8 – ايدىڭ 19 – كۇنى جۇڭگو شيپاگەرلەر مەرەكەسى، شينجياڭ گازەتى ءتىلشىسىنىڭ شينجياڭ ۇيعۇر اۆتونوميالى رايوندىق ەمدەۋ – دەنساۋلىق ساقتاۋ كوميتەتىنەن ۇعىسۋىنشا، 8 – ايدىڭ 17 – كۇنى بەيجيڭدە اشىلعان 2 – كەزەكتى جۇڭگو شيپاگەرلەر مەرەكەسىن قۇتتىقتاۋ جينالىسىندا شينجياڭنان 7 ەمدەۋ قىزمەتكەرى ماراپاتتالعان.
2 – كەزەكتى جۇڭگو شيپاگەرلەر مەرەكەسىن قۇتتىقتاۋ جينالىسىندا شينجياڭنان ۋاڭ حايجياڭ، ديڭ گۇيفىڭ، ليۋ حۋوۋاڭ (شينجياڭعا كومەككە كەلگەن)، لۋ چىن « بەتيۋن سياقتى جاقسى شيپاگەر» اتاعىن الدى، سۇن حۇڭ، چىن شۋە - ي، ياڭ جۇن « بەتيۋن سياقتى جاقسى شيپاگەر» تىزىمدىگىنەن ۇسىنىلدى. جينالىسقا بۇكىل ەلىمىزدىڭ جەر – جەرىنەن كەلگەن 1000نان استام ەمدەۋ قىزمەتكەرلەرىنىڭ ۋاكىلدەرى قاتىناستى. بۇكىل ادامزاتتىڭ دەنساۋلىعى ءۇشىن وزدەرىن ارناۋعا ەرىكتى تۇردە سەرت بەردى.
شيپاگەرلەر مەرەكەسىن قۇتتىقتاۋ ءۇشىن، شينجياڭ ۇيعۇر اۆتونوميالى رايوندىق حالىق شيپاحاناسى، ءۇرىمجى قالالىق دوستىق شيپاحاناسى سياقتى كوپتەگەن شيپاحانالار قۇتتىقتاۋ قيمىلىن وتكىزىپ، شيپاگەرلەر سەرت بەرىپ، ءبىرىنشى شەپتەگى شيپاگەرلەردەن حال سۇرادى، ادەبيەت ـ كوركەمونەر بايقاۋىن ۇيىمداستىردى، شيپاحانا ىشىندەگى «ەڭ سۇيىكتى شيپاگەرلەردى» ماراپاتتادى.
