انار بۇلت \ شينجياڭ گازەتىنىڭ ٴتىلشىسى حۋ دامين 4 ـ ايدىڭ 20 ـ كۇنى سانجىدان حابارلايدى. اعاش قالامشاسىن سۇيەپ، كۇرەكپەن توپىراق سالدى... 4 ـ ايدىڭ 20 ـ كۇنى تۇستەن بۇرىن ”جالپى حالىق اعاش ەگىپ جاسىل جامىلعىنى كوبەيتىپ، كورىكتى شينجياڭدى بىرگە قۇرۋ“ نەگىزگى تاقىرىبىنداعى 2024 ـ جىلعى شينجياڭنىڭ 14 ـ كەزەكتى جالپى حالىقتىق اعاش ەگۋ مەرەكەسى قيمىلى سانجى قالاسى ليۋحۋاڭگوۋ قالاشىعى دانشيا زەردەلى لاگەرىنىڭ باتىس سولتۇستىك اعاش ەگۋ اۋماعىندا وتكىزىلدى، اعاش ەگۋ مەرەكەسى قيمىلى 50 نەشە كاسىپورىننان، ٴىسورىننان، جوعارى مەكتەپتەن جانە قوعامدىق كۇشتەردەن 1000نان استام ەرىكتىنى قاتىناسۋعا باۋرادى. تۇستەن بۇرىن جارتى كۇن قۇلشىنۋ ارقىلى كوپشىلىك 3000 تۇپتەن استام اعاش قالامشاسىن وتىرعىزىپ، 100 مۋدان استام جەرگە اعاش ەكتى.
وسى رەتكى اعاش ەگۋ مەرەكەسى قيمىلىن شينجياڭ گازەتى مەكەمەسى (شينجياڭ گازەتشىلىك تاراتۋ مەدياسى ›توبى> شەكتى سەرىكتەستىگى) باس بولىپ وتكىزدى، شينجياڭ انار بۇلت مادەنيەت جاسامپازدىعى شەكتى سەرىكتەستىگى، اۆتونوميالى رايوندىق تيانشان شىعىس بولىك مەملەكەت مەنشىگىندەگى ورمان باسقارۋ مەكەمەسى ٴۇرىمجى نانشان بولىمشە مەكەمەسى سەلبەسىپ وتكىزدى، جۇڭگو اۋىل شارۋاشىلىق بانكەسى شەكتى جارنا سەرىكتەستىگىنىڭ شينجياڭ ٴوندىرىس ـ قۇرىلىس بيڭتۋانى بولىمشە بانكەسى، كۋپاي قول تەلەفونى قولدادى، اۆتونوميالى رايوندىق 3 ـ حالىق شيپاحاناسى قيمىلعا ەمدەۋ قامتاماسىزدىعى بويىنشا قىزمەت كورسەتتى.
اۆتونوميالى رايوندىق تيانشان شىعىس بولىك مەملەكەت مەنشىگىندەگى ورمان باسقارۋ مەكەمەسى ٴۇرىمجى نانشان بولىمشە مەكەمەسىنىڭ اعا ينجەنەرى ادىلجان ياسىن بىلاي دەدى: ”مىندەتتى اعاش ەگۋ ٴوڭىرى S101 ولكە تاس جولىنىڭ سولتۇستىك جاعىندا، توڭىرەگىندەگى جەرلەردىڭ كوبى سورتاڭ جەر، قۇمدى بوران كۇشتى، ەكولوگيالىق ورتاسى ٴالسىز. S101 ولكە تاس جولىنىڭ بويىنداعى وزگەشە دانشيا جەر بەدەرى ساياحاتشىلاردى مىندەتتى تۇردە كەلۋگە باۋرايدى، الايدا جول بويىندا جاسىل جامىلعى وتە از، وسى ارادا اعاش ەگۋ بوراننان ساقتانىپ، قۇمدى تىزگىندەۋ رولىن اتقارىپ عانا قويماي، S101 ولكە تاس جولىنىڭ بويىنا جاسىل ٴتۇس قوسىپ، ٴتىپتى دە كوپ ساياحاتشىنى ساياحاتتاي كەلۋگە باۋرايدى“.
