تاۋ اسىپ، تاس باسىپ كەلدى، سۇيىكتى ٴىسىن تىندىردى
_يسپانيالىق فۋتبول جاتتىقتىرۋشىسى فەرناندونىڭ شينجياڭعا سۇيىسپەنشىلىگى
□ انار بۇلت \ شينجياڭ گازەتىنىڭ ٴتىلشىسى چيان يۇڭۋىن
3 ـ ايدىڭ سوڭىنداعى ٴبىر كۇنى تۇستەن كەيىن يسپانيالىق فەرناندو سيپيترياعا العاش كەزدەسكەندە، ول ۇرىمجىدەگى ٴبىر فۋتبول الاڭىنىڭ شەتىندە قۇراما مۇشەلەرىنىڭ جارىسىنا جەتەكشىلىك ەتىپ ٴجۇر ەكەن. دەنە تۇرقى سەمىزشەلەۋ ونىڭ ٴجۇرىسى تالتىرەكتەگەندەي كورىندى، بۇل ونىڭ تىزەسىندەگى جاراقاتتان قالعان زارداپ ەكەن.
قازىرگى فەرناندونىڭ كەزىندە يسپانيا A دارەجەلى بىرلەسكەن جارىسىنىڭ جارىس الاڭىنداعى جەلاياق ورەن بولعاندىعىن سىرت ادامنىڭ بولجاۋى قيىن ەدى. دوپشى بولىپ جۇرگەندە، رەال مادريد جاستاردى جاتتىقتىرۋ لاگەرىنەن شىققان فەرناندو يسپانيا A دارەجەلى بىرلەسكەن جارىسىنداعى كوپتەگەن قۇرامالارعا ەڭبەك سىڭىرگەن، تاعى لا ـ كورۋنيا قۇراماسىنىڭ 1999/2000 جارىس ماۋسىمىندا يسپانيا A دارەجەلى بىرلەسكەن جارىسىنىڭ اعا جۇلدەگەرلىگىن الۋىنا سەپتىگىن تيگىزگەن بولاتىن.
سالماقتى تىزە جاراقاتى سەبەبىنەن، فەرناندو 13 جىل دوپ تەپكەن فۋتبول الاڭىمەن قوشتاسۋعا ٴماجبۇر بولدى. الايدا ول جانى سۇيەتىن جاسىل الاڭنان ەشقاشان الىستاعان ەمەس، جاتتىقتىرۋشى بولىپ شىعا كەلگەن فەرناندو ىلگەرىندى ـ كەيىندى رەال مادريد تىركەسپەلى توبىنىڭ تەحنيكالىق باس باقىلاۋشىسى جانە گۋاڭدۇڭداعى ٴبىر فۋتبول مەكتەبىنىڭ جاستاردى جاتتىقتىرۋ باس باقىلاۋشىسى بولدى.
فەرناندو مەن شينجياڭ فۋتبولىنىڭ تابىسۋى سوناۋ 5 جىلدىڭ الدىندا باستالعان ەدى. 2019 ـ جىلى فەرناندو جۇڭگو فۋتبول قوعامى A دارەجەلى بىرلەسكەن جارىسىنداعى شينجياڭ تيانشان بارىسى قۇراماسىنىڭ باس جاتتىقتىرۋشىسى بولدى. تۇڭعىش رەت قۇراما باستاپ جۇڭگونىڭ كاسىپتىك بىرلەسكەن جارىسىنا اتتانعان فەرناندونىڭ مىعىم قۋاتى مەن توزىمدىلىگىنىڭ ارقاسىندا سول كەزدەگى تيانشان بارىسى قۇراماسى جۇڭگو فۋتبول قوعامى A دارەجەلى بىرلەسكەن جارىسىندا تابان تىرەپ تۇردى.
فۋتبول الاڭىنىڭ سىرتىندا ٴوز جانىنان اقشا شىعارىپ، قۇراما مۇشەلەرىنە تاماق الىپ بەردى، قۇراما مۇشەلەرىمەن بىرگە سورەدە قاقتالعان ەتتەن اۋىز ٴتيدى، اۋرۋعا شالدىققان شينجياڭدىق فۋتبول جان كۇيەرىنە جىلۋ اتادى... العاش رەت شينجياڭدا جاتتىقتىرۋشى بولعان كەزدەردە فەرناندو فۋتبول قۇراماسىن باستاپ تالايلاعان جەڭىستەرگە قول جەتكىزۋمەن بىرگە، قالىڭ فۋتبول جان كۇيەرلەرىنىڭ قۇرمەتىنە دە بولەنىپ، شينجياڭدىق فۋتبول جان كۇيەرلەرىنىڭ جۇرەگىندەگى اتى زاتىنا ساي ەڭبەك سىڭىرگەن جاتتىقتىرۋشى بولدى.
”الدىڭعى رەت شينجياڭدا جاتتىقتىرۋشى بولعانىمدا فۋتبولدى قىزۋ سۇيەتىن شينجياڭدىقتارمەن تەرەڭ دوستىق ورناتتىم. يسپانياعا قايتىپ كەتسەم دە شينجياڭمەن بايلانىسىم ۇزىلگەن جوق. سوندىقتان كلۋبتىڭ ۇسىنىسىن تاپسىرىپ الا سالىسىممەن دەرەۋ ماقۇلدىق بەردىم. تىپتەن اسىعا كۇتەتىنىم شينجياڭدىق بالالاردىڭ كاسىپتىك فۋتبولعا ورالاتىن تۇعىر جاساۋىنا كومەكتەسە الاتىن بولدىم“، ـ دەدى فەرناندو.
بيىل كوكتەمنىڭ باسىندا فەرناندو شينجياڭعا دەگەن قيماستىقپەن جانە فۋتبولعا دەگەن اسقاق سەزىممەن جىلى دا ىلعالدى جەر ورتا تەڭىزى جاعالاۋىنان كەڭ بايتاق تيانشان باۋرايىنا تاعى دا قايتىپ كەلىپ، شينجياڭ جىبەك جولى قىرانى فۋتبول كلۋبىنىڭ باس جاتتىقتىرۋشىسى بولدى. ول قۇرىلعانىنا 2 ايدان عانا اسقان فۋتبول قۇراماسىن باستاپ، بيىلعى جۇڭگو فۋتبول قوعامى A دارەجەلى بىرلەسكەن جارىسىندا اعالاپ العا شىعىپ، شينجياڭنىڭ كاسىپتىك فۋتبولىنىڭ تاريحىن تاعى ٴبىر وزگەرتۋدى ٴۇمىت ەتەدى. قۇراما مۇشەلەرى مەن فۋتبول جان كۇيەرلەرى جاقىن تارتىپ ونى ”لاۋفي“ دەپ شاقىرۋدى تىپتەن قالايدى.
زىمىراعان ۋاقىت ادەمى كيىنىپ ارىنداپ تۇرعان ورەندى جۇرت نازارىنداعى ”لاۋفيگە“ اينالدىرعان شاقتا، ٴۇمىت پەن ومىرشەڭدىككە تولى شينجياڭدىق جاس فۋتبول اتويشىلارى ”لاۋفيگە“ كەزىندەگى ٴوزىن ەلەستەتكەندەي بولدى.
”وسى فۋتبولشىلاردىڭ فۋتبول تەپكەندە كورسەتكەن تالانتى مەن جاسامپازدىق قۋاتى ەۆروپالىق فۋتبولشىلاردىڭ فۋتبول تەبۋ ستيلىنەن اۋمايدى ەكەن، ولاردىڭ اربىرەۋىنىڭ بويىندا تۇرلىشە ارتىقشىلىق بار“. تىلشىلىكتى قابىلداعاندا، فەرناندو ٴوزىنىڭ وسى شينجياڭدىق ازاماتتاردى ۇناتاتىندىعىن تيتتەي دە جاسىرا المادى.
اتقا قونىپ، قىزمەتىنە كىرىسكەننەن جارىس الاڭىنا اتتانعانعا دەيىن فەرناندوعا كوپ ۋاقىت بەرىلگەن جوق. فۋتبول قۇراماسىنىڭ نەگىزگى مۇشەلەرىن جەدەل ۇيىمداستىرۋ ٴۇشىن، جاتتىقتىرۋشىلار گرۋپپاسى قىسقا ۋاقىت ىشىندە ونداعان فۋتبولشىنى سىناق رەتىندە جاتتىقتىرىپ ۇلگىردى. جۇيەلى قىستىق جاتتىعۋ جوق، دەنە قۋاتىنىڭ زاپاس مەرزىمى جەتىسپەگەن جاعدايدا فەرناندو نەبارى ەكى ـ اق رەت توپتىق جاتتىعۋ جاساعان جاڭا فۋتبول قۇراماسىن باستاپ 2024 ـ جىلعى جۇڭگو فۋتبول قوعامىنا مۇشە قوعامدار اعا جۇلدەگەرلىك بىرلەسكەن جارىسى شينجياڭ جارىس اۋماعىنىڭ العاشقى سارالاۋ جارىسىندا ٴبىر جولدا اعا جۇلدەگەر بولىپ، قۇراما تاريحىنداعى تۇڭعىش اعا جۇلدەگەرلىكتى الۋمەن بىرگە، اناعۇرلىم جوعارى نىساناعا دا قادام سايىن ىلگەرىلەي ٴتۇستى.
جىبەك جولى قىرانى قۇراماسى قۇراما تاريحىندا العاش رەسمي جارىستا دوپ كىرگىزگەن سوڭ، ”لاۋفي“ دوپ كىرگىزگەن قۇراما مۇشەسىن قول بۇلعاپ الاڭ شەتىنە شاقىرىپ الىپ، فۋتبولدىڭ ۇستىنە وسى قۇراما مۇشەسىنىڭ اتىن جازىپ قويدى. وسى ساتتەن باستاپ، ”لاۋفيدىڭ“ شينجياڭ حيكاياسى دا تىڭ بەت اشتى. فۋتبول قۇراماسى العاشقى سارالاۋ جارىسىندا اعا جۇلدەگەر بولعاننان كەيىن، ول قۇراماداعى بارلىق مۇشەلەرگە: ”بۇل كوپشىلىكتىڭ بىرگە باسقان العاشقى قادامى، ۇزدىكسىز تىزە قوسا كۇرەس جاساپ، اناعۇرلىم زور داڭقتارعا قول جەتكىزەيىك“، ـ دەدى.
باسىم كوپ ساندى باس جاتتىقتىرۋشىلاردىڭ قاتاڭدىعىمەن، سابىرلىلىعىمەن سالىستىرعاندا، ”لاۋفي“ جاتتىقتىرۋ بارىسىندا انتەك قىزۋ قاندىلىق تانىتاتىن. ”تەزدەتىڭدەر! تەزدەتىڭدەر” !“بارلىقتارىڭ جاقىنداڭدار” !“قورعاپ تۇرۋعا كوڭىل بولىڭدەر!“... جارىسقا نۇسقاۋشىلىق ەتكەندە فەرناندو ولشەمسىزدەۋ حانزۋشاسىمەن ٴاربىر تاكتيكالىق تالاپتى ايعايلاپ ايتادى، ىلعي الاقايى مەن شاپالاعى ارقىلى قۇراما مۇشەلەرىن توقتاۋسىز جىگەرلەندىرەدى، ول وسىنداي تاسىلمەن قۇراما مۇشەلەرىنىڭ قاي ـ قاشان دا جارىسقا قاداعالاي زەر سالىپ، ٴار جولعى جارىستا جەڭىسىكە قول جەتكىزۋىن ٴۇمىت ەتەدى.
فەرناندو مىنانى ٴبىلدىردى: ”بىرنەشە جىلدىڭ الدىنداعىمەن ۇقسامايتىنى، وسى جولى شينجياڭعا كەلۋىم اناعۇرلىم سىن ـ سايىستىق سيپاتقا يە بولدى، ٴبىز جۇڭگوداعى ەڭ تومەنگى دارەجەدەگى كاسىپتەن سىرتقى جارىستان باستاپ كىرىسۋىمىز كەرەك. الايدا مەن جونىنەن العاندا، شينجياڭدىق فۋتبولشىلاردا فۋتبولعا دەگەن ەرەكشە قىزۋ سۇيىسپەنشىلىك پەن اسقاق سەزىم بار، بۇل بارلىعىن ۇمىتكە جانە قوزعاۋشى قۋاتقا تولتىرادى“.
تيانشان بارىسى قۇراماسىن جاتتىقتىرعان 2 جىلدان استام ۋاقىتتا اناعۇرلىم كوپ تاڭداۋلى شينجياڭدىق فۋتبولشىلاردى تابۋ ٴۇشىن فەرناندو تيانشاننىڭ تۇستىگى مەن تەرىستىگىندە كوپ ٴوڭىردى ارالاپ شىقتى. كەڭ كوسىلگەن قۇمدى ٴشول، ايباتتى قارلى تاۋ، مەيماندوس حالىق، مول داستارقان... بارلىعى ەشقاشان ەسىنەن شىققان ەمەس. ايتسەدە وسى يسپانيالىققا ەڭ تەرەڭ اسەر قالدىرعانى، مەيلى قالانىڭ كوشەلەرىندە بولسىن، قىستاقتىڭ ەگىس باسىندا بولسىن، دوپ قۋالاي كوڭىلدەنە جۇگىرگەن توپ ـ توپ بالانىڭ كوزگە تۇسەتىنى ەدى. جۇڭگونىڭ شينجياڭىنا قايتا ورالعانداعى فەرناندونىڭ تاعى ٴبىر نىساناسى تالاي جىل توپتاعان جاستاردى جاتتىقتىرۋ تاجىريبەسىنەن پايدالانىپ، فۋتبول قۇراماسىنىڭ تولىسقان جاستاردى جاتتىقتىرۋ جۇيەسىن تۇلعالاۋىنا كومەكتەسىپ، اناعۇرلىم كوپ بالانى فۋتبول سپورتىنىڭ ٴلاززاتىنا شومدىرۋدى ٴۇمىت ەتكەن ەدى.
”جالپى تۇلعالىق ورەنى جوعارىلاتۋدا، مەنىڭشە ەڭ ماڭىزدىسى نەگىز. بەينە ٴۇي سالعان سياقتى، الدىمەن ىرگە تاسىن جاقسى قالاۋدان باستاۋ كەرەك. شينجياڭدا اناعۇرلىم كوپ جاس وسپىرىمىدەردىڭ فۋتبول سپورتىمەن اينالىسا الۋىن ٴۇمىت ەتەمىن، بالالار، ٴسوز جوق، فۋتبولدىڭ قىزىعىنا شومىپ، فۋتبول تەۋىپ ٴجۇرىپ ەسەيۋى كەرەك“. فەرناندو: ”شينجياڭدا بارلىعى سونشاما تانىس، مۇندا قايتىپ كەلسەم، ۇيىمە قايتىپ كەلگەندەي بولامىن“، ـ دەدى.
ۇيىنە قايتىپ كەلگەن ”لاۋفي“ وسى جاس فۋتبول قۇراماسىن قاي جەرگە دەيىن اپارا الار؟ شينجياڭ فۋتبولىنا قانشالىق توسىن سي اكەلەر ەكەن؟ بارلىق ادام وسعان جاۋاپ كۇتۋدە.
