شينجياڭ ۋاكىلدەر ۇيىرمەسى جارىستا 8 تۇرگە قاتىناسادى

　از ۇلتتاردىڭ 11 - كەزەكتى مەملەكەتتىك ءداستۇرلى سپورت جارىسى 9 - ايدىڭ 8 - كۇنى باستالدى

　شينجياڭ ۋاكىلدەر ۇيىرمەسى جارىستا 8 تۇرگە قاتىناسادى

 از ۇلتتاردىڭ 11 - كەزەكتى مەملەكەتتىك ءداستۇرلى سپورت جارىسى 9 - ايدىڭ 8 - كۇنىنەن 16 - كۇنىنە دەيىن جىڭجوۋدا وتكىزىلەدى.

شينجياڭ ۋاكىلدەر ۇيىرمەسىندەگى 13 ۇلتتان قۇرالعان 119 ادام قويۋ بۇقارالىق نەگىزگە يە 8 تۇرگە قاتىناسادى، مۇنداعى 5 جارىس ءتۇرى: سايىسكەرلىك، التىباقان، جاياۋ تارتىس، ۇلتتىق كۇرەس، ۇلتتىق دەنە شىنىقتىرۋ گيمناستيكاسى؛ 3 ويىن كورسەتۋ ءتۇرى: داۋاز، سارعايدي (كەڭىستىكتەگى اينالمالى شىعىرىق)، ماررا دوبى.

شينجياڭ ۋاكىلدەر ۇيىرمەسىنىڭ ورىنباسار باستىعى ءجۇرات قاسىم بىلاي دەپ تانىستىردى: رايونىمىزدىڭ وسى كەزەكتى ۇلتتىق سپورت جارىسىنا قاتىناساتىن جارىس جانە ويىن كورسەتۋ تۇرلەرى تاپتەشتەي سارالاۋدان وتكەن، كەيبىر جارىس ءتۇرى ءوزارا كومەكتەسىپ، قارايلاساتىن ەرەكشە ۇجىمدىق رۋحقا يە، ايتالىق، ۇلتتىق دەنە شىنىقتىرۋ گيمناستيكاسى، جاياۋ تارتىس، سايىسكەرلىك سياقتى تۇرلەر. ۇلتتىق سپورت جارىسى سىندى وسى تەرەزە ارقىلى رايونىمىزداعى از ۇلتتاردىڭ ءداستۇرلى دەنە تاربيە سپورتىنىڭ دامۋ جەتىستىكتەرىن تولىق ايگىلەۋدى، شينجياڭداعى ءار ۇلت اعا - ءىنى، اپەكە - قارىنداستاردىڭ ىنتىماق، دوستىق سۇيىسپەنشىلىگىن جانە اسقاق جىگەرمەن العا باساتىن رۋحاني بەت - بەينەسىن ايگىلەۋدى ءۇمىت ەتەمىز.

وسى كەزەكتى ۇلتتىق سپورت جارىسىنا 34 ۋاكىلدەر ۇيىرمەسى جارىسقا قاتىناسادى، 56 ۇلتتان شامامەن 7000 سپورتشى 17 جارىس تۇرىنە، 194 ويىن كورسەتۋ تۇرىنە قاتىناسادى. وسى كەزەكتى ۇلتتىق سپورت جارىسىنا قاتىناساتىن حىنان ۇلتتىق دەنە شىنىقتىرۋ گيمناستيكاسى ۋاكىلدەر ۇيىرمەسىندەگى 18 سپورتشىنىڭ 10ى شينجياڭنان كەلگەن ۇيعۇر، قازاق جانە حۇيزۋ ۇلتى شەبەرلەرى، ولار جىڭجوۋ قالالىق 7 - ورتا مەكتەپتە وقىپ جاتقان ىشكى ولكەلەردەگى شينجياڭ تولىق ورتا كلاسىنىڭ وقۋشىلارى. ۇيعۇر ۇلتى سپورتشىسى يپارقىز ءامار بىلاي دەدى: ”ۇلتتىق دەنە شىنىقتىرۋ گيمناستيكاسىنىڭ ارەكەتتەرىنە از ۇلتتاردىڭ كوپتەگەن مادەنيەت ەلەمەنتتەرى سىڭىرىلگەن، مەن حىنان كومانداسى اتىنان جارىسقا قاتىناسىپ، ءار ۇلتتىڭ مادەنيەتىن بەينەلەيمىن“.