شينجياڭ تومەن كەڭىستىك ەكونوميكاسىن جەدەل دامىتتى

انار بۇلت \ شينجياڭ گازەتىنىڭ ٴتىلشىسى ما ينيڭ

　　4 ـ ايدىڭ 21 ـ كۇنى شينجياڭ تيانيۋان امبەباپ اۆياتسيا شەكتى جاۋاپكەرشىلىك سەرىكتەستىگىنىڭ ۇرىمجىدەن كوكتوعايعا دەيىنگى اۋە جەلىسىندە تۇڭعىش ۇشاق قاتىناۋ ٴساتتى بولدى، سونىمەن بىرگە شينجياڭ اۆياتسيا كاسىپ سالاسىن (تومەن كەڭستىك ەكونوميكاسى) زەرتتەۋ ورنى ماڭدايشالىق اشىپ، شينجياڭعا تومەن كەڭىستىك ەكونوميكاسىن دامىتۋدىڭ جاڭا ورايىن الا كەلدى.

　　بىلتىر 7 ـ ايدىڭ 6 ـ كۇنى ۇرىمجىدە وتكىزىلگەن حالىقارالىق اۆياتسيا تورابى قۇرىلىسى تالقى مىنبەرىندە ٴۇرىمجى قالاسى، قاشقار ايماعى، شينجياڭ اۋەجاي توبى جياڭسۋ ياجيە اۆياتسيا دامىتۋ توبى شەكتى سەرىكتەستىگىمەن سەلبەسىپ، ٴۇرىمجى قالاسىندا شينجياڭ تيانيۋان امبەباپ اۆياتسيا شەكتى جاۋاپكەرشىلىك سەرىكتەستىگىن بىرگە قۇردى.

　　”قازىر سەرىكتەستىكتىڭ تۇڭعىش توپتاعى 4 پيلاتۋز PC-12NG تۇرپاتتى ۇشاعى دايىن بولدى، سوڭعى جارتى جىلدا تاعى ەكى دە ٴۇش PC-24 رەاكتيۆ ۇشاق ەنگىزۋدى جوسپارلاپ وتىرمىز“. ياجيە اۆياتسيا توبىنىڭ ورىنباسار باس جوراسى، تيانيۋان امبەباپ اۆياتسياسى القالار كەڭەسىنىڭ حاتشىسى ياڭ لي بىلاي دەپ تانىستىردى: سەرىكتەستىگىمىز ”شينجياڭدى تياناق ەتۋدىڭ، تۇتاس مەملەكەتتى شارپۋدىڭ، ورتا ازيانى تۇتاستىرۋدىڭ“ ” ٴبىر ساعاتتىق اۆياتسيا ەكونوميكا شەڭبەرىن“ كۇش سالا قالىپتاستىرىپ، شينجياڭدا ”قىسقا ارالىقتى تاسىمال + اۆتوماتتى ۆەرتيكال ۇشىپ ـ قونۋ“ بىرلەسكەن اينالىم ۇلگىسىن جاڭالىق اشا دامىتىپ، وسى ارقىلى شينجياڭنىڭ تۇتاس وڭىرلىك تومەن كەڭستىك ەكونوميكاسىنىڭ دامۋىن جەبەيدى.

　　تيانيۋان امبەباپ اۆياتسيا سەرىكتەستىگى قاشقار ىشىندەگى وڭتۇستىك شينجياڭ اۋە جەلىسىن تۇتاستىرۋدى كۇشەيتىپ، 5 ـ ايدا قاشقار _ تۇمسىق _ ياركەن ارالاپ ۇشۋ اينالما جەلىسىن اشادى، قاعىلىق امبەباپ اۋەجايى ىسكە قوسىلعاننان كەيىن 6 ـ ايدا قاشقار _ قاعىلىق _ تۇمسىق \ ياركەن ”نەگىزگى جەلى مەن تارماق جەلى تۇتاسقان“ بىرلەسكەن تاسىمال اۋە جەلىسىن اشىپ، شينجياڭداعى تۇڭعىش ”نەگىزگى جەلى مەن تارماق جەلى تۇتاسقان“ بىرلەسكەن تاسىمال اۋە جەلىسى سىناق ٴتۇيىنىن جۇزەگە اسىرادى؛ سولتۇستىك شينجياڭداعى ساپالى كورىنىس تۇيىندەرىن ارقاۋ ەتىپ ساياحات اينالما جەلىسىن قالىپتاستىرىپ، مەجەمەن 5 ـ ايدا قارامايلى _ قاناس _ التاي \ كوكتوعاي ساياحات اينالىپ ۇشۋ اۋە جەلىلەرىن اشادى. سونىمەن بىرگە وسى جىل ىشىندە قاشقار _ چەرچەن \ چارقىلىق _ گولمۋد \ حۋاتۋگوۋ اۋە جەلىسىن اشۋدى جوسپارلاپ، ٴۇستىرت وڭىرىندەگى قىسقا ارالىقتى تاسىمالدىڭ ۇلاسۋىن، تۇتاسۋىن جۇزەگە اسىرادى.

　　ٴۇستىرت جانە بيىك ٴۇستىرت ٴوڭىرىنىڭ اۆياتسيا قاتىناسىن قامتاماسىز ەتۋ ٴۇشىن، تيانيۋان امبەباپ اۆياتسيا سەرىكتەستىگى 2024 ـ جىلى كۇزگى، قىسقى اۋە تاسىمالى ماۋسىمىندا پايدالانىلاتىن 24 ـ PC ۇشاعىنىڭ قاشقار _ تاشقورعان اۋە جەلىسىن اشۋعا كۇش سالادى. 2025 ـ جىلى ٴۇرىمجى \ قاشقار \ قۇلجا _ لحاسا، ٴۇرىمجى \ قاشقار \ قۇلجا _ چاڭدۋ، قاشقار \ تۇرپان _ شينيڭ ولكە، اۆتونوميالى رايون اتتاعان ٴۇستىرت توتە ۇشاتىن اۋە جەلىسىن اشادى.

　　ورتا ازيا وڭىرىنە باعىتتاي وتىرىپ، 2024 ـ جىلى سوڭعى جارتى جىلدا تيانيۋان امبەباپ اۆياتسيا توبى قاشقار _ بىشكەك، قۇلجا _ الماتى سياقتى شەكارا اتتاعان جالدامالى ۇشاقتاردى ۇشىرۋدى جوسپارلاپ وتىر؛ 2025 ـ جىلى قاشقار \ قۇلجا _ بىشكەك \ الماتى \ دۋشانبە \ تاشكەنت شەكارا اتتاعان قىسقا ارالىقتى تاسىمال مەرزىمدى جولاۋشى ۇشاعىن بىرتىندەپ ۇشىرادى؛ سونىمەن بىرگە ورتا ازياداعى 5 ەلدى قامتىعان ساۋدا، ساياحات جالدامالى ۇشاعى، ەمدەۋ تاسىمالى سياقتى قىسقا ارالىقتى تاسىمالعا قىزمەت وتەۋ قابىلەتىن ٴبىر ۋاقىتتا قالىپتاستىرادى.

　　قازىر شينجياڭ بۇكىل ەلدەگى امبەباپ اۆياتسيانىڭ دامۋى ٴبىرشاما تەز، ۇشاق اترەتىنىڭ كولەمى جانە اۋەجاي سانى سالىستىرمالى تۇردە ٴبىرشاما كوپ ولكەگە (اۆتونوميالى رايونعا) الدەقاشان اينالدى، امبەباپ اۆياتسيانىڭ دامۋ باسىمدىعى كورنەكتى، ارىنى جاقسى، كومەسكى كۇشى ٴبىرشاما زور.

　　شينجياڭ وڭىرىندە قۇرىلعان ٴارى كۋالىك العان A1 تۇرىندەگى 2 امبەباپ اۋەجاي، پايدالانىلىپ وتىرعان B تۇردەگى 11 امبەباپ اۋەجاي، پايدالانىلىپ وتىرعان 4 تىك ۇشاق اۋەجايى بار. سالىنىپ جاتقان A1 تۇرىندەگى امبەباپ اۋەجاي: قاعىلىق امبەباپ اۋەجايى، اراسان امبەباپ اۋەجايى، جوسپارلانىپ، جوبالانىپ جاتقان تومەن كەڭىستىكتە ۇشۋعا قىزمەت وتەۋ پۋنكتىنەن ۇشەۋى بار، بۇلار جەكە ـ جەكە التاي، قارامايلى، چەرچەن.

　　جوبا بويىنشا 2030 ـ جىلعا بارعاندا تۇتاس شينجياڭدا سالىنعان A2 دارەجەلىدەن جوعارى امبەباپ اۋەجاي جالپى 89عا جەتىپ، تىعىزدىعى ٴار 100 مىڭ شارشى كيلومەتر جەردە 5.4كە جەتەدى؛ 2035 ـ جىلعا بارعاندا تۇتاس شينجياڭدا سالىنعان A2 دارەجەلىدەن جوعارى امبەباپ اۋەجاي جالپى 98گە جەتىپ، تىعىزدىعى ٴار 100 مىڭ شارشى كيلومەتر جەردە 5.9عا جەتىپ، تۇتاس شينجياڭداعى اۋدان دارەجەلى اكىمشىلىك بىرلىكتىڭ %99ى ٴتۇزۋ ارالىقتاعى 50 كيلومەتر كولەم ىشىندە امبەباپ اۆياتسيا قىزمەت وتەۋىنەن يگىلىكتەنە الادى، قىزمەت وتەيتىن جالپى جان سانى تۇتاس شينجياڭداعى جالپى جان سانىنىڭ %99ىن جەتەدى.

　　شينجياڭ اۆياتسيا كاسىپ سالاسى (تومەن كەڭىستىك ەكونوميكاسى) زەرتتەۋ ورنى قۇرىلعاننان كەيىن، شينجياڭنىڭ زەردەلى جابدىق زەرتتەۋ ورنىنىڭ عىلمي جاسامپازدىق تۇعىرىن جانە ساپالى بايلىعىن سۇيەنىش ەتىپ، مەكتەپ جانە عىلمي زەرتتەۋ قۇرىلىمدارىنىڭ ماماندارىن، پروفەسسورلارىن ۇسىنىس ەتىپ، ماماندار اقىل ـ پاراسات قويماسىن قۇرىپ، كاسىپتىك قىزمەت ٴبولىسى بويىنشا اۋەجاي ماڭى ەكونوميكاسىن \ كاسىپ سالاسىن زەرتتەۋ ورتالىعىن، توراپ قۇرىلىسىن زەرتتەۋ ورتالىعىن، امبەباپ اۆياتسيا كاسىپ سالاسىن (تومەن كەڭستىك ەكونوميكاسى) زەرتتەۋ ورتالىعىن قۇرىپ، شينجياڭ حالىقتىق اۆياتسيا ىستەرىنىڭ دامۋىنا اقىل ـ پاراسات جانە ساياسات تىرەگىن ازىرلەپ، اۆتونوميالى رايوننىڭ ”سەگىز ٴىرى كاسىپ سالاسى شوعىرىنىڭ“ دامۋىنا اناعۇرلىم ويداعىداي قىزمەت وتەيدى.