىن تاۋاردىڭ حالىقارالىق تاسىمال ۋاكىلەتتىگىمەن شۇعىلداناتىن شينجياڭ الاتاۋ ساعاسى جيە - ان زات اينالىمى شەكتى سەرىكتەستىگىنىڭ كاسىپ ديرەكتورى يۇي سۇڭ مىنانى ءبىلدىردى: بۇرىندارى، باتىسقا قاراي شەكارادان شىعاتىن تەمىر جول ىركىلىسسىز ەمەس، پويەزدىڭ تاسىمال قۋاتى تومەن، جۇمىس ءتارتىبى كوپ، ءبىر دە ەكى كۇن ۋاقىتپەن كوپتەگەن ورىندارعا شاپقىلاپ ءجۇرىپ قاتىستى كەدەننەن ءوتۋ راسمياتىن ارەڭ بىتىرە الاتىبىز، تاۋار الاتاۋ ساعاسى شەكارا وتكەلىندە كۇتىپ تۇرادى دا، ءبىر پويەز تولعاننان كەيىن بارىپ جونەلتىلەدى. قازىر كەدەننەن ءوتۋدىڭ ءتۇرلى راسمياتىن بىتىرۋگە تەك جارتى - اق ساعات ۋاقىت كەتەدى، جۇڭگو - ەۆروپا كەزەكشى پويەزىنىڭ تاسىمالداۋ قۋاتى دا بارىنشا جوعارىلاپ، قاتىناۋ ۋاقىتى اناعۇرلىم قىسقارىپ، كاسىپورىننىڭ قارجىنى قايتا جيناۋ قارقىنى دا تەزدەدى.

جۇڭگو - ەۆروپا كەزەكشى پويەزىنىڭ كەدەننەن ءوتۋ قارقىنىن تەزدەتۋ ءۇشىن، الاتاۋ ساعاسى كەدەنى پويەزدى تەحنيكالىق تەكسەرۋ جانە قىزمەت كەزەگىن اۋىستىرۋ ۋاقىتىن بۇرىنعى 40 مينۋتتان 20 مينۋتقا قىسقارتتى؛ كۋالىك جۇمىسىنىڭ ءتارتىپ ونىمدىلىگىن جوعارىلاعاندىقتان، كەدەننەن ءوتۋ ۋاقىتى بۇرىنعى 12 ساعاتتان 6 ساعاتتىڭ ىشىنە دەيىن قىسقاردى؛ جۇك قوراپتى كەزەكشى پويەزدىڭ اۋىستىرىپ تيەۋ ۋاقىتىن 6 ساعات ىشىندە، تۇتاس پويەزدىڭ اۋىستىرىپ تيەۋ ۋاقىتىن 30 ساعات ىشىندە ءبىتۋىن مەڭگەرىپ، جۇڭگو - ەۆروپا كەزەكشى پويەزىنىڭ تەز قارقىنمەن كەدەننەن وتۋىنە بار كۇشپەن كەپىلدىك ەتتى.

”جۇڭگو - ەۆروپا كەزەكشى پويەزىنىڭ كەدەندە توقتاۋ ۋاقىتىن ەڭ جوعارى شەكتە قىسقارتىپ، جۇڭگو - ەۆروپا كەزەكشى پويەزىنىڭ اينالىم ونىمدىلىگىن جوعارىلاتۋ ءۇشىن، الاتاۋ ساعاسى كەدەنى ارناۋلى تەرەزە قۇرۋ، الدىمەن تەكسەرىپ - الدىمەن جونەلتۋ، 24 ساعات جۇمىس ىستەۋ ۇلگىسى سياقتى كەدەننەن ءوتۋدىڭ ءبىر قىدىرۋ قولايلى شاراسىن اتقارىپ، 365 كۇن دامىلسىز ىستەۋدى جۇزەگە اسىرىپ، كەزەكشى پويەز كەلىسىمەن وتكىزۋدى ورىندادى“، - دەدى الاتاۋ ساعاسى كەدەنى باقىلاۋ - باسقارۋ 2 - كەڭسەسىنىڭ ورىنباسار باستىعى داڭ شاۋفي.

كەزەكتە، شينجياڭ ءۇرىمجىنى سەنتر ەتكەن، شىعىسقا قاراي ەلىمىزدىڭ ىشكى وڭىرلەرىندەگى ءارقايسى ۇلكەن قالالاردى شارپىعان، باتىسقا قاراي ورتا ازياداعى 5 مەملەكەتتى، رەسەيدى، سونداي - اق ەۆروپانى شارپىعان جۇڭگو - ەۆروپا كەزەكتى پويەزىنىڭ ”تەمىر جول قاتىناس شەڭبەرىن“ قۇرىپ شىقتى.