شينجياڭ ۇيعۇر اۆتونوميالى رايوندىق ينتەرنەت ينفورماتسيا كەڭسەسى قاتارلى قاتىستى تاراۋلار زاڭعا قايشى ينفورماتسيالاردى تاراتقان تيپتىك 8 دەلونى تەكسەرىپ ءبىر جاقتىلى ەتتى

日期:2019年08月08日
来源:天山网
【字体:

جۋىقتا، شينجياڭ ۇيعۇر اۆتونوميالى رايوندىق ينتەرنەت ينفورماتسياسى كەڭسەسى، اۆتونوميالى رايوندىق قوعام حاۋىپسىزدىگى مەڭگەرمەسى مالىمدەلگەن دەرەكتەرگە نەگىزدەلىپ، ينتەرنەتتە زاڭعا قايشى ينفورماتسيالاردى تاراتۋعا قاتىستى 22- توپتاعى 8 تيىپتىك دەلونى زاڭ بويىنشا تەكسەرىپ ءبىر جاقتى ەتتى جانە اشكەرەلەدى. تەكسەرۋ ارقىلى دەلوعا قاتىستى ادامداردىڭ ينتەرنەت سياقتى تۇعىرلاردان پايدالانىپ، زورلىقتى كۇش، لاڭكەستىك، ءدىني ۇشقارىلىق، ۇلتتىق بولشەكتەۋشىلىك، سونداي - اق وسەك - اياڭ، جالعان ينفورماتسيا تاراتۋ سياقتىلارعا ساياتىن جازبا، سۋرەت، دىبىس - كەسكىندەردى ۋاعىزداعاندىعى، ساقتاعاندىعى، تاراتقاندىعى، «جۇڭحۋا حالىق رەسپۋبليكاسىنىڭ قىلمىستىق ىستەر زاڭى»، «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭى»، «جۇڭحۋا حالىق رەسپۋبليكاسىنىڭ قوعام اماندىعىن باسقارۋ جازا زاڭى»، «ينتەرنەتتە ينفورماتسيالىق قىزمەت وتەۋدى باسقارۋ ءادىسى» سياقتى زاڭدارعا، زاڭ - ەرەجەلەرگە قايشىلىق جاساعاندىعى انىقتالدى، قوعام حاۋىپسىزدىگى قاتارلى تاراۋلار قاتىستى ادامداردى زاڭ بويىنشا ءبىر جاقتى ەتتى.

ءبىرىنشى دەلو: ءۇرىمجى قالاسىنداعى ينتەرنەت الدامشىلىق دەلوسى

2019-جىلى 4-ايدىڭ 15-كۇنى، چىن XX (ەر، حانزۋ، 28 جاستا، نوپوسى تىركەلگەن جەر: فۋجيان ولكەسى پۋتيان قالاسى چىڭشياڭ رايونى)، چىن XX (ەر، حانزۋ، 29 جاستا، نوپوسى تىركەلگەن جەر: فۋجيان ولكەسى پۋتيان قالاسى چىڭشياڭ رايونى)، حۋاڭ XX (ەر، حانزۋ، 25 جاستا، نوپوسى تىركەلگەن جەر فۋجيان ولكەسى پۋتيان قالاسى چىڭشياڭ رايونى)، لين XX (ەر، حانزۋ، 24 جاستا، نوپوسى تىركەلگەن جەر: فۋجيان ولكەسى پۋتيان قالاسى شيۋ يۇي رايونى)، جان XX (ەر، حانزۋ، 29 جاستا، نوپوسى تىركەلگەن جەر: فۋجيان ولكەسى پۋتيان قالاسى شيۋ يۇي رايونى) سىندى 5 ادام ”ءمالىم جەدەل جەتكىزۋ سەرىكتەستىگىنىڭ تولەم بەرۋ قىزمەت وتەۋى“ بولىپ جاسانىپ، جەدەل جولدامانىڭ جوعالۋىن سىلتاۋ ەتىپ، ءۇرىمجى قالاسىنداعى توراپكەرگە ەكلىك كودتى سكانەرلەتىپ 10 مىڭ يۋاننان استام تولەم الۋعا شىرعالاعانىن اشكەرەلەيدى. انىقتاۋ ارقىلى، سونداي - اق قاتىستى زاڭدارعا، زاڭ - ەرەجەلەرگە ساي، قوعام حاۋىپسىزدىگى ورگانى شينجياڭنىڭ سىرتىندا 5 قىلمىس كۇماندىسىن تۇتقىندادى، زاڭ بويىنشا 5 قىلمىس كۇماندىسىن قىلمىستىق ىستەر بويىنشا قولدا ۇستاي تۇردى.

ەكىنشى دەلو: ىلە قازاق وبلىسىنداعى توراپكەر ي XX تىڭ ۇلتتىق وشپەندىلىككە جەلىكتىرۋ دەلوسى

2019-جىلى 4-ايدىڭ 22-كۇنى، توراپكەر ي XX تىڭ (ەر، ۇيعۇر، 19 جاستا، نوپوسى تىركەلگەن جەر: ىلە وبلىسى قۇلجا قالاسى) جەكە قوعامدىق قارىم-قاتىناس ءنومىرى ارقىلى ۇلتتىق وشپەندىلىككە جەلىكتىرۋ ءسوزىن ءجيى جاريالاعانىن اشكەرەلەدى. انىقتاۋ ارقىلى، قاتىستى زاڭدارعا، زاڭ - ەرەجەلەرگە ساي، قوعام حاۋىپسىزدىگى ورگانى زاڭ بويىنشا ي XXتى قىلمىستىق ىستەر بويىنشا قولدا ۇستاي تۇردى.

ءۇشىنشى دەلو: ىلە قازاق اۆتونوميالى وبلىسىنداعى توراپكەر يا XX تىڭ ۇشقارىلىقتى ۋاعىزدايتىن زاتتاردى تاراتۋ دەلوسى

2019-جىلى 5-ايدىڭ 11-كۇنى، توراپكەر يا XX تىڭ (ەر، ۇيعۇر، 35 جاستا، نوپوسى تىركەلگەن جەر: ىلە وبلىسى قۇلجا قالاسى) جەكەلىك قارىم-قاتىناس ءنومىرى ارقىلى ءدىني ۇشقارى يدەيانى ۋاعىزدايتىن سۋرەت ينفورماتسياسىن تاراتقاندىعىن اشكەرەلەگەن. انىقتاۋ ارقىلى، قاتىستى زاڭدارعا، زاڭ - ەرەجەلەرگە ساي، قوعام حاۋىپسىزدىگى ورگانى زاڭ بويىنشا يا XXتى قىلمىستىق ىستەر بويىنشا قولدا ۇستاي تۇردى.

ءتورتىنشى دەلو: بۇراتالا موڭعۇل اۆتونوميالى وبلىسىنداعى توراپكەر چىن XX تىڭ ءىس ورىنداردىڭ كۋالىك ماتەريالىن ساۋدالاۋ دەلوسى

2019-جىلى 5-ايدىڭ 25-كۇنى، توراپكەر چىن XX (ەر، حانزۋ، 34 جاستا، نوپوسى تىركەلگەن جەر: بۇراتالا وبلىسى جىڭ اۋدانى) ينتەرنەت ارقىلى جاسالعانءمالىم تەحنيكا شۋەيۋانىنىڭ مەكتەپ ءبىتىرۋ كۋالىگىن ساۋدالاعانىن اشكەرەلەگەن. انىقتاۋ ارقىلى، قاتىستى زاڭدارعا، زاڭ - ەرەجەلەرگە ساي، قوعام حاۋىپسىزدىگى ورگانى زاڭ بويىنشا چىن XXتى قىلمىستىق ىستەر بويىنشا قولدا ۇستاي تۇردى ءارى چىن XX ساۋدالاعان جالعان كۋالىك حۇجاتىن جيناپ الدى.

بەسىنشى دەلو: قاشقار ايماعىنداعى توراپكەر ي XX تىڭ ۇشقارىلىقتى ۋاعىزدايتىن زاتتاردى زاڭسىز ساقتاۋ دەلوسى

2019-جىلى 5-ايدىڭ 29-كۇنى، توراپكەر ي XX تىڭ (ەر، ۇيعۇر، 25 جاستا، نوپوسى تىركەلگەن جەر: قاشقار ايماعى قاعىلىق اۋدانى) QQ كەڭىستىگىندە ءدىني ۇشقارى يدەيانى ۋاعىزدايتىن سۋرەت ينفورماتسياسىن ساقتاعاندىعىن اشكەرەلەگەن. انىقتاۋ ارقىلى، قاتىستى زاڭدارعا، زاڭ - ەرەجەلەرگە ساي، قوعام حاۋىپسىزدىگى ورگانى زاڭ بويىنشا ي XXكە سىن ايتىپ تاربيە بەردى.

التىنشى دەلو: بۇراتالا موڭعۇل اۆتونوميالى وبلىسىنداعى توراپكەر حاۋ XX تىڭ تەرىس ۋاعىز تاراتۋ دەلوسى

2019-جىلى 5-ايدىڭ 31-كۇنى، توراپكەر حاۋ XX تىڭ (ايەل، حانزۋ، 52 جاستا، نوپوسى تىركەلگەن جەر: بۇراتالا وبلىسى اراسان اۋدانى) لەزدىڭ حابارلاسۋ جۇمساق بولشەگى ارقىلى تەرىس ۋاعىز ۇگىتتەۋگە قاتىستى پىكىرلەردى تاراتقاندىعىن اشكەرەلەگەن. انىقتاۋ ارقىلى، قاتىستى زاڭدارعا، زاڭ - ەرەجەلەرگە ساي، قوعام حاۋىپسىزدىگى ورگانى زاڭ بويىنشا حاۋ XXتى اكىمشىلىك ىستەر بويىنشا قولدا ۇستاي تۇردى.

جەتىنشى دەلو: اقسۋ ايماعىنداعى توراپكەر گۇڭ XX، ما XX تىڭ ءتان ساتۋعا ۇيىمداستىرۋ دەلوسى

2019-جىلى 6-ايدىڭ 7-كۇنى، توراپكەر گۇڭ XX (ەر، حانزۋ، 41 جاستا، نوپوسى تىركەلگەن جەر: حىنان ولكەسى جۋماديان قالاسى)، سىبايلاسى ما XX (ەر، حانزۋ، 43 جاستا، نوپوسى تىركەلگەن جەر: اقسۋ ايماعى اقسۋ قالاسى) شارتتى سوزدەن ءجيى پايدالانىپ ينتەرنەتتە زيناقورلىق ينفورماتسياسىن تاراتقاندىعىن ءارى ءتان ساتۋ قيمىلىن ۇيىمداستىرعاندىعىن اشكەرەلەگەن. انىقتاۋ ارقىلى، قاتىستى زاڭدارعا، زاڭ - ەرەجەلەرگە ساي، قوعام حاۋىپسىزدىگى ورگانى زاڭ بويىنشا گۇڭ XX، ما XXتى قىلمىستىق ىستەر بويىنشا قولدا ۇستاي تۇردى.

سەگىزىنشى دەلو: ىلە قازاق اۆتونوميالى وبلىسىنداعى توراپكەر چىن XX تىڭ ۇرلىق دەلوسى

2019-جىلى 6-ايدىڭ 28-كۇنى، توراپكەر چىن XX تىڭ (ايەل، حانزۋ، 24 جاستا، نوپوسى تىركەلگەن جەر: ىلە وبلىسى قۇلجا قالاسى)، زيانكەستىككە ۇشىراۋشى بايقاماعان ساتتە زيانكەستىككە ۇشىراۋشىنىڭ جەكە ينفورماتسياسىنان پايدالانىپ، ونىڭ بانكە كارتچكاسىن جات پيعىلمەن ءوزىنىڭ ءۇنحات نومىرىنە تىركەيدى، ءۇنحاتتا ەسەپ اۋدارۋ ارقىلى 50 مىڭ يۋان ۇرلاعانىن اشكەرەلەيدى. انىقتاۋ ارقىلى، قاتىستى زاڭدارعا، زاڭ - ەرەجەلەرگە ساي، قوعام حاۋىپسىزدىگى ورگانى زاڭ بويىنشا چىن XXتى قىلمىستىق ىستەر بويىنشا قولدا ۇستاي تۇردى.

ينتەرنەت ينفورماتسيا تاراۋلارى، قوعام حاۋىپسىزدىگى ورگانى مىنانى ەسكەرتەدى: ينتەرنەت كەڭىستىگى − زاڭ قۇرىعى جەتپەيتىن جەر ەمەس، ينتەرنەتتەن پايدالانىپ زورلىقتى كۇش، لاڭكەستىككە، ۇلتتىق بولشەكتەۋشىلىككە، ءدىني ۇشقارىلىققا ساياتىن، سونداي - اق ۇلتتار ىنتىماعىن، وتاننىڭ تۇتاستىعىن بۇلدىرەتىن جازبا، سۋرەت، دىبىس - كەسكىندەردى ۋاعىزداعانداردىڭ، ساقتاعانداردىڭ، تاراتقانداردىڭ؛ جارىلىس قۇرىلعىلارىن، مىلتىق، شەكتەلگەن قۇرالداردى جاساۋ، قولدانۋ ءادىسىن، ونەرىن ۇيرەتكەندەردىڭ، سونداي - اق جالعان ينفورماتسيا تاراتۋ، قورلاۋ، قۇقاي كورسەتۋ، جالعان فاكت قۇراستىرىپ باسقالارعا جالا جابۋ سياقتى مازمۇنداعى جازبا، سۋرەت، دىبىس - كەسكىندەردى تاراتقانداردىڭ جاۋاپكەرلىگى زاڭ بويىنشا قۋزاستىرىلادى. جوعارىدا ايتىلعان جازبالاردى، سۋرەتتەردى، دىبىس - كەسكىندەردى ساقتاعاندار، ءسوز جوق، دەرەۋ وزدىگىنەن ءوشىرۋى، جويۋى كەرەك، ءوزى وشىرە الماسا نەمەسە جويا الماسا، جەرگىلىكتى قوعام حاۋىپسىزدىگى ورگاندارىنىڭ سايكەسىپ ءبىر جاقتى ەتۋىنە تاپسىرىپ بەرۋىنە بولادى. قالىڭ توراپكەرلەردىڭ قاتىستى زاڭ، زاڭ - ەرەجەلەرگە قاتاڭ بويسۇنىپ، ينتەرنەتتەن مادەنيەتتى، زاڭ بويىنشا پايدالانۋىن، اقاۋسىز، ءتارتىپتى ينتەرنەت ورتاسىن بىرگە قورعاۋىن ءۇمىت ەتەمىز.

قالىڭ توراپكەرلەردىڭ ينتەرنەتتەگى زاڭعا قايشى ينفورماتسيالاردى بەلسەندى تۇردە اشكەرەلەۋىن قارسى الامىز، اشكەرەلەپ، ەڭبەك سىڭىرگەندەر دەر كەزىندە سيلانادى.

اشكەرەلەۋ ءتاسىلى:

توراپ ءادرىسى: www.xjwljb.com

تەلەفون: 2384777 - 0991

ەلەكتروندى حات ساندىعى: xjwljb@xjts.cn

ميكروبلوگ:新疆网络举报@

ءۇنحات الەۋمەتتىك تەكشەسى:新疆网络举报

ساقشىعا مالىمدەۋ، اشكەرەلەۋ تەلەفون ءنومىرى: 110

كەلتەحات ارقىلى ساقشىعا مالىمدەۋ ءنومىرى: 12110