سيفرلى ۇكىمەت رەفورما قۇرىلىسى سياقتى قىزمەتتەردى اقىلداستى
انار بۇلت \ شينجياڭ گازەتىنىڭ ٴتىلشىسى لي ياڭ 4 ـ ايدىڭ 22 ـ كۇنى ۇرىمجىدەن حابارلايدى. جۋىقتا اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ٴماجىلىسىن باسقارىپ اشتى، ٴماجىلىس باس شۋجي شي جينپيڭنىڭ جۋىقتاعى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن جەتكىزدى، ۇيرەندى، سيفرلى ۇكىمەت رەفورما قۇرىلىسى، ەنەرگيا ۇنەمدەپ، قورشاعان ورتانى قورعاۋ كاسىپ سالاسىنىڭ دامۋى، شينجياڭعا كومەكتەسەتىن ولكە، قالالارمەن كاسىپ سالاسى سەلبەستىگىن تەرەڭدەتۋ سياقتىلاردى اقىلداستى.
ٴماجىلىس مىنالاردى اتاپ كورسەتتى: «اۆتونوميالى رايوننىڭ سيفرلى ۇكىمەت رەفورما قۇرىلىسى جوباسى»، «اۆتونوميالى رايوننىڭ سيفرلى ۇكىمەت قۇرىلىسىنىڭ 3 جىلدىق ارەكەت جوسپارى (2023 ـ جىلدان 2025 ـ جىلعا دەيىنگى)» قىزمەت تالابىن مۇقيات تياناقتاندىرىپ، جوعارى ساپالى دامۋ سىندى ماڭداي الدى مىندەتتى ارقاۋ ەتە وتىرىپ، نەگىزدى كۇشەيتۋدى، ونىمدىلىكتى جوعارىلاتۋدى، قامتاماسىز ەتۋگە ٴمان بەرۋدى كورنەكتىلەندىرىپ، ”سيفرلانعان، زەردەلىلەنگەن“ سيفرلى ۇكىمەت قۇرۋ كەرەك. اۆتونوميالى رايوننىڭ ٴبىر تۇلعالانعان ۇلكەن ساندى مالىمەت ورتالىعى جۇيەسىن ٴبىر تۇتاس جوسپارلاپ ورناتىپ، ەلەكتروندى اكىمشىلىك ىستەر تورىنىڭ دارەجەسىن جوعارىلاتىپ، جاڭالاپ، اكىمشىلىك ىستەر بۇلتى بايلىعىن ٴبىر تۇتاس ورنالاستىرۋ مەحانيزمىن ورناتۋ كەرەك. جاپپاي اشىق، بىرگە يگىلىكتەنەتىن ساندى مالىمەت بايلىعى قوندىرعىسىن تۇلعالاپ، ساندى مالىمەت بايلىعىن جيناقتاپ باسقارۋدى ورىستەتىپ، ساندى مالىمەت فاكتورلارىن بازارلاندىرىپ ورنالاستىرۋ رەفورماسىن ىلگەرىلەتۋ كەرەك. حالىققا قولايلىلىق جاساۋ، كاسىپورىنعا پايدا جەتكىزۋ سيفرلى ارەكەتىن ىشكەرىلەي ورىستەتىپ، نازاردى مادەنيەت، ەمدەۋ، وقۋ ـ اعارتۋ، جۇمىستاندىرۋ، فينانس سياقتى ٴتۇيىندى سالالارعا شوعىرلاندىرىپ، سيفرلى قىزمەت وتەۋدىڭ جالپىعا بىردەي قولدانىلۋىن ىلگەرىلەتىپ، الەۋمەتتىك قىزمەت وتەۋدىڭ قامتۋ كولەمىن كەڭەيتىپ، بۇقارا مەن شارۋاشىلىق نەگىزگى تۇلعالارى كوڭىل ٴبولىپ وتىرعان شۇعىل، قيىن، ۋايىمداعان، ٴزارۋ ماسەلەلەردى شەشۋ كەرەك.
ٴماجىلىس مىنالاردى باسا دارىپتەدى: لاستانۋدان ساقتانۋدان جانە ونى وڭاۋدان قامال الۋ شايقاسىن ىشكەرىلەي ويداعىداي جۇرگىزىپ، جاسىل، تومەن كومىر قىشقىل گازدى بولۋعا ويىسۋدى جەدەل ىلگەرىلەتىپ، كورىكتى شينجياڭ قۇرۋداعى ساياسي جاۋاپكەرشىلىكتى تاباندىلىقپەن، باتىلدىقپەن ارقالاپ، جوعارى ساپالى ەكولوگيالىق ورتا ارقىلى جوعارى ساپالى دامۋعا تىرەك بولۋ كەرەك. ورتالىق كاسىپورىندارىنىڭ تەحنيكا، تاجىريبە، دارىندى، ت . ب جاعىنداعى باسىمدىعىن تولىق سۇيەنىش ەتىپ، جاراقسىز، تاستاندى زاتتاردى اينالمالى پايدالانۋ سياقتىلاردى ارقاۋ ەتە وتىرىپ سەلبەستىك ورىستەتىپ، تازا ەنەرگيا، ەنەرگيا ۇنەمدەپ، قورشاعان ورتانى قورعاۋداعى ٴبىر توپ كەلەلى نىسانداردىڭ اتقارىلۋىن ىلگەرىلەتۋ كەرەك. تۇرمىستىق قوقىر ـ قوقسىق مولشەرىن ازايتاتىن، بايلىققا اينالدىراتىن جانە زالالسىزداندىراتىن ٴبىر جاقتى ەتۋ پرينسيبىندەگى اينالمالى شارۋاشىلىق جۇيەسىن جەدەل قالىپتاستىرىپ، تۇرمىستىق قوقىر ـ قوقسىقتاردى تۇرگە ايىرىپ تاسۋ جۇيەسىن ورناتىپ جانە كەمەلدەندىرىپ، قايتا تۋىندايتىن بايلىقتى جيناپ پايدالانۋ تىزبەگىن تولىقتاپ، قوقىر ـ قوقسىقتاردى تۇرگە ايىرۋدى تومەن كومىر قىشقىل گازدى تۇرمىستىڭ جاڭا سالتىنا اينالدىرۋ كەرەك.
ٴماجىلىس مىنالاردى باسا دارىپتەدى: شينجياڭعا كومەكتەسۋ بايلىق كۇشىن ٴبىر تۇتاس جوسپارلاپ جانە ودان ويداعىداي پايدالانىپ، نازاردى ”سەگىز ٴىرى كاسىپ سالاسى شوعىرى“ قۇرىلىسىنا شوعىرلاندىرىپ، جاڭا ەنەرگيا، جاڭا ماتەريال، جابدىق جاساۋ، بيولوگيالىق ەمدەۋ، ٴدارى ـ دارمەك، اۋىل شارۋاشىلىق ونىمدەرىن وڭدەۋ سياقتى كاسىپ سالالارىنىڭ تىزبەك فورماسىندا، شوعىر فورماسىندا ويىسۋىن جوعارى ساپالى قابىلداپ، شينجياڭ ەرەكشەلىگىنە جانە باسىمدىعىنا يە وسىزاماندانعان كاسىپ سالاسى جۇيەسىن كۇش سالا ورناتۋ كەرەك. شارۋاشىلىق ـ ساۋدا ورتاسىن ٴۇرتىس ساپالىلاندىرىپ، جالپى فاكتورعا، تۇتاس بارىسقا، تۇتاس پەريودقا ساپالى قىزمەت وتەۋدى قامتاماسىز ەتۋدى كۇشەيتىپ، ٴار تۇردەگى سەلبەستىك نىسانىنىڭ تەز ارادا تياناقتانۋىن جەبەپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىنىڭ جاڭا قوزعالىس قۋاتىن، جاڭا باسىمدىعىن جەدەل جەتىلدىرۋ، زورايتۋ كەرەك.
ٴماجىلىس «شينجياڭ ۇيعۇر اۆتونوميالى رايوندىق حالىق ۇكىمەتىنىڭ جالپى ٴماجىلىس ەرەجەسى» سياقتى 4 ەرەجەنى قاراپ ماقۇلدادى. ٴماجىلىس مىنالاردى باسا دارىپتەدى: اۆتونوميالى رايوندىق ۇكىمەت جانە ونىڭ قۇرامىنداعى تاراۋلار قىزمەت ەرەجەلەرىن باستاماشىلدىقپەن اتقارىپ، ۇكىمەت قىزمەتىنىڭ ارناعا ٴتۇسۋىن، تۇزىمدەنۋىن، عىلميلانۋىن ىلگەرىلەتۋى كەرەك. قىزمەت ادىسىندە جاڭالىق اشۋعا قۇلشىنىپ، قىزمەتتەگى تاماشا تاجىريبەلەردى، تاماشا ادىستەردى دەر كەزىندە قورىتىندىلاپ ٴارى ونى تۇزىمدىك دەڭگەيگە جوعارىلاتىپ، اكىمشىلىك ونىمدىلىكتى جوعارىلاتۋعا تۇزىمدىك قامتاماسىزدىق ازىرلەۋ كەرەك. قىزمەت ستيلىندە شىن مانىندە بۇرىلىس جاساپ، حالىققا باقىت جاراتۋدى ەڭ ماڭىزدى ساياسي ناتيجە ەتىپ، حالىق رازى بولاتىن زاڭمەن باسقارىلاتىن ۇكىمەت، جاڭاشىل ۇكىمەت، پاك ۇكىمەت جانە قىزمەت وتەۋ تيبىندەگى ۇكىمەت قۇرۋعا قۇلشىنۋ كەرەك.
ٴماجىلىس باسقا دا ىستەردى اقىلداستى.
