اۆتونوميالى رايوندىق ساياسي كەڭەس ٴجىتى قاداعالاپ وتىرعان ٴتۇيىندى ماسەلەلەر جونىندە جاعدايدان حابارلاندىرۋ ٴماجىلىسىن اشتى
استىقتىڭ، مايلى داقىلداردىڭ جوعارى ٴتۇسىمىن، مول ٴونىمىن قامتاماسىز ەتۋ جونىندە اقىل ـ كەڭەس بەردى
انار بۇلت \ شينجياڭ گازەتىنىڭ ٴتىلشىسى جاڭ يانفاڭ 4 ـ ايدىڭ 24 ـ كۇنى ۇرىمجىدەن حابارلايدى. ساياسي كەڭەس مۇشەلەرى ٴجىتى قاداعالاپ وتىرعان ماسەلەلەرگە جاۋاپ قايتارۋ، مۇشەلەردىڭ ۇسىنىس قويىپ، كەڭەس بەرۋىنە دەم بەرۋ ٴۇشىن، 4 ـ ايدىڭ 24 ـ كۇنى اۆتونوميالى رايوندىق ساياسي كەڭەس ”عىلىم ـ تەحنيكا ارقىلى قۋات ۇستەۋگە تاباندى بولىپ، استىقتىڭ، مايلى داقىلداردىڭ جوعارى ٴتۇسىمىن، مول ٴونىمىن قامتاماسىز ەتۋ“ سىندى ٴجىتى قاداعالاپ وتىرعان ٴتۇيىندى ماسەلەلەر جونىندە جاعدايدان حابارلاندىرۋ ٴماجىلىسىن اشىپ، اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسى، سۋ يگىلىگى مەڭگەرمەسى، عىلىم ـ تەحنيكا مەڭگەرمەسى سياقتى ورىندارداعى قاتىستى جاۋاپتى جولداستاردى قاتىستى جاعدايلاردى تانىستىرۋعا ۇسىنىس ەتتى ٴارى ساياسي كەڭەس مۇشەلەرىمەن، قاتىستى ماماندارمەن بەتپە ـ بەت پىكىر اۋىستىرىپ، كوپتىڭ اقىل ـ پاراساتىن شوعىرلاندىرىپ، تاماشا شارالاردى بىرگە قاراستىردى.
ماجىلىستە اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى مياۋ جيانميڭ جۋىق جىلداردان بەرى شينجياڭنىڭ استىق، مايلى داقىلدار جانە كاسىپ سالاسىنىڭ دامۋى جونىندە جاعدايلاردى حابارلادى. اۋىل شارۋاشىلىعىنداعى ٴىرى رايون رەتىندە، شينجياڭ بۇكىل ەلدەگى ساپالى ەگىن، مال شارۋاشىلىعى ونىمدەرىمەن ماڭىزدى قامداۋ بازاسى سىندى ستراتەگيالىق ورنىن مىقتاپ يگەرىپ، بايلىق باسىمدىعىن ساۋلەلەندىرىپ، استىق، ماقتا، مايلى داقىل ونىمدەرىن ارتتىرۋدىڭ كومەسكى كۇشىن ىشكەرىلەي اشىپ، مەملەكەتتىڭ قاجەتى مەن شينجياڭنىڭ قابىلەتىن اناعۇرلىم ويداعىداي ٴبىر تۇتاس جوسپارلاپ، عىلىم ـ تەحنيكا ارقىلى قۋات ۇستەۋگە تاباندى بولىپ، استىق ٴوندىرىسىنىڭ ۇزدىكسىز تىڭ ساتىعا كوتەرىلۋىن پارمەندى، ٴتارتىپتى ىلگەرىلەتتى.
”شينجياڭنىڭ جەرى كەڭ، جەرگىلىكتى جاعدايعا قاراي اۋىل شارۋاشىلىعى ٴوندىرىسى تەحنيكاسىندا جاڭالىق اشۋدى ىلگەرىلەتۋ شينجياڭنىڭ اۋىل شارۋاشىلىعى ٴوندىرىس قۋاتى مەن ونىمدىلىگىن ونان ارى جوعارىلاتۋدا اسا زور رول اتقارادى. شينجياڭ قايتكەندە اۋىل شارۋاشىلىعى عىلىم ـ تەحنيكاسىندا جاڭالىق اشۋدى جەدەلدەتىپ، اۋىل شارۋاشىلىعىنىڭ جاڭاشا وندىرگىش كۇشتەرىن جەتىلدىرەدى، جوعارىلاتادى؟“ پىكىرلەسۋ، ىقپالداسۋ كەزىندە مەملەكەتتىك ساياسي كەڭەستىڭ مۇشەسى، جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتىنىڭ مەڭگەرۋشى مۇشەسى ما حۋادۇڭ الدىمەن سۇراۋ قويدى. اۆتونوميالى رايوندىق عىلىم ـ تەحنيكا مەڭگەرمەسى اۋىل ـ قىستاق عىلىم ـ تەحنيكا باسقارماسىنىڭ 2 ـ دارەجەلى تەكسەرىپ ـ زەرتتەۋشىسى ۋاڭ في شارۋالاردىڭ تۇتاس كاسىپ سالاسى تىزبەگى تۇعىرى جونىندەگى تانىمى مەن ونى قولدانۋ دەڭگەيىن جوعارىلاتۋ، اۋىل شارۋاشىلىعىن دا، ينفورماتسيا تەحنيكاسىن دا بىلەتىن بەساسپاپ دارىندىلاردى باۋلۋعا ٴمان بەرۋ، زەردەلى اۋىل شارۋاشىلىعىنىڭ دامۋىن جانە اۋىل شارۋاشىلىعىنا ساياتىن ساندى مالىمەتتەردەن بىرگە يگىلىكتەنۋدى جەدەل ىلگەرىلەتۋ سىندى 3 جاقتان جاۋاپ قايتاردى.
”رايونىمىزدىڭ اۋىل شارۋاشىلىعىنداعى ەگىستىك جەردى سۋارۋعا پايدالانىلاتىن سۋدى ٴونىمدى رەتتەپ پايدالانۋدى جەبەۋ جاعىندا قانداي شارالارى بار؟“، ”قايتكەندە جوعارى ولشەمدى ەگىنجايدى جەدەل قۇرىپ، استىق، مايلى داقىلداردىڭ جوعارى ٴتۇسىمىن، مول ٴونىمىن قامتاماسىز ەتۋگە بولادى؟“... مۇشەلەر، ماماندار بەلسەنە سۇراۋ قويدى، قاتىستى ورىندار مۇقيات جاۋاپ قايتاردى، سۇراۋلارعا ٴبىر ـ بىردەن جاۋاپ بەرۋدىڭ ارقاسىندا كۇدىك ـ كۇماننان ارىلىپ، سەنىمدى ارتتىرىپ، كۇش ـ قۋاتتى ۇيىستىردى.
مۇشەلەر بىلاي دەپ قارادى: جاعدايدان حابارلاندىرۋ ىقشام دا تۇجىرىمدى بولدى، ٴجىتى قاداعالاپ وتىرعان ماسەلەلەر جونىندە سۇراۋ قويۋدا نەگىزگى تاقىرىپقا تىكە كوشتى، مەڭگەرمە، مەكەمەلەر ناقتى دا شىنايى جاۋاپ قايتارىپ، كورگەن ـ بىلگەندەرىن ارتتىرۋ، ورتاق تانىمدى ۇيىستىرۋ ماقساتىنا جەتتى، سونداي ـ اق شينجياڭنىڭ استىق، مايلى داقىلدار جانە كاسىپ سالاسىنىڭ دامۋ جاعدايى، اسىرەسە، عىلىم ـ تەحنيكا تىرەگى ارقىلى استىق، مايلى داقىلداردىڭ جوعارى ٴتۇسىمىن، مول ٴونىمىن قامتاماسىز ەتۋ شارالارى جونىندە ىشكەرىلەي تۇسىنىككە يە بولىپ، الداعى مىندەت اتقارۋدىڭ اناعۇرلىم ناقتى، اناعۇرلىم باعىتتامالى بولۋىنا مۇمكىندىك جاسادى. كوپشىلىك مىنالاردى ٴبىلدىردى: باس شۋجي شي جينپيڭنىڭ اۋىل شارۋاشىلىعى، اۋىل ـ قىستاق، شارۋالار قىزمەتى جونىندەگى ماڭىزدى بايىمداۋلارىن جانە ورتالىقتىڭ اۋىل ـ قىستاق قىزمەتى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، عىلىم ـ تەحنيكا ارقىلى قۋات ۇستەۋدىڭ كەلەلى ٴمانىن تەرەڭ تانىپ، جاڭاشا وندىرگىش كۇشتەردىڭ عىلمي ٴمانىن تەرەڭ ٴتۇسىنىپ، استىق، مايلى داقىلداردان ساپالى، جوعارى ٴونىم الۋ تەحنيكاسىندا جاڭالىق اشۋعا ايرىقشا نازار اۋدارىپ، شينجياڭنىڭ استىق، مايلى داقىلدارىنان جوعارى ٴتۇسىم، مول ٴونىم الۋدى جەبەۋگە بەلسەنە ۇلەس قوسامىز.
ٴجىتى قاداعالاپ وتىرعان ٴتۇيىندى ماسەلەلەر جونىندە جاعدايلاردى حابارلاندىرۋ ٴماجىلىسىن اشۋ اۆتونوميالى رايوندىق ساياسي كەڭەستىڭ بيىلعى ٴتۇيىندى قىزمەتىنىڭ ٴبىرى، ول مۇشەلەردىڭ جاعدايدان اناعۇرلىم ويداعىداي حابارلى بولىپ، ۇكىمەت ٴىسىن ايقىنداپ، مىندەت اتقارۋ قابىلەتىن جوعارىلاتۋدا، قوعامداعى ٴار سالانىڭ ورتاق تانىمىن كۇشەيتىپ، قاتىستى تاراۋلاردىڭ قىزمەتىنىڭ ورىستەتىلۋىن ىلگەرىلەتىپ، ساياسي كەڭەستىڭ ارناۋلى كەڭەس قۇرىلىمدىق رولىن تولىق ساۋلەلەندىرۋدە كەلەلى ماڭىز الادى.
