”ەلەكتروندى ساۋدا +“ اقسۋ قالاسىنىڭ وزىندىك ەرەكشەلىكتەگى اۋىل شارۋاشىلىق ونىمدەرىنە قانات ءبىتىردى

日期:2019年08月21日
来源:新疆日报
【字体:

الما، شىلان، جاڭعاق ونىمدەرىن تور ارقىلى ساتۋ مولشەرى اۋىل - قىستاق ەلەكتروندى ساۋداسىنان ۇلگى كورسەتەتىن اۋداندار اراسىندا اعالاپ العا شىقتى

  ”ەلەكتروندى ساۋدا +“ اقسۋ قالاسىنىڭ وزىندىك ەرەكشەلىكتەگى اۋىل شارۋاشىلىق ونىمدەرىنە قانات ءبىتىردى

8 - ايدىڭ 8 - كۇنى جاڭعاق اعاشى باسىنداعى سامسىعان جەمىستىڭ تولىق پىسۋىنا اسىلىندە ءبىر ايداي ۋاقىت بار، ءبىراق قوراپتالعان كوك قابىقتى جاڭعاق ەلەكترون ساۋداگەرلەرى ارقىلى اقسۋ قالاسىنان ىشكى ولكەلەرگە قاراي دامىلسىز ”ۇشا“ باستادى.

”تاۋارلاردى جونەلتۋدىڭ دايىندىعىن جاساپ جاتىرمىز، تاپسىرىس بەرگەن 5 توپ كوك قابىقتى جاڭعاعىڭىزدى 5 كۇن ىشىندە تابىس ەتۋگە كەپىلدىك ەتەمىز“، - دەدى اقسۋ قالالىق ەلەكتروندى ساۋدا ىستەرى كاسىپ باقشاسى ىشىندە اقسۋ باتىس ءوڭىر نيۋنيۋ ەلەكتروندى ساۋدا ىستەرى شەكتى سەرىكتەستىگىنىڭ باس ديرەكتورى نيۋ يانچيڭ سوناۋ شاۋشيڭدا جاتقان الارمانىنا تەلەفون جالعاپ.

سول كۇنى ول تاپسىرىس بويىنشا 1000 نەشە جاشىك كوك قابىقتى جاڭعاقتى سىرتقا جونەلتتى.

ىشكى وڭىرلەردەگى تۇتىنۋشىلارعا شينجياڭنىڭ ساپالى جاس جاڭعاعىنان اۋىز تيگىزۋ − اقسۋ قالالىق ەلەكتروندى ساۋدا ىستەرى كاسىپ باقشاسىنىڭ شينجياڭ جەمىستەرىن ساتۋ ارناسىن كەڭەيتۋدى قاراستىرۋداعى جاڭا ۇلگىسى. كاسىپ باقشاسىنا ىرگە تەپكەن ءبىرسىپىرا ەلەكتروندى ساۋدا ورىندارى بازاردى تەكسەرىپ - زەرتتەگەننەن كەيىن، ىشكى وڭىرلەردە شينجياڭنىڭ ساپالى، ءدامدى كوك قابىقتى جاڭعاعىن ۇناتاتىن تۇتىنۋشىلاردىڭ ءبىر - ەكى جىلدان بەرى بارعان سايىن كوبەيە تۇسكەندىگىن بايقايدى. سونىمەن قاتار، جاڭعاق ەگۋدى كاسىپ ەتكەن كەي وتباسىلارى دا جاڭعاقتارىن ەرتەرەك ساتىپ جىبەرۋدى ويلايدى، بۇلاي ىستەۋ كىرىسكە ىقپال ەتپەيدى ءارى از دەگەندە ءبىر ايعا جۋىق ۋاقىت شىعارىپ باسقا جۇمىس ىستەۋگە دە بولادى.

سونىمەن، اقسۋ قالالىق ەلەكتروندى ساۋدا ىستەرى كاسىپ باقشاسىنىڭ 5 مۇشەسى باستاماشى بولىپ، 11 مۇشەسى جارنا قوسىپ كوك قابىقتى جاڭعاق ساتۋعا كىرىسەدى. ولار باقشالاردى ارالاپ ساتىپ الىپ، تۇتىنۋشىلاردىڭ اركەلكى تالابىنا قاراي تۇرگە ايىرىپ قوراپتايدى. ماقسات − بيىل 500 توننا كوك قابىقتى جاڭعاق ساتۋ. نيۋ يانچيڭ بىلاي دەدى: بيىل الدىمەن سىناپ كورمەكشىمىز، تاجىريبە توپتاپ العاننان كەيىن، كەلەر جىلى كۇش سالا كىرىسپەكشىمىز.

جىلىنا 300 مىڭ دا 400 مىڭ توننا جاڭعاق وندىرەتىن اقسۋ ايماعى جونىنەن العاندا، 500 توننا − كىشى - گىرىم ءىس، الايدا اقسۋ قالالىق ەلەكتروندى ساۋدا كاسىبى قوعامىنىڭ باس حاتشىسى جوۋ حۋ، ينتەرنەت وي جەلىسى، زات ساتۋدى توراپتاندىرۋ فورماسى ارقىلى جۇرگىزىلگەن ”ەلەكتروندى ساۋدا +“ ۇلگىسىنەن پايدالانۋ ارقىلى، شينجياڭنىڭ ساپالى وزىندىك ەرەكشەلىكتەگى اۋىل شارۋاشىلىق ونىمدەرىن مۇنان دا كەڭ ورىسكە يە ەتۋگە بولاتىندىعىنا كامىل سەندى.

جوۋ حۋ ايتقان ”ەلەكتروندى ساۋدا +“، ”ەلەكتروندى ساۋدا ىستەرى + كەدەيلىكتەن ارىلتۋدان قامال الۋ“، ”ەلەكتروندى ساۋدا ىستەرى + 10 قالا، 100 دۇكەن“، ”ەلەكتروندى ساۋدا ىستەرى + دارىندىلاردى باۋلۋ“ سياقتىلاردى قامتيدى.

كەدەيلىكتەن ارىلتۋدان قامال الۋ جاعىندا، اقسۋ قالالىق ەلەكتروندى ساۋدا كاسىبى قوعامىنا مۇشە كاسىپورىندار اليبابا توبىمەن بىرلەسىپ، ىگەرشى اۋىلى يىرما قىستاعىنان ”بولاشاق ەگىس الاڭىن“ اشىپ، ينفورماتسيالانعان باسقارۋدى اتىز باستارىنا دەيىن جالپىلاستىرىپ، وسى قىستاقتاعى باعبانداردىڭ جان باسىندىق كىرىسىن 3600 يۋان ارتتىرۋعا مۇمكىندىك جاسادى؛ ”10 قالا، 100 دۇكەن“ جاعىندا جىجياڭ ولكەسىنىڭ شينجياڭعا كومەكتەسۋ كۇشىنەن پايدالانىپ، جىجياڭداعى 10 قالادان اقسۋدىڭ وزىندىك ەرەكشەلىكتەگى اۋىل شارۋاشىلىق ونىمدەرى الەۋمەتتىك قامباسىنان 10ىن سالىپ، 100 بازاردا ساتۋ دۇكەنىن اشىپ، شينجياڭنىڭ مۇنان دا كوپ ساپالى اۋىل شارۋاشىلىق ونىمدەرىن جىجياڭعا جانە تەڭىز جاعالاۋىنداعى رايوندارعا ساتتى. ال، اليبابا ساۋدا شۋەيۋانىنىڭ باۋلۋ قۇرىلىمى − ”تاۋيۋانۋاي“ اقسۋعا ىرگە تەۋىپ، اقسۋ قالالىق ەلەكتروندى ساۋدا كاسىپ باقشاسىنىڭ مەملەكەت دارەجەلى ەلەكتروندى ساۋدا باۋلۋ ۇلگى كورسەتۋ بازاسىنا اينالۋىنا دەم بەردى، 34 كەزەك كۋرس اشتى، كۋرسقا قاتىناسقاندار 4016 ادامعا جەتتى.

ۇعىسۋعا قاراعاندا، 2018 - جىلى اقسۋ ايماعىنداعى تەبىندى ەلەكتروندى ساۋدا ورىندارى (تاۋباۋ توراپ دۇكەنى) 2400دەن، جىلدىق ساتىلىم سوماسى 800 ميلليون يۋاننان اسىپ، تىكە ەلەكتروندى ساۋدامەن (ۋيچات ساۋداسىن قامتيدى) اينالىساتىندار 18 مىڭ ادامعا جەتىپ، 30 مىڭنان استام ادامنىڭ جۇمىستانۋىنا تىكە نەمەسە جانامالاي جەتەكشىلىك ەتكەن. اقسۋ قالاسىنىڭ الما، شىلان، جاڭعاق سياقتى ونىمدەردى توراپ ارقىلى ساتۋ مولشەرى بۇكىل ەلىمىزدەگى اۋىل - قىستاق ەلەكتروندى ساۋدادان ۇلگى كورسەتۋ اۋداندارى اراسىندا اعالاپ العا شىعىپ، توراپ ساۋداسى ارقىلى شارۋاشىلىق قۇرۋ تەبىنى وڭتۇستىك شينجياڭدا 1 - ورىندى يەلەگەن.