انار بۇلت \ شينجياڭ گازەتىنىڭ ٴتىلشىسى شىن زۋشياۋ
”وسى رەتكى كوكتەمگى لاگەر ەستەن كەتپەستەي بولدى، وراي بولسا، ٴسوز جوق، جۇڭگونىڭ شينجياڭىنا تاعى كەلەمىن“. 4 ـ ايدىڭ 21 ـ كۇنى 2024 ـ جىلعى ”حانزۋ ٴتىلى كوپىرى“ شاڭحاي سەلبەستىك ۇيىمىنا مۇشە ەلدەر جاس وقۋشىلار كوكتەمگى لاگەرىنە قاتىناسقان پاكيستان فايسالاباد اۋىل شارۋاشىلىق داشۋەسىنىڭ وقۋشىسى افاق بىلاي دەدى: 4 ـ ايدىڭ 23 ـ كۇنى ەلگە قايتامىز، وسى رەتكى جۇڭگونىڭ شينجياڭىنداعى ساپارىم ەڭ تاماشا ەستەمەلەرىمنىڭ ٴبىرى بولدى، وتباسىنداعىلارىممەن، دوستارىممەن وسى تاماشا اسەرلەردى بولىسەمىن.
4 ـ ايدىڭ 15 ـ كۇنىنەن باستاپ، پاكيستان مەن وزبەكستاننان كەلگەن 2024 ـ جىلعى ”حانزۋ ٴتىلى كوپىرى“ شاڭحاي سەلبەستىك ۇيىمىنا مۇشە ەلدەر جاس وقۋشىلار كوكتەمگى لاگەرىندەگىلەر شينجياڭ اۋىل شارۋاشىلىق داشۋەسىنىڭ ۇيىمداستىرۋىمەن شينجياڭ مۇراجايىن ەكسكۋرسيالاپ، شينجياڭنىڭ تاريحىن ٴتۇسىندى؛ شاي ونەرى سارايىنا بارىپ جۇڭگونىڭ شاي مادەنيەتىن سەزىندى؛ جۇڭگولىق وقۋشىلارمەن دوستاسىپ، ىستىق ىقىلاستى بيگە باستى؛ بەيجيڭ تەاترى، قاعاز ويما، جۇڭگوشا سۋرەت سياقتى جۇڭگونىڭ ٴداستۇرلى مادەنيەتىن سەزىندى.
جاسىل جامىلعى، شاعىن كوپىر، اعىن سۋ، شاعىن سايالىق، گۋمانيتارلىق كورىنىس پەن جاراتىلىستىق كورىنىس ٴبىر تۇلعالاندىرىلعان حاۋيۋە يۋانلين شاي ونەرى سارايى شينجياڭ اۋىل شارۋاشىلىق داشۋەسى، شينجياڭ قازىنا ـ ەكونوميكا داشۋەسى سياقتى جوعارى مەكتەپتەردىڭ جۇڭحۋانىڭ تاڭداۋلى ٴداستۇرلى مادەنيەتى تاربيە بازاسى ەدى. 4 ـ ايدىڭ 18 ـ كۇنى شاي ونەرى سارايىنا كىرگەندە، لاگەر مۇشەلەرى شاي ونەرپازدارىنىڭ جەتەكشىلىگىندە جۇڭگونىڭ شاي ونەرىن ۇيرەندى.
”قىز وقۋشىلار ستاكاندى كوتەرگەندە ساۋساقتارىن مايىستىرسا، سىپايى دا ادەمى مىنەز ـ قۇلقى اڭعارىلادى...“ شاي ونەرى سارايىنداعى شاي ونەرپازدارى شاي ۇسىنۋ جول ـ جوسىنىن ايگىلەدى، لاگەر مۇشەلەرى شاي ونەرپازدارىمەن بىرگە شايدىڭ رەڭىنە دەن قويىپ، شايدىڭ حوش ٴيىسىن يسكەدى، شايدىڭ ٴدامىن تاتتى، جۇڭگونىڭ شاي ونەرىنىڭ كەرەمەتىن سەزىندى، كوپشىلىك جاندى جادىراتار شايدىڭ حوش ٴيىسىن القادى.
قول سالا كىرىسىپ باستان كەشىرۋ ساتىندە شاي ونەرپازدارىنىڭ سابىرلىلىقپەن جەتەكشىلىك ەتۋىندە، لاگەر مۇشەلەرى جۇڭگونىڭ شاي مادەنيەتىندەگى كەلىستى اسەمدىكتى جانە ونداعى رومانتيكانى تەرەڭ سەزىندى. ”جۇڭگو شايىن ىشكەندە باسقا قوسىمشا ماتەريالدار قوسىلمايدى، شايدىڭ حوش ٴيىسىنىڭ ٴوزى وتە ەرەكشە“. وزبەكستان تاشكەنت مەملەكەتتىك ەكونوميكا داشۋەسىنىڭ وقۋشىسى ديار شاۋگىمدى قولىنا الىپ ىسكە كىرىسە باستادى، ارەكەتى ٴسال ەپسىزدەۋ بولعانىمەن، شاي ونەرپازىنىڭ كومەگىندە شاي دەمدەۋدى ٴساتتى ورىنداپ، سەرىكتەرىنىڭ ٴدامىن تاتىپ كورۋىنە ۇسىندى. ”تاماشا، ٴدامدى ەكەن!“ ـ دەپ لاگەر مۇشەلەرى جۇڭگو شايىنىڭ ٴدامىن تاتىپ كورىپ، اۋىز جاپپاي القادى.
شاي ونەرى سارايى تاعى حاتكەرلەردى لاگەر مۇشەلەرىنە جۇڭگو حاتكەرلىگىن ۇيرەتۋگە ۇسىنىس ەتتى. حاتكەرلەر جۇڭگونىڭ ٴداستۇرلى حاتكەرلىك بىلىمدەرىن تانىستىرىپ، لاگەر مۇشەلەرىنە قىل قالامدى دۇرىس ۇستاۋ ٴادىسى، جازۋداعى تۇرىق قالىپ بەينەسى سياقتىلارعا جەتەكشىلىك ەتتى. حاتكەر جاۋ فۋشىڭ تاعى سول ورىندا ”جۇڭگو _ پاكيستان دوستىعى جاساسىن“ دەگەن جازۋدى جازىپ پاكيستاننان كەلگەن وقۋشىلارعا ۇسىندى.
پاكيستاننان كەلگەن لاگەر مۇشەسى اميەحان بىلاي دەدى: پاكيستاندا كوپتەگەن جاستار حانزۋ ٴتىلىن ۇيرەنۋدى تاڭدادى. جۇڭگونىڭ حاتكەرلىك ونەرى ويعا شۇلەن، مەن حانزۋ ٴتىلىن قۇلشىنا ۇيرەنىپ، حانزۋ ٴارىبىن جازۋدى ۇيرەنىپ، بولاشاقتا ەكى ەل حالقىنىڭ دوستىق ەلشىسى بولامىن.
”بەس جۇلدىز شىعىستان كوتەرىلسە جۇڭگوعا قۇت“ دەگەن جازۋى بار قامقا بىلەكقاپ، تەحنولوگياسى كۇردەلى دە شەبەر سەگىز ايداعار بەدەرلى التىن بەلبەۋ ايىلباسى... شينجياڭ مۇراجايىنا كىرگەندە، لاگەر مۇشەلەرى تۇسىندىرۋشىگە ىلەسىپ، وسىناۋ باعالى مادەني ەسكەرتكىشتەر ارقىلى جۇڭگونىڭ شينجياڭىنىڭ تاريحي مادەنيەتىن ٴتۇسىنىپ، شينجياڭنىڭ وزگەشە مادەنيەت تارتىمدىلىعىن سەزىندى.
”قاتتى تاڭ قالدىم! ساقتالعان دۇنيەلەرى باي مازمۇندى مۇراجاي ماعان شينجياڭنىڭ تاريحىن ىشكەرىلەي ٴتۇسىندىرىپ، شينجياڭداعى ٴار ۇلت مادەنيەتىنىڭ جۇڭحۋا مادەنيەتىنىڭ قۇرامداس بولىگى ەكەندىگىن شىنايى سەزىندىردى“، ـ دەدى وزبەكستان تاشكەنت مەملەكەتتىك ەكونوميكا داشۋەسىنىڭ وقۋشىسى سابيننا.
قيمىل كەزىندە لاگەر مۇشەلەرى تاعى شينجياڭ اۋىل شارۋاشىلىق داشۋەسىندە تايجي سايىسكەرلىگى، تۇمشالامالى شام جاساۋ، حاتكەرلىك سياقتى جۇڭگونىڭ ٴداستۇرلى مادەنيەت ساباقتارىن سەزىندى ٴارى شينجياڭ اۋىل شارۋاشىلىق داشۋەسىنىڭ وقۋشىلارىمەن دوستىق قيمىل ورىستەتتى.
”سالەمەتسىزدەر مە“، ”سالەمەتسىز بە“... بوس ۋاقىت ارەدىگىندە، مەكتەپ اۋلاسىندا جۇرگەندە شينجياڭ اۋىل شارۋاشىلىق داشۋەسىنىڭ وقۋشىلارى لاگەر مۇشەلەرىنە ٴالسىن ـ ٴالى قول بۇلعاپ امانداستى. كورىكتى مەكتەپ ورتاسى، وقىتۋشى ـ وقۋشىلاردىڭ ىستىق ىقىلاستى دوستىعى لاگەر مۇشەلەرىن ايرىقشا مەيىرگە بولەدى.
ەلگە قايتۋ الدىندا تۇرعان پاكيستان فايسالاباد اۋىل شارۋاشىلىق داشۋەسىنىڭ وقۋشىسى يرفان: بولاشاقتا جۇڭگونىڭ شينجياڭىنا ۇدايى كەلىپ، ٴتىپتى دە كوپ جۇڭگولىق دوس تاۋىپ، جۇڭگو مادەنيەتىن ٴتىپتى دە تەرەڭ ٴتۇسىنۋدى ٴۇمىت ەتەمىن دەگەن تىلەك ٴبىلدىردى.
