ەركىن تۇنياز ىلە قازاق اۆتونوميالى وبلىسىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى
جوعارى ساپالى دامۋدىڭ جاڭا قوزعاۋشى قۋاتىن، جاڭا باسىمدىعىن ۇزدىكسىز سومداۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 4 ـ ايدىڭ 21 ـ كۇنى قۇلجادان حابارلايدى. 4 ـ ايدىڭ 20 ـ كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ىلە قازاق اۆتونوميالى وبلىسىنا بارىپ، شاپشال سىبە اۆتونوميالى اۋدانىن، قۇلجا اۋدانىن، قۇلجا قالاسىن ىشكەرىلەي ارالاپ، مال شارۋاشىلىعىنىڭ جوعارى ساپالى دامۋى، ٴتۇيىندى نىساندار قۇرىلىسى، قوعامدىق باسقارۋ سياقتىلار جونىندە تەكسەرۋ ـ زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرىپ، اۆتونوميالى رايوندىق 10 ـ كەزەكتى پارتكوم ون ٴبىرىنشى جالپى ٴماجىلىسىنىڭ رۋحىن تياناقتاندىرىپ، ناقتى، جاندى، ٴونىمدى بولۋ جاعىندا ۇزدىكسىز كۇش جۇمساپ، جۇڭحۋا ۇلتى ورتاق تۇلعا تانىمىن بەرىك ورناتۋدى ٴتۇرلى قىزمەتتىڭ جالپى بارىسىمەن ساباقتاستىرىپ، اۆتونوميالى رايوندىق 14 ـ كەزەكتى حالىق ۇكىمەتى جەتىنشى جالپى ٴماجىلىسىنىڭ ناقتى ورنالاستىرۋلارى بويىنشا، سەنىمدى، بەكىمدى ونان ارى نىعايتىپ، قۇلشىنا جاۋاپكەرشىلىك ارقالاپ، ناقتى ىستەپ، ەكىنشى ماۋسىمداعى قىزمەتتەردە اناعۇرلىم ويداعىداي ناتيجەگە قول جەتكىزۋدى ىلگەرىلەتۋ كەرەك.
شاپشال سىبە اۆتونوميالى اۋدانىنا ورنالاسقان چۋاڭفىڭ وسى زامانعى ەگىن، مال شارۋاشىلىق كاسىپ سالاسىنان ۇلگى كورسەتۋ باقشاسىندا ەركىن تۇنياز ناقتى ورىندا سويىس سيىر ولشەمدەنگەن باعىمشىلىق بازاسىن كوزدەن كەشىردى. ول بىلاي دەپ باسا دارىپتەدى: بيڭتۋان مەن جەرگىلىكتى ورىننىڭ باسىمدىعىن ساۋلەلەندىرىپ، كولەمدەندىرۋ، ولشەمدەندىرۋ، وسىزامانداندىرۋ، كاسىپ سالالاندىرۋ جاعىنا كۇش سالىپ، ۇزدىكسىز تىزبەكتى ۇزارتىپ، تىزبەكتى تولىقتاپ، تىزبەكتى كۇشەيتىپ، بيڭتۋان مەن جەرگىلىكتى ورىننىڭ توعىسۋىنىڭ ۇلگى نىسانىن تۇلعالاۋ كەرەك. قۇلجا اۋدانىنا ورنالاسقان شينجياڭ چۋاڭجين حۋاڭگۇڭ اۋىل شارۋاشىلىق ونىمدەرى ساۋدا بازارىندا ەركىن تۇنياز بىلاي دەپ باسا دارىپتەدى: جۇيەلى شارۋاشىلىقتى كۇشەيتىپ، قىزمەت وتەۋ دەڭگەيىن جوعارىلاتىپ، كوپ ٴتۇرلى كاسىپ كۇيىن بەلسەنە جەتىلدىرىپ، تىكە تاراتىپ زات ساتۋ، اۋىل ـ قىستاق ساياحاتى سياقتىلاردى زور كۇشپەن دامىتىپ، ينتەرنەتتە ات بايلار جەر تۇلعالاۋ كەرەك.
ىلە ليچۋاڭ حۇڭمىڭ اۆتوكولىك قىزمەت وتەۋ شەكتى سەرىكتەستىگىندە ەركىن تۇنياز كاسىپورىن جاۋاپتىسىمەن جانە ساۋداگەرلەرمەن اڭگىمەلەستى. ول بىلاي دەپ باسا دارىپتەدى: اۆتوكولىك اينالىمىن ونان ارى جانداندىرىپ، كونەسىنىڭ ورنىنا جاڭاسىن اۋىستىرۋ سياقتىلاردى ورىستەتىپ، ىشكى سۇرانىس كومەسكى كۇشىن تولىق جارىققا شىعارىپ، تۇتىنۋدى ٴونىمدى جەبەۋ كەرەك. ەركىن تۇنياز تاعى سول جەردىڭ وزىندە قۇلجا سىلۋ تيانيۇي جالپى تۇلعالىق نىسانىن ۇعىسىپ، قۇرىلىس جۇرگىزۋدىڭ التىن مەزگىلىن مىقتى يگەرىپ، اياق الىستى تەزدەتىپ، ساپاسى بىرەگەي، قۇنى وزگەشە، جالپىلىق ونىمدىلىگى كورنەكتى مادەنيەت پەن ساياحات توعىسۋىنىڭ جاڭا تانىسقىسىن تۇلعالاۋدى تالاپ ەتتى.
ىلە شينتيان كومىر حيميا شەكتى جاۋاپكەرشىلىك سەرىكتەستىگىندە ەركىن تۇنياز بىلاي دەپ اتاپ كورسەتتى: كومىردى تازا، تومەن كومىر قىشقىل گازدى دامىتۋدى جانە ودان كوپ نەگىزدى پايدالانۋدى جەدەلدەتىپ، ٴوندىرىس حاۋىپسىزدىگى تومەنگى شەگىن مىقتى ساقتاپ، مەملەكەتتىڭ ەنەرگيا حاۋىپسىزدىگىن قورعاۋعا كوپتەپ ۇلەس قوسۋ كەرەك.
2022 ـ جىلى 7 ـ ايدا قۇلجا اۋدانى حۇديارٴجۇزى قالاشىعى حالىق قۇرىلتايى ٴتوراعالار القاسى مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتىنىڭ شينجياڭداعى تۇڭعىش نەگىزگى ساتى زاڭ ەرەجە شىعارۋ بايلانىس ٴتۇيىنى بولىپ بەلگىلەندى. ەركىن تۇنياز بىلاي دەپ باسا دارىپتەدى: زاڭ ەرەجە شىعارۋ ۇسىنىسىن جيناۋدى پارتيانىڭ ساياساتىن ۇگىتتەۋمەن، حالىق رايىنا دۇرىس جەتەكشىلىك ەتۋمەن ۇشتاستىرىپ، جۇڭحۋا ۇلتى ورتاق تۇلعا تانىمىن شىن مانىندە وي ـ ساناعا ۇيالاتىپ، ارەكەتتە ايگىلەۋ كەرەك. ەركىن تۇنياز تاعى نەگىزگى ساتى كادرلارىمەن ىشكەرىلەي اڭگىمەلەسىپ، قىستاق كوللەكتيۆ ەكونوميكاسىن زورايتۋ، نەگىزگى ساتىنىڭ ۇيىمدىق قۇرىلىسىن كۇشەيتۋ سياقتىلار جونىندە تالاپ قويدى. ول تاعى بۇقارا وتباسىلارىنا بارىپ، بەتپە ـ بەت وتىرىپ اڭگىمەلەسىپ، ولاردىڭ قاجەتتەرىن تىڭدادى ٴارى ٴدىني قايراتكەرلەرمەن اڭگىمەلەستى.
تەكسەرۋ ـ زەرتتەۋ بارىسىندا ەركىن تۇنياز بىلاي دەپ باسا دارىپتەدى: ىلە وبلىسىنىڭ بايلىعى مول، وڭىرلىك ورنى وزگەشە، كومەسكى كۇشى وراسان زور، تۇتاس رايوننىڭ دامۋىنداعى ورنىن دالمە ـ ٴدال تاۋىپ، جوعارى ساپالى دامۋدىڭ جاڭا قوزعاۋشى قۋاتىن، جاڭا باسىمدىعىن ۇزدىكسىز سومداۋ كەرەك. ەگىس ۋاقىتىن زايا جىبەرمەي، اۋىل شارۋاشىلىعى، مال شارۋاشىلىعى ٴوندىرىسىن ويداعىداي يگەرىپ، كاسىپ سالاسى تىزبەگىن ۇزارتىپ، ساپالى ايگىلى ماركا سومداۋ كەرەك. كومىر، كومىر حيميا ونەركاسىبى، بيولوگيالىق ٴدارى جاساۋ، جاڭا ەنەرگيا، جاڭا ماتەريال سياقتى كاسىپ سالاسى شوعىرىنىڭ دامۋىن زور كۇشپەن ىلگەرىلەتىپ، جەرگىلىكتى جاعدايعا قاراي جاڭاشا وندىرگىش كۇشتەردى جەتىلدىرۋ كەرەك. نىسانداردى بارىنشا يگەرىپ، ٴىرى نىسانداردى يگەرىپ، فاكتور قامتاماسىزدىعىن كۇشەيتىپ، كەلەلى نىسانداردىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋ كەرەك. جوعارى دەڭگەيلى سىرتقا ەسىك اشۋدى تەرەڭدەتىپ، ساياحات كاسىبىنىڭ جوعارى ساپالى دامۋىنىڭ ”دارەجەسى جوعارىلاعان نۇسقاسىن“ سومداۋ كەرەك.
ياڭ شيۋلي تەكسەرۋ ـ زەرتتەۋدە بىرگە بولدى.
