مادەنيەت قيمىلدارى تولاستامادى، وتاننىڭ گۇلدەنىپ - كوركەيۋىن تىلەدى

日期:2019年10月06日
来源:新疆日报
【字体:

ءان اۋەنى شىعاندادى، بۇرالا بيگە باستى، كورمە اجار بەردى، كىتاپتار مولىنان قويىلدى... مەملەكەت مەرەكەسى كەزىندە، رايونىمىزداعى كىتاپحانا، كوركەمونەر تەاترحاناسى، كينوحانا سياقتى الەۋمەتتىك مادەنيەت ورىندارىندا باي مازمۇندى، الۋان ءتۇرلى مادەنيەت قيمىلدارى وتكىزىلىپ، ءار ۇلت حالقىنا ءداندى دە ءساندى مەملەكەت مەرەكەسى”مادەنيەت تارتۋىن“ ازىرلەدى.

10 - ايدىڭ 2 - كۇنى، ءتىلشى شينجياڭ كىتاپحاناسىنا بارعاندا، ساعات ەندى عانا 11دەن وتسەدە، كىتاپحاناعا وقىرمانداردىڭ كوپ كەلگەندىگىن كوردى. ”دەمالىس كەزىنەن پايدالانىپ، جاڭا كىتاپحانانىڭ جاڭا بەينەسىن كورۋگە كەلدىم، ەندى عانا ارالاپ شىعىپ، كىتاپ وقۋ ورتاسىنىڭ ەرەكشە جايلى، عىلىم - تەحنيكا اسەرىنىڭ جەتكىلىكتى ەكەندىگىن سەزىندىم“. ءۇرىمجى قالاسىنىڭ تۇرعىنى جوۋ ۋي زەردەلى اۆتوماتتى جابدىقتىڭ الدىندا تۇرىپ، ”بەت - الپەتىمەن الىپ وقۋ“ ارقىلى 10 نەشە سەكۋند ۋاقىتتا ءوزى ۇناتاتىن ەلەكتروندى كىتاپتى الىپ وقىدى. كىتاپحانانىڭ وقۋ اۋماعىندا، حاتكەرلىكتى سەزىنۋ اۋماعىندا، ”جەلىدە، جەلىدەن تىسقارى توعىستىرۋ“ قىزمەت وتەۋى وقىرمانداردىڭ جازىپ - سىزۋدان، كىتاپ وقۋدان بارىنشا ءلاززات الۋىنا مۇمكىندىك جاسادى.

شينجياڭ كىتاپحاناسىنىڭ وقىرماندارعا قىزمەت وتەۋدى قامتاماسىز ەتۋ گرۋپپاسىنىڭ باستىعى جي پيڭ بىلاي دەپ تانىستىردى: مەملەكەت مەرەكەسى دەمالىسى كەزىندە، شينجياڭ كىتاپحاناسىنا ءار كۇنى 5000 دا 6000 ادام - رەت كەلدى، تەك 10 - ايدىڭ 1 -، 2 - كۇندەرى 2 كۇندە كىتاپ العانداردىڭ، قايتارعانداردىڭ رەت سانى 18 مىڭ رەتتەن استى. ۇعىسۋعا قاراعاندا، مەملەكەت مەرەكەسى دەمالىسى كەزىندە، بۇل كىتاپحانا شالقىما تۋىندىلارىن وقۋ جينالىسى، قۋىرشاق تەاتر، جاڭا كىتاپ تانىستىرۋ سياقتى جالپى 12 قيمىل وتكىزدى.

ارىنى تاسىعان تەك جاڭادان بوي كوتەرگەن شينجياڭ كىتاپحاناسى عانا ەمەس، «مەن جانە مەنىڭ وتانىم»، «شىڭشىلدار»، «جۇڭگو ۇشاق باستىعى» سياقتى وتانشىلدىقتى تاقىرىپ ەتكەن كينولاردىڭ قويىلۋى ءار ۇلت بۇقاراسىنىڭ وتاندى ءسۇيۋ ىنتاسىن اناعۇرلىم مازداتىپ، ءارقايسى كينوحانالاردا ينە شانشار ورىن قالدىرمادى.

10 - ايدىڭ 4 - كۇنى ساعات 20 مولشەرىندە، حالىق كينوحاناسىنىڭ قاتارعا ءتىزىلىپ، كۇتۋ ورنىندا يىق تىرەسكەن ادامداردىڭ كوبى قولدارىنا مەملەكەت تۋىن ۇستاپ، «مەن جانە مەنىڭ وتانىم» جارناماسىنىڭ الدىندا سۋرەتكە ءتۇسىپ ەستەلىك قالدىرۋدا.

10 - ايدىڭ 5 - كۇنى تۇستەن كەيىن، ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) جۇڭيا سولتۇستىك جولى ءمالىسى چياۋدۇڭ الەۋمەتتىك اۋماعىنىڭ قيمىل بولمەسىندە شات كۇلكى كوتەرىلىپ، كوڭىلدى ءان شىرقالىپ، ەرەكشە دۋماندى كۇيگە بولەندى. ءۇرىمجى قالالىق كوركەمونەر تەاترحاناسى ءان - ءبي ۇيىرمەسى مادەنيەت - كوركەمونەر ساڭلاقتارىنىڭ نەگىزگى ساتىعا مادەنيەت - كوركەمونەر كونسەرتىن تارتۋ ەتۋى وسى ارادا وتكىزىلىپ جاتتى. ءبي «جۇڭحۋاعا ماداق»، «قۋانىش»، «جاستىق جالىنى»، ءان «سۇيەمىن سەنى، جۇڭگو»، «مەنىمەن بىرگە شينجياڭعا كەل»، «كۇن كوتەرىلگەندە شاتتىققا شومدىق»، قۋانىشقا تولى شار سالتاناتى سياقتى تارتىمدى ويىن نومىرلەرى ورىندالدى، كورەرمەندەر جۇزدەرىنەن شاتتىق لەبى ەسىپ، تولاسسىز شاپالاق سوعىپ، الاقايلادى.

10 - ايدىڭ 5 - كۇنى، شينجياڭ كوركەمونەر تەاترحاناسى ءان - ءبي ۇيىرمەسىنىڭ مادەنيەت ارقىلى حالىققا تيىمدىلىك جەتكىزۋ كونسەرت بولىمشە اترەتى يوپۇرعا اۋدانى يەكشەنبە بازار قالاشىعى ءدوڭارىق قىستاعىنىڭ، چۇرۇچ قىستاعىنىڭ تۇرعىندارىنا «جايناعان ءومىردىڭ شاتتىق جىرى»، «انام مەنىڭ جۇڭحۋا»، «تۇرمىسىمىز جاقسى»، «قىستاقتا تۇرۋ جىرى»، «سوناۋ الىس اۋىلدا»، «باقىتتى جۇڭگودا بىرگە جۇرەيىك» سياقتى كوللەكتيۆ ءبي، جەكە ءان، كورىنىستىك كونسەرت سياقتى نومىرلەردى قويىپ بەردى.

ءۇرىمجى قالالىق بەيجيڭ تەاترى ۇيىرمەسى (شينجياڭ بەيجيڭ تەاترى ۇيىرمەسى) دايىنداعان وتانعا ىزگى تىلەك «جۇڭحۋا تەاترى ءۇنى» بەيجيڭ تەاترى ارناۋلى كونسەرت كەشى 10 - ايدىڭ 5 -، 6 - كۇندەرى ءۇرىمجى قالالىق كوركەمونەر تەاترحاناسىندا قويىلدى. باستى نومىرلەر «گۇيفيدىڭ شاراپ ءىشۋى»، «شاجياباڭ. بىنشي»، «دۋجۋانشان. بيىككە سامعاۋ»، «پەريزاتتىڭ گۇل شاشۋى»، «ياڭ شاڭىراعىنىڭ ايەل ساربازدارى. تانگۋ»، «جياڭ جيە. قىزىل تۋدى كەستەلەۋ»، «قىزىل شام ەستەلىگى. ادام بولساڭ وسىنداي بول» ، «جۇڭحۋا تەاترى ءۇنى» سياقتىلار بولدى.

بۇدان سىرت، ”رەسپۋبليكامەن بىرگە ەكپىندەي ىلگەرىلەيمىن“ نەگىزگى تاقىرىبىنداعى فوتو سۋرەت، حاتكەرلىك كورمەسى الاتاۋ ساعاسى ورتالىق قالا كورمە سارايىندا وتكىزىلدى؛ اراسان اۋداندىق كىتاپحانا ءارقايسى اۋىل - قالاشىق، فەرما، قىستاقتاردا ”ءبىزدىڭ جۇڭگو ارمانىمىز مادەنيەتتى سان مىڭداعان وتباسىلارعا جەتكىزۋ“ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋعا ارنالعان كىتاپ تانىستىرۋ قيمىلىن وتكىزدى؛ ىلە قازاق اۆتونوميالى وبلىستىق كىتاپحانا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ كىتاپتارى ارناۋلى سورەسى كورمەسىن، ”مەملەكەت مەرەكەسىن قارسى الۋ، وتاندى جىرلاۋ، شۇعىلالى پارتيا تاريحى كىتاپ كورمەسىن“، سونداي - اق ”سەنىمنىڭ كۇشى − جۇڭگو كوممۋنيستەرىنىڭ اۋەلگى ماقساتى“ قىزىل ءتۇستى نەگىزگى تاقىرىپتىق كورمەسىن ۇيىمداستىردى؛ 10 - ايدىڭ 1 - كۇنىنەن 10 - ايدىڭ 3 - كۇنىنە دەيىن، شونجى اۋدانى جانبۇلاق كورىنىس اۋماعى كۇزگى جيىن - تەرىن ماۋسىمى − مەملەكەت مەرەكەسى ارناۋلى كونسەرت قيمىلدارىن وتكىزدى.

تاسقا اينالعان زاتتار كورمەسى، كۇرەڭكەي كورمەسى، ”مەنىڭ حۇڭشان ەستەمەلەرىم“ اتىنداعى سۋرەت كورمەسى، حۇڭشانداعى شام - شىراق سالتاناتى... ءۇرىمجى قالاسى حۇڭشان باقشاسىندا، سالىستىرا قويىلعان جاڭا - كونە سۋرەتتەر ساياحاتشىلار مەن قالا حالقىنا ءۇرىمجىنىڭ كۇن سايىن جاڭالانعان وزگەرىستەرىن سەزىندىردى. ”ءتىپتى كوپ ساياحاتشىنىڭ شينجياڭعا كەلىپ ارالاپ كورۋىن ءۇمىت ەتەمىن“، - دەدى 75 جاستاعى جاڭ گوفىڭ كاريا تەبىرەنە.

ۇعىسۋعا قاراعاندا، مەملەكەت مەرەكەسى دەمالىسىندا، اۆتونوميالى رايوندىق ادەبيەت - كوركەمونەرشىلەر بىرلەستىگى، ءۇرىمجى قالالىق ادەبيەت - كوركەمونەرشىلەر بىرلەستىگى حاتكەرلەر مەن ادەبيەت - كوركەمونەر قىزمەتكەرلەرى بولىمشە اترەتىن ۇيىمداستىرىپ، جەكە - جەكە ءۇرىمجى قالالىق نان مادەنيەتى كاسىپ باقشاسىنا، حالىق باقشاسىنا، بالالار باقشاسىنا، ت. ب بارىپ، ۇلى وتاندى، حالىقتىڭ باقىتتى تۇرمىسىن جىرلاۋدى نەگىزگى مازمۇن ەتىپ، قوس بوساعالىق جازۋ، كونسەرت قويۋ سياقتى تاسىلدەر ارقىلى مادەنيەت ارقىلى حالىققا تيىمدىلىك جەتكىزۋ قيمىلدارىن ورىستەتتى.